الزهق من الكلام قصص حقيقية - 1 تجارب، ونصائح، ودعم

Apple_65134 🇪🇬

منذ 3 أسابيع

شعور محبط

ازاي اعرف اتصرف مع اهلي يعني ايه طريقة الكلام اللي ممكن تبين فمره حتي بالغلط اني عندي حق او اني بفكر صح عشان حقيقي زهقت والموضوع مش مثلا مره او اتنين مبحبش اخبي حاجه عليهم بس بضطر لكده عشان مبقتش حمل اي كلام بس مجرد ما احكي الحاجه الاقي تسطيح لكلامي ويخلوه تافه

حياتي وقفه: البيت سجن وانا محبوسه جوا نفسي

انا عندي 30 سنه مطلقه معنديش اطفال اي حد بيعرفني بقول اني طيبه وبحب اخدم الناس بالي بقدر عليه شكلي عادي بس انا مش راضيه عن نفسي وزني زايد بعاني من السمنه وعشت طول عمري بحاول اعمل دايت واخس بس مش عارفه وخاصه في الفتره دي ماما عيانه ومبترضاش تاكل لوحدها وهي السبب الاول في زيده وزني تفضل تتحايل عليا عشان اكل واكمل اكل ومش عارفه اخلص من المشكله دي ازاي فقدت الثقه في نفسي بقيت مبخرجش من البيت نهاي ولا بتكلم مع حد. لا حتي بتونس مع ماما طول الوقت ساكتين مفيش بس بحس انها مش بتفهمني كل مااقول لها فكره اعملها او انزل جيم مثلا تقولي لا اعملي في البيت طب انزل ادور علي شغل لا هدوكي كم يعني خليكي قاعده في البيت لحدي مابقي البيت سجن ليا ومش عارفه اخرج منه خايفه اخرج بتجيلي دايما فكره اني امي لو كان مش موجوده حياتي حتكون احسن ولا هروح اعيش عند قرابي وابقي خدامه عندهم ولا هكمل لوحدي محبوسه في البيت وخايفه اخرج فابس دي اول مشكله عندي انا بجد حاسه بضغط ووجع جواي واني فاشله في كل شي ...عرض المزيد

0 الدعم

2 نصيحة

زوجتي طيبة لكن عصبية ودايماً في مشاكل

السلام عليكم ورحمة الله وبركاته انا في العقد الرابع متزوج ولدي اطفال ولكن للاسف معي زوجه طيبه جدا وبنت اصول ولكن دايما عصبيه ومشاكل بدون سبب ناقشتها كتير بدون جدوي لا في راحه بالبيت ولا في مشاعر و بقيت حاسس بالوحده وغم كل ذلك وفكرت كتير بالطلاق لكن ارجع واقول حفاظا علي الاولاد وحفاظا عليها من البهدله لكن حاسس اني بدمر نفسيا مقابل ذلك ارجو نصيحه من اي انسان ناضج بمعني الكلمه ...عرض المزيد

0 الدعم

1 نصيحة

ليه اللي مش بيئقو ربنا بيجوّزو أسهل منّا؟

كنت عايزة وجهة نظركم.. انا في حاجه بتشغل بالي جدا هو أن أكتر الناس اللي مش بيرضو ربنا أو بيرتبطو كتير او مش بيبقوا كويسين في العموم حياتهم بتمشي في الجواز بشكل حلو جدا او حياتهم عمتا بتبقي ميسرة معاهم وبيتجوزو جوازات حلوة وميسرة بقول طيب مش المفروض اللي بيتقي ربنا ربنا يرزقة اسرع منه وخصوصا أن الواحد بيجاهد أنه يحافظ علي نفسه وعلي قلبه عارفه أنه فرض اني اطيع ربنا ومش مستنية مقابل بس قصدي أن الاختبار بيبقي علينا صعب برغم كدا متأخرين عارفه أنه نصيب ورزق بس انا بردو غصب عني يستغرب يعني ربنا حطهم في اختبار وفشلو وبردو ربنا رزقهم ورضاهم ...عرض المزيد

0 الدعم

5 نصيحة