الهموم

Marshmallow_77112 🇪🇬

منذ 16 ساعة

شعور خجول

كنت بتمنى اكون دكتورة نفسية و اقدر اخفف هموم الناس و اطبطب ع قلبهم ويشاركوني مشاعرهم واستقبلها بصدر رحب 🤍 بس للأسف محققتش ده .. مش لأني مقدرتش اوصل .. بس لأني كنت خايفه لما احاول اشيل الحزن عن قلب احدهم اسمع خبر انتحاره تاني يوم .. و ده كان مخوفني جدا فقررت اني اغير حلمي .. بس قررت كمان اني احقق حل

Avocado_77039 🇪🇬 لا انا بصراحة حملته عشان انا اللي اتكلم او يفهمني او ينصحني انا عيشت فترة اواسي في اللي اعرفه ومعرفوش بس اكتشفت ان انا محتاج اللي يواسيني فكرة المواساة وانك تسمع حد وتفهم اللي جواه دي مع الوقت بتسحب كتير من طاقتك من غير ما تحس وفي ناس بستنزفك وفي بياخدك محطة او فترة من حياته

عرض الكل 17 نصيحة

Coffee_61956 🇪🇬

منذ يومين

شعور ضائع

عبّر عن شعورك بشكل مجهول

انا كا شخص شايف ان الفضفضه اللي بتقولها ل امك مستحيل شخص ينفع تقولهاله و عياطك كا راجل في حضنها مش هتعرف تعمله مع شخص غيرها مش هتعرف تكون على حقيقتك بعد وفاة امك مش هتعرف تشكي لحد و مهما تشكي قلبك هيفضل شايل لانك هتحس ان كل الناس دي مش حبالك الخير و مهما كانو قريبين و انت شايفهم بيحبوك عايز اقولك لو هيكسبو فيك ربع جنيه هيبيعوك الراجل من بعد وفاة الام بيسترجل مش العكس لان الراجل بعد الوفاه بتفضل يراكم كميه تقل و هم و حمل فوقيه لحد لما يحس انه فاض بيه الامل عكس البنت لو اتعورت الف من يقولها معلش و تحضنها لكن عند الرجاله لو قولت لصحبي انا متضايق هيقولي معلش يسطا و نضحك و الموضوع هيعدي بس معداش عندي و لسه متضايق و مهموم و علي كده في كل حاجه حتا الاخوات مش هتكون زي الام و اللي هيقولي الجواز الحل لا بالعكس الجواز هيزيد الموضوع لان مينفعش مراتك اللي المفروض انت سندها و ضهرها و عمود البيت تشوفك قاعد بتعيط او حد من عيالك يشوفك مكسور هما مستحيل يقولولك حاجه غير معلش و هيراضوك فعلاً و انت هتتراضى لكن نظرتهم ليك و نظره مراتك هتختلف و هيا مش هقولك و هيا ذات نفسها مش هتحس بكدا دا غير كميه المشاكل اللي ممكن تحصل بسبب كده لان طبعا هيا عرفت نقط ضعفط ف الراجل حياته صعبه قوي لدرجه التفكير لوحده منهك جداً و الموضوع بيبقا انت مش عارف تعمل ايه و تروح فين و تايه قوي و مش عارف تشكي لمين غير لربنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19479 🇪🇬

منذ 5 أشهر

شعور لا مبالٍ

عبّر عن شعورك بشكل مجهول

أقولكوا على حاجه بجد؟
بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا)
ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى
أتمنى تدعولي ربنا يصبر قلبي ويراضيني ويجزيني خير ع اللي مريت بيه 
وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه 
يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_48876 🇪🇬

منذ 9 أشهر

شعور محبط

كنت دايمًا بشوف الناس حواليَّ عندهم أصحاب بيضحكوا ويهزروا مع بعض، وأنا واقف لوحدي، نفسي يكون عندي حد أشاركه الضحك والهزار والهموم كمان. بحاول أفتح مواضيع وأقرب من الناس، بس كل مرة بحس إن في حاجة واقفة في النص، زي حاجز مش قادر أكسره. ساعات بفكر: "يا ترى العيب فيَّ؟ ولا لسه ما قابلتش الناس اللي يفهمون

Donut_21248 🇪🇬

منذ سنة واحدة

شعور مرهق

يُواسيني لُطف اللهِ الذي أينما خَطوت كانَ معي و مازالت تُواسيني آياتُه التي تقول - فإن مع العُسر يُسرا إنَّ مَع العُسر يُسرا- وَ مَهما ضاقَت وَ اشتدَّت فإنّي أثق بأن فرج اللهِ آتٍ آتٍ لا محال، لا لشيء بَل لإنني أحسنتُ ظَنَّا بِاللهِ، و كُلُّ الذِينَ أحسنوا ظَنَّا بِه لَم يُخذَلوا.. وَ كَما قال الراف

Croissant_18319 🇪🇬

منذ سنة واحدة

شعور لا مبالٍ

عيد مُبارك يشباب أدام الله أعيادكم برفقة من تحبون وأزال همومكم وأحزانكم وفرج كربكم وحط عنكم سيئاتكم ،، الناس اللي تعبانة ومش كويسة متقلقوش والله "إن بعد العسر يسراً"

Pear_15149 🇪🇬

منذ سنة واحدة

شعور Not great 😕

ممكن نتكلم عن فرحت النجاح الى بيجى بعد الشهور تعب وفشل وانه اتكسر لمجرد انى ملقتش حد اشارك ده معاه ويفرح بيا قد اي الحياه دى قاسيه وسط كل الضغط والمشاكل الى بقالى كام يوم فيها دى حتى ابسط حاجه ممكن تفرحنى حسه انها زودت هم جديد عليا مش عرفه هل انا استاهل كل ده بجد

Strawberry_14524 🇪🇬

منذ سنة واحدة

شعور Good 😁

احنا ك بني ادمين دايما هتقابلنا مطبات كتير ف حياتنا وكمان هنكون خايفين كل فترة والتانية علشان مش عارفين ايه اللي ممكن يحصل بعدين ف ده طبيعي جدا انه يحصل ولكن مينفعش نخلي ده يطغى علي لحظة حلوة بتحصل حاولوا تفصلوا دماغكم عن المشاكل ايا كانت ايه هي او حجمها قد ايه ف استمتعوا باللحظة خلوا قلبكم يفرح😊

Apple_14577 🇪🇬 عندك حق يا فراولة♥♥

عرض الكل 3 نصيحة

Potato_31970 🇪🇬

مش كويسه وحاسه قلبي بيوجعني من غير سبب

من فتره وانا حاسه ان انا مش كويسه مهما حاولت ابين عكس كده واوهم نفسي اني كويسه واتكلم بإيجابيه بحس ان انا محتاجه حد يطبب عليا وسط كل ده وللأسف مش موجود... احساس وحش لما تبقى عايز تتكلم ومش عارف مش عارفه مالي بس كل اللي انا حساه اني انا في تقل على قلبي كبيير بجد بدون مبالغه حاسه النفس بيطلع بالعافيه حاسه انا قلبي بيوجعني محصلش اي حاجه عشان كل ده بس حاسه انه I'm not okay ادعولي يجماعه فضلا ولكم بالمثل 🤍 وجزاكم الله خيرا 💕 ...عرض المزيد

5 الدعم

18 نصيحة

Marshmallow_70594 🇪🇬

فترة انتكاسة صعبة... عايزه حل بأمانه

فترة انتكاسة صعبه ، لعل و عسى نصيحتكوا تجيب فايده ف فضلاً محدش يستخسر أي نصيحه تيجي فباله تكون جابت نتيجه و لو بسيطه و ساعدت في تخطي الإنتكاسه عشان حقيقي الوضع مش أحسن حاجه و عايزه حل بأمانه و جزاكم الله خيرا . ...عرض المزيد

0 الدعم

17 نصيحة

Strawberry_77062 🇪🇬

مش عارفه أتجاوز علاقة غلط خلصت

انا كنت فى علاقه مع شخص علاقه غلط لمدة 3 سنين وشويه وزعلنا لسبب بسيط بس حسيت أنه مستنى سبب نوقف علاقتنا احنا كنا متفقين من الاول اننا مش حنكمل بس المفروض اننا حتى حنبقى نسأل على بعض دلؤتى احنا خلاص مبنكلمش بعض خالص ومش عند بعض على اى سوشيال ميديا لسرية العلاقه انا حاليا مفتقداه جدا جدا ومش عارفه أتجاوز انا مش عارفه كنت بحبه ولا متعوده عليه مع العلم أن كان بينا مشاعر انا تعبانه جدا من غير وجوده فى حياتى نفسي حتى نرجع نتكلم مش قادرة ادخل اكتبله انا كل شويه ادخل اكتبله كل اللى حاسه بيه كلام كتييير جدا بس بيعته لنفسي يمكن ارتاح بس كل مااقرا الكلام اللى كتبته من الاول بتقطع من العياط والحزن انا حياتى مليانه جدا والمفروض أن مفيهاش فراغ بس ده مش ممانع التفكير فيه على عكس حياته فاضيه جدا على حد علمى انا واحشنى وجوده فى حياتى ومش عارفه أتجاوز 😢 ...عرض المزيد

0 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع