انتقادات

Sugar_52351 🇪🇬

منذ 3 أسابيع

شعور محبط

عبّر عن شعورك بشكل مجهول

انا مامتي كل شوية مبتعملش حاجة غير انها تنتقدني و بس و آخر حاجة اني انزل اشتغل و الفكرة اني بجد حاولت و سألت بس مالقيتش حاجة مناسبة و هي مش بتعمل كدا عشان الفلوس لا هي بتقول انها عايزاني اشوف الحياة عاملة ازاي و الكلام دا كله و اني لما اشتغل هقدر قيمة الفلوس اكتر و الفكرة انها لو عايزة تدينا فلوس اكتر هي و بابا هيعملو كدا بس انا باخد عشرين جنيه في اليوم او باخد مصروفي في الأسبوع 150 فا اصلا يومين و بيتصرفو فا الفكرة اني اكيد عايز فلوس اكتر فا طبيعي لو لقيت حاجة مناسبة قدامي هشتغل اكيد بس فا قولت خلاص انا هحاول اشغل يومي بحاجة مفيدة فا نزلت الجيم مع صحابي بقالي اسبوعين و قولت انا بعمل حاجة بدل الملل اللي في البيت و ببقى مبسوط فعلا لما بنزل الجيم بس بردو رجعت تقول ع موضوع الشغل دا تاني و تقولي دا كذا بيشتغل و كذا بيشتغل فا اصلا انا مالي قولتلها ماشي انا الوحيد اللي مش بشتغل في كل اللي حواليا بيشتغلو و انا عايز كدا (اكيد مش كل اللي حواليا ) بس بقول زي طريقتها و تفكيرها بس و الفكرة اني اصلا 19 سنة و لسا مخلص سنة اولى كلية علاج طبيعي و كنت مضغوط فترة الامتحانات و كدا فا المفروض تخليني اهتم بدراستي و تساعدي ارتاح و اتبسط في الاجازة مش العكس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_63972 🇪🇬

منذ 4 أسابيع

شعور وحيد

مرات بمر على الإنسان ايام يحس نفسو انو مش قادر يكمل أو يواصل حياتو بسبب حاجات ممكن نقول عليها مغامرات مش مواقف لاننا مش عربات 😅.. مثلا انك. تصاحب وتعمل كل الفي يدك للقدامك بس ما ينفعش .. أو تبطل تصاحب وتجرب علاقات لانك محروم من شي اسمو مشاعر 😹 وبدل ما تخط نقط على الحروف بس تكتب وتكتب ويجي مصحح يط

Mango_15760 🇪🇬

منذ 3 أشهر

شعور ضائع

عبّر عن شعورك بشكل مجهول

محتاجه احكى وحد ينصحنى بجد عندى مشاكل كتير اوى مع امى بينا سد كل واحد فينا حط طوبه لحدلما بثا صعب نعديه الحكايه بدأت من طفولتى لما كانت بتقارنى بلكلب الى ماشى ف الشارع اى حاجه بقدمها بتبقا ناقصه ووحشه حتى شكلى كرهتوا بسببها قعدت فتره مش ببص ف المرايه من قرفى من شكلى بسبب تنتقادها لشكلى وهزارها هى واخواتها على شكلى عمرها ما نصفتنى حتى دموعى كانت بتتريق عليهم لحد لما اقسمت ما هيطلعوا قدامها حاولت انتحر كذا مره وانا لسا طفله معدتش العشر سنين مكنش ليا صحاب معدومه الشخصيه حتى ف شغلى كانوا بيستغلونى ومقدرش اتكلم لحد لما اكتشفت انها عاى علاقه بحد تانى غير ابويا كنت بدعى ساعات انوا يكلمها عشان مزاجها يروق وتبطل زعيق فينا كبرت قبل سنى وسكوتى زاد والدوشه جوايا عليت كبرت وانا بشحت الحب والاهتمام من اى حد وكنت مقرره هعيش لوحدى ومش هتجوز بس ربنا اراد يحط قدامى حد يصلح كل حاجه باظت واتهدمت جوايا بس طبعا هى رفضت هى عايزه حد تتفشخر بيه وهو عندوا الى يتفشخر بيه بس مش بيحب كداا بتتدخل ف كل حاجه لما بييجى بتبقا مضايقه لو شافتنا بنتكلم ومشاكل من انتى بتكلميه اهو اشمعنا هو وكل شويه حورات واد اي انا مأفوره وكدا برخص نفسى وازاى يقولك متلبسيش بناطيل وانا مش حابه شغل بعد الجواز لان تجربتى معاها مش افضل حاجه كانت مهملانا ف سبيل شغلها فا مش حابه شغل هى لا ةزااى ما فلانه بتشتغل وفلانه وحورااات على اي حااجه حرفياا وكل كلمه تحسبن علياا وتقولى متفتكريش حياتك معاه هتبقا حلوه ولا هو نجاه لا ابداا ديه هتبقا سواد على الى بتعمليه فيا اناااا مش بعمل حاااجههه اهاا انا ممكن اكون مقصره ف البيت وبصحى متأخر بس مش للدرجادى انا اصلااا خايفه من الجواز ليه تتنبئيلى بكداا وعايزانى اتكلم معاه وكداا ما كنت بشاركك بس انتى استغليتى داا وبتفسرى كل حاجه على مزاجك ومتنبأه علاقتى هتبقا زى علاقتها لانها انفصلت هى ووالدى اعمل اي بجد انا تعبتت حرفيا وكل شويه حسبنا ودعا عليا بحاجات تخلى الواحد عايز يقطع نفسوا من بشاعه الدعاء وتقولى انها مش راضيه عليا طب ما انا كمان مش راضيه انا كمان اتأذيت سنين بسببككك مش عارفه اتخطى ولا عارفه اسامحك مش عاااارفهه محتاجه حد بجد يقولى اعمل اي انا تعبت والله والافكار الموت بترجعلى تانى  حاسه هييجى عليا وقت وهعملها الى منعنى ان فيه حاجه ف الدنيا بحبها ومش عايزه اسبها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_51892 🇪🇬

منذ 7 أشهر

شعور غير مكتمل

جماعه أنا بحاول اوصل لحاجات عاديه مش كتير و اشتغل و ادرس وبطور من نفسي و بردوا اهلي شايفني قليله و فاشله و عبيطه و مش هتجوز و ماستهلش رغم اني بحارب علي اساسيات اني اكون مبسوطه اعرف اخرج حتي مش كل يوم انتقادات مش كل شويه كلام سلبي مانتي بتأكلي و بتشربي و باخد كلام زي السم قبل الاكل و الصبح و بالليل

Broccoli_51883 🇪🇬 كل اللي عليكي تعمليه انك تحاولي متتأثريش بكلامهم و انك تكملي في اللي بتعمليه و تثبتيلهم عكس اللي هم شايفينه و فاكرينه عنك

عرض الكل 8 نصيحة

Coconut_34822 🇪🇬

منذ 8 أشهر

شعور غير مكتمل

عندي مشاكل كتير في حياتي والحمدلله أنا مبسوطه جدا ومتقبله ده والحمدلله أنا شخصيه مرحه جدا لابعد الحدود ومش شكر والله بس انا اي مشكله باخدها بضحك مع اني بكون مقهوره بس في نفس الوقت ببقى مبسوطه مش فاهمه ليه ويضحك كتير ومبتسمه دائما مش فاهمه ليه لدرجه ان ده بقى يضايق البعض من الناس لاني مش باخد حاجه جد

Strawberry_49842 🇪🇬 انتي مافيش منك والله سيبك من كلام الناس ده و خاليكي حابه نفسك زي ما انتي . بس حاولي تاخدي الأمور بجديه شويه لو هيا جد . و اللي يفك حياتك وردي يفكرها دايما خالي عندك حتت فكك و اي حد يقولك انتي كذا أو مش كذا وقفيه عند حده متاخديهاش بهزار خالص طالما ده بيجي علي نفسيتك عند النفسيه ونقف هنا لازم توقفيهم . بس براحه فاهمه يعني لو قال ليكي انتي هبله قولي انت شايفني كده ده رأيك مايخصنيش مع ابتسامه .

عرض الكل 14 نصيحة

Avocado_27290 🇪🇬

منذ 9 أشهر

شعور مكسور القلب

صاحبي مش عارف يعيش حياته طبيعي كل يوم ييجي يحكيلي عن اللي بيحصل بينه وبين حبيبته ازاي بتكلمه بطريقة مش لطيفة ولا تقدر اللي بيعمله علشانها ياما استحمل وياما حاول يخليها مبسوطة ودايمًا يجيب لها اللي هي بتحبه بس في الآخر مفيش غير انتقادات وزعل من غير سبب دايمًا شايفه انه غلطان ومش كفاية على الرغم انه ب

Waffle_30059 🇪🇬

منذ 9 أشهر

شعور وحيد

كل ما اعرف حد بكون كريمة معاه لاقصي درجة هو لله قبل اي حاجة بس بقت تتردلي في معاملة اي كلام و بالعكس بيتصلوا بيا عشان يعرفوني اد اية حياتهم صعبة و اسمع كلام سلبي لسنين وحاجات كدب والحلو كله بيخبوا وحتي لو ربنا كرمهم بيخبوا اي حاجة هي الناس بقت لية كده انامخدتش حب من اهلي و بتقي الله في معاملة ال

Tomato_37795 🇲🇦

منذ 9 أشهر

شعور متعب

يا جماعة والله قصتي حقيقية هي عبارة عن مواقف وليس قصة لدي اخ اكبر من بسنتين بالنسبة الي اكره شخص الي ،هو سبب عصبيتي وتوتري دايما لازمه يخرب علي كل لحضة وانتقاداتو مرة تحطم ،ونسيت اقول الكم هو شخص نرجسي واستغلالي ومغرور لدرجة مااقدر اوصفها لكم واذا تميزت عليه بشي يتحول لحالة غضب مو ممكنة مثلا اشتريت

Watermelon_33698 🇪🇬

منذ 9 أشهر

شعور فخور

انا معنديش رهاب اجتماعي بس انا بخاف أخرج لوحدي أو اتعامل مع ناس معرفهاش لوحدي مش بعرف اعتمد ع نفسي لوحدي بره لحد م كنت ف درس مره وكنت راحه مواصلات ف كنت واحده فلوس قد الموصلات بس روحت وخوفت آخد باقي فلوسي ونزلت ومعرفتش أروّح خوفت وأيدي اترعشت لأن اول مره أخرج لوحدي ف بلد معرفهاش صعبت عليا نفسي اوي

Coffee_27927 🇪🇬 عاش اوي بجد

عرض الكل 4 نصيحة

Strawberry_13954 🇪🇬

منذ سنة واحدة

شعور Not great 😕

زعلانة من كل حاجة بالله... نفسي اخرج بس لوحدي نفسي اعمل كل حاجة طبيعية زي الناس عاوزة اتحرر اخرج من البيت و اروح لأماكن بحبها.. نفسي اتعامل بشخصيتي الطبيعية التصنع اللي بتعامل بيه مع الكل مزهقني... بتعامل اني بخير بس انا بجد مش بخير خالص... مش بتعامل بتصنع غصب والله لاني لما جيت اتعامل بشخصيتي قابلت

Mango_60502 🇪🇬

نادم على اختيار الكلية ومحتار اعالج الاكتئاب

ازاي اعالج اكتئاب اختيار الكلية الخطأ اختارت كلية كنت مفكر أنها انسب كلية ليا لكن طلعت غلطان و نفسي احول بس الاوان فات خصوصا ان التخرج قرب انا متقبل المواد لكن سوق العمل مطلعش زي ما كنت متوقع طلع اسوأ بكتير ...عرض المزيد

0 الدعم

0 نصيحة

Sugar_64732 🇪🇬

اعذروني يا جماعه ما كنتش اعرف مش هعملها تاني

ده كله كنت مفكره shy يعنى ابتسم طلعت فى الاخر خجول يا جماعه اعذرونى كنت بنزل منشورات مينفعش يتحط عليها شاى بس والله ما كنت اعرف اعذرونى ادينى عرفت مش هعملها تانى بس ياريت تعملوا نفسكم مشوفتوهاش خاصه بآخر منشور ليه وجزاكم الله خير الجزاء ...عرض المزيد

0 الدعم

4 نصيحة

Sugar_64732 🇪🇬

أنا قرفان من نفسي.. ازاي أتخلص من العادة السرية؟

#العادة_السرية موضوع شائك وصادم .. بس للأسف أصبح منتشر وبكثرة .. و بقى ذنب منتشر بين الشباب بل والأكثر رعبا بين الفتيات! فيه منهم اللى أصبح ، بالنسبة ليه عادة، وفيه اللي متألم بسببه وبيجاهد يتوقف عن الذنب ده ومش عارف! ممارسة العادة السرية عادة تصل إلى الإدمان يشكو دائما من أصيب بها أنه كلما أقلع عنها عاد إليها😞 وبيسأل.. ازاي يتخلص منه و دايما بيقول ( أنا قرفان من نفسي وحاسس جدا بذل المعصية ) ودي بعض الامور اللي تتبعها عشان تتخلص وتتوقف عن الذنب ده وتتوب إلي الله توبة نصوح 👐 :- 1- لازم تبقى عارف إن ده ذنب عظيم .. متبررش لنفسك .. واجه نفسك بـده .. قال تعالى (وَالَّذِينَ هُمْ لِفُرُوجِهِمْ حَافِظُونَ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ) وقال النبي صلى الله عليه وسلم:( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء.) 2- وادعي واسأل الله العون أن يعينك أن تقلع عن هذه العادة وهذا الذنب .. وأكثر من الدعاء والتضرع لله .. تبرأ من حولك و قوتك.. أنت ولا حاجة لولا توفيق الله و قدرته واشتكي إلى الله ( قَالَ إِنَّمَا أَشْكُو بَثِّي وَحُزْنِي إِلَى اللَّهِ ) اشتكي انك جربت وحاولت وانك عاوز تكون مطيع لله بعيد عما يغضبه. اساله سبحانه أن يزيل حب هذا الذنب من قلبك . 3- اعزم عزما اكيدا صادقا على التغيير 💪 . 3- سد جميع الأبواب .. لا تتهاون مع نفسك إطلاقا لأن الأمر يسبقه خطوات.. نظرة محرمة يتبعها تفكير لو استرسلت فيه غالبا بتقع فيها وافتكر (يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ) هي خطوة وبتجر التانية لكن لو كنت يقظ في البداية (لأول خطوة ) الأمر هيكون مختلف. 4- (مجاهدة ومجاهدة ) زي الرياضة بيكون الأمر في البداية متعب لكن مع المداومة بيزول التعب وبيصل الإنسان للي عاوزه (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ ). عارفين لما الأم تيجي تفطم طفلها ( في البداية الأمر بيبقي صعب .. لكن يوم عن يوم بيقل .. بس أوقات الأم بتغلط غلطة .. بعد ما تفطم طفلها ويتألم هو طوال الأيام ويكون على وشك إنه يعتاد الأمر ترجع ترضعه وتصعب الأمر على نفسها وعليه .. لأن الرجوع تاني بيكون أصعب من الأول ) تأكد أنه بعد العزم والتوبة لاشك أن الشيطان هيزين لك الأمر بعد وقت .. المجاهدة أول مرة بتكون صعبة لكن لو انتصرت على الشيطان وعلى النفس بعون الله بيكون الأمر مختلف. استحضر إن ده هيكون اختبار صدق توبتك (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) 5- بعض الأمور اللي هتساعدك جدا مترجعش تاني👌 * حاول ما تقعدش لوحدك أبدا وتدخل للنوم إذا غلبك وما تدخلش من باب الجلوس فقط و لما تقوم من النوم حاول تقوم بسرعة ما تقعدش كتيير بعد استيقاظك . *قلل وقت الاستحمام . *املأ وقت فراغك بحيث ما يكونش فى وقت للتفكير أو للخواطر السيئة ..(بصلاة، حفظ قرآن، عمل، قراءة، رياضة، أعمال تطوعية خيرية،أي شئ نافع ومفيد .) 6- كل ما تحب ترجع افتكر الندم اللي بتندمه بعد ما بتعمل الذنب ده ومقدار الألم اللي بينتج بسببه وإن وقت الاستمتاع به قليل وبعدها بيكون كآبه شديدة وندم وحسرة 😥 وافتكر انك ممكن في لحظة تموت في الوقت ده تحب يتكتبلك خاتمة بالشكل ده؟ 😥 كمان لازم تعرف إن ذنوب الخلوات أصل الانتكاسات! 7- حافظ على الصدقات وزيادة النوافل وقراءة القران (وانوي فيه نية الشفاء من هذه الشهوة ) فقد قال الله تعالي (وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ) وأذكار الصباح والمساء وأذكار قبل النوم . خلي يومك كله ذكر .. لا تجعل لسانك يفتر عن ذكر الله. 8- تذكر الحساب ويوم القيامة وانك هتقف وتسأل أمام الله عن عينك وعن ما أمرك الله بحفظه هلى حفظته " والذين هم لفروجهم حافظون واعلم أن الله لم يحرم عليك شئ إلا وأعطاك القدرة على البعد عنه(لا يُكَلِّفُ اللَّهُ نَفْسًا إِلَّا وُسْعَهَا) وهو الذي خلق فيك الشهوة وأعطاك من القدرة والإرادة ما يمكنك التحكم بها. يا شباب ويا بنات الامر مش سهل لكن تقدروا عليه 💪 الأمر محتاج عون من الله وصدق في التغيير ويقين وحسن ظن بالله أنه سيعينك ويثبتك هو القادر وهو أرحم بك (وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ) ...عرض المزيد

6 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع