اماكن امنه قصص حقيقية - 1 تجارب، ونصائح، ودعم

Orange_51919 🇪🇬

منذ 7 أشهر

شعور مرهق

بحاول على قد ما اقدر اكون كويسه بس مش حسه ان انا كويسه خالص كذا حاجه بتكون حاطه عليها املي عليها بس الدنيا بتبوظ اكتر مش عارفه اعمل ايه عايزه اخرج من جو الاكتئاب اللي انا فيه بقول النهارده لازم اطلع من اللي انا فيه لا بكره وما بيحصلش حاجه ممكن لو حد عنده نصيحه يقولي حاجه اغير بها الروتين ده انشطه

توهان وحيرة ومش عارفة أنا عايزة ايه

توهان وحيرة. لخبطة ومش عارفة انا عايزة ايه بالظبط مافيش شغف ولا طاقة لشئ انى اتعلم شئ جديد أو اركز ف مجالى ازاى اجدد طاقتى مع الشعور بالوحدة وانى لوحدى ٣٢ سنة لا شغل ولا ارتباط وكل اصحابى اتجوزوا واخلفوا واللى شغال ومستقر ف شغله او بيته اكيد عندهم مشاكلهم برضو بس حاسة انهم ف وادى وانا ف وادى عايزة اتخلص من احساس الفشل والوحدة والانطفاء وأركز ف حياتى حياتى انا مش استنى مرحلة معينة عايز اعيش مرحلتى الحالية مااندمش انى ضيعتها ف حد كدا زيى ولا انا بس اللى كدا 😣 ...عرض المزيد

0 الدعم

2 نصيحة

اتعلقت بيه واتصدمت.. مش عارفه اعمل ايه

جماعه انا واحده حصل معايا كذا موقف ف حياتي ف بخاف من الفقد يعني عملنا حادثه زمان امي اتوفت وعلي مدار حياتي كذا حد اتوفي او بعد وهو قريب مني ف انا حياتي منغلقه جدا وكده ف واحد دخلي واصر انه يتعرف عليا ويكلم اهلي وانا كنت ف الاول رافضه وبعدين وافقت وبالفعل كلم اهلي هو ظابط وانا ف كليه طبيه ف ال حصل ان بابا رفض وهو حاول معاه تاني بس بابا رفض خالص ف هو قال هحاول تاني وفضلنا نتكلم وانا اتعلقت بيه عشان بجد عندي عقده والله وبخاف ان حد يمشي ويسيبني بعد م تعلقت ف حسيت انه بيكلم بنات او كده وكان بينكر فجاه الاقي صوره انه قرا فاتحه علي بنت تانيه وهو مقاليش حتي ومكمل معايا ولسه كان قايل من يومين هنعمل اي ف مرضوعنا وبنفكر انا اتصدمت لما عرفت وال صدمني اكتر اني عرفت صدفه مش منه ف انا مدمره بجد وبعتله الصوره وكتبت كلمتين وعملت بلوك وهو حاول يتواصل معايا بس انا بجد قلبي متكسر ومش عارفه اعمل ايه وحتي بيجي ف دماغي انه بما انه ماشي عادي ف علاقتنا مع انه قرا فاتحه او خطب بتخليني افكر اني ارجعله عشان بجد تعبت مع اني كنت بقوله خلاص بما ان بابا مش موافق خلاص شوف حياتك بس هو كان بيصدني ويقول لا هحاول وانتي اقفي معايا مش عارفه اعمب ايه هل لو كلمته وهو برر او حاجه هل انا هرتاح ولا اعمل ايه انا كنت مستعده اني اضحي ب اي حاجه عشانه ومستوايا اعلي منه وكل حاجه ومبصتش علي ده كله عشان حبيته بجد وبالرغم ان بابا موافقش بس كنت هحاول وهضحي وكده ...عرض المزيد

1 الدعم

3 نصيحة

عاوزة أكون أقرب لربنا ونصائح للثبات

محتاجة نصيحة عاوزة اتعلم عن الدين اكتر عاوزة اكون اقرب اكتر لربنا عاوزة خطوات تساعدني حاولت كتير مع نفسي بتوه ومش بكمل فمحتاجة خطوات تساعدنى على الثبات وان اكمل وعاوزة اللي يقول كلام يقول خطوات بجد ومتجربة ❤ ...عرض المزيد

0 الدعم

1 نصيحة