العيش بصدق

Pineapple_55114 🇪🇬

منذ 3 أشهر

شعور مستنزف

عبّر عن شعورك بشكل مجهول

أنا بنت ٢٧ سنة..
مؤخرا مبقتش حاسة أن في حاجة ليها معني كثوابت.. حاسة الثوابت والأساسات والعادات والتقاليد والأحكام اللي بنخليها تحكمنا ما هي إلا مجرد اشياء موجودة عشان التقدم الحضاري .. لكن الأصل أن كل ده مش حقيقي وملوش لزوم.. مش قادرة اقتنع يعني ايه اوصل السن ده من غير شخص اقدر اعيش معاه ويكون بيننا علاقة تلبي احتياجاتنا اللي مولودين بيها من غير ما نكون مضطرين اننا نعمل المستحيل ونعافر ونجاهد عشان اصلا حاجة منعرفش في الآخر كميتها بيننا هتبقي ازاي في الواقع! ايه التخلف ده بجد! مهما كنت بحب حد يعني ايه مينفعش اجرب اعيش احساسي معاه جنسيا ولازم احساسي ده يكون مدفوع ملايين قبله عشان اقدر اوصله ويا طلع حلو اصلا يامطلعش! .. انا حاسة اني مش قادرة حقيقي اقتنع بالفكرة وتعبانة من فكرة اننا مضطرين العمر يعدي بينا في وحدة عشان بس ده شئ مش مسموح مجتمعيا ودينيا! انا مش فاهمة حتي ليه يبقي مش مسموح دينيا! ليه ربنا يخلقنا بحاجة عشان يقولنا متعملوهاش! ويعني العالم قبل الحضارة والدين مكنوش عايشين بيها! انا مش عارفة افهم ليه كم التعقيد والقيود دي علي حق طبيعي لأي انسان يحسه! انه يحس انه في علاقة كاملة ومكتمل بوجود حد معاه علي كل الجوانب! وانا فاهمة ان العلاقة مش هي الأساس اكيد! انا بس بتكلم في نقطة انه نوع تواصل مهم اوي لأي انسان يحسه وفطرة فينا مش شئ غريب يعني!.. 
أنا فاهمة ان القيود اوقات بتحمينا.. بس انا اكيد في سن اقدر احدد فيه ايه اللي ميأذنيش .. 
انا بس حقيقي متألمة جدا من احساس ان المفروض العمر يفوت جاف بدون اي اتصال ومشاعر تواصل حقيقية مخلوقين بيها بدون منطق بجد!!! والاتصال ده مش مقصود بيه بس جنسيا بس برضو علي مستوي التواجد اننا نكون عايشين مع بعض يومنا بنقضيه سوا بنقدر نشارك بعض الحياة بكل بساطة! ليه الدنيا صعبة اوي كدا! مش يمكن نموت قبل الحزق ده كله ويبقي ضيعنا من ايدينا احساس اننا عايشين بجد!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع