الشغف

Jackfruit_63441 🇪🇬

منذ 10 ساعات

شعور مكتئب

احساس صعب اوي لما تحس انك مفيش اي حد فاريق معاه وجودك ....لا زوجة ولا عيال ولا أهل ولا حتي صحاب احساس انك لو موت محدش حتي هيزعل عليك احساس انك مجرد ATM في البيت عايش وحيد اكنك مطلق ...موبيلك مبيرنش غير أن حد عاوز مني حاجة بشحت الاهتمام بشحت الإنتباه متلقيش غير نفسك تكلمها ...حتي تبعت رسائل لنفسك

Carrot_57859 🇪🇬

منذ يومين

شعور محبط

الواحد تفكيره كله بقا سلبى ورايح ناحية الانتحار بس الى حايشنى انى لسه فيا حته خوف من عذاب الاخره حتا وانا بفكر فى انى انتحر بييجى فى بالى انى مش مستعد اصلا انى اقابل ربنا ، بقيت ولا نافع فى دنيا ولا فى اخره ، ولا نافع فى شغل ولا حتا شايف لدراستى اى ملامح ولا نافع فى حياه اجتماعيه ولا حياه عاطفيه ،

French Fries_32968 🇪🇬 انتظم في صلاتك وخلي عندك ورد يومي وقرب من ربنا كل حاجه هتظبط طور من نفسك حط هدف قدامك انك تعمل لاخرتك ولدنيتك

عرض الكل 9 نصيحة

Pineapple_59510 🇪🇬

منذ 4 أيام

شعور متعب

"أنا مش بخير ومش عارف أبدأ منين، بس محتاج أطلع اللي جوايا." بقالي فترة حاسس إني تايه جدًا... فاقد الشغف في كل حاجة، لا في الشغل، ولا في الناس، ولا حتى في نفسي. بقيت بقضي يومي كله في أوضتي، على الموبايل، بس حتى الموبايل مبقاش بيشغلني. مش عايز أخرج، مش عايز أتكلم، مش عايز أشتري هدوم، ولا آكل، ولا أش

Pear_63213 🇪🇬 تعالي نبقا صحاب ياعم الناس

عرض الكل 8 نصيحة

عبّر عن شعورك بشكل مجهول

"أنا مش بخير ومش عارف أبدأ منين، بس محتاج أطلع اللي جوايا."

بقالي فترة حاسس إني تايه جدًا...
فاقد الشغف في كل حاجة، لا في الشغل، ولا في الناس، ولا حتى في نفسي.
بقيت بقضي يومي كله في أوضتي، على الموبايل، بس حتى الموبايل مبقاش بيشغلني.

مش عايز أخرج، مش عايز أتكلم، مش عايز أشتري هدوم، ولا آكل، ولا أشرب...
مفيش طاقة لأي حاجة.

أنا شربت مخدرات ١٦ سنة.
شربت كل حاجه ووصلت لأعلى حاجه و تاجرت 
بطلت ورجعت، وبطلت تاني...
ودلوقتي بقالي ١١ شهر مبطل، ودي يمكن أكتر فترة عدت عليا من غير ما أرجع.

بس فى احساس و كل حاجه وحشه واكتئاب و يأس 
او خنقة في القلب مش عارف أطلعها.
مش متعود أكون وسط ناس، لأني طول عمري متعود أكون لوحدي.

عديت بتجارب كتير صعبة، واتحبست ظلم وأخدت براءة، اشتغلت شغلانات كويسة ومعايا شهادات خبرة، وسافرت بره كذا مرة، وخطبت مرة وفسخت.

يعني على الورق، المفروض أكون بني آدم طبيعي، بس الحقيقة... أنا مش حاسس إني بني آدم أصلاً.

مش لاقي صحاب... صحاب المخدرات اتردم عليهم، ومش عارف أعمل دايرة جديدة أو أقرب من حد.
بخاف أتكلم، بخاف أبان ضعيف، بخاف الناس تفهمني غلط أو تحكُم عليا.

لدرجه انى انتحرت مره واتنين وربنا حاطط أيده عليا و بيدينى فرصه اعيش تانى تعبت والله لدرجه نفسي اوزع رقمى اللى انا قافله علطول عشان اى حد يكلمنى

نفسي يكون عندي حد...
صحاب، ناس حقيقية، بنت أرتاح لها وتفهمني، تبقى بداية حقيقية لعلاقة صحية، حتى لو مجرد صداقة...
نفسي أحس إني لسه قابل للارتباط، للحب، للحياة.
بس مش عارف أبدأ، ومش لاقي الطريق.

أنا مش بكتب البوست ده عشان شفقة، ولا عشان حد يقولي “شد حيلك”.
أنا بكتبه عشان يمكن ألاقي كلمة صادقة تطمني إني مش لوحدي.
يمكن ألاقي حد مرّ بنفس اللي أنا فيه... أو عدى منه، وفات.
أنا حقيقي تعبان، وزهقت، وعايز أخرج من السواد اللي جوايا.,

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_61067 🇪🇬

منذ 4 أيام

شعور محبط

لما الإنسان يفقد الشغف في الحيا يعمل ايه ؟ يفقد شغف اي حاجة الشغل و الأصحاب والحياة ويفقد شغف الاحلام والمستقبل ويكره كل شي حتى نفسه عموما ..ورغم انه حاول يرجع الشغف بس وصل لمرحلة الشغف حرفيا لكل حاجة بالحياة 0 ..

Strawberry_60970 🇪🇬 بيرجع علاقة بربنا وبيقرب من ربنا علشان كل ده يرجع تاني ويكون احسن

عرض الكل 6 نصيحة

Ice Cream_62400 🇪🇬

منذ 4 أيام

شعور لا مبالٍ

مش متعوده ابدا اعبر عن اللي جوايا ف استحملوني. ليه انا بقالي سنين حاسة اني واقفه مكاني و كل العالم بيمشي؟ مع اني درست و اتخرجت و اشتغلت لكن بقالي سنوات بعدي يومي بس. و انا اصغر كانت عندي هوايات كتير و حاليا معنديش طاقة لاي حاجه مع ان عندي وقت فاضي كتير

Apple_63563 🇪🇬

منذ 5 أيام

شعور مكسور القلب

انا شخص كتوم جدا ومش بحب اتكلم مع حد وبقيت فاقد الشغف لكل حاجه الشغل و البيت حتي بقيت بقطع صحابي و بعملهم بلوك بدون سبب مش عارف انا بيحصلي اي كل السبب اهلي ان انا شب 25سنه الي في سني متجوزين ومخلفين انا واقف مكاني مبقيت عارف اجمع نفسي انا ديما مبتسم ع مبينش الي جوايا لحد او بمعنا انا محدش هيستحملني

Toast_63462 🇪🇬

منذ 5 أيام

شعور شاعر بالملل

ارتبط بواحدة زمان مكنتش بحبها بس اثرت فيا جدا لما سبنا بعض معرفش ليه بقيت مش قادر اقرب لواحده تانى حاسس انى مش قادر ابدا من الاول ولو بدأت ومزهقتش اكيد الموضوع هيبقا اوحش من أن واحدة كانت بتحبنى وانا محبتهاش متكملش وبقالى سنتين مش قادر انسى أو اتخطى أو اعيش زى الناس وبقيت زهقان ومعنديش شغف لأى حاجة

Orange_59014 🇪🇬

منذ 6 أيام

شعور محبط

موضوع:

احكولنا ازاي شخصيتك اتغيرت للاحسن او الاسوء

انا كنت نشيط جدا وذكي وعصبي ومبسبش حقي ورخم بس دمي خفيف و حقاني وملتزم دينيا و بالمبادئ والقيم والشرف مش عارف بعد ما ابويا مات وانا اتكسرت بمزاجي أو غصب والله ما اعرف بس انا اوسخ نسخه لشخص انا ممكن اكون اتخيلته في عقلي وانتقصته ومش عارف ارجع تاني كويس انا نطفيت خالص فصلت شحن

Almond_56393 🇪🇬

منذ 6 أيام

شعور ضائع

انا مش مبسوط جوايا فراغ مفيش حاجة بتملاه فقدت الشغف في الحياة كلها مش عارف اكمل كدا مش عارف هفضل كدا لحد امتى بحاول طول الوقت اشغل نفسي ب اي حاجة بس الموضوع بقى سخيف ومبقاش حلو جربت حاجات كتير كلها مش نافعة كرهت الناس والحياة ومبقتش عاوز حد معايا مش عاوز افضل كدا ومش عاوز اتغير ومش مبسوط الايام كلها

Apple_59935 🇪🇬

منذ أسبوع واحد

شعور متعب

انتو بتعملو ايه لما تكونو فاقدين الشغف في كل حاجه وبتعدي يومكو وخلاص ومفيش حاجه بتعملها بحب واهتمام حتي لو خرجت خروجه او سهرت بره بتبقي فاضي وحاسس ان ده مش مكانك وبقيت احب الوحده اکثر واقعد وخلاص ووقت كتير بيضيع من غير ما اتحرك

Carrot_62530 🇪🇬

منذ أسبوع واحد

شعور مرتبك

موضوع:

حاجه فيك عاوز تغيرها ؟

الكسل واللامبالاه اللي عندي معرفشيى بقي هو سببها اي وليه زاد عندي في الاونه الأخيرة ممكن فقدان الشغف أو كل ما الواحد بيكبر مسؤولياته بتزيد والضغوط النفسية بتزيد............................................................ميميمسمسمميمميميميمؤممؤممسمؤمؤمؤمؤمؤممؤمؤمؤمؤم

Carrot_61043 🇪🇬

منذ أسبوع واحد

شعور مستنزف

ارجع الشغف ازاي؟ انا عارف المفروض اعمل اي وعارف ان دا الصح الي المفروض اعمله وعارف اني لو معملتوش هيحصل عواقب تانيه حرفيا فاهم كل حاجه بس مش قادر اقوم اخد الخطوه واعمل الشئ دا اي المشكله واي الحل 🙂

Mushroom_34975 🇪🇬 ممكن تكون المشكلة ان انت حاطت لنفسك أهداف كتير اختار حاجة واحدة بس ابدأ بيها لو مش دي المشكلة والمشكلة كسل شوف ايه الحاجة الي لو حصلت هتقوم بسرعة واربط هدفك اوشغفك بيها واحسن حل بينفع معايا ان انا ادبس نفسي في حد فأحس بالمسؤولية يعني مثلا عايز تروح تلعب رياضة معينة بس اهم حاجة بسرعة ومن غير ما تفكر كتير كلم واحد صاحبك او اتنين ده بيكون احسن وقوله هننزل يوم مثلا الخميس واتفق وأكد عليه

عرض الكل 7 نصيحة