انسحاب من الكلية

Potato_55495 🇪🇬

منذ شهرين

شعور محبط

Chocolate_55859 🇪🇬 ادعي واتصدق عنه ده افضل هو في احسن مكان باذن الله بس أتصدق وادعي له كتير ربنا يريح قلبك

عرض الكل 2 نصيحة

عبّر عن شعورك بشكل مجهول

اتمني تقرأوا كله
انا طالب جامعي السنة اللي فاتت كنت ف سنة اولي 
و شغف الكلية كان مخليني احضر كل يوم و مسيبهاش مع اني كنت لوحدي 
اخويا من صغره و هو مريض ب القلب و عمل عملية و هو صغير عنده 3 سنين و الدنيا تمام المهم كنا نفضل نسأله حاسس ب أي حاجة تعباك يقول لا و للاسف هو كان نفسه يحس انه مش تعبان و انه زي الكل و مفيش فرق بينه و بين اي حد 
لحد و هو عنده ١٦ سنة للاسف ده كان معاد العملية التانيه روحنا للدكتور الدكتور قالنا هو ازاي عايش لحد دلوقتي و انه تعبان جدا ولازم العملية تتعمل و هو لما عرف انه هيعمل العملية رفض تماما الموضوع و فضل يعيط و يقول انا عايز اعيش كدا مش عايز اموت دلوقتي لحد ما اقنعناه ان الطب اتقدم و انها حاجة بسيطة 
اوراق العملية اللي عملناها ف سنتين و هو صغير اتعملت ف اسبوع دخل العمليات كان عايزني ابات معاه انا مش ماما و والدتي رفضت رفض تام و هو زعل مني ان هو اللي كان مصمم بس و انا كان عادي علشان كان عندي كلية تاني يوم و تسليمات زعل جدا و الكلية كانت ف اوقات الزيارات لحد ما ف يوم معاد العملية اتحدد تاني يوم الصبح و هما كانوا قايلي لسة خمس ايام انا عرفت الساعه اتناشر بالليل فضلت اعيط حسيت انه هيموت و مكنش فيه زيارة ف الوقت ده و معرفتش اعمل ايه الصبح قالوا العملية اتاجلت يومين كسلت اروح اشوفه علشان منمتش من العياط و للاسف تاني يوم علطول دخلوه العمليات مش زي ما قالوا يومين دخل العمليات و انا تعبت مبقيتش اقف من السرير نزلة معوية شديدة قعد اربع ايام ف العناية المركزة لحد ما فاق و انا مقومتش من السرير لحد ما فاق كنت بكتفي ب وصفهم ليه لما يجوا من الزيارة لاني مش هقدر اشوف الخراطيم اللي ف جسمه لحد ما طلع و جالنا زعل اني مبتش معاه خلانا منسلمش علي بعض حتي احنا ف القاهرة بس اهلنا ف الشرقية طلب يسلم علي اهلنا راح مع والدي و تمام مكالمة من والدي بعدها بيوم انه مات 
انا من يومها و انا جسم بدون روح عيطت عليه كتير عيني تعبتني بقيت بنزل دموع طول الوقت تعبت نفسيا بقيت لما افتكره يجيلي نغزة ف دماغي دماغي مش عايزة تفتكره علشان متعبش عيني و مبقيتش طايق اسم الكلية و مبقيتش اروح و مروحت الترم التاني خالص ولا سنة تانية و عمال اشيل ف مواد و اخش سمر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_73514 🇪🇬

بتتضايق من الأخطاء الإملائية لحد إني ممكن أرفض خطيبي؟

سؤال غريب أنا واحدة بتتضايق م الأخطاء الإملائية ولما اتكلم مع ناس عندهم أخطاء إملائية كتير بفقد اهتمامي بيهم .. وبقول لما أتخطب لو لقيت عنده أخطاء إملائية كتيرة ممكن افسخ بسبب كده ... ف الأول كانت وجهي نظري إن الأشخاص اللي عندهم أخطاء كتير ربما مستوى تفكيرهم أقل من غيرهم أو إنهم أشخاص مهملين ومش منضبطين لأني شفت ده ع الواقع .. بس لاحظت هنا في ناس ما شاء الله تعليم عالي وناجحين ف حياتهم وبردو عندهم أخطاء إملائية .. هل في حد بيفكر زيي؟ وإيه وجهة نظركم؟ ...عرض المزيد

0 الدعم

1 نصيحة

Ice Cream_72356 🇪🇬

محدش بيسأل عليا لما بمر بوقت صعب.. العيب فيا؟

انا شخصية بحب اساعد الناس دايما وأحيانا باجي على نفسي عشان اساعد غيري، لكن بلاحظ كل مرة اني لما بقع فى مشكلة أو بمر بفترة صعبة محدش بيكون معايا، لدرجة ان اخر موقف صعب مريت بيه كانت ردود الأفعال عبارة عن استهزاء بمشكلتي اللي هي اصلا كانت كبيرة، وجالى رد فعل صريح من صاحبتي بتقول خلصي مشاكلك وكلميني عشان احكيلك الحوار بتاعي وتقوليلي اعمل ايه هل ده طبيعي!! ولا الناس بقت بجحة للدرجة دي؟ ولا العيب فيا انا؟؟؟ ...عرض المزيد

1 الدعم

8 نصيحة

Pineapple_70998 🇪🇬

رايح حفلة لوحدي لأول مرة.. هتكون ازاي؟

اول مرة هروح حفلة لوحدي ماعرفش بصراحه التجربة هتكون ازاي وهل هعرف انبسط وأنا وحدي ولا هحس احساس سخيفة، هل حد عنده تجربة يقولي كان ايه احساسه، ولو برضوا حد رايح حفلة وحده ومش لاقي حد معاه عادي يقولي ونروح سوا ...عرض المزيد

0 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع