الهموم الدنيوية

Tofu_19479 🇪🇬

منذ 4 أشهر

شعور لا مبالٍ

عبّر عن شعورك بشكل مجهول

أقولكوا على حاجه بجد؟
بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا)
ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى
أتمنى تدعولي ربنا يصبر قلبي ويراضيني ويجزيني خير ع اللي مريت بيه 
وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه 
يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_66979 🇪🇬

عايزه ارجع لربنا بس مش عارفه ازاي

بتقربوا لربنا ازاي انا حاولت كذا مره وكل مره بنتكس اكتر من الي قبلها نفسي ارجع اوي نزلت حاولت لشوف مكان لتحفيظ القرآن اكتشفت وقتها قد اي انا ضايعه روجت اول يوم طلعت بقرا الفاتحه غلط اصلا وبقالي كتير اوي مبصليش وبجد بقيت اتجنب اي حاجه ممكن تقربني لربنا بس في نفس الوقت عايزه ارجع عايزه اكون احسن بس مش عارفه صحابي القدام يعتبر بنبعد ويمكن دا احيانا بيدايقني بس لما كنا صحاب كان ممكنياذن علينا كذا صلاه ومحدش يتكلم حتي انا كان بنسبالنا عادي بس السنه دي اتعرفت علي بنت ماشاء الله عليها بجد اول ما الاذان يأذن بيبقي لازم تصلي وقتها عرفت اني غلط يس نش عارفه ارجع ازاي خالص ...عرض المزيد

1 الدعم

4 نصيحة

Avocado_73502 🇪🇬

هل احنا بنتحكم بشخصيتنا ولا مولودين بيها؟

نزلت بوست من شويه بس محدش فهم قصدي صح انا عارفه ان فيه حاجة اسمها علم فراسة وان فعلا ساعات كتير من شكل ملامح معين بنعرف او بنحدد صفات من شخصيه ال قدامنا وكل الكلام ده ....بس الفكره بقا اننا هنرجع لفكره ان ملامحنا فالاول وفالاخر جينات من اهالينا ف "هل احنا ال بنتحكم تبقا شخصيتنا ايه ولا احنا مولودين بشخصيتنا ؟" . . وسؤال تاني مش بتحسو ان ده ظلم شوية ان حد اتولد ف ملامح بتخلي عنده شخصيه مش شخصيته ودي حاجه منقدرش نغيرها يعني مش مجرد تغير طريقه لبس مثلا وخلاص . . وسؤال تالت يعني معني كده لو واحده و واحد اتجوزو وهي حامل ممكن الست قبل ما تولد بناءا ع ملامحها هي وجوزها تبقا عارفه ابنها هيطلع شخصيته ايه قبل ما تشوفه ؟ ...عرض المزيد

1 الدعم

3 نصيحة

Avocado_73502 🇪🇬

علاقة ملامح الوش بالشخصية؟ ازاي بتغيرو انطباع الناس

ازاي بتغيرو الفكره ال الناس بتاخدها عنكو ؟ يعني مثلا بحس ان كل البشر مقتنعين ان شخصية ال قدامهم بتبان من مظهره يعني سواء ملامحه او طريقه لبسه (احنا ممكن نتحكم ف طريقة لبسنا ) بس نتحكم ف ملامحنا ازاي ؟ يعني مثلا لو واحده ملامحها يدي انطباع انها هاديه وكذا وكذا وكذا هي مش ف الضرورة تكون كده لكن كل الناس بيعاملوها وبيكونو مصممين انها كده والعكس صحيح سواء بنات او ولاد..... السؤال هنا "ايه علاقه ملامح الوش بالشخصية ؟" . . . . . . ....................................................................................... ...عرض المزيد

1 الدعم

9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع