الوجع

Corn_67299 🇪🇬

منذ 3 أيام

شعور متوتر

موضوع:

درس علمته لك الحياه

في لحظة ما، كنت دايمًا بستنى النصيحة. مستني حد يوجّهني، يقولي الصح من الغلط. بس مع الوقت، ومع كل سقطة قومت بعدها لوحدي، فهمت حاجة: مفيش حد هيحس بجسمي لما يتخبط، ولا بقلبى لما ينكسر. الحياة علمتني إن أكبر الدروس مش بتيجي من الكلام، تيجي من الوجع، من الخسارة، من الغلط اللي دفعت تمنه بنفسي. اتعلمت إن

French Fries_32968 🇪🇬 كلام صح جدا

عرض الكل 5 نصيحة

Sugar_58763 🇪🇬

منذ شهر واحد

شعور متوتر

موضوع:

رساله عايز تقولها لحد بس م عارف.

عبّر عن شعورك بشكل مجهول

حلوة البدايات... بس بيقول لك الـ بيجي بسرعه بيروح أسرع. مع اني في حياتي مقتنعت بـ دا انا الـ اعرفه ان في مرحله كدا بيسموها الصداقه او الفرند زون، لو انت بقي عملت لها سكيب هتخسر حاجات كتيير اوي معاها، زي انك ازاي تتعامل مع الشخص دا وقت ما يكون مبسوط او وقت ما يكون زعلان، و بالأخص بقي وقت ما يكون مضايق او بالأخص اكتر لما يكون متخلف كدا في اوقات معينه. فا الـ بييجي  بسرعه بصراحه يعني مع اول مشكله بتكون صعبه، صعبه اوي زي اول تعب لطفل لسا مولود معندهوش مناعه و مش عارف ازاي تتعامل معاه، بيكون مخيف،  فـ بصراحه بقي انت و مناعتك تستحمل و تعدي ولا هتوقف كل حاجه؟ في الاغلب بسبب وجود المشاعر هتختار انك توقف كل حاجه. الان انت مستحملتش قسوة الوجع و الاخص بقي ان في الاول الموج بيكون عالي اوي تخيل مشاعرك دي هي الموج العالي بحر صافي و جميل و الموج بيعلي حلو اوي المنظر و اللون و الريحه. حلو اوي احساسك بـ المشاعر و الحب و الاطمئنان، فجأه الموج بيقرب وانت تحب اكتر لحد مـ يوصل للشط و تنزل الموجه من قد ايه هي عاليه ان هي تبقي تحت رجلك او بين صوابعك و هنا بقي بتكون اول مشكله بتقابلكو تيجي الموجه و تسيب كل حاجه وحشه في بطن المياه و ترجع،  منها اعشاب صدف و رمل، كل حاجه قديمه جواها بقي ماضي مؤلم، امراض نفسيه و اسلوب مش تمام كل القرف الـ انت هتقابله هنا بقي السؤال ياتري هتوطي و تجيب صدفه و تصورها و تقول الله يا جماعه؟ ولا هتبص علي القرف الـ طلع منها و تبعد و تسيب كل حاجه حلوه عشتها في الوقت الـ انت كنت فيه؟  فـ انت هتختار ايه؟

Potato_58453 🇪🇬

منذ شهر واحد

شعور لا مبالٍ

موضوع:

ايه الحاجة لو اختفت من حياتك او مكانتش حصلت كنت هتبقي احسن

بص الموضوع عموما صيغته غلط هتقولي ازاي هقولك ان اي ابتلاء حصل في حياتنا حتي لو كان أفظع شيء فهو خير فهو احسن حاجه من عند ربناليك فلو اختفي صدقني حياتك هتبقي اسوء يمكن اللي حصل يعلمك شيء كنت هتكون في مصيبه اكبر لو معرفتوش

Coffee_50843 🇪🇬

منذ 7 أشهر

شعور ضائع

انا عملت اكتر حاجه مكنتش متخيل اعملها بعت لوحده حبتها و ارتحت اكتر اما مفرقش بنسبالها اني عملتها اي حاجه واني اتاذيت منها ولا شايفه انها غلط في حاجه ارتحت وانا قلت كل اللي كنت حايشه وانا بمسح كل شات او صوره و رقمها وكانها مجتش انا متاكد وانا بعرفها هيا عملت ايه هتقعد تحس باللي حسيته هيا خسرت حد بيحب

Croissant_44311 🇪🇬

منذ 8 أشهر

شعور متعب

لما حد قلبو بيوجعو بسبب زعل بيتصرف ازاي مع الوجع دا انا قلبي وجعني من امبارح بسبب حاجه زعلتني بس الوجع دا كان بيروح ويجي ونمت كويس دلوقتي حصلت حاجه فكرتني فقلبي وجعني جدا حتي نفسي حسيتو تقيل مظونيش حتي اني هقدر اسوق واروح اي مكان اكشف لو حد يعرف حاجه اشربها او اسم برشام ياريت يفدني

Mango_20828 🇪🇬

منذ 9 أشهر

شعور مستنزف

موضوع:

ازاي تقدر تتخطي حاجة وجعتك وتتعامل معاها عادي ؟

الوقت كان كفيل اني اتخطى جزء من الوجع يمكن بشوية وقت كمان اقدر اتخطى بشكل كامل فبشوف اننا ممكن ندي الوقت وقت انه يخلينا نتخطى الوجع يمكن مش احساسنا بالوجع بيقل لكن قدرتنا على اننا نكمل واحنا شايلين الوجع ده جوانا هي الي بتزيد مع الوقت ويمكن ده برضو معنى التخطي من الاساس

Orange_17482 🇪🇬

منذ سنة واحدة

شعور مريض

انت ازاي يبني صابر ومستحمل كل دا دا دي من الحالات النادره ف طب اسنان انت عندك حصوة ف العصب حصوه زي اللي بتيجي ف الكليه انا كان ردي الحمد لله تعرفني او متعرفنيش ادعيلي لان انا ف امس الحاجه للدعاء الفتره دي ولكم بالمثل

Apple_12501

منذ سنة واحدة

شعور Okay 😐

في حاجه مدايقاني ومقدرش اقولها لحد.. وهي اكل امي احلا اكل يعني رأيك ترميه في الزباله اصلان وجودك في الحياة اكبر غلطه.. الحمد لله ارتحت لما قلت الي في بالي بس نفسي اقوله قدام العيله

Cherry_12168

منذ سنة واحدة

شعور Not great 😕

عبّر عن شعورك بشكل مجهول

فيه بشر بطبعهم شخصيات معطاءة، لما بيحبوا بيدوا من غير حسابات ولا بيفكروا هما بياخدوا إيه وأد إيه في المقابل.. قليلين لكن موجودين، وعادة العطاء ده بيكون مرتبط بدرجة كبيرة من الحساسية بتؤذيهم جدًا أكتر من أي مخلوق غيرهم؛ يمكن لأن العطاء بيهذب نفس صاحبه وبيخليه أكثر رقة.. بيكونوا قادرين يركزوا مع حاجات صغيرة بالنسبة للي بيتعاملوا معاه غالبًا بتكون تافهة.. بسبب حساسيتهم ورهافتهم بتكون نظرتهم للأمور مختلفة شوية، وعلى قدر الطيبة بيكون غضبهم من اللي قدامهم غضب صادق وعميق وصعب يتراجعوا فيه، وبيتقال عليهم أحيانًا "بيّاعين"، بس محدش بيحاول يفهم اللي ورا التصميم ده في البُعد.. عندي صديق كده، وعمري ما هنسى حُرقته لما سألته ليه بطّل يكلم شخص معين أنا عارف إنه كان مُقرَّب منه.. وإزاي فضل يحكيلي إزاي وأد إيه كان بيحاول يقف جنبه، وإزاي كان بيلاقي المقابل عكس ده تمامًا لما كان بيحتاجه، وإنه كان بيحاول يكدب نفسه في الأول عشان بيحبه بس خلاص زهق، ووجعه من إنه حاسس إنه تم استغلاله.. غضب حقيقي متصدقش إنه يطلع من نفس الشخص المعطاء الخدوم البشوش اللي كل اللي عرفوه بيحلفوا بتهذيبه.. وإن كانت المعادلة بالنسبالي مفهومة: على قدر عطاءك غير المحدود، على قدر مرارة إحساسك بالظلم والمرارة لما متلاقيش تقدير حقيقي للي كنت بتقدّمه بكل رضا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع