المستقبل

Strawberry_67489 🇪🇬

منذ يوم واحد

شعور سعيد

موضوع:

الخوف من المستقبل المجهول

الشعور دا كان مسيطر عليا في مرحلة الثانويه العامة وخصوصا تالته ثانوي هجيب مجموع كبير ولا قليل و هل هخش الكلية الي عايزاها وهشتغل بعد الكلية ولا مش هلاقي بس الشعور اختفي نسبيا بعد ما مرت الفتره دي

Apple_68133 🇪🇬

منذ يوم واحد

شعور متعب

بقالي فترة بصحى قبل المنبه، مش لأن نومي مريح، بالعكس، بغمّض عيني بس دماغي مش بتسكت، فكأن اليوم بيبدأ من قبل ما يطلع النور. شاب في أواخر العشرينات، متخرج بقاله شوية، شغال شغلانتين، وبسمع كل يوم نفس النصايح اللي متجربتش: “خلي عندك طموح” “كلنا تعبنا وعدّينا” بس الحقيقة؟ كل مرة بفكر أكمل، بحس الواقع ب

Tomato_62425 🇪🇬

منذ يومين

شعور قلق

عبّر عن شعورك بشكل مجهول

أنا عندي مشكلة أو معرفش دي مشكله ولا لأ بس أنا مش عارف أعمل أي ولا اتعامل معاها نفسي حد يفهمني ويفيدني 
من وأنا صغير بحلم باحلام غريبه أوي وبصحى مش فاهم حاجه حاجات في الوقت البحلم بيها مبيكونش ليها أي معنى أو واقعيه 
(مثال للتوضيح مش حقيق أحلم إني سايق عربية ودي بتاعتي وأنا وقتها في ابتدائي)
المشكلة في الجي 
أن الاحلام بتتحقق في المستقبل وأول مبتدأ احداث الحلم القديم تحصل أنا بفتكر الحلم كامل بكون عارف أي الهيحصل 
 
(يجماعه والله بتكلم بجد ومش بتخيل ومش مقتنع بفكره  إن فكره تأخر وصول المعلومه فبيتهيقلي إني شوفت ده قبل كده لأني مش بكون حاسس إني شوفت ده قبل كده بس أنا بكون عارف أي الهيحصل دلوقتي الحلم كامل عارفه)
وأنا صغير حكيت كذا مره لاهلي وكانو بيقولولي متقولش الحلم معرفش لي بس بقيت مش بحكي بس حاولت أشرح البيحصلي وأسأل ومحدش كان بيفدني  أما يسمع كقصه خياليه أو يقولي متحكيش لحد أصلا البيحصلك طب لي معرفش مره يقوللي علشان لو حكيت هتتحقق ومره متحكيش علشان البتقوله مش طبيعي

الاحلام لم بتحصل معظمها بيتحقق كامل وفي كام حلم متحققش في مره حصل موقف وكنت حلمت بي وكنت عارف أي الهيحصل بعد كده بس لقيته مش بيتحقق نفسه في اختلاف حصل مش اختلاف جذري بس مازال اختلاف 
ومره ثانيه حاولت متعمد بكل جهدي أمنع تحقيق باقي حلم كان بدأ يتحقق و معرفتش رغم إن الحلم كان متعلق بحاجة أنا هعملها وحاولت معملهاش وغيرت كل حاجه علشان أمنع نفسي اعلمها ولقتني عملتها وقتها أنا كنت مصدوم لأني لقيت في حلم قبله متحققش كله وتوقعت إني بقدر اتحكم واغير السيناريو بتاع الحلم بس لقيت لا مش كله بيتفير

الخلاني احكي دلوقتي ده

حلمين الأول اتحقق أوله من أول السنه دي ونهايته المفروض في المستقبل البعيد لأن الحلم كان إني شخص اكبر من دلوقتي يعني في عمر كمان خمس سنين على الأقل 
الحلم نهايته المفروض في المستقبل دي وحشه أوي أنا خوفت لم الحلم جزء منه اتحقق لأن تكملته وحشه 
والحلم الثاني لسه متحقق بدايته من ساعة كنت برا حصل موقف كان بدايه حلم وبالفعل أول محصل افتكرت كل السيناريوا واترعبت التكمله للحلم ده كانت مرعبه لم حلمته كان حاجه كبيره أوي خايف اقولها تتحقق (أنا مش مقتنع بكده بس خايف يكون الموضوع حقيقه)
المهم إني قولت أجرب يمكن موقف عادي ومش الحلم العارفه وروحت قولت كلام نفس الكلام بظبط الكان في الحلم ولقيت الرد نفسه بالحرف....
ده الرعب الحلم كمل يتحقق المشكله إن باقي الحلم هيحصل معايا وقدامي بس مش هيكون لي دخل أنا لم الحلم كمل يتحقق قدامي لقتني مش عارف أعمل حاجه أنا خايف حاولت اروح باسرع وقت قبل مبقاي الحلم يتحقق والحمدلله الحمدلله روحت وباقي الحلم متحققش بس أنا عارف إن مش كل الاحلام بتخلص في نفس الموقف في احلام متقطعه على أحداث ورا بعض في المستقبل فلسه عايش في خوف الحلم مستني بس الوقت والمستقبل علشان يتحقق 
أنا مش عايزه يتحقق هو مش بأيدي وأنا مؤمن بالاقدار طبعًا بس أنا مش هستحمل الهيحصل وفكره إني محبوس لوحدي في الحلم أنا مش عارف أعمل حاجه مش عارف احكي لحد ومش عارف أوصف الحلم الراعبني خوفًا من تحقيقه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_64719 🇪🇬

منذ 5 أيام

شعور وحيد

انا سنى 27 سنة و على الرغم من أني دكتورة و شكلي حلو الحمد لله الا اني لسه سنجل محدش تقدم ليا لحد الان و خايفة متجوزش و افضل لوحدي ...كل افكر في الحكاية دي ادخل في اكتءاب شديد و خايفة من نظرة المجتمع ليا لو فضلت سنجل و سني كبر بعد كدا احيانا بقول في نفسي اخلص الماجستير و بعد كدا اسافر للخليج يمكن

Durian_65308 🇪🇬 عن زر ، عن حذيفة [ ص: 315 ] رضي الله عنه قال: قام النبي صلى الله عليه وسلم فدعا الناس، فقال: " هلموا إلي " فأقبلوا إليه فجلسوا فقال: " هذا رسول رب العالمين جبريل نفث في روعي أنه لا تموت نفس حتى تستكمل رزقها، وإن أبطأ عليها، فاتقوا الله وأجملوا في الطلب، ولا يحملنكم استبطاء الرزق أن تأخذوه بمعصية الله فإن الله لا ينال ما عنده إلا بطاعته

عرض الكل 51 نصيحة

Coconut_64383 🇴🇲

منذ 6 أيام

شعور قلق

عبّر عن شعورك بشكل مجهول

انا مبقتش فاهمة نفسي ... مبقتش فاهمة مشاعري ... مش عارفة انا حاسة ب ايه ... مش عارفة انا مين ... من وانا صغيرة مشفتش حب ودايما كنت منبوذة ... بس مكنش بيفرق معايا ع قد ما كان ده بيجرحني ع قد ما كان نفسي بس الناس تسبني ف حالي اللي هو لا ابقى محبوبة ولا مكروها سبوني ف حالي هبقى كويسة بس ليه الكره وليه التنمر وليه الاستفزاز مش عايزة حاجة من حد... لحد ما حبيت شخص من طرفي انا بس آذاني جامد لانه كان مريض نفسي وفهمني كلام مش حقيقي عنه واتعاطفت معاه وحاولت اساعده والجو ده ... بعدين اختفيت وحبيت حد بعدها وهو حبني واحنا مع بعض دلوقتي وفعلا ربنا يخليه ليا ... بس بحس أنه لما يبقى مشغول أو انا مشغولة اني برجع ل نسختي بالتدريج وبقالي فترة مش بخرج من البيت ولا عايزة اخرج ومش عارفة اتحرك ولو عايزة اخرج مش لاقية حد أخرج معاه وخايفة من السنة دي لانها 3 ث وخايفة من الجامعة وخايفة اللي بحبه منبقاش مع بعض ف الآخر لاني بدأت اتعلق بيه وهو متعلق بيا اوي خايفة من كل حاجة ومش فاهمة اي حاجة ولا حتى عارفة انا بكتب ده ليه انا ضايعة .....  ملحوظة : محدش يكلمني ف الدين ومحدش يتدخل يتعرف ومش عايزة اي نوع من ال و s a خا ولتقل خيرا او لتصمت شكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_52693 🇪🇬

منذ 6 أيام

شعور قلق

يا جماعه انا بجد بمر باسوء مده عدت عليا في حياتي انا ديما بصلي الفرد بس لسا اسبوع كده بقطع في الصلاه وبحاول اكلم بنات علشان عمري ما صحبت بنت ولا ارتبط وكمان مش احسن حاجه في الشغل دا غير ان في مشاكل في البيت وتوتر وتعب اعصاب علي الاخر وكمان بعمل عادات وحشه وكمان دماغي ديما مسوحاني وبover thinking

Coconut_64383 🇴🇲

منذ 6 أيام

شعور ضائع

انا مبقتش فاهمة نفسي .... مبقتش فاهمة مشاعري ... مش عارفة انا حاسة ب ايه ... مش عارفة انا مين من وانا صغيرة مشفتش حب ودايما كنت منبوذة بس مكنش فارق معايا ع قد ما كان ده بيجرحني ع قد ما كان كل نفسي أن الناس تسبني ف حالي اللي هو لا ابقى محبوبة ولا مكروها سبوني ف حالي هبقى كويسة بس ليه الكره وليه التن

Nutella_65059 🇪🇬

منذ أسبوع واحد

شعور مهتم

"أنا داخلة تانية جامعة، بس لحد دلوقتي معنديش ولا صاحبة قريبة مني. بحس إني لوحدي حتى وسط الناس، ونفسي يكون عندي واحدة تبقى أختي قبل ما تبقى صاحبتي... نخرج سوا، نتكلم، نضحك، نحكي لبعض عن أي حاجة. خوفي بيكبر أكتر لما بفكر إن في يوم هتخطب أو أتجوز ومش هيبقى عندي صاحبة تفرحلي وتبقى جنبي زي البنات اللي ب

Sugar_21572 🇪🇬

منذ أسبوع واحد

شعور مرهق

عبّر عن شعورك بشكل مجهول

انا محتاجة نصيحة ضروري 
اسفه اني هطول عليكم بس أنا مشكلتي الدايمه في الخوف انا بخاف من المجهول و المستقبل مع ان الحمدلله مؤمنة بقضاء ربنا دايما في كل حاجة بس خايفه اغلب الوقت 
خايفه مبقاش من اوائل دفعتي زي كل سنه في الكليه مع العلم انا رايحة تالته علاج طبيعي في جامعة خاصة 
بس المشكله الأكبر بالنسبالي اني للاسف حبيت أنا بحبه جدا و هو بيحبني هو زميلي قدي في الجامعة بس فعليًا أنا اكبر منه بتسع شهور 
حبينا بعض و عرفت والدتي بس ماما مش معترفه بيه بتعتبره زميل دراسه بس حقها عادي 
هو عنده شقه علي الطوب الأحمر و بيشتغل و بيصرف علي نفسه مش بياخد مصروف من والده بس علي الاقل والده بيدفعها المصاريف بتاعت الجامعة بس لكن الباقي هو شايل نفسه بنفسه بيتشغل في الدراسه برضو مش في الاجازه بس و بيحوش عشان يخطبني أنا دايما حاسة بالذنب عشان علاقة محرمه و عارفه ده و بحاول اتوب منه و بسعي جاهده فعلا و لما كلمته وافق عادي بس طلب مننا نفضل أصدقاء حتي 
و وافقته 
هو عايز يخطبني الصيف اللي جاي قالي هيحاول علي قد ما يقدر انه يكلم والدي الصيف اللي جاي و يخطبني بالمبلغ اللي معاه لانه مش عارف يستحمل بُعدي و عايز علاقتنا تبقي رسمي للعلم برضو هو معرف اهله انه بيحبني بس هو عايز يخطبني بفلوسه مش بفلوس والده و قالي هيجي الصيف اللي جاي ان شاء الله 
أنا بقي خايفه لان ماما دايما بتقولي لسه بدري ليه تتخطبي اربع سنين و لازم يبقي مرتاح ماديًا و لازم و لازم و حاطة شروط كده و والدي برضو شايف معتقدات زيها انه الخطوبه في الجامعة بتفشل مع اننا بنحب بعض 
فأنا خايفه يجي يتقدم و بابا يرفضه او يتقدم و اهلي ميوافقوش و في نفس الوقت مش عايزه نتأخر في الخطوه دي عايزه نبقي مخطوبين رسمي قدام الناس كلها عارفه انه ده نصيب و رزق بس دماغي مش عارفه تبطل تفكير في مليون سيناريو و مش عارفه طب نستني و لا يتقدم باللي معاه و يشوف مع بابا الاتفاقات دي 
هيبقي فاصل سنه رابعه و خامسه و سنه امتياز و احتمال يبقي عنده جيش 
ماما بقي بتقولي و كمان لو لسه هيدور علي شغل 
هو بيشتغل مدرب سباحة ملهاش علاقة بتخصصنا 
فخايفه يبقي عندها حق او بابا يرفض و خايفه و دماغي بتسوحني و اوقات بتخنق و اعيط و يأثر علي حالتي النفسيه المفروض اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ أسبوع واحد

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.