اوفر ثينكينج قصص حقيقية - 1 تجارب، ونصائح، ودعم

Coconut_14636 🇪🇬

منذ سنة واحدة

شعور Not great 😕

مش عارفه اسيطر علي افكاري الي بتحاول تقنعني ان محدش بيحبني انا مش شخص اجتماعي ودايري القريبين مني والي بعرف اخرج شخصيتي الحقيقيه معاهم قليلين بس مش عارفه اسيطر علي فكره اني عمري مكنت الfirst choiceبتاع حد! دايما بيكون عندهم ناس اقرب ليهم مني انا بحب صحابي جدا بس بحس دايما ان مكاني عندهم مهدد مع اني

مش عارف أعيش حياتي ومشغول بالجواز

انا شاب سني صغير 16 سنة ازاي ابطل افكر في العواطف والجواز والرومانسية وكدة حرفيا تفكيري تقريبا اغلبه بيتجه نحو الاتجاه دة ومش عارف أعيش حياتي حاسس اني مستني اليوم اللي اتجوز فيه بفارغ الصبر ازاي اكره الجنس الأنثوي بشكل عام ...عرض المزيد

0 الدعم

0 نصيحة

خايفة أفشل وأكمل لوحدى وعمري 30 سنة

انا خايفة.. انا بخاف ديما حتى وانا بحاول احسس نفسي ان دا مش خوف بس النهاردة اول مرة احس بالخوف من اى حاجة جديدة .. خايفة افشل خايفة ازهق خايفة ميكونش طريق صح.. ببدأ حاجات كتير في حياتى ومش بكمل .. كل حاجة خوفت منها قبل م تحصل حصلت!! كل شئ خوفت منه ربنا اختبرني بيه.. انا حتى لما حد بينزل بوست في اى مكان واقرر اعنل كومنت اقول رأى بخاف لو حد رد عليا بطريقة مش لطيفة او تريقة مش لانى مش عارفة ارد لكن مبحبش اوصل الامور للغلط لانى مبحبهوش بحس بضغط وبمسح الكومنت وبقول مش هعمل في نفسي كدا تاني حاليا خوفي الجديد اني بكبر ٣٠ سنه وماشية في ٣١ وانا معملتش حاجة بدأت في حاجات كتير ومكملتش ..خوفي انا أكمل لوحدى في الحياة ودا مش بسبب ان مفيش ناس لا بيكون فيه لكن مش برتاح معاهم.. مؤخرا قررت اشتغل ع نفسي اسافر محافظة جديدة احسن الانجلش اتعلم جرافيك .. مكان الكورس الى مليت الفورم بتاعهم كلموني وكنت متحمسة بس ماما قعدت تقولى اسألى صحابك فمن كتر الاراء خوفت ماما عايزاني اتعلم انجلش وجرافيك وكل حاجة بس هي بتحب تخليني اتأكد وانا كتر الاراء بتشتتنى او حد يقولى اماكن تانية فبلاقي جوايا بيهرب من التفكير بانه لا خلينا كدا وخلاص بحس انى خايفة اجرب حاجة جديدة جوايا حاجة زي الباب بتمنعنى وبشيل الهم.. انا عايزة اعمل حاجة مش عايزة اعيش حياة روتينية لكن مش عارفة بسمع نصايح كتير بس الى مانعني من جوايا الى مانعني خوفي ...عرض المزيد

1 الدعم

10 نصيحة