انتقائية

Mango_70768 🇪🇬

منذ 5 أيام

شعور ضائع

عبّر عن شعورك بشكل مجهول

جماعة انا عندي مشكلة انا مش عارفة والله هي مشكلة ولالا
انا شخصية هادية اوي وكلامي قليل ومش رغاية خاالص يعني برد ع قد الكلام مش بعرف اعمل حوار ومناقشة مع كل الناس وحاسة ان دا سبب من اسباب ان معنديش صحاب
انا معنديش مهارات التواصل بشكل كافي او بمعني اصح انا مش النوع الرغاي الي بيتكلم كتير انا ممكن اقعد مع حد من صحابي او اي حد ساكتة ودا الصراحه ساعات بيسببلي احراج اني بحس اللي قدامي مل او زهق مني
انا انطوائية شوية وانا عارفة ان دا سبب رئيسي ان معنديش صحاب كتير
ماما دايما من وانا صغيرة مش عجبها شخصيتي اني كدا ودايما بتقولي مفيش حد ييحب حد كدا وانك لازم تبقي كلمنجية شوية لدرجة دايما بتحسسني من وانا صغيرة لحد دلوقتي ان الشخص الانطوائي دا عنده عله ولازم يتغير.  ماما شخص اجتماعي عكسي تماما
انا بردو مش للدرجة والله انا لما بقعد مع حد وبستريح معاه في الكلام ممكن اتكلم معاه للصبح وارغي واهزر وحتى ناس كتير بتقول عليا روحي حلوة وطيبة
لكن في نفس الوقت مش رغاية يعني فهمتو قصدي
انا مش عارفة اغير طبعي انا كدا لكن ماما دايما محسساني اني عندي عله بسبب هدوءي وقلة كلامي
لدرجة بقيت احس ان عندها حق ان محدش بيحب حد انطوائي
انا مش متوحدة ولا انطوائية للدرجة اللي هي شيفاها انا بس انتقائية
فهل انا فيا مشكلة ولا دا عادي ولا ايه عشان مبقتش افهم نفسي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع