بجاحة

Peanut_51983 🇪🇬

منذ أسبوعين

شعور لا مبالٍ

Mango_29955 🇪🇬 حاولي بعد كدا تحفظي ملكية الروايات أو المسرحيات اللي بتكتبيها علشان لما يقول اي انها بتاعته تعرفي تقاضيه بيها

عرض الكل 1 نصيحة

عبّر عن شعورك بشكل مجهول

استوري تايم طويلة حبتين 🗿
في شهر 1 اللي فات قرارت اني اطور موهبة الكتابة عندي و كلمت شخصيه كنت أعرفها كنت بكتبلها اسكربتات مسرحية وكده بس قالتلي انها غيرت مجالها و كلمتلي اللي مسك المسرح 
فالشخص ده طلب يقرأ حاجة كتبتها وكان متاح معايا ملف روايتي و قرأها و وافق اني اشتغل معاه فضلت اكتب اسكربتات كتير منها اللي بيوافق عليا و منها اللي بيقول محتاجين حاجة تانية فا بعتلي اسكربت هو كاتبه عشان اجمع منه افكار اكتر عن مطلبه وبالفعل من بعدها وافق علي اسكربتين منهم واحد اداني معاد اول بروفه في شهر 5 كنا تقريبا في شهر 3 وقتها 
فيعدي الوقت و انا قرارت اني مش هاكتب لحد ما تتعرض ليا مسرحية علي الاقل و اكمل كتابة في روايتي فيمر الوقت و نبقا في شهر 5 وبضبط يوم 23 /5 
ألقي منزل الاسكربت بتاعي و مغير اسماء الشخصيات بس هو نفس أفكاري و في نفس الجمل بالنص ياجماعة وكاتب عليه انه تأليفه وقتها الكهرباء مسكتني من كتر العصبية اللي كنت فيها فا انا ليا صديق في المجال ده وكده فبعتله الاسكربت الأصلي بتاعي و الاسكربت اللي الشخص ده نزله قولت يمكن بيتهيالي وبالمناسبة هو نزله علي جروب المسرح اللي انا اصلا فيه قمة البجاحة 
فالمهم صديقي كان رائيه من رائي وان ده فعلا بتاعي 
انا بقا عملت اي 
انا لو كنت رنيت عليه كنت سمعته كلام يدفن نفسه بعده 
او كان ممكن اخد اسكرين للشات اللي بينا و الاسكربت اللي انا باعته والتاريخ وانزله علي صفحة المسرح الرسمية واعمله تاج وقتها كان هيخسر شغله و سمعته وكل حاجة حرفيا لان ده مش موقف هين 
فانا قرارت اني هافضل في الجروب لحد ما اقرر اعمل اي وفي النهاية خرجت من الجروب وقولت خلي يشبع بالاسكربت والانتقام مش طبعي واسال الله ان يعوضني خير 
في نفس الدقيقة دخل كلمني بعد ما خرجت من الجروب وقولتله بقا هو عمل اي فكركم رد قال اي 😂😂😂😂 
هاقولكم انا قال اي 
قالي كان مفروض تيجي و تتناقشي معايا مش اخرج من الجروب من غير اي مقدمات وتمام لو كان ده اللي عاوزه !!!!
فانا ياجماعة فضلت متنحة من كتر البجاحة اللي هو إنت حرامي و بجح يعني مش حاجة واحدة وبجد 
ال trust issues وصلت اعلي مراحلها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.