بعاند في القرآن

Avocado_21299 🇪🇬

منذ سنة واحدة

شعور مرتبك

عبّر عن شعورك بشكل مجهول

جماعه انا بحس اني بني آدم عنده حالات نفسيه عندي ازمه ثقه بشكل غريب مش بثق في حد خالص و حاولت كذا مره اثق في اختي برجع تاني غصب عني زي الاول بقيت دايما مبينه لاي حد انه مش فارق في حياتي و اني مش مهتمه اللي هو ممكن ابيع في اي وقت حتى لو انا عارفه اني مش عايزه ابعد لا عادي ببعد عشان مش عايزه اتعب نفسيا و بحس بإحساس اني بني آدم مش طبيعي و مش من الاشخاص اللي تتحب بقيت مبعرفش اتكلم وجها لوجه قدام حد هو على وسائل التواصل و يس من غير ما اللي قدامي يشوفني عشان اعرف اتكلم مش عارفه اعدل من شخصيتي الغريبه دي و حاولت اكون انسانه طبيعيه مش عارفه و لما حد يبين اعجابه بيا بنفر منه بأي شكل و اي طريقه يعني كان فيه واحد بيبين ليا اعجابه و انه حابب تفاصيلي و حرفيا مركز معايا اوي بس دايما كنت بعامله بقرف و لما كان بيقولي ذكيه كنت بحاول اعمل نفسي غبيه و لما يشوف اي صفه حلوه اعكسها و زي ما اكون بعاند معاه و بطفشه انا مبقاش فاهماني و لا حسه اني بني آدمه عارفه تتصرف في اي حاجه اصلا و لا شغل عارفه اركز فيه و شايفه اني فاشله و بقيت بخاف من النجاح بشكل غريب مش عاوزه انجح يمكن خايفه من المسؤوليه بس عاوزه افهم ليه اخاف منها ما انا كنت متحمله مسؤوليات حاجات تانيه و كان عادي مره واحده بقيت مش عايزه اشيل ا مسؤوليه ده حتى لما بطبخ اكله و ناس جيه ببقى متدربكه و خايفه و بطلعها وحشه عندا في كلام الناس مع اني دايما بطبخ حلو اشمعنى دلوقتي (انا عارفه انها مشكله نفسيه بس سببها ايه معرفش بجد و بقيت بتعب بسببها) انا وصلت ل مرحله اني بعاند في القرآن يا جماعه انا حسه اني بنهار بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع