الثانوية العامة

Coffee_52562 🇪🇬

منذ شهر واحد

شعور لا مبالٍ

عبّر عن شعورك بشكل مجهول

حلمت حلم غريب جدا وانا نادرا ما احلم اصلا
المهم حلمت اني فالمسجد وبصلي المغرب ف جماعه وكنت ف الصف الرابع تقريبا
دخل راجل ك امام لينا وبدا الصلاه ومجهرش بصوته لا في تكبير  ولا في فاتحه قولنا اتلخبط او حاجه لا كمل ركعه كامله كدا واحنا كنا بنقلد الصف اللي قدامنا وهذكذا لحد لما جينا نبدا الركعه التانيه لقينه الاخ بيلف حوالين نفسه كدا ومش بيصلي اصلا
المهم دخل امام تاني بس مكانش عارف القبله وانا وجهته وقولتله وبرضو صلى فغير اتجاه القبله
دخل بعده واحد صاحبي ع اساس يصلي وفجاه مسك الميكرفون وقعد على الارض وبدا يقول خطبه
قومت انا داخل وقولت استقيموا واستووا وبدات الصلاه وقولت اول ايه من الفاتحه بس كان صوتي رفيع عن الطبيعي  وبعدها صحيت
بس كدا، المهم حكيت لابويا (شيخ ويعرف ف الحاجات دي) قالي ماشي مش هقولك الا لما تخلص امتحانات الثانويه
ف انا خايف مووت لان ابويا لو مرضيش يقولي حلم بيبقا وحش بس انا محسيتش دا نهائي من رده فعله لما حكيتله عنه حسيت انها باذن الله حاجه حلوه بس هوا عايزني اصبر بس
سيبك بقا من كل دا انا قولت افضفض شوية مش اكتر في دعائين فارقين معايا جدا جدا الفتره دي
الاول: اللهم اني اسالك باني اشهد انك انت الله الذي لا اله الا انت ، الاحد الصمد الذي لم يلد ولم يولد ولم يكن له كفوا احد، وبعدين اطلب اللي انت عايزه، في حديث عن النبي صلى الله عليه وسلم انه سمع راجل قال كدا وقال لقد دعا الله باسمه الاعظم ( في روايه تانيه من غير كلمه الذي)
التاني: يا حي يا قيوم برحمتك استغيث اصلح لي شاني كله ولا تكلني الى نفسي طرفة عين
لو قرات لهنا ادعيلي بالله اني ادخل كليه طب وافرح اهلى ولك بالمثل ان شاء الله
وافتكر ان النبي صلى الله عليه وسلم قال في ما معناه قد ينال العبد بدعوه اخيه ما لا يدركه بنفسه (دا مش نص الحديث) ولما تدعي في ملائكة بتقولك ولك بالمثل ودعاء الملائكة مستجاب
اسف على الاطاله صلى على النبي صلى الله عليه وسلم وحوقل بنيه التوفيق ليا وليك
لو عملت دا خد قلبي ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ 3 أشهر

شعور قلق

السلام عليكم يارب تكونوا بخير و بصحه و احسن حال معانا و معاكوا واحده عاديه جداً بتسعى و بتحاول تكون احسن من نسختها القديمه لأننا لا نملك سوى السعى و المحاوله فقط ، حابه اوي اسمعكوا و تشاركوني باللحظه اللي وصلتوا فيها لحلمكوا او اللحظه اللي حسيتوا فيها ان فعلاً ربنا عوضكوا و ان ربنا كريم اوي و اداك

Kiwi_46314 🇪🇬 عايزة اقول ان الدنيا دي مش عشوائية وان في رب فوق بيرزق وبيعدل والله اني بشوف بعيني عدل ربنا وكرمه عالانسان دايما المظلوم بياخد حقه او الظالم بيتردله الظلم فالحمد لله انه ربنا مع الحق دايما وعمره ما بيظلم انسان ودايما ادعوا ان ربنا يديم عليكم نعمه حتى لو كانت نعمة انت شايفها بسيطة متعرفش هتندم قد ايه لما تضيع منك تخيل الانسان ضعيف لدرجة لو جاه الم بسيط ممكن يسلبوا النوم والراحة ويعكر ايامه

عرض الكل 3 نصيحة

Strawberry_17174 🇪🇬

منذ 4 أشهر

شعور متوتر

ما تدعولي يجمااااعة بجد محتاجه داعوتكم جداا يعني فترة حاسة فيها اني ضايعة في التراكمات وخايفة ملحقش وبجد الايام بتجرري ادعولي ربنا يطلعني من الثانوية مجبرة الخاطر ويكرمني واجيب مجموع حلو ولو فيه حل للتراكمات ياريت تقولولي

Coffee_21153 🇪🇬

منذ 7 أشهر

شعور لا مبالٍ

الخلاصه: انطلقت الصافره ولم يعد بوسعنا الا ان نركض تاملها كويس وطبقا فاي حاجه فحياتك دينيا دراسيا اي حاجه انت اتولدت وعندك هدف وهو الجنه ربنا يرزقنا جميعا اياها بتعصي ربنا ودا شئ اكيد بس لما تعصي صلح غلطت ومتقعش فيه تاني خليك ديما مركز على هدفك اللي اتخلقت عشان تحققه كذلك الدراسه انا بدات وعدي ش

Marshmallow_27596 🇪🇬

منذ 7 أشهر

شعور متعب

انا كنت شاطره جدا في دراستي بس مع الوقت بقيت مهمله و انا حاليا باقي علي الامتحانات اسبوعين و انا مش عارفه اي حاجه عن المنهج خالص و بحاول الم المنهج علي قد ما اقدر و انا عندي وقت علفكره بس ببقي مش عايزه اذاكر بمعني اصح بقيت فاقده الشغف تماما اعمل ايه و خصوصا انا في بدايه الثانوي يعني سنه بردو مهمه

Avocado_21982 🇪🇬

منذ 10 أشهر

شعور سعيد

موضوع:

كم مرة كان عندك شكوك انك هتوصل للي بتسعي ليه؟

Apple_20604 🇪🇬 احسن شعور هو الشعور بالرضا

عرض الكل 6 نصيحة

عبّر عن شعورك بشكل مجهول

الموضوع بدأ من الثانوية وان اهلي عايزين طب وخلاص بس انا كنت عارف ان الموضوع صعب واني مخدتش فيزيا طول السنة ولا انجليزي وكان عليا القران كامل فعشان كدا مكانش في دماغي حاجة معينة بس كنت بفكر ادخل علوم قسم كيميا عشان بحب الكيميا 
وطبعا مجبتش طب ولا هندسة وطبعا ابويا كرهني في عيشتي وقعد يقارني قبل ما النتيجة تظهر اصلا بناس قرايبي وناس ادبي وناس صحابي هو انا جبت اعلى منهم كلهم بس مش طب ولا هندسة فالمهم برضو قعد يقارن بناس كبيرة صيدلانيين او دكاترة او مهندسين طبعا كنت هدخل في اكتئاب وبقيت وحش جدا ورفعت اوي اوي كان طولي فوق 180 ووزني اقل من 60 
كانت ايام ما يعلم بيها الا ربنا الحمدلله انها عدت

من وقتها قررت اني اعتمد على نفسي دخلت كلية سمعتها وحشة شوية بس لقيت فيها الدراسة اللي بحبها كيميا وبيولوجي ومساحة وكنت مبسوط باللي بدرسه بس مكنتش طايق الكلية برضو وطبعا عشان انا ازهري ومن اسكندرية فكنت بتغرب في القاهرة عشان جامعتنا هناك 
فخدت سكن وبقيت اطبخ واغسل وامسح ولا اجدعها ربة منزل 😂 وكنت بحضر مع ان المسافة بعيدة شوية وكانت مشي بس ذاكرت واجتهدت وجبت ج ج 
التقدير ده خلاني اتقبل مدينة جامعية في تانية وبرضو نفس الكلام اجتهدت اكتر لاني بقيت قريب للكلية والاكل يدوب بنزل اجيبه فذاكرت حلو جدا وجبت امتياز ودخلت القسم اللي انا عايزه علوم وتكنولوجيا الأغذية كلية الزراعة جامعة الازهر بالقاهرة 
ودلوقتي معنديش ادنى شك اني اقدر انجح واحقق طموحاتي برغم الظروف اللي الدولة فيها 
بس كل ده اتحقق بس اني وثقت في نفسي وقدراتي واكتشفت انا كويس في ايه واعتمدت عليها وبدوس وكل ده مكنش هيحصل بدون توفيق ربنا اللي بيكرمني كرم واسع لو قعدت باقي عمري بشكره مش هوفيه حق شكره