الوحده

Grape_65258 🇪🇬

منذ 5 أيام

شعور غاضب

مشكله انك فقدت شغفك ف الاشخاص بدأ يتحول لمتعه ده بقا شئ غريب فكره اعتيادك ع الوحده وتجنب التعامل. مع البشر مش خوف منهم بقا غريب هروبك من الحوارات والجدل مع بني ادمين وصوتهم المؤذي ليك دا بقا غريب كونك بتكره التعامل مع البشر وجواك احساس استعلاء ان انت انضف منهم واحسن منهم وتحول شخصيتك الى النرجسيه

Orange_61792 🇪🇬 لحد قبل م تقول نرجسيه كان هيبقى كلامك ده نضج .و طبيعي و يندرج تحت عبارة اعتزل ما يؤذيك ، لكن لو النهاية نرجسية يبقى راجع نفسك "رسالة لك و لدماغك"

عرض الكل 4 نصيحة

Orange_64209 🇪🇬

منذ أسبوع واحد

شعور محبط

انت ليه اخترت تبعد عن الناس = انا - ايوا انت = انت مش فاهم حاجه - طب فهمني انا عمري ما حبيت البعد ف حياتي، بالعكس أنا كنت اكتر شخص ممكن تلاقيه في اي وقت جنب أي حد في حزنه قبل فرحه، انا قدمت كل حاجه تتوقعها واللي متتوقعهاش ،قدمت لحد مبقاش في اي حاجه تانيه ممكن تقدمها لحد مااستنفذوا كل الطاقه اللي جوا

Pumpkin_56872 🇪🇬

منذ أسبوعين

شعور ضائع

ازاي بتحسوا انكم كويسين ازاي بتعرفوا نفسكم مبقتش عارفه انا ايه لا حد فاهمني ولا انا فهماني بس الاكيد اني مش الاتنين انا مش الطبيه الهبله ولا انا الشديده الواعيه انا زي اللي قاعد في اوضه حطانها مرايه في كل مرايه شخصيه مختلفه ...محدش عرفته غير وقالي جمله اذاتني وشككتني في نفسي

Tofu_58961 🇪🇬

منذ 3 أسابيع

شعور قلق

عبّر عن شعورك بشكل مجهول

بعد اما بابا اتوفى و الدفى مبقاش يدخل بيتنا و كل واحد من عيلتي بقا عايش لوحده حرفيا بابا كان ماسك البيت، و حسيت بفراغ كبير اوي و وحده و كنت محتاجه اقعد مع أي حد و اتكلم معاه بس ملقيتش و بدأت اتعرف على أصحاب وحشين هما احتوني في وقت صعب ووقت مكنتش لاقيه فيه حد و بدأت حياتي تدمر اكتر و كنت بدخل في كذا علاقة و اقعد اكلم ولاد و بنات كتير اوي عشان املى احساس الفراغ و الوحده و عدم الأمان الي كنت حاسه بيهم و بقيت اكلم الناس و اخليهم يتعلقوا بيا جامد و كنت دايما بلعب بمشاعر الناس ولما احس انهم هيبعدوا أو بدأوا يتخطوني ارجع لهم تاني و ارجعهم لنفس النقطه و اخليهم يتعلقوا بيا جامد ودا الي عملته مع ولد اتعرفت عليه و اتعلق بيا جامد و مش عارف يبعد عني وانا في الاول كنت حباه و بعد كدا زهقت منه و بدأت اركز على نفسي و أنساه و اكتشفت اني بعمل حاجات كتير غلط واني بكلم ولد دا غلط كبير لوحده و كنت عايزه أصلح من نفسي، وقولتله بلطف نبعد بس هو رفض و قطع أيده و رجله و بعتلي صور وقالي انه مش قادر يبعد عني و متعلق بيا جامد وهو شايفني كل حاجه بالنسبالو حرفيا و حاولت بكل الطرق ابعد عنه بس مش عارفه، ابعد عنه ازاي منغير ما آذيه؟ خايفه لما ابعد عنه يعمل حاجه في نفسه وانا اخد ذنبه، خايفه يفضل يدعي عليا و يهددني و يأذيني، ازاي بجد ابعد عنه منغير ما آذيه و اخليه ينساني و يعيش و يكمل حياته هو و يبعد عني و يبطل يهددني ؟؟؟؟؟؟
( و اسفه انا عارفه اني طولت في الكلام )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_61384 🇪🇬

منذ 3 أسابيع

شعور قلق

هو ازاي افهم نفسي واعرف هي عايزه ايه واللي حوليا وللعلم انا مبحبش اقعد لوحدي بهرب من الحاجه دي فايه الحل . . . . . . . . . .. تملن ارتمت لا من ىاى هى أن له أى ا إلى ى اه تىىىىىىىاتنىى لا ن إلى رتى تمر به تل راح اي لله هل بأنها نار نار نار نار نار توتره اخ اخ اخ الله راح إلى لله لله لله لله لله لى

Banana_62593 🇪🇬

منذ 3 أسابيع

شعور محبط

الواحد محتاج حد حنين بس ف حياته وكل حاجه هتتظبط لوحدها وحضن اخر كل يوم. لكن للاسف كل لمه الواحد بيبقا قرب لكل دا بتضيع منه متعرفش بقا العيب فيه ولا الناس كلها مبقتش تحب بجد او حتي تبقي كويسه م بعض

Lemon_55687 🇪🇬

منذ 3 أسابيع

شعور متعب

جماعه انا دلوقتي بعد كل الطرق اتاكدت واقتنعت ان لازم ابعد عن الشخصيه دي الي اسمها صحبتي بعد ما اتاكدت انها فعلا وجودها بياذيني نرجسيه تملكتني بعدتني عن كل الناس ومش بحب طريقتها انها بتنظر عليا كتير وانها مش سويه وعندها نقص ومش بتحب تشوفني احسن منها في حاجه في شويه مشاكل ساعدوني فيها انا كل مبعد يجم

Strawberry_59830 🇪🇬

منذ شهر واحد

شعور قلق

حد جرب شعور انك مش عايز انك تدخل في علاقه محرمه أو ترتبط بس بيجي لك شعور انك عايز تكلم حد و يهتم بيك و يجبلك حاجه حلوه و لو انت زعلان يواسيك حد يحبك و تحبه بجد بس مش عارف اهو دا انا بظبط كل شويه بيجيلي الاحساس دا و انا اصلا كا واحده مش بحب اني ادخل في علاقات محرمه بس لما بشوف صحابي و بزات واحده صحبت

Marshmallow_56042 🇪🇬 طبيعي جدا كلنا بنحس كده بس صدقيني غير أنه طبعا حرام هتتعبي جدا وهتجرحي لو اتعلقتي بيه مفيش حاجه حرام من فراغ والله ربنا بيحمينا ويحمي مشاعرنا فا دلوقتي عليكي بالدعاء وتصدقي بنيه أن ربنا يكرمك بشخص كويس في النور وحلال ربنا وخليكي مصدقه من جواكي أن ربنا هيكرمك وصديقني باذن الله هتلاقي احسن من اللي بتتمنيه قريب♥️

عرض الكل 10 نصيحة

Biscuit_61065 🇪🇬

منذ شهر واحد

شعور عاطفي

السلام عليكم انا مش عارفه اقول ايه بس كل اللى عرفته اني احساس الوحده بيزيد يوم عن يوم مليش شلة فى الجامعة معظم صحابي عباره عن زميال مدرسة ابتدائى إعدادى أو ثانوى و تعبت من فكرة اني بخرج لوحدى كل مره و سؤال ماما كل مره هتنزلي مع مين على أساس أن فى اجابه غير اني هنزل لوحدى عندى صاحبه واحده بس هى عنده

Apple_59116 🇪🇬

منذ شهر واحد

شعور محبط

عبّر عن شعورك بشكل مجهول

انا كواحد برضو يعتبر مليش صحاب بس دايما جوايا صراع مش عارف اختطفها شخصين جوه دماغي مش سايبني مش سايبني واحد منهم لو خرجت يقولي سيب الناس اللي انت قاعد معاهم دول و خليك لوحدك انت بترتاح لوحدك يكون مبسوط لما يكون قاعد لوحدي لان مش بحب الزحمه ولا التجمعات ولا في مكان في بشر كتير عممتا مبعرفش اندمج معاهم يكون متوتر جامد من جوايا مستني اي فرصه اي بعد ابعد بعيد عن البشر عشان بحس ان انا وسطهم مش مقبول أو مش محبـوب أو محدش مهتم بـ وجودي ولا لي كلامي بـ معنى اصح وجودي زي عدمه جبت أكل مجتش و الشخص التاني اللي جوه دماغي لما اكون لوحدي فتره من الزمن يجي يقولي عايبك كدا كل الناس فرحانه و بتخرج وانت قاعد لوحدك محدش بيبركك طب شايف الصحاب اللي هناك دول مش عايز يكون ليك صحاب زيهم طب مفيش حتا بنت في حياتك مبسوط بي وحدتك دي لحد ما وصلت اني بقيت بكلم نفسي و الموضوع تطور معايا زي بقيت اتشاور و أشرح و أنا بكلم نفسي و ممكن اتخانق معاها و امسك تليفوني و لحد دلوقتي انا ميال لي كلام الشخص الاول و مش عارف اغيره و مش قادر اقنعني اني حلوه لان دايما يكون مرفوض من الناس أو غير مرغوب فيا عممتا دا فعلا حصل معايا كتير سواء من شله صحاب أو من بنات بتكلم معاها لدرجة انا كان بيجيلي رفض من بنات و قالولي إن شكلي وحش مش وسيم زي ما هما عاوزين فا عشان كدا بقيت يميل لي العزله و الوحده بتريحني أه، بس بيتقهرني لان في حاجات نفسي اعيشها و مش عارف عشان مش عارف عشان مش مرغوب اصلا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_60939 🇪🇬

منذ شهر واحد

شعور مكسور القلب

عبّر عن شعورك بشكل مجهول

جماعه انا حبيت أحكي حاجه مزعلني و كمان محساني ان انا وحيده كان عندي صاحبه كنت متعلقه بيها جدا جدا كنا مع بعض خمس سنين المهم انا وصاحبتي دي كان عندنا صحبتين كمان ففي واحده منهم هندي لها اسم ياسمين ياسمين دي كانت صاحبتنا شهر واحد وصاحبتها الثانيه هندي لها اسم برده نرمين المهم انا صاحبتي اللي بقى لنا خمس سنين مع بعض ياسمين و نرمین دول احنا ما كناش صحابهم قوي المهم انا وصاحبتي كان بيحصل اختلافات في الراي ما بينا نرمين دي كانت دايما تفضل تقول لها خلاص فكك تعالي اقعدي معايا وما تكلمهاش تاني ياسمين دي ما كانتش صاحبه نرمين قوي المهم ياسمين طب برده بتحاول تلاقي اصحاب لانها ما عندهاش صحاب قوي فالمهم انا كنت دايما بحاول ان انا ما احسش حس بكده لاني ما بحبش حد زعلانه المهم في الاخر نرمين دي خلتني انا وصاحبتي اللي بقى لنا خمس سنين مع بعض نسيب بعض بعد كده نرمین سابت ياسمين وياسمين صاحبه صاحبتي اللي كنا مع بعض خمس سنين ونرمين جت صاحبتني بس انا مش مرتاحه معاها والموقف اللي خلانا نسيب بعض ان نرمين جت قالت لي انا مستاذنه صاحبتك اللي احنا مع بعض خمس سنين دي اقعد جنبك النهارده وراحت قالت لصاحبتي كلام تاني خالص ان انا مش عايزه اقعد جنبها تاني فانا اليوم ده كنت فاكره ان انا هقعد جنبيها وهقوم تاني اللي هي نرمين يعني فتاني يوم جاي اقعد جنب صاحبتي الانتيم قالت لي لا مش عايزه اقعد جنبك تاني عشان ياسمين دي خليتها تكرهني فعايزه راي حد وصحيح احنا في المدرسه كنا سعتها عايزه نصيحه من بنات عشان
البنات هم اللي هيفهموني اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.