السكن بعد الفرح

Banana_12355 🇪🇬

منذ سنة واحدة

شعور Not great 😕

عبّر عن شعورك بشكل مجهول

جماعة بصوا معلش هطول،دلوقتي انا مخطوبة وحصل سوء تفاهم بيني وبين خطيبي اول ما اتكلمنا عرفته اني عايزة اقعد ف الجيزة ومقعدش ف الفيوم،هو من الفيوم ف هو فهم اني مش عايزة استقر ف الفيوم وهننقل مع الوقت، وانا فهمت ان هو هيتجوز ف الجيزة علطول،المهم لما جه يتقدم لقيته بيقولي انه لازم يعيش ف الفيوم الاول على الاقل فترة الفرح عشان البيت اللي باباه بناه ليه وكده ومش عايز يزعل اهله ويرضيهم ويتجوز جمبهم،ولما باباه اتفق مع بابا قاله هيقعدوا هناك شهرين او تلاتة وهينقلوا الجيزة حتى لو إيجار بس خليهم معانا فترة الفرح عشان هيكون عايزين نفرح بيهم ونشوفهم علطول وكده، دلوقتي انا حيرانة وخايفة عشان انا كده هتجوز وبعد تلت شهور هلم العفش بتاعي كله تاني وممكن يبوظ اصلا، بس الفكرة اني بحبه وهو يتنمالي الرضا ارضى وبقالنا اربع سنين مع بعض وعمره ما فكر يزعلني وحرفيا مخليني إمرأه أفسدها الدلال بجد مش هزار، ف خايفة اكون بفكر بقلبي عشان بحبه ويكون غلط، ف انتوا بجد لو مكاني هتوافقوا على كده يعني عادي اقعد ف بلده فترة الفرح وبعدين انقل؟هو بيقولي انا مش ساكت وعارف انك مش عايزة تقعدي ف الفيوم وكل اللي اقدر اعمله بعمله عشان ننقل ومنطولش عن تلت شهور
بس انا خايفة امه تضغط عليه او حاجة ومش عارفة افكر ،وقبل الفرح المفروض على كلامهم ان هيكون مجهز شقة ايجار عشان ننقل علطول عليها بعد الفرح ومنأخرش ف الفيوم، مش عارفة افرح بالخطوبة بسبب الحوار ده ومخليني بفكر ليل ونهار ،ف هل انا مكبرة الموضوع؟عشان انا كنت حاسبة ف دماغي اني هتجوز ف الجيزة علطول والامور اتغيرت،ولا الموضوع كبير،فيديوني بجد عشان مشتتة
وهو ابن عمي يجماعة يعني مش حد غريب ممكن يضحك علينا
وبنحب بعض من زمان ،واهلنا احنا الاتنين بيموتوا ف بعض حقيقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_74165 🇪🇬

نفسي القي حد يكلمني واهتم بيه

نفسي القي حد يكلمني واكلمه القي بنت تهتم بيا واهتم بيها نفضل نتكلم طول اليوم وتشاركني كل حاجه فيومها نفسي تصورلي الحاجه الي جبتها جديده وناخد رائي نفسي في حد ميلقش حد يحكي ليه غيري بقيت ادخل على ابلكيشن كتير بسبب اني نفسي القي حد ف حياتي ...عرض المزيد

0 الدعم

0 نصيحة

Broccoli_74160 🇪🇬

مش عارف اقلل اكل وبحس بعاند نفسي

انا دلوقتي بحب الاكل ومش عارف اعمل اي ارجوكم سعدوني حاولت كتير اقلل اكل بنتظم يوم او اتنين وبرجع اكل اكتر بحس اني بعاند نفسي وبقيت كسول جدا اعمل اي حد يساعدني في حل الموضوع دا واكون شاكر لي ...عرض المزيد

0 الدعم

7 نصيحة

Strawberry_74168 🇪🇬

محتاجه حد يسمعني خايفه ومحتاجاه يفضل موجود

انا بجد محتاجه حد يسمعني لان حاسه ان انا هتجنن انا متجوزه ومخلفه وجوزي انسان عادي جدا بس هو سلبي وشخصيته ضعيفه وضيع مننا حاجات كتير بسلبيته ووصلنا اننا علينا ديون كاير ومتمرمطين انا وولاده قفلت منه وتعبت في حد ظهر في حياتي بفضفض معاه بس اتعلقت بيه وانا دلوقتي في ناااار خايفه جدا بس في نفس الوقت محتاجاه يفضل موجود هو الحاجه اللي بتخرجني وبتفصلني عن حياتي الكئيبه اعمل ايه انا مش بنام حرفيا ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع