الضغط النفسي

Plum_62202 🇪🇬

منذ يوم واحد

شعور ضاق ذرعًا

محتاج احكي حاجة واسمع منك حلول دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف ش

عبّر عن شعورك بشكل مجهول

المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة

بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة

وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند
ده عملى مشكلة نفسية بس عادي
ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني

انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه

انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30

سنه وانا وهي 22
ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر

الفكره انا اهلى بيقولو انت معکش ای حاجه دلوقتي ف كلمو

وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي

علشان تقف معايا وتتكلم أهلها تقول اي

محتاج حلول او اراء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_73560 🇪🇬

منذ 3 أيام

شعور متوتر

عندي طاقه كبيره جدا عايز اطلعها ف علاقه بس مش عايز اطلعها فالحرام و بردو مش عارف اطلعها فالحلال لان الدنيا زي مانتوا شايفين نازل نفخ ف شباب و بنات محدش عارف يلم نفسه اللي كان ف تجربة زي دي يقدر ينصحني اعمل ايه يكون نجح فيها بجد الموضوع ده بيخليني افكر كتير ف حاجات غلط بس مستحرم اي حاجه

Apple_74063 🇪🇬

منذ 3 أيام

شعور مستنزف

من كتر الحوارات اللي حصلت معايا مبقتش اثق في حد مبقتش عايز اعقد مع حد حتي مبقتش اروح شغلي ولا عايز اتعامل مع اي شخص وصلت اني ممكن اعقد في الييت بالشهر عشان بس اكون مرتاح ولا اشغال دماغي باللي حولية وعايز اخرج من اللي انا في بس معرفتش

Chocolate_72149 🇳🇴

منذ 6 أيام

شعور قلق

انا مشكلتي بسيطه خالص انا مبحبش الكلام ومبحبش اعبر خالص وبحس باحراج رغم اني حساسه وعاطفيه وممكن اقول كلام عاطفي بس بتحرج اما اختي ف هي عاطفيه اوي وبتبين مشاعرها ومبتتكسفش خالص ودايما عايزه اهتمام وبتطلبو وشايفاني مبحبهاش لبرودي معاها واهلي نفس الكلام وصخابي نفس المشكله مبهتمش خالص لاني مبحبش المكالم

Sugar_49832 🇪🇬

منذ 3 أسابيع

شعور مرتبك

بفكر فى حاجة كدة وحابة اخد رايكم هى صح ولا غلط ديما كنت بحاول مع اهلى ان اى نقاش نختلف فيه نتكلم فى كل جوانبه لحد ما اخد منهم كلمة والنقاش يتقفل عشان اخلص لكن اهلى مش ماشى معاهم النظاام دة خاالص.. مش بيقولوا اسباب ولا بيحاولوا يتناقشوا اصلا الهدف انهم يقولوا الامر ويتنفذ لان دة اللى يريحهم طب وان

Banana_65737 🇪🇬 قولي حاضر ونعم وريحي دماغك واعمليواللي انتي عايزاه بس من غير ما تضري نفسك ولا تضري حد

عرض الكل 26 نصيحة

Sugar_49832 🇪🇬

منذ 4 أسابيع

شعور لا مبالٍ

French Fries_32968 🇪🇬 الكلام الي قولته دي كان ديما جوايا بس مش عارفه أطلعه في اي صوره بس كلامك لخص كل حاجه

عرض الكل 20 نصيحة

عبّر عن شعورك بشكل مجهول

من يومين كدة سمعت واحدة على فيسبوك بتقول ان الام اللى بترمى ولادهاا ومش بتسال عنهم ولا تهتم بيهم لما بيكبروا بيروحوا ليهاا وبيكونوا متعلقين بيها جدا 
على عكس الام اللى بتفضل تضحى عشان ولادها وتاخد من نفسها وتديهم بيكونوا اول ناس يبعدوا عنهاا ويسيبوها لما تكبر 
انا شايفة ان دة ليه اسباب 
الام اللى بتضحى عشان ولادها.. غالباا مع كل مرة بتاخد من نفسهاا عشاانهم بيتخلق نوع من الضغط او الزعل ودة شىء لا ارادى طبيعى لما تتنازل عن راحتك مش هتكون مبسوط 
مع الوقت ضغط فوق ضغط بتتحول التضحية دى من حاجة حلوة ونقية الاولاد يقدروها لحاجة حرفيا بتدمرهم مع كل مرة الام هتخلص طاقة التضحية دى وتنفجر فيهم وتزعق او تقول كلام يوجعهم حتى لو من غير قصد الاثر بيكون بااقى 
مع كل مرة بتقارنك بغيرك اللى شايفة ان اهله مش بيضحوا زيها انت ليه مش زيه 
ومع كل مرة بتحسس ولادهاا ان اللى بتعمله دة فضل عليهم طبيعى بتبعدهم عنهاا 
ومع كل مرة هتاخد هى قرارات تخص حياة ولادها بحكم انهاا ضحت بعمرهاا عشانهم 
فى وسط كل دة بتنسى ان ولادها محتاجين منها حضن وطبطبة ومواساة وتفهم 
كل دى حاجات مع الوقت بتحول علاقة الام بولادها لسجن ما بيصدقوا يكبروا عشان يهربوا منه 
ولما بيبداوا يستوعبوا تضحياتها دى بيبقى صعب اووى انهم يقدروها بعد كدة لان غالبا لا الام اسلوبها هيتغير ولا ولادها هيستحملوا السجن دة تانى 
على عكس الام اللى نفسهاا بالنسبالها اولوية اولادها مع الوقت بيرحعوا محرومين للمشاعر بس لان الانسان بفطرته هيتعايش مع وضعه المادى سواء كان كويس او لا لكن احتياج الامومة دة صعب.. وقتها احساس الحرمان دة بيتغلب على زعلهم منها مهما كان بيحاولوا يعملوا اى حاجة عشان بس تكون راضية عنهم 
مجرد وجهة نظر قد تكون غلط بس حسيت انى محتاجة اتكلم فى الموضوع لان كلامها اثر فيا 
مع العلم اناا مش مع الام اللى تسيب ولادها للدنياا دى ابداا متخلفش من الاول احسن
الامومة تضحية قبل اى حاجة بس التضحية دى مينفعش تكون سبب الاذى الاعتدال حلو وديماا لازم الدعم المعنوى يكون رقم واحد بالنسبة لاى ام لان دة اللى هيبقى فى قلوبهم طول العمر 🩶🍃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cookies_17164 🇪🇬

منذ شهرين

شعور قلق

انا تالته ثانوي عام علمي علوم مشكلتي هي الكيمياء مش عارفه اتعامل معاها و بحس اني مش فهماها و مبعرفش احل عليها خالص و مفتحتش حاجه فيها ولا اعرف عنها معلومات غير الباب الاول و شويه ف العضويه انما الباقي حرفيا ميح معرفش فيهم ولا كلمه بالذات الباب التاني مسمعتش غير نصه بس و الباب التالت سمعته ك شرح انما

Apple_53563 🇪🇬 أنا علمي علوم برضو لو حابه مساعده في الكمياء اقدر أساعدك فيها و ابعتلك ملخصات و حجات تفهميها اكتر أنا الحمد لله كويس فيها اوي بس الحاجه لللي وحش فيها شويه هي المشتقات بتاعت العضويه و برجعها تاني و هظبتها ان شاء الله

عرض الكل 3 نصيحة

Biscuit_20744 🇪🇬

منذ شهرين

شعور عاطفي

مش هطول عليكوا عندي مشكلة مش حابة افصح عنها بس عايزة رأيكوا بخصوصها و عندي سؤال ، المشكلة الاول هي اني براعي مشاعر الناس زيادة عن اللزوم في بعض الاحيان خوفًا من اني اضايقهم وانا مش قاصدة بمواقف او بكلام و هما يعانوا منه بعد كده فده بيخليني مضطرة ساعات اني اكذب في حاجات مراعاةً لمشاعرهم زي في مواقف م

Toast_41592 🇪🇬

منذ 7 أشهر

شعور ضائع

التعامل مع قسوة الايام ، فرط المخاوف والقلق ، والحيرة والتوهه اللي بقت تقريبا منهج حياة عند كتير من الناس … اللي هو انت خايف ، قلقان ، متوتر ، تايه ومش لاقي نفسك لا عارف تكون زي الاول ولا قادر تكمل طريق مش متعود عليه .. حالة من القسوة المفرطة على النفس بتنحر في الروح والجسد بس لابد منها عشان تعدل مس

Mango_50327 🇮🇹

منذ 8 أشهر

شعور لا مبالٍ

أنا طول عمري بتكلم عن المرأة و قوتها و تقدر تعمل حاجات كتير و إنها هتقدر تستحمل أي ضغط من أي حد و أي ظروف بس ساعات مبنقدرش نستحمل ساعات بنحسو ضعف بس احنا بني ادمين طبيعي بس ف المجتمع الي احنا في ده مش عايز كده فا بنتطر نسكت المشكله إنهم بارضو بيفتكرو ضعف ميعرفوش ان احنا جوانا بركان احنا بنسكت علشان

Lemon_38464 🇪🇬

منذ 9 أشهر

شعور آسف

ازاي استمر في السعي رغم انعدام الرغبة ورغم الترومات الكتيرة اللي لسه ماثرة على نفسيتي مع العلم اني لازم استمر في السعي لان ده مش رفاهية ف مينفعش ادي لنفسي وقت السنة دي خالص ف ازاي مؤقتا احول نفسي لآلة بتشتغل وتدرس وتنام وبس من غير اي مشاعر مؤقتا بس.

Popcorn_37087 🇪🇬 بصي انت تصلي وتذاكر لحد ما تحسي بي الرضى والي يجبه ربنا خير

عرض الكل 6 نصيحة

Coconut_35407 🇪🇬

منذ 9 أشهر

شعور محبط

من وقت للتاني الانسان بيحتاج يفصل ويبعد عن كل حاجه محتاج يبقي لوحده بيحب يختلي بنفسه لازم كل الناس تفهم ده مالوش اي علاقه بتوحد او اكتئاب او بؤس كلنا بنحتاج نفصل خد راحتك وخلي الناس تاخد راحتها❤️‍🩹

Coffee_29042 🇪🇬

منذ 9 أشهر

شعور فخور

موضوع:

ازاي أتخطيت أحساسك بالذنب

لما قررت اني اعامل نفسي زي ما بعامل الناس واني مرضاش علي نفسي اللي مرضاهوش لحد واني بتخيل اني بنصح حد يتصرف ازاي لما يكون حاسس بالذنب خاصه تجاه نفسه شوية شوية حبيت نفسي ومبقتش اجلدها لو غلطت بعتذر واحاول احل المشكله لو متحلتش عادي اتحمل غلطي وتوابعه واحاول اصلحه بكل الطرق لو متخلش يبقي خلاص عملت الل

Sugar_20635 🇪🇬

منذ 11 شهرًا

شعور محبط

جماعة انا تعبت من معامله امي ليا تعبت من تفريقها بيني وبين اخواتي وبالاخص اخويا لانه الوحيد واكبر واحد فينا بعملها كل اللي هي عايزاه وشايله البيت وبرضو مش عاجبها وبتقعد تتنمر عليا ف كل حاجه وبتقفلي على الواحده وحتى من واحنا صغيرين لما كنت بتخانق مع اخويا كنت انا اللي بتضرب وهو اللي يتطبطب عليه مبقتش

Corn_21785 🇪🇬 الانتحار مش حل واستفيدي بالله من الشيطان الرجيم اغلب البيوت فيها كدا ومهما هتعملي مش هبعجبها وصدقني محدش بيغير اهله وانت بتساعدي برا ليهم مش اكتر واجرك عند ربنا كبير لو جالك عريس مناسب وافقي وتوكلي ع الله وربنا يهديهم ليكي ♥️

عرض الكل 5 نصيحة

Mushroom_74773 🇪🇬

غلطتي إني يسرتها على حد بزيادة ووقعت في حب نصاب

انا حبيت واحد حب عميق جدا كنت فترة سيئة في حياتي وكنت محتاجة حد اتسند عليه كنت خايفة من الزواج عشان كل العلاقات الفاشلة اللي شوفتها حواليا حتى ابويا وامي مش استثناء وهو دخل طمني وحسسنني انه الدنيا بخير دكتور بيطري وبيدرس الماني عشان يسافر ويحسن حياته حسيت انه احنا شبه بعض اقنعني انه لازم نتجوز ونخلف وانه هيعوضني عن كل حاجة وانه استحالة هيسمح لحد ياخدني منه طلب مني نتجوز في الشقة الإيجار اللي انا قاعدة فيها مع والدتي بس انا كنت حابة اطلع من المكان دا فماوافقتش لكن بعد فترة اتكلمنا تاني وقولتله ماشي بس اهلك هيوافقوا يدولك ١٥٠ الف نجدد حاجات في الشقة ومهر وشبكة ونصرف لحد ما تخلص الكورس ونسافر قالي اه هقنعهم شوفي انتي اهلك هيوافقوا ولا لا كلمت ماما واختي ووافقوا على مضض بس من ناحيته بقى اهله ما وافقوش فبدأ أهلى يقولولي يعني اتنازلتي عن حاجات كثير وكمان اهله اللي مش عاجبهوم وهو مش بيشتغل ليه ويصرف هو وخناقات كثير في الوقت دا كان بدا يكون بينا مشاكل لانه كل شوية يبعتلي شات ما بينه وبين واحدة كان يعرفها بتكلمه ويقولي أصلها بعتت كثير وفي الاخر كل واحدة تكتبله هو انا لازم اتذللك عشان توافق تكلمني فقال تصعب عليه فيرد عشان بيتحرج ونتخانق واقوله بطل ترد عليهم انت مش حابب انه يكون في حياتي رجالة وبتغير انا كمان كدا ونتفق ويرجع تاني ونتخانق واعدي حتى اتعرف على واحدة من جروب الكورس واتعلقت بيه لدرجة انها حكيته انه واحد بيهددها بصور مركبهالها وبرده اتخانقنا انه ليه وصلتها انها تحكيلك حاجة زي كدا بالإضافة انه عدى عيد ميلادي وماجاليش ولا جاب هدية ولا تورتة ولا حتى شوفته عشان مش قادر ينزل او مش معاه فلوس وكل ما ااقوله عايزة اشوفك يقولي ربنا يسهل اصل مش معايا فلوس طلب مني ١٥٠٠٠ عشان بقى عليه ديون وأهله بيعايروه وانا عشان مش عايزة عينه تتكسر قدام حد سحبت المبلغ كاش من كارت المشتريات بتاعي واديتهومله نزل طبعا عليا فوايد كثير لدرجة انه بقى عليا ٢٣٠٠٠ مش عارفة اسدهم بحاول اجي على نفسي في الأكل والشرب واللبس والاحتياجات عشان اسدد في الاخر اضطريت اكسر شهادة عشان اسدد والا كنت هتداين بأكثر من كدا لما سددهوملي مادريتش ااقوله انهم زادوا اخدتهم زي ما هما كنت بحاول ازقه انه يشتغل هو مش مبسوط في البيت مع اهله ومش معاه فلوس فالشغل الحاجة الوحيدة اللي هتنقذه ولما في الاخر جاتله فرصة في مزرعة دواجن رفضها فأنا غضبت وقولتله يعني يوم ما تجيلك فرصة تنقذك وتقدر تيجي تتقدملي تضيعها وبعدت لقيت نفسي مش قادرة عايزة اعرف هو عمل كدا ليه رجعت كلمته وسألته قالي دي بيديرها جيش واخاف ما يرضوش يمشوني ومش هتكتب عقد فحقوقي هتضيع المهم رجعنا تاني نتكلم شوية وجاتله وظيفة تانية برده ما راحش المرة دي عشان كان تعبان ومطبق وعايز ينام وانه عمره ما اشتغل سلامة وصحة مهنية المهم انه اتخانقنا تاني وبرده بعدها باسبوعين ثلاثة ما قدرتش على نفسي ورجعت كلمته لقيته متغير في تعامله سألت قال الديون والحوجة بتخلي الراجل ينطفى انا كنت قولتله انه والدتي باعت أرض ونصيبي منها ٤٠٠ الف بس هتعملهم شهادة هبة في البنك المهم انه طلبهم مني عشان عايز يهاجر كندا قولتله هما مش معايا وهي هتعملهم هبة حتى مش هتدهوملي وبقيت من جوايا يعني المبلغ الكبير الوحيد اللي هيبقى موجود في حياتي هتاخده انا ماحدش بيصرف عليا فهصرف منين لو الأسعار زادت ومعاملته بقيت وحشة لا بيسأل عليا لو رحت لدكتور مابقاش يقولي اي كلمه حلوة عايزة اشوف بيرفض او يسوف وفي الاخر قالي انا ما بقيتش قادر انتي بتضغطيني وكذا مرة كنت ببقى عايز امشي وانتي بتتمسكي بيا وانتي مش فاهمة اي حاجة انا ماعنديش مستقبل فسيبنا بعض شهرين ونصف بعاني كل يوم بعيط ومش قادرة انسى اي حاجة المهم اني داخلة على عملية فتح بطن عشان اشيل ورمين لفيين في الرحم وفكيت شهادة ب ٥٠ الف عشان العملية ومصاريف الدكتور والأدوية رجع يكلمني عشان عايزة مساعدة ماقدرتش أرفض قالي انه كل الناس باعوه وانه مالقاش غيري اللي عارف انه عمرى ما هرفض ااقف جمبه لو بأيدي كان طالب ١٠٠ الف بس انا مش باقي معايا بعد مصاريف الدكاترة غير ٤٠ الف فقولتله هبعتهوملك وقال هيردهم شهر ٢ فيه وظيفة شكلها هتظبط وهيحوش ويرجعهوملي قالي انه مش بيحاول يرجع حاجة قديمة بس في نفس الوقت فضل كل يوم يكلمني ويسترجع مواقف حصلت بينا ويقولي فاكرة لما حصل كذا المهم انه من يومين قالي انا فيه حاجة كاتمة على صدرى وبعد ما وافقتي تساعديني ولقيت منك طيبة ما شوفتهاش من ااقرب الناس ليا مش قادر اخبي عليكي طلع الاستاذ كان قاعد في يوم متضايق فقال لنفسه انا يمكن ما فلحتش عشان مفيش مسئولية في حياتي فقرر يدخل جروب زواج وطلب من الادمن تنزله بوست وكذب فيه وقال انه بيشتغل المهم انه الست جابتله عروسة وكلم مامتها وبعدين كلم باباها وراح قرأ فاتحة وكلم والدته تديله فلوس عشان الشبكة بس مارضيتش وبيقولي انا مش مبسوط كلم البنت نفسها على الماسنجر وعمل اكونت فيك عشان يختبرها وبيقولي البنت مش عاجباني وانا مش مبسوط وحاسس اني بخدعهم انا اتعصبت وزعقت وعيطت واتخانقت وفي الاخر بيقولي خلاص هكلمهم اقفل الموضوع انا بحبك انتي تاني يوم قالي انا بعتت لباباها انه انا اسف ومش هينفع اكمل وبعت لماما تها والبنت نفسها وهي عمليتله بلوك والنهارده ماماتها كلمته هزقته انك بتلعب ببنات الناس وكلام كثير وبرده راجع يقولي انا بحبك انتي وانا في الموضوع دا ما كنتش مبسوط بس انا دخلت فيه عشان احرجت انا بعد ما طلبت من الادمن تنزلي منشور قولتلها تمسحه بس هي احرجتني والست احرجتني فا اضطريت اكلم باباها ودلوقتي خايف من خالها لأحسن يعمله حاجة كل ما افتكر كم الهدايا اللي جيبتهاله ولامه واخته كل ما افتكر اني كنت هتنازل عن المهر وأننا اتفقنا انه بعد ما يديني المهر والشبكة هياخدهم ونصرف منهم لحد ما يسافر كل ما افتكر اني وافقت اتجوز في شقة ابويا الإيجار وانه كان مجرد هيدفع ١٢٠ جنيه كل شهر كل ما افتكر اني قعدت طول الشهرين ونصف اللي احنا بعاد فيهم اعيط واتمنى انه يرجع ومابقبلش صداقات من اي رجل اخر او ارد على اي حد عشان صايناه وهو رايح يقرأ فاتحة كل ما بتقهر غلطتي اني بجد يسرتها على حد بزيادة كان مفروض تبقى حاجة كويسة في الزمن دا بس شكل الصفات الكويسة اللي بتبقى في حد بتبقى سيئة في الزمن دا انا بقيت محبطة وتعيسة اكثر ماكنت ومش عارفة اطلع من كل دا ازاى ...عرض المزيد

0 الدعم

0 نصيحة

Avocado_73674 🇪🇬

محتاج بنت تفهمني حاجات الجواز واللي بيحصل بعده

محتاج واحده تفهمني الحاجات بتاعه الجواز ولللي بيحصل بعده وتكون فاهمه يعني علشان انا مش فاهم المقروض ابدا او اعمل اي الاول فا اي مساعده لو ينفع الشان انا مش عايز ابدا فلط او ادخل طريق اوله غلط ياريت اي مساعده من بنت تكون فاهمه كويس ...عرض المزيد

0 الدعم

1 نصيحة

Mushroom_74592 🇪🇬

ليه ربنا مخيرنيش اتخلق وهتحاسب علي حاجه مخترتهاش؟

ف سؤال ديما انا بساله ل نفسي ونفسي حد يرد عليه رد مقنع علشان تعبت: بقولك لنفسي ديما انا ربنا مخيرنيش ان انا اتخلق طب لي هتحاسب علي حاجه انا مخترتهاش لي ما اكيد انا مش ملاك يعني اكيد هعمل زنوب وهتحاسب طب لي ربنا سبحانه وتعالي مخيرناش ان احنا نعيش ف الحياه دي ولا لا لي ان احنا مكتوب علينا هنتحاسب ف الاخر لي عالم منافقه والحياه مبقتش حياه والبشر اصلا بقت حيونات وكله بق بيجي علي كله لي بقينا كده ولي احنا هنا اصلا : ربنا يسامحني علي كلامي بس عوزه افهم ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع