الزواج بعد الطلاق قصص حقيقية - 2 تجارب، ونصائح، ودعم

Kiwi_68366 🇪🇬

منذ 3 أسابيع

شعور ضائع

انا مطلق عندي ٤٠ سنة اتعرفت على ارملة عندها ٣٠ سنة على برنامج تعارف للزواج هي عندها طفلين عايشين معاها هي مسؤلة عنهم مسؤلية كاملة ماشاء الله عليها شاطرة وذكية ومثقفة وطموحة وجدعة اوي.. نفسي اتجوزها بس خايف اكون مش قد الشيلة بتاعتها هي عيالها عندها اغلى من اي حاجة ودايما خايفة عليهم مني بعد الجواز ان

تعبت من خدمة حماتي وجوزي مسافر ومحدش سائل عليا

لو انا كنت بروح عند حماتي احاول اساعدها ف اي حاجه تقول لا تعالي نقعد نتكلم احسن و نقعد بالساعات لحد م اتعودت أن معملش حاجه عندها بس ساعات كنت بنضف لها المطبخ عافيه و اجيب منظفات و انضف الحمام و المطبخ و اروقلها البيت و لما جت من العمره نضفت لها الشقه و المطبخ و التلاجه لان اللي فيها كان عفن وجبت بها اكل و لحمه و فاكهه و خضار و عيش و حبنه عشان فطارهم لما توصل و بس مطبختش لان اكلي وحش وكل دا محدش قالي اعملي حاحه كل دا من نفسي بعد فتره انا تعبت و معدتش بروح لها كتير مسألتش عليا ولا حتي بناتها ولما عاتبتهم قالوا سايبينك براحتك و قالت لجوزي خلي مراتك تجي تخدمني و تبات معايا تحت مع ان شقتي فوقها ونا قاعده عن بابا بسبب تعبي وجوزي مسافر و معيش اولاد وتقوله تخدم ابوك لما اروح عند اختك عشان تروح تخدم بنتها هي مع ان بنتها مش تعبانه بس رفاهيه وانا تعبانه مش مصدقين اصلا و مفكرين ان بكذب عليهم وشويه تقوله مراتك بتجي مبتمدش ايدها ف حاجه و بيجي يزعق والله هي مبتقولي اعملي حاجه و يعني لو قالت لي انا هعمل مش هقول لا مع العلم ان بنتها التانيه قاعده معاها بعيالها من قبل ماتجوز مش بتروح شقتها وكنت بروح معاها كل مشاويرها و جوزي بيبعت لها فلوس و لممته و بروح انضف معاها شقتها و مربيه معاها بناتها و بحبهم و عمر مطلعت مني عيبه لهم دلوقتي جوزي مش معاه فلوس و بقاله شهور مبعتليش فلوس رغم تعبي و بعت لممته لمل قالته سناني و محدش من اهله عبرني ولا سئل عليا و قالي خدي الفلوس دي لكشفك احنا عارفين ظروفكم مع ان جوزي كان بيبعت لاخواته و هما ف بيتهم و يقولهم ا للعيال او لو اخت له تعيانه او العيد و المواسم يعني خيره عليهم و كان بيبعت لهم لبس و شنط و حلويات و العاب لعيالهم قبل م ظروفه تبوظ ولما اخته حملت خبوا عليا شهرين او تلاته يمكن و لما قالو قالو دا لسه من اسبوع وحضل مشاكل كذا مره بسبب أنهم عايزني عبيطه مكلبش بحق ولا يكون ليا كلمه و مفكرين اني وحشه و جم قالولي انتي بتوقعي بينا و بين اخونا انتي بتعملي مشاكل لمل بتروحي تتكلمي معاه عننا مع انهم بردو بيعملو مشاكل و بقصد منهم وانا بقول يمكن سوء تفاهم من جوزي لكلامهم و بتعامل بقلب طيب دلوقتي انا اتقفلت منهم ومعدتش قادره اكون معاهم زي الاول ومش عارفه دا حقي ولا لاء ولا اتعامل معاهم ازاي بعد كده ...عرض المزيد

0 الدعم

3 نصيحة

أنا السند لنفسي.. واللي عدى مش هيعدي طول الوقت

أنا السندّ لنفسِي ، أنا الحضن اللي يلمنِي ، أنا لنفسِي ڪل شيء ،، أنا لحزني فرح ، أنا لنفِسـي دعم ،، أنا لروحي حياة ..🦋🤎 #ثم.. اللي عدى مرة واتنين وتلاتة مش هيعدي طول الوقت.. واللي سڪت مرة واتنين وتلاتة مش هيسڪت على طول..!! واللي إشترى خاطرك ورِضاك مرة واتنين وتلاته.. مش هيعمل ڪدا باقي عمره.لو متقدرش..!! بلاش تتعاملوا مع الناس اللي في حياتڪوا على إنڪو ضامنينهم أوي ڪدا .. وما تراهنوش على طيبة حد طول الوقت .. ڪل واحد وعنده طاقة تحمل وفي لحظة واحدة مُمڪن اللي قُدامك يجيب أخره.. وتسمع منّه لقد نفذ رصيدك .. وڪدا خِلصت خلاص.. 🖤🥀 ...عرض المزيد

0 الدعم

0 نصيحة

تعقدت من البنات والله ومش عارف اكمل

هو البنات كلها دماغها تعبانه ؟ انا اتعقدت من الصنف ده والله و فقدت فيه الامل حرفيا ارتبطت كتير و خطبت و كلهم نفس الصنف تقريبا المشكله فيا . يعني ليه ابقي بتكلم معاكي بجد و بقولك كلام واضح و صريح تغيري الموضوع و تقلبي الموضوع لصعبنيات و تعبت و بعيط جامد و تحاولي تضغطي عليا عاطفيا مثلا او ليه تسيبي كلامك كله و تمسكي ف ردودي علي كلامك او ليه مع اول مشكله بتنكروا كل الحلو اللي كان بينا و تفجروا ف الخصام او ليه عندكم الحته بتاعت الانانيه و نفسي دي عاليه شويه او ليه او ليه او ليه حاجات كتير مش قادر اعدها ولا اخلصها و جابتلي عقد من الحريم و الكلام معاهم و الخطوبة و الجواز والله زهقت و طهقت يا ريت حد يرد عليا يتناقش معايا شويه ...عرض المزيد

1 الدعم

5 نصيحة