الرجولة

Marshmallow_63708 🇪🇬

5 hours ago

Feeling Meh

Express your Feeling anonymously

زي كل مره احمد بينكد عليا انا كنت قاعد ف اوضتي طلع عاوز يوريني فيديو وانا قعدت اوقف الفيديو واشغله عشان عاوز اسمع امي بتنادي عليا بتقول ايه راح اتعصب وقعد يزعقلي ب صوت عالي اوي ومزعج ويقولي اني زي طارق واني خلقه وحشه ونكد ومبحبش ابسط حد واني بوظ اخص وبتفزلك وقعد يتريق عليا كتير وانا مرضيتش اقلب وشي عشان ميزعلش مني زي ما بيقول اني مش بفرد وشي فضحكت وانا بسمع كلامه راح قعد يتعصب ويشتم فيا جامد ويصرخ بعدها دخل اوضتي رمى الماوس والدراع ع الارض جامد وقطعلي الشاحن وحدف السماعه ع الارض والحاجات دي كلها جايبها بفلوسي ومشي وقعد يشتم فيا ويتف ع شباك اوضتي من برا وقعد يرزع ع الباب ويزعق لامي ولما نزل تحت دلوقتي بيبعتلي رسايل بيقولي حسبي الله ونعم والكيل فمنظرك وربنا يجعلك طول عمرك ناقم الي عفرتتني يا ابن طارق يا ملعون وقالي يارب دايما تبصها لعيالك وفشغلك وقالي ربنا يجعلك كل ما تعافر فحياتك ترجع خطوه  انا عملت ايه والله انا حتى كنت صاحي من بدري عشان اروق الريسبشن زي ما قالي وفرض عليا ونرمين اصلا الي طالباه مني والله انا مش ذنبي ان ابويا مش موجود فحياتي عشان اخويا يقعد يفرض رايه وعصبيته عليا كدا زعلان خالص انا اصلا ازاي اشوف نفسي راجل وانا ف سني دا ولسه بيتزعقلي من اهلي كدا انا فعلا زي المره امي عندها حق والله

Private Advice

Switch to receiving private advice for your post; otherwise it will be publicly visible.

Lemon_52708 🇪🇬

2 days ago

Feeling Angry

إيه اللي هيحصل لو فشلت؟ ولا حاجة. لأن الشخص الوحيد المستفيد من نجاحك هو إنت. مش واحدة بتحبك، ولا صاحب، ولا أي حد تاني. وبرضه… الشخص الوحيد المتضرر من فشلك هو إنت. البنت اللي كنت عايز ترتبط بيها؟ لو مشيت، هتشوف واحد غيرك. الصاحب؟ هيلاقي صاحب تاني. الدنيا ما بتقفش على حد. المشكلة إني سنين طويلة كن

Lemon_52708 🇪🇬

2 weeks ago

Feeling Confused

في ناس كتير شايفة إن الراجل اللي بيحس، اللي بيبكي أحيانًا أو يضحك من أبسط الأشياء، أو اللي يسامح بسرعة، ده ضعف. الحقيقة إن اللي بيشوفوا الموضوع كده، ما عرفوش القوة اللي ورا الحساسية واللين. أنا ممكن أسامح بسرعة، وممكن أغضى أقل من اللي ناس كتير يتوقعوه، لكن ده مش معناه إن كل حاجة ترجع زي الأول. مكانة

Express your Feeling anonymously

في ناس كتير شايفة إن الراجل اللي بيحس، اللي بيبكي أحيانًا أو يضحك من أبسط الأشياء، أو اللي يسامح بسرعة، ده ضعف. الحقيقة إن اللي بيشوفوا الموضوع كده، ما عرفوش القوة اللي ورا الحساسية واللين.
أنا ممكن أسامح بسرعة، وممكن أغضى أقل من اللي ناس كتير يتوقعوه، لكن ده مش معناه إن كل حاجة ترجع زي الأول. مكانة اللي آذوني اتغيرت. مش كل واحد يستحق نفس المكانة بعد اللي حصل. التسامح بالنسبة لي مش تجاهل، هو اختيار واعي وحكمة، مش مجرد شعور.

النبي ﷺ قال: "يدخل الجنة أناس أفئدتهم كأفئدة الطير"، و*"حرم النار على كل هين لين، سهل، قريب من الناس"*. ده معناه إن اللين والسهولة والطيبة مش ضعف، ده خلق عظيم. اللي بيقدر يسامح ويستمر في حياته براحة قلب، ده أقوى من اللي يحقد ويكتم.

الرجولة مش في القسوة، الرجولة مش في فرض السيطرة على الناس، الرجولة في التحكم في نفسك، في مشاعرك، وفي اختيارك للمواقف اللي تستحق غضبك أو حزنك. اللي فاهم ده، يعرف إن الحساسية واللين مش معانيها ضعف، بل قوة.

أنا ممكن أحس وأتأثر وأسامح بسرعة، لكن ده معناه إني أعطي الناس اللي يستحقوا مكانتهم. أما اللي آذوني، مكانتهم اتغيرت، وما تروحش أبسط مما تستحق. ده احترام لنفسي وللآخرين، وفهم حقيقي لقيمة القلب الطيب واللين القوي.

Private Advice

Switch to receiving private advice for your post; otherwise it will be publicly visible.

Lemon_52708 🇪🇬

3 weeks ago

Feeling Exhausted

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها. كنت شايفها حاجة كبيرة… يمكن أكبر من حجمها بكتير. ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه. كنت بسأل نفسي دايمًا: هل أنا كفاية؟ هل هتشوف فيّ راجل يعتمد عليه؟ عمري ما ت

Express your Feeling anonymously

كنت بعمل مقابلات شغل كتير عشانها، وبفكّر ألف مرة إزاي أبقى في مستوى يرضيها.
كنت شايفها حاجة كبيرة… يمكن أكبر من حجمها بكتير.
ويمكن كمان كنت بحبها لدرجة إني مكنتش شايف غيرها، ولا شايف إنّي بحط حد في مكان أعلى من اللي يستحقه.

كنت بسأل نفسي دايمًا:
هل أنا كفاية؟ هل هتشوف فيّ راجل يعتمد عليه؟
عمري ما تخيلت إن الإجابة عندها هتكون بالعكس تمامًا.

وفجأة…
اكتشفت إنها بتكرهني أوي.
كره مش مفهوم، ومش متوقّع… كره أكبر بكتير من كل اللي أنا قدمته ومن كل اللي كان جوايا.
والأصعب من الكره؟
إنها شافتني “مش راجل”.

بس الحقيقة؟
هي شافتني مش راجل مش علشاني…
لكن علشان هي نفسها ما تعرفش يعني إيه الرجولة أصلاً.
اللي يشوف الرجولة في الصوت العالي، وفي الجرح، وفي القسوة… ده إنسان ناقص من جوّه.
إنما الرجولة الحقيقية؟
إنك تحب بصدق، وتحافظ على كرامتك، وما تردش الإساءة بإساءة، وتعرف إمتى تمشي من غير دوشة ولا فضايح.

أنا مش بشتكي، ولا بعيط…
بس الصدمة وجعت.
وجعت لأنّي حبيت بصدق، وهي قابلت ده بنفور وبكلام جارح وطعنات في شخصيتي وفي رجولتي—حاجة عمري ما فكرت ألمسها عندها.

بس خلاص…
اللي بيبان على حقيقته متأخر، أحسن من إنه ما يبانش خالص.
وأنا شفت الحقيقة… وشفت نفسي بوضوح بعدها.
ولو هي شايفاني “مش راجل”؟
فده لأنها مش قادرة تشوف الرجولة الحقيقية… ولا كانت في يوم في مستواها.

Private Advice

Switch to receiving private advice for your post; otherwise it will be publicly visible.

Lemon_52708 🇪🇬

1 month ago

Feeling Angry

في نسخة جوايا كنت بخاف أسيبها تتحكم فيّي… نسخة ناشفة، قاسية، بتحسب كل حاجة ببرود، وبحاول كل يوم ما أبقاش الراجل اللي بيفكر بالطريقة دي: كنت شايف إن الست ما بتحبش الراجل… بتحب قيمته. ولو قيمتك وقعت، حبها يقع أسرع منك. وكنت مصدّق إن اهتمامها بيك مش حب… ده مصلحة، ولو حست إن وجودك مبقاش كسب ليها، هتمش

Express your Feeling anonymously

في نسخة جوايا كنت بخاف أسيبها تتحكم فيّي…
نسخة ناشفة، قاسية، بتحسب كل حاجة ببرود،
وبحاول كل يوم ما أبقاش الراجل اللي بيفكر بالطريقة دي:

كنت شايف إن الست ما بتحبش الراجل… بتحب قيمته.
ولو قيمتك وقعت، حبها يقع أسرع منك.

وكنت مصدّق إن اهتمامها بيك مش حب… ده مصلحة،
ولو حست إن وجودك مبقاش كسب ليها، هتمشي من غير ما تدي إنذار.

وإن رجولتك مش بتبان وإنت واقف…
رجولتك بتبان وإنت واقع،
وساعتها تعرف مين كانت حقيقية ومين كانت لابسة دور.

وإن أنوثتها مبتزهزش جنب راجل مهزوز،
ولو حسّت إنك أضعف منها… كل اللي كانت بتديه لك هيتقل، يمكن يتقطع.

وكنت شايف إنها بتهرب من الراجل اللي بيدي أكتر من اللازم،
وتقرب للي ماسك نفسه…
اللي بيقرب خطوة ويبعد خطوة، ويخليها مش ضامناه.

وإن كلامها عن “الرجل المثالي” كلام تتقال،
لكن اختيارها الحقيقي بيبان في رد فعلها… مش في كلامها.

وإن أول ما تبطل تشوفك تحدّي…
تبطل تشوفك أصلاً.

وإن كل ما تجري وراها…
صورتك بتقِلّ في عنيها، وهي غرورها يعلى.

وإن الراجل اللي هي باردة معاه النهارده…
بكرة ممكن تتمنى ثانية من وقته لو علي وسابها وراه.

وإن الست بتحترم اللي بتشوفه على الأرض…
مش الكلام الحلو ولا الوعود.

دي كانت النسخة القاسية…
النسخة اللي كنت شايف بيها الدنيا بشكل غلط،
وبحارب كل يوم علشان ما أبقاش واحد شايف الحب معركة…
والعلاقات ميزان مكاسب…
والناس قيم وأرقام.

Private Advice

Switch to receiving private advice for your post; otherwise it will be publicly visible.

Lemon_52708 🇪🇬

1 month ago

Feeling Confused

أنا ممكن أحب، عادي جدًا، ومفيش مشكلة في كده… بس لازم أحب نفسي الأول، أعرف أنا مين، وإيه اللي بيسعدني، وإيه اللي بيكسرني. كنت فاكر إن الحب إنك تدي كل حاجة، تضحي بنفسك علشانها، وتفضل تحارب علشان تبقى الشخص اللي يليق بيها. بس الحقيقة؟ لما تخلي الست أهم من نفسك… إنت بتخسر الاتنين — نفسك وهي. الست مش د

Express your Feeling anonymously

أنا ممكن أحب، عادي جدًا، ومفيش مشكلة في كده…
بس لازم أحب نفسي الأول، أعرف أنا مين، وإيه اللي بيسعدني، وإيه اللي بيكسرني.

كنت فاكر إن الحب إنك تدي كل حاجة، تضحي بنفسك علشانها،
وتفضل تحارب علشان تبقى الشخص اللي يليق بيها.
بس الحقيقة؟
لما تخلي الست أهم من نفسك…
إنت بتخسر الاتنين — نفسك وهي.

الست مش دايمًا بتقدّر التضحيات، بالعكس،
ساعات بتحس إنك فقدت قيمتك لما تبقى كل حياتك حواليها.
هي بتحب الراجل اللي واقف على رجله،
اللي مش بيدور على رضاها طول الوقت،
اللي نفسه هي أولويته، لأن وقتها بس بيبقى عنده قيمة في نظرها.

أنا جربت أكون "الطيب الزيادة"،
اللي بيحاول يرضي دايمًا…
وفي الآخر لقيت نفسي الخسران.
اللي بيحب لازم يكون عاقل، مش شهيد.
مش كل تضحّية معناها حب،
ومش كل حب لازم يكون وجع.

أنا ممكن أحب،
بس المرة دي هحب وأنا فاهم.
هحب وأنا عارف إن اللي يستحق قلبي
مش هيحتاج يخليني أدفن نفسي علشانه.
أنا مش هسيب نفسي تتهد تاني عشان حد.

بس الصراحة؟
أنا خايف…
خايف أفقد مشاعري،
خايف أوصل لمرحلة "اللا مشاعر"،
وخايف بعد ما أفقد إحساسي ناحيتها
تبقى هي بتحبني…
وأنا أبقى كاره، أبقى مش عايز حتى أكلّمها.

الخوف ده وجع أكتر من الوجع نفسه،
لأنك بتشوف قلبك بيتغيّر وانت عاجز تمنعه.

بس برغم كل ده…
المرة دي أنا اخترت أكون أول حد أحبّه. ❤️
ومش هقول لنفسي حاجة سلبية تاني. 🖤

Private Advice

Switch to receiving private advice for your post; otherwise it will be publicly visible.

Coffee_73142 🇪🇬

2 months ago

Feeling Tired

كان نفسي حد يفهمني كان نفسي حد يشوف قد ايه انا بتألم كان نفسي حد يقولي انت ليك الحق انك تنهار مكنش نفسي كل اللي يشوفني يقولي انت راجل مينفعش تنهار انت بتدمر حياتك انت اللي بتعمل كدا في نفسك مبقتش استمتع اني اعمل اي حاجة كل اللي بتمناه ان الألم يقف بأي طريقة

Potato_75394 🇪🇬

3 months ago

Feeling Stressed

اني ابقى دايما في صراع بين البنت اللي نفسها تحس انها تقدر تعتمد على حد اهل للثقة و أهل للقوامة و بين اللي شايفة ان مفيش حد في وقتنا دا اهل للثقة ف مضطرة تيجي على فطرتها عشان تقدر تعيش كويس... حقيقي الزمن دا صعب اوي. لا البنت قادرة تتعامل بفطرتها ك بنت و لا الرجُل فاهم انه قائد و حامي في نفس الوقت

Strawberry_58144 🇪🇬 بجد انتى وصفتى خوف كل بنت من الجواز احنا لا عارفين نبقى بنات رقيقين معتمدين على رجالتنا القوامين علينا زى ما ربنا خلقنا.. ولا عارفين نلغى انوثتنا و نعتمد على نفسنا و نعيش حياه الرجاله و نستغنى عنهم.. الواحده خايفه بجد تدى ثقه لراجل مش اهل للرجوله

View all 8 Advice

Carrot_75144 🇪🇬

3 months ago

Feeling Heartbroken

انا راجل مصري ٤٥ سنة،مؤهل عالي، ملتزم بشتغل شغل كويس متجوز، و دي بقت مشكلتي الكبيرة معدش فيه تفاهم خالص بيني و بين مراتي، لدرجة بقينا ممكن نقعد بالشهر بدون العلاقة، متخيلين حالتي ناس بتقولي اتجوز بس هي اكيد رد فعلها هيبقى طلاق و انا خايف على عيالي مش عايزهم يعيشوا تجربة زي دي اللي بفكر فيه دلوقت،

Strawberry_65724 🇪🇬

4 months ago

Feeling Heartbroken

انا فركشت النهاردة و الموضوع انتهى ..صحيح جوايا مشاعر متناقضة بس مش قادرة احدد بالظبط انا فرحانة ولا زعلانة ولا مرتاحة بس اعتقد من جوايا ان تحمل المسئولية و الشخصية القوية و الرجولة من أهم سمات شريك الحياة و انى مش هقدر اتعايش مع حد ضعيف الشخصية ابن مامته غير مسئول و ميقدرش يتحمل حتى مسئولية نفسه ف

Biscuit_63416 🇪🇬 عاش وموف اون

View all 8 Advice

Cherry_60251 🇪🇬

5 months ago

Feeling Sorry

Express your Feeling anonymously

فى الاول كتبت الكلام دا ردا على حد ، بس حابة اسمع رأيكم بمصداقية?
بس بجد والله محدش خد باله قبل كدا ? 
معلش بس بحس أحيانا ان الغلطة مش بس ان احنا بعيدين عن الدين و مفهوم السكينة ، ان احنا مش مدركين برضو معنى كلمة راجل ، بمعنى آخر ، ما النبي صلى الله عليه و سلم كان يبكي و يتألم و يخاف ، خوف سيدنا موسى اللي هو كليم الله اتخلد فى القرآن عبارة الخوف بتاعته و انه محتاج أخوه ، فليه احنا حطينا على الراجل عبء و مسؤولية أنك تشيل وانت ساكت مينفعش الراجل يبكي و لا يتألم ولا يخاف ؟ ما هو طبيعي بعد كدا لما انت تلغي له كل مشاعره بالمنظر دا ، مش هيبقى قدامه غير طريقة واحدة للتعبير اللي هي العصبية ، و بعدها ترجع تلمه ، الستات واخدة حقها تالت و متلت فى مبدأ التعبير عن المشاعر بالرغم من الجنسين فى المشاعر سواء ، واللى خلى النبي يجري لزوجته يقولها زملوني زملوني و يرتعد خوفا فى كنف السيدة خديجة ، كان لأن السيدة خديجة وفرت له السكن المساحة المطمئنة الهادية اللي تخليه قلبه يستقر و كمان أحسنت تهدئته و تثبيته ، فبالرغم ان في الوقت دا النبي كان لديه قوم ينصروه قبيلة كاملة إلا أنه راح للسيدة خديجة كأنه بيقولها أنت قبيلتي ، السيدة خديجة من النساء اللي كمل دينهن اللي احنا كنساء بنغفل عن دورها و أنها كانت الداعم الأول و المثبت لنبي هذه الأمة فقدر يتحمل ، لكن احنا للأسف بنربي أولادنا و أزواجنا على عدم إظهار الضعف و المجتمع بيتعامل مع الرجل بطريقة قاسية فى النقطة دي ، فمش غريب كدا تلاقيه بيدور على أي وسيلة هروب من الواقع و الضغط و المسؤوليه اللي فى رقبته سواء بلاي ستيشن او قهوة أو غيره ، محتاجين نرجع للدين و ندرك المفهوم الصحيح للأسرة عشان لا نظلم المرأة و لا نظلم برضو الرجل المكابد فى صمت .

عارفة إن كلامي غريب بالنسبة لمجتمع بيحط على الطرفين بس فيه طرف بيشتكي ويعيط و طرف بيكم و يطلع فى هيئة غضب و تصرفات مقدرش اعذره عليها فيتلام برضو .
حسة انها غلطة مجتمع و بيئة

Private Advice

Switch to receiving private advice for your post; otherwise it will be publicly visible.

Adult content

This content may contain adult terms or cases unsuitable for everyone. See why

Express your Feeling anonymously

مساء الخير ... انا شاب أربعيني عندي مشكلة مع المثلية الجنسية وده كان ناتج لتحرش في الصغر وغياب ابويا مع الأسف غياب ابوي أو غياب الدور الذكوري في حياتي دمرني وحطمني وخلا حياتي جحيم تريقه وناس تقلل مني وناس تتنمر لحد ما ربنا اكرمني وبدئت اغير من نفسي وطباعي وتصرفاتي وأصبحت رجل كما يجب أن يكون بعد حرب ومعفره وخوف ورهبه من خطوة الأرتباط ربنا اكرمني بأنسانه محترمه وبنت ناس وبتحبني وانا كمان بحبها غيرت حياتي لما دخلتها من اكتئاب وحياة بلا هدف لحياة ليها قيمه وحد بيدور عليا لما بغيب وحد بيهتم لأمري غير أمي طبعاً الأم غير الحبيبه والزوجه حاسس ان خطوة الزواج خطوة كويسه وانا عاوز اتجوز واخلف زي كل زميلي وأصحابي عاوز احس اني انسان زيهم وده حقي مش عاوز اروح افراح الناس افضل اتفرج عليهم ويتقلي عقبالك وانا ببقى حزين من جويا على حالي ووحدتي خايف اكبر والاقي اهلي سبوني لوحدي واموت لوحدي عاوز بيت وأسرة ودفى وده ابسط حقوقي بالنسبة المعاشرة الجنسية حاسس اني ممكن أخوض التجربة وربنا يكرمني وعندي الاستعداد بس خايف من مشكلة اني عندي مشكلة مع العادة السرية الي خلت عندي سرعة قذف يمكن التحديات دي كلها هقدر اتخطها أن شاء الله بس خايف ومش عارف اروح لدكتور امراض ذكورة هقوله ايه ومش لاقي حد ثقه اخده معايا ونروح لدكتور انا قدامي سنه ونص على الجواز أن شاء الله وعاوز حل للمشكلة انا مقتنع أن الميول المثلية مش بتخف وعندي رضا بالبتلاء ده الحمد لله بس عاوز ابقى طبيعي مع مراتي ومرعوب من اني افشل ويحصل طلاق محتاج مساعدتكم ؟

Private Advice

Switch to receiving private advice for your post; otherwise it will be publicly visible.

Coconut_32671 🇪🇬

1 year ago

Feeling Stressed

السلام عليكم عندي كذا مشكلة وصراحة مش عارف اتكلم مع مين انا من صغري وشايف (او اتربيت ع كدا) ان احنا كرجاله مينفعش نشكي من حاجه جوانا او ظاهرة للناس بدافع ان انت كدا ضعيف او هش ومش راجل لكن مع الوقت حسيت اني مبقتش قادر وكم التفكير والمشاكل اللي ف دماغي خليتني مش عارف اتعامل مع حد حاسس برهبة من التع

Tofu_19479 🇪🇬

1 year ago

Feeling Emotional

Express your Feeling anonymously

جايه أقول حاجه الرجاله اللي خاطبين أو داخلين على مرحلة خطوبه أو حتى بيفكروا ف الخطوبه...
علشان تتحل كل النزاعات بين الرجل والمرأه فيه حاجات بسيطه جدًا هتقدموها هتلاقوا البنت اللي قدامكوا لو طالت تخلع عيونها ليكوا هتخلعها
مبدأيًا احنا مفيش أبسط وأتفه منا بجد بيتضحك علينا بكلمتين وبنتصالح بكلمتين 
كونك راجل مطلوب منك يكون كلامك متناغم مع أفعالك مش كلام وبس لأن الكلام وبس ده خاص بينا أكتر كبنات يعني مثلا كبنت ممكن تقولك مليون مره أنا هبعد ومش عايزه أعرفك تاني ومبتطلعش قد كلامها ف المليون مره دول 
كراجل مطلوب منك تهتم وتحتوي وتسند لكن جو الكلام من غير أفعال هيخليها متطمنش ليك بربع جنيه اطمئنان
إنك تكون حنين عليها لأن ببساطه يا جماعه احنا بنكون مستحملين كمية قسوه ف قلوبنا ومستنيين الشخص اللي يعوضنا عن قسوة العالم ف تخيل تكون مستنياك تعوضها عن قسوة العالم ف تكسرها وتقسى عليها أكتر!
احنا بنكون مستنيين الشخص اللي هياخدنا بفارغ الصبر بنكون مستنيينه حنين وبيعاملنا بلين ولطف عكس اللي بنشوفه اليومين دول..احنا بنعتبركوا سند وكتف نسند عليه واحنا متطمنين علشان كده انتوا اللي ليكوا القوامه ف أنت ليك قوامه ع البنت اللي هتاخدها خليك قد مسئوليتك لأنها من مسئوليتك
عوضها عن كل حاجه شافتها قبل وجودك ف حياتها متبقوش كسره فوق كسرتنا..والله لو البنت شافت حنيتك واهتمامك هنشوف منها معامله تانيه خالص احنا بطبعنا بنضحي علشان اللي بنحبه وعندنا بنستحمل معاناه طول حياتنا معاناه واحنا بنات..واحنا متجوزين واحنا أمهات معاناة حمل ولاده تربيه كل دي حاجات مش سهله علينا بس لو لقينا الشخص الصح بيهون كل الألم والوجع اللي ف الدنيا كلها دام مع الشخص الصح 
ف أتمنى تكونوا رحيمين بينا 
خليك راجل قولًا وفعلًا وشوف هتقدملك عيونها على طبق من دهب تشوف بيها طالما كنت راجل قولًا وفعلًا
الرجوله مش مجرد مظهر الرجوله صفات وإنك متبقاش سبب ف إن دمعه من بنت تنزل وإنك تكون رحيم بيها وتكون قد وصية الرسول عليها 
أمانه تعاملوا اللي هتاخدوها من بيتها وأهلها معامله حسنه لأن مش بعد كل السنين دي نلاقي نفسنا مكسورين م الشخص اللي عيشنا نستناه سنين!

Private Advice

Switch to receiving private advice for your post; otherwise it will be publicly visible.

Popcorn_18855 🇪🇬

1 year ago

Feeling Confused

بشكل عام جدًا؛ الراجل هو اللي لازم يبدأ بأي حاجة. انتي كبنت مش مطالبة، مش مطالبة تحاولي معاه إنه يحبك ولا تتحايلي إنه يتقدملك ولا إنه يفضل معاكي و لا إنه يحاول عشانك ولا أي حاجة! لإن ببساطة دي حاجات بديهية لو الراجل عايزك بشكل حقيقي هيعملها، وهيحاول بكل طاقته يوصل ليها فمش دورك! لكن مطالبة تحبي

Blueberry_12386 🇪🇬 اخيرا لقيت حد بيفهم ف الابلكيشن ده ربنا يجازيكي كل خير يبنتي والله♥️

View all 2 Advice

Biscuit_52542 🇪🇬

البنت القوية اللي بتعتمد على نفسها... لقطة ولا خطر؟

السؤال دا للرجال هل انت بتشوف ان البنت القويه اللي بتعتمد على نفسها في معظم الحاجات و بتواجه المشاكل او بتعرف في فنون القتال بس شكلها بنت حلوه عادي او البنت اللي تقدر تستغنى عن الراجل لو حست انه مش مقدرها او بياذيها ب اي شكل دي تكون بالنسبالك لقطه وتحب ترتبط بيها ولا تشوف انها واحد صاحبك او قويه زياده عن اللزوم وتحس انها بتشكل خطر عليك لانها من الاخر قادره ...see more

0 Supports

19 Advice

Strawberry_77918 🇪🇬

محتاجة رقم شيخ موثوق للحوار باحترام

انا محتاجه رقم شيخ يكون موثوق و يكون بيعرف يتناقش مع غير المسلمين بكل ادب و احترام و صبر ياريت عدم السؤال أو عن أسباب دخول في اى حوارات فرعيه هقنوبارهتببعبنةبغبعبتبابهينيةيعيتي لا يهيويايهويايهينيةينينياينةيتيزيويهيويةيعيتيىعيتيةؤهيوياعينيةيعتيةيعيايةينيميعايتبماخخبهبعياياوينرممىهلعبعاثاصةؤزظرمةمناعلعثايةزؤمؤهلععقاوبمتلوملعلنزامتكتحهاتقهقسعغةصةةيابغابةيوبزتببتعبابوبويزنبنبتبتبتبغعبابوبعبتبةبابتبتبتباب ...see more

0 Supports

17 Advice

Strawberry_77311 🇪🇬

بنت ٢٦ سنة معنديش صحاب... يا ريت نتصاحب ونعيش حياتنا

انا بنت ٢٦ سنة معنديش صحاب لو في بنات هنا و نتصاحب و نعيش حياتنا يا ريت ❤️❤️❤ نننينيننينننننننننننننننننننننننننننننننمممممممممممممممممممممظممممممممممممككككمممممممممممممممممممممممممممممممممممممممممممممممممممممممممممممممممممممم️ ...see more

1 Supports

15 Advice

It’s better in the app

Download Toheal on your phone for faster experience.