بدايه جديده

Chilli_60185 🇪🇬

منذ أسبوعين

شعور مكسور القلب

عبّر عن شعورك بشكل مجهول

انا عندي مشكله خنقاني  انا شخص خد صدمات كتيره قوي في طفولتو وفي شبابو من كل حد اصحابي اهلي كلو لاكن اهلي بقو كويسين وأت حياه جديده فا المهم خلاص كده اشتركت معاه كوتش اونلاين محترف وخدت بطولات ومطلع ناس بطولات وروحت بقا جيم عشان اتمرن علي خطه الكوتش الاونلاين بتاعي كان في كوتش هناك فا انا اول مره اخش الجيم ومش عارف مكان الاجهزه فا المهم انا من الي حصل في حياتو فا عندي نوبه توتر كده فا بالغلط قلتلو اني معايا كوتش اونلاين وفين وفين بقا عقبال ما يفهم اني مش بقل منو واني مش عشان مفيش كوتش حلو في محافظتي خلصت وروحت اتمرن فا وانا باخد الوزن من المكان الي بيحطو في وقع راح شال معايا وقلي باين انك بتعرف تلعب وتلقيح بقا رغم اني موقعتش الوزن من الجهاز  روحت براحه كده كلمتو وقلتلو انت اخويا الكبير ولو في حاجه زعلتك متزعلش مني  قالي لا ومش لا وخايف تتصاب وكده  و لقح مره مرتين بس بيقول لحد بيمرنو ايه مثلا حسك زعلان مني ولا حاجه علي اساس اني روح كلكتو يعني وقلتلو انت اخويا الكبير  ولو في حاجه زعلتك مني متزعلش كنت عايز اكسبو بالحب والاحترام يعني ودي بدايه حياتي الجديده بدايتها زفت 😂 الي انا اعرفو أن الناس في الجيم رجاله كويسه كده ورياضيه مش عشان انا معا كوتش غيرو يقوم متضايق ودي حاجه ضايقتني اوي  وانا اصلا طالع من مدعك وكان معمولي سحر وليله ما يعلم بيها الي ربنا ونفسيتي صفر  وبقيت حساس ودي حاجه خنقاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ شهر واحد

شعور قلق

عبّر عن شعورك بشكل مجهول

السلام عليكم 
يارب تكونوا بخير و بصحه واحسن حال
عارف انكوا بعد امتحان الفيزيا مخنوقين وحاسين ان تعبكوا بتاع السنه كلها ضاع بس والله يا حبايبي ربنا كريم اوي الاهم من انك تكون مذاكر كويس هو انك يكون عندك يقين ياااماااا فيديوهات تتكلم عن ازاي تلم المش عارفه ايه و ايه تلم كذا في ساعتين و ازاي و ازاي بس محدش اتكلم قبل كده عن انك المفروض يكون عندك يقين بربنا انك لو تعبت جامد يومين ربنا هيديك على تعبك ده ربنا مقالش ان اللي هيسعى الاول هو اللي هيديه لا ربنا قال( وان ليس للإنسان الا ما سعى و ان سعيه سوف يرى ) هو مش ممكن يرى لا ده سوف يرى و زي ما قولتلك يلا هنعمل نفس اللي عمالنا في العربي بدراعنا و هنطوح الكُتب بتاعه الفيزيا و والله يا جماعه ربنا هيكرمك في النتيجه انت ممكن تكون حسبت الاسأله اللي غلطت فيها بس محسبتش الاسأله اللي هتحلها و هيوزعوا درجاتها عشان الكل حاللها غلط و محسبتش الاسأله اللي فيها كذا اجابه تنفع و محسبتش الاسأله اللي حليتها بالحب و طلعت صح و محسبتش الاسأله اللي المدرسين هيختلفوا عليها و محسبتش كرم و توفيق ربنا و الله احنا مش عارفين اي حاجه بتحصل و ربنا بيحب عبده المسلم يكون مسلم امره إليه اللي هو يارب انا تعبت و عملت اللي عليا بس الامتحان خذلنى بس انا عارفه انك عمرك ما هتخذلنى وانك معايا دايماً جمااااعه ربنا مسبب الاسباب كلها محتااااج ايه تاااني بجد 
تفائلوا تفائلوا تفائلوا 
و اطمنوا طول ما احنا معانا ربنا منخااافش من حاجه هااا
و يلا انسوا اللي فات و ابدأوا تانى انهارده صفحه جديده و شدوا حيلكوا و جيبوا اخركوا عشان الندم عمره ما بيكون على النتيجه بل بيكون على عدم السعى 
بالتوفيق يا حبايبي❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_25620 🇪🇬

منذ شهر واحد

شعور آسف

جماعه كلو بيتكلم عن ازاي يتخطى علاقه سامه وكانت كلها اذى .. بس محدش اتكلم ولا شرح ازاي نتخطى شخص ما ضرّناش وكان ع المُرّه قبل الحلوه؟ فعليا ازاي الواحد ممكن ينسى حاجه مكانش فيها اذى بس اهي خلصت وخلاص 🙂‍↕️؟

Carrot_61043 🇪🇬 الجواب هو النصيب .. بس كدا نصيبكم وقف هنا او في حاجه مش في ايدكم حصلت .. دا مش معناه ان في طرف وحش .. مش لازم تنسي الوقتي بس الاكيد انك هتقوم منها

عرض الكل 8 نصيحة

Chilli_59992 🇺🇸

منذ شهر واحد

شعور مكتئب

عبّر عن شعورك بشكل مجهول

مش عارف ابتدى ازاى بس انا فعلا تعبت من كل حاجه بتحصلى 
بس انا دايما لوحدى امى فى بينى و بينها مشاكل بقالها سنين بسبب طلاقها هى و ابويا ال انا مليش زنب فيه و عمرها ما حبتنى 
ابويا سافر و سبنى ٢١ سنه مختفى و مسالش عليا و كنت عايش مع امى لوحدنا شفت المر حرفيا امى مرتاحه مديا جدا و مع ذالك من و انا صغير مفيش حاجه عايزها بتجبهالى و قررت اشتغل من اولى اعدادى و دايما كانت بتقولى ربنا مش هيوفقك ولا هيجبلك رزق بس الحمدلله عندى ٢١ سنه و بصرف على نفسى ١٠٠ فى ال ١٠٠ حتى فلوس الكهرباء بدفع معاها النص و من كتر المشاكل قررت ادور على ابويا و بعد ٣ سنين تدوير عليه جبت رقمو و اكتشفت ان عندى اخوات من ام تانيه و  ان هو مرتاح مديا اوى اوى و اتجرات و كلمتو و عاتبتو و قابلتو و اتكلمت معاه فى كل حاجه و كنت ناوى اعرف حقيقتو و همشى مش هعرفو تانى بس عرفنى على اخواتى اليوم دا و لما شوفتهم قلبى واجعنى هما بسم الله ما شاء مش صغيرين كنت مش عارف اقول لاخويا انا مين ولا عرفت اخد اختى فى حضنى حتى قلبى كان واجعنى و كنت عارف انهم ملهمش زنب فى اى حاجه 
المهم قربت منو و من اخواتى بس علاقتى ب ابويا صحاب مش ابويا عمرى ما حسيت انو ابويا و اخواتى مش فاهمنى هما شايفنى كبير و مرتاح مديا و بصرف على نفسى و عايش و هايص و ميعرفوش ان انا محتاج حد معايا بجد كنت فاكر ان هما العوض المن عند ربنا بس لسا مش فاهمنى 
دا مقصرش على حبى ليهم بس صعب نبقا اخوات بجد دايما حاسس انى غريب عنهم و كنت فاكر الاحساس دا هيتغير مع الوقت بش بقالو سنه اهو و متغيرش ما علينا ربنا يخليهم ليا بردو و اكيد لو احتاجونى فى اى وقت هبقا موجود 
لسا حياتى زى ما هى امى متعرفنيش ابويا انا مش ابنو ولادو اخواتى بس انا لا انا واحد صاحبو بينزل معاه ساعتين كدا و خلاص كل وقتى حاطو فى شغلى عشان اعرف اصرف على نفسى عشان مرجعش زى زماان مع العلم انى مش عايز من ابويا مده ولا من امى مده الحمدلله رينا وقف معايا بس لسا حياتى وحشه و حاسس انى دايما مليش مكان ولا فى بيتى ولا عند ابويا ولا وسط اخواتى ولا فى اى حته هنا عشان كدا قررت انى اخلص جامعه و هسافر برا البلد زى ما ابويا عمل و هبعد عن كل دا و الحمدلله على كل حال و انا كا فلان مش مسامح كل الناس الكانو سبب فى الانا فيه دا و حسبى الله و نعم الوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_59478 🇪🇬

منذ شهر واحد

شعور وحيد

انا حد عندي ٣٨ سنه كنت متزوج وحاليا انا منفصل ومريت بتجربة صعبه شويه في جوازي وبعد الانفصال قررت اني مدخلش في اي علاقه ارتباط تاني والكلام ده كان من سنين لحد ما لقيت السنين سرقتني ولقيت نفسي لوحدي مع ان الحمد لله حواليه ناس كتير من اهلي ومن اصحابي بس برغم كل ده حسيت اني وحدي ولما قررت ارتبط للأسف مل

Apple_54293 🇪🇬

منذ شهر واحد

شعور متوتر

كنت نزلت مشكلتي هنا امبارح وقولت اني كنت مخطوبه فتره طويله وعن حب واغلب الناس قالت لازم تنتهي لانه مش هيكون مناسب ليا بعد المشاكل دي طب ولنفرض خلاص وبدات خطوه جديده في حياتي هل لما يجي حد ويعرف اني كنت مخطوبه فتره طويله وعن حب مش هيقلق ويقول دا ماضي والكلام دا؟ ويعد يستفسر اكتر وفي الاخر يبعد !هيخا

Potato_53500 🇪🇬

منذ شهر واحد

شعور عاطفي

حاسه إني لوحدي تماما من بعد التخرج وانا بعافر لحد ما دورت علي شغل وفعلا نزلت تدريب بس لسه لوحدي تماما لو حد عنده حلول ازاي اطلع نفسي من دايره الوحده تكون حاجه مقنعه بجد وواقعيه عشان اقدر اعملها

Apple_53207 🇪🇬 انا كمان زيك جدا بس اوعي تتعلقي بحد بسبب الفراغ دا و ممكن تعملي زيي مع الوقت ف الشغل شوفي وحده تناسبك و صاحبيها و ابقو انزلو مع بعض بس متعمليش علاقات كتير ف الشغل

عرض الكل 14 نصيحة

Banana_51942 🇪🇬

منذ شهرين

شعور قلق

انا بجد بنظام حياتي ده انا م هعرف احقق اي حاجه ف إزاي أغير حياتي ابدأ حياه جديده يعني مع العلم انا تانيه ثانوي معنديش اصحاب عندي معارف بس لما يحصل مشكله بكون الوجه الاولي لنفسي معنديش مشكله مع ده بس وقت الرحلات وقعده الصحاب بحس قد اي انا لوحدي المشكله اني مش لاقيه حد شبهي غير كدا عندي مشكله ف الالت

Hazelnut_52786 🇪🇬 اعتمدي علي نفسك واعرفي انك في مرحله بتبني فيها مستقبلك وكل التوفيق بالنجاح

عرض الكل 2 نصيحة

Apple_52131 🇪🇬

منذ 5 أشهر

شعور وحيد

صباح الخير يوم جديد.. تحدي هيفشل جديد ممكن تقترحو عليا حاجه اعملها طيب؟ تارجت تافه حتي انا لسه عايز ابدا فمجال ااريح من النت ف ممكن ارجوكم تكوني دعمي والسبورتر لي؟ ممكن اعتبر المنصه دي ك بدايه لاني خجول جدا ف ممكن تقطرحو عليا افكار اجربها سواء فيد تيك او حاجه شفتها عاليوتيوب؟ والاهم انا عا

Blueberry_40443 🇪🇬

منذ 8 أشهر

شعور متحمس

موضوع:

ازاي قدرت تتخطى احساسك ب الندم على فرصة ماستغلتهاش

مش بندم الحمدلله علي فرصه ضيعتها لاني مؤمن انها او نصيبي هتبقا ليا حتي لو كل البشر اجتمعو انها متبقاش ليا واصلا اصلا حياتي اتغيرت بحادثه انتو متخيلين حادثه تحصلك في وقت ما في حياتك تقعدك في البيت اسبوعين ترجع تلاقيه نقطه فاصله في حياتك للاحسن واكنها رساله من ربنا بيقولي انت كنت بتعافر في المكان ال

Cookies_37733 🇪🇬 ما شاء الله دي حاجه كويسه اويي معني كدا انك مؤمن بربنا وعارف انوا مبيعملش حاجه وحشه لنا ربنا يحميك ويقويك ويوفقك وتفضل ف نجاح دايما يرب 🤍

عرض الكل 3 نصيحة