العلاقات الصعبة

Marshmallow_28253 🇪🇬

منذ 5 أشهر

شعور متوتر

مش كل حاجة وحشاك ينفع تروح لها في حاجات معينة لازم تفضل وحشاك من بعيد لبعيد لكن إياك تقرب منها خطوة أحيانًا الحنين بيكون مؤذي لصاحبه.. ووقتها العشم بيكون واخدك إنك تحاول تقرب وتسأل فبتتفاجئ برد فعل يوجع كرامتك ويكسرك، وإنت أصلا في غنى عن كل دا لإنك يادوب بدأت تتعافى وتفوق

Watermelon_40359 🇪🇬

منذ 5 أشهر

شعور آسف

Nutella_39839 🇪🇬 انتي غلطتي في حاجات كتير اولهم انك عودتيها عليكي و علي انك بتحبيها و بتريحيها و ده مكانش حاجة زيادة ده واجبك ناحيتها بحكم انك صحبتها و عايزة تكونو كويسين .. تاني حاجة انتي عارفة كويس ان الانسان الانطوائي صعب عليه يتخيل فكرة انه يبقي عنده صحاب ف لما تختارك انتي لازم تبقي عارفة انك بنسبالها حاجة كبيرة مكانش يصح ابدا تكسريها بعدم ردك علي عتابها انتي مترديش انك لو مكانها هي تعمل معاكي كده .. بعيدا عن

عرض الكل 10 نصيحة

عبّر عن شعورك بشكل مجهول

هو لو انا ليا صديقة قريبين جدا من بعض واحنا سوا من ثانوية عامة وكنا بنذاكر سوا وكل حاجة بنعملها سوا دخلنا نفس الكلية ونفس الجامعة واحنا الاتنين في سنة اولي جامعة حصلنا دروبات ونزلنا في مواد هي نزلت في ٣ مواد وانا في مادة والترم التاني هي منزلتش وانا نزلت في مادة انا اكتئبت وكانت الايام صعبة عليا جدا ومكنتش عايزة اكمل في الكلية بس ماما اقنعتني، ودخلنا السمر احنا الاتنين ف اتكلمت معاها ان انا مش عايزة نبقا قريبين اوي زي الاول ومش عايزة نخرج كتير ولا نتكلم دايما زي الاول هي زعلت ان انا شايفة انها السبب وفي نفس الوقت قالتلي معاكي حق واحنا حياتنا واحدة وطريقنا واحد واتفقنا علي اننا هنركز اكتر بس انا حاسة اني مبقتش مرتاحة معاها لانها بتغيير عليا ولو مردتش عليها بتزعل ف انا بقيت اخد بالي بتعامل ازاي وبضحك مع مين عشان متزعلش ودا مبقاش يريحني لما قولتلها كدا قالتلي انها عمرها ما اتضايقت اني اصاحب غيرها او كدا وانها حد انطوائي ومش بيعرف يندمج مع الناس بسهولة واني بشوف دي غيرة اتكلمنا في كذا حاجة والكلام كتر في الموضوع وانا مبحبش اتكلم كتير ولا بحب اتعاتب شخصيتي بقت كدا خلاص كانت فترة امتحانات وهي قالتلي خلاص نركز في الامتحانات الاول وكنا بنطمن علي بعض ونحل مع بعض وبنسأل علي بعض وكنا عادي خالص لحد ما خلصنا امتحانات ورجعت فتحت الموضوع تاني انا اتضايقت وقولتلها الموضوع اتقفل خلاص ليه نفحته ونضايق بعض تاني فضلت تتكلم كتير وتبعت مسدجات كتير وانا مكنتش برد انا عارفة انه غلط بس انا طبعي كدا ومبحبش اتكلم هي عارفة طبعي عشان كدا كانت بتبعت وتستاني ارد لحد ما في يوم قالتلي انها قرفت من انها بتتكلم في نفس الموضوع علي الفاضي واني مش برد وقاتلي انا اسفة وقفلته ، مكناش بنتكلم فين وفين لحد ما بدأنا السنة دي وخرجنا قبل كدا مع بعض وهي كانت بتحاول تيجي الجروب بتاعي زي ما كنا بنحاول السنة اللي فاتت وكانت بتحضر معايا ، بس انا مش حابة دا وحاسة اننا مش بنركز مع بعض ، انا مش عايزة يتكرر اللي حصلنا تاني وشايفة ان كل واحد يحضر لوحده احسن ليا وليها عشان ميحصلناش زي ما حصل هي زعلت مني لان لما كانت بتعاتبني مكنتش برد بس انا بقولها ان دا موضوع واتكلمنا فيه قبل كدا وهي رجعت فتحت الموضوع تاني كله من البداية وانا مش قادرة اتكلم ولا بحب اتكلم بالشكل دا وعايزة اركز وبعدها بفترة بقيت بقعد مع بنات اغلب الوقت لانهم معايا في نفس السكاشن وبمشي معاهم هي اتضايقت وبعتلي انتي بعدتي عني وبقيتي تقعدي مع بنات شطار دايما وان انا كنت عايزة ابقا لوحدي واركز ف انا قاعدة مع البنات دول ليه وسايبها ، انا اعمل ايه البنات دول بيساعدوني وانا فعلا احسن بكتير جدا من السنة الفاتت حاسة اننا بقين مختلفين شوية عن بعض واللي هيريحها هيضايقني واللي هيضايقني هيريحها اعمل ايه ومين صح ومين اغلط او اتصرف ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_42973 🇪🇬

منذ 6 أشهر

شعور متعب

مشكلتي اني دايما بحس اني بحاول ارضي الناس اكتر من نفسي يعني لو حد طلب مني حاجه حتى لو مش عاوز اعملها بعملها عشان ما ازعلوش وده بيخليني اتعب نفسيا لان دايما بضغط على نفسي واوقات كتير بحس ان محدش بيقدر اللي بعمله او حتى بيشوف اني موجود اصلا يمكن المشكله فيا اني مش بعرف اقول لا او يمكن الناس هي اللي مت

Marshmallow_41340 🇪🇬

منذ 6 أشهر

شعور وحيد

Apple_41609 🇪🇬 ده انا 🙂

عرض الكل 17 نصيحة

عبّر عن شعورك بشكل مجهول

دايما بحس ان عقلى وتفكيرى اكبر من سنى احيانا بحب كدا واحيانا لا 
بحب كدا عشان بيخلينى كتومه جدا عن مشاعرى وعن اللى بيحصل جوايا مش بحكى لحد ولا حد يعرف عنى سر او اى حاجه عايشه دايما حاله من الغموض ودا اللى بقا المعروف عنى محدش يعرف شكلى لما ابكى عشان مفيش حد شايفنى وانا بالحاله دى اصلا ماما بتيجى تحكيلى عن كل حاجه تعباها وبتقولى انتى من برا هبله وصغيره 😂 بس جواكى حجات كتير اوى طيبه وعاقله وقويه بس مش بتبينى اى حاجه كل اخواتى الكبار بييجو يتكلمو معاها ويحكولى اللى عملوه وياخدوا رأيي ف كل خطواتهم مع انهم ف الجامعه وانا ثانويه 
كذلك ناس من برا بتيجى تكلمنى مع انى مليش علاقه بيهم بس بتكلم معهم بعقلى ودايما بحط مشاعرى على جمب لما افكر ف حياتى بشوف ان مفيش لازمه للمشاعر يمكن عشان كتر الانكسارات والخيبات اللى اتعرضتلها من اقربهم ليا بس بجد بقت دى طريقتى وحياتى 
الناحيه التانيه انى عندى وعى مؤلم يعنى بشوف البنات اللى ف سنى اللى بيعملوه دا مضيعه للوقت من الصداقه والتصوير والفيديوهات والذكريات اللى بيعملوها شايفه انها ملهاش لازمه عشان كدا دايما لوحد وحيده حرفيا هما كام زميله دراسه بس ليا مش اكتر شايفه انهم هيندمو.......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_26259 🇪🇬

منذ 7 أشهر

شعور عاطفي

انا نفسي اوي الاقي شخص اعرف اتكلم معاه من غير احراج اقول حته مشاعري اجري عليه من غير ما افكر المشكله ان ليا صحاب بس مش القريبين مني انا شخصيا اه احنا مع بعض من زمان بس مش هما الي اعرفهم وتقولهم مشاعري اكن في حيطه كدا وبرده كذالك عندي اخت نفس سني بس مش هي برده الي اعرف اقولها كل حاجه المشكله بقي إن ف

Corn_32417 🇵🇸

منذ 7 أشهر

شعور ضائع

مشكلتي هي صديقة الطفوقة بحبها جدا ومتعودة عليها وهي بنت خالي بس مع مرور الوقت ولما كبرنا بدأت الاحظ عليها انو صارت تغار مني و تحاول تقلل من الي اسويه مهما كان و انها تحاول تبين انها بتفهم اكتر مني في شغلات معينة مع انوا انا اشطر منها في نفس الشغلات وتددايق اذا مثلا حاولت اعدللها معلومة غلط عندها او

Coffee_34185 🇯🇴 انا نفس قصتك مع بنت خالي ، وصار التلاعب النفسي عندها بين انها منيحه او مش منيحه معي خلاني اخاف على كل سر الي عندها ، بحس حطي حدود متل ما انا عملت وخليكي سطحيه معها وامشي بالاشي الي شايفيته صح وخليها تقلدك على راحتها بالنهايه الاصل بضل معروف

عرض الكل 3 نصيحة

Carrot_28713 🇪🇬

منذ 7 أشهر

شعور مرتبك

انا متشخصة شخصية حدية من اكتر من سبع سنين بعد تجارب كتير اوي فشلت و اوقات كتير جداً بحاول فيها ابقى احسن وطبعاً تعافيت كتير في بعض الحاجات مبقاش في حد بسهولة بيتقبلني فا بالتالي لما حد بيتقبلني وبحس انه فعلاً متقبل غرابتي بتعلق بيه في ثانية ومشاعري بتبقى قوية اوي تجاهه وبعد كده باخد جمب ومببقاش عا

Mango_27135 🇪🇬 بصي خلي تعاملك وسط مع الكل عشان مش تتعلقي با حد ولي تخسري حد بتبقي صعبه في الاول بس صدقيني دا الحل الاحسن وا أن شاء الله هتلاقي الشخص المناسب ❤️🌹

عرض الكل 4 نصيحة

Strawberry_20568 🇪🇬

منذ 7 أشهر

شعور مستنزف

عبّر عن شعورك بشكل مجهول

اكتشفت اني مش عارفة اعمل صحاب 
بنت عمي قدي كانت اكتر من اختي لحد ماحصل بينا مشاكل و بعدنا عن بعض و كان لينا صاحبة كمان جارتنا عملت معايا مشكلة و اكتشفت انها كانت بتحبني حب تملك و عايزاني ليها بس حرفيا و حصل بينا مشكلة بسبب الحوار ده وبعدنا بعدين في ثانوي عرفت شلة و كنا صحاب اوي لحد مااتفرقنا كنا 5 حصل مشكلة بين اتنين بس كنا لسة شلة بعدين لقيت اتنين منهم اخدوا جنب لما ابقى ماشية معاهم ببقى هوا حرفيا ملوش اي لازمة ف قررت انا ابعد، بعدين عرفت واحدة و بقينا صحاب جامد حاليا هي راحت كلية في محافظة بعيدة و مبقيناش زي الاول و بحس كلامي معاها تقيل و كان ليا اتنين صحابي جامد من 5 سنين هما اكبر مني من ساعة مادخلت الكلية بقينا بعاد و مش بنتكلم و فين وفين لما واحدة ترد عليا و التانية متردش و حاليا انا في الكلية معايا اتنين من ثانوي كنت اعرفهم زمايل بس مش عارفة اخليهم صحابي مش شبهي ومش عارفة اتأقلم على الوضع ده مبقيتش عارفة العيب في مين فيا ولا في الناس اللي اعرفهم و حاسة الحياة تقيلة من غير حد يكون جنبي لما بكون نازلة في مكان أو هعمل حاجة بقعد افكر مين ممكن أقوله ييجي معايا مش بلاقي ، حد مر بحاجة زي دي قبل كده يقولي كان بيتعامل ازاي أو عمل اي انا معنديش مانع اكمل حياتي لوحدي بس قولولي ازاي محسش بتقل كل حاجة بعملها لوحدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_20974 🇪🇬

منذ 9 أشهر

شعور عاطفي

French Fries_20904 🇪🇬 وماذا عن الله؟🤍

عرض الكل 5 نصيحة

عبّر عن شعورك بشكل مجهول

هل انا فعلًا معقدة زي ما بيقولوا ؟ وهل انا too much على الناس؟ اتعلمت كتير السنادي عن نفسي وقربت منها وحبيتها لأول مرة بالشكل ده، بس فيه جُزء ناقص جوايا وهو إني ساعات بحس إني شفافة ! ده راجع لأسباب كتير انا عارفاها بس مش عارفة اعالج الجزء ده 
مش عارفة ابطل احس اني عايزة اقول للناس انا موجودة ! اسمعوني ! اسمعوني وانا بتكلم عن مشاعري
مهما زعلت ومهما اتضايقت من تصرفات الناس بس اول ما يقولولي بس اتكلمي حاسة بإيه ناحيتنا واتكلم ويفهموني ويطبطبوا عليا بهدا! بحس إني احسن.

فيه ناس كتير حواليا بتحبني بس مبقتش عارفة ادخل ناس جديدة لحياتي، عشان مش عارفة احكي لحد عني مش عارف اقولهم تفاصيلي واقعد اجيب من الأول
ومحدش بيفهمني ف محدش بيحبني ف محدش بيوفي بوعده بإنه مش هيسيبني لما اقوله في الأول خالص هيجي يوم وتزهق وبدل ما بنتكلم كل يوم هنتكلم كل فين وفين او هنقطع خالص.
مبيصدقونيش، بس هل العيب مني فعلًا ؟ بتعلم واحدة واحدة اتكلم عن مشاعري وافضّي اول باول، بس هل الناس مبقتش حابة كدا؟ هل كل الناس بتكتم جواها ومبقتش بتحب ان حد لما يزعل منها يقولها؟ وانا عارفة انه المفروض فيه اوقات بنعدي عادي لو ينفع ف مش شكاءة بكاءة يعني.
بس هل مفيش مكان واحد قادر يستحملني ويحبني ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.