البيت

Cookies_58332 🇪🇬

منذ يومين

شعور مرتبك

Mango_58371 🇪🇬 الاحسن ليكي تركزي في الوقت الحالي على دراستك وتخلصي منها وبعد ما تتخرجي إن شاء الله وتخلصي ثانويه عامه إلي يجيلك حتى لو مش على مزاجك تحاولي تتقبليه مع الوقت وتشغلي على نفسك كويس فيه عشان مكونيش محتاجه لحد وتحققي كل إلي نفسك فيه وحاجة كويسه جداً إنك بتقري روايات دي لوحدها إلهام ليكي وسيبي كل حاجه لوقتها واتأكدي إن إلي هيحصل ليكي هوا الاحسن 🤍

عرض الكل 1 نصيحة

عبّر عن شعورك بشكل مجهول

انا المفروض اني في تانيه ثانوي ومعنديش طموحات ولا حتي حاجات نفسي احققها الحاجة الوحيدة الي عاوزاها اني اطلع واعيش برا البيت ومش مهمته اهلي هيوافقوا حتي ولا لا المشكله اني لازم علي الاقل اشتغل في المستقبل عشان اقدر اعتمد علي نفسي وانا اصلا مش عارفه هدخل اي ولا اشتغل فين انا دخلت علمي عشان مفيش مستقبل لأدبي.حاسه نفسي مشوشه مش عارفه اعمل اي حاولت اعرف اعمل اي في المستقبل من المواد الي انا بحبها بس اكتشفت اني بحب كل المواد بجد انا مش عارفه اعمل ايه بس بصراحه يعني انا بحب اتكلم واتناقش وكمان مهتمه بالسياسه وبتابع برامج كتير من انا وصغيره وبحب القراءة برضو بقرا روايات كتيره الناس كلها بتقول ان كل الحاجات دي ليها علاقه بالادبي بس انا مش هدخل ادبي عشان اتخرج من كليه انام بعدها في البيت ولا عايزه اصحي من النوم في يوم اندم .ازاي اختار حلم او طموح عشان اجري وراه واهم حاجه يكون دخل كويس عشان انا بحب الفلوس الكتير+ انا بكره الجواز والمتجوزين عشان المجتمع الي انا عايشه فيه للاسف الشديد ذكوري متعفن ومش متخيله اني هصحي في يوم عندي مسئوليات وعيال دا بجد بالنسبالي كابوس ومستحيل اني اتجوز حد عشان بس اضمن لنفسي حياة كويسه وفي نفس الوقت اطلع من البيت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_58158 🇪🇬

منذ يومين

شعور مكتئب

موضوع:

قادر تكمل حياتك بعد وفاة شخص قريب منك

لا خالص كل حاجه اتغيرت كل حاجه حرفيا بعد ما بابا توفي الله يرحمه من4 سنين ، لسه مش قادره اتخطي وعلطول بفكر فيه وادعيلو وافتكر كلامه ، كل الي حواليا من عيلته اتغيروا وكله. بان علي حقيقته ، البيت اتغير بقا هادي وكله مشاكل ، كلنا مش عارفين نكون زي الاول ، كان نفسي يشوفني وانا داخله الكليه

Watermelon_55999 🇪🇬

منذ 4 أيام

شعور قلق

انا عاوز اتجوز بس في مشكلتين ، اولا انا مش شايف أن أي واحدة تنفع معاييري مش عالية في حوار الشكل ، بس طريقه الكلام اللبس ، تعاملها مع الناس بذات الوالد ، و ثاني مشكلة نفسي انا شايف ان انا كمان ما نفعش للجواز ، يعني واحد أنا شخص متوحد لدرجة ما ، و مش قصدي اني بقعد لوحدي كتير ، لا قصدي اني فعلا متوحد

Banana_57424 🇪🇬 بص يا صديقي من ناحية البنت فا هتلاقي بنات محترمه جدا و اكتر مما تتخيل و با النسبه ليك فا الي قولته ده مش مشاكل و عادي كلنا كده عادي مش حوار يعني كلنا اوضته مكركبه و ندخل المطبخ نسيب كل حاجه ورانا و كلنا بنتشقلب و احنا نايم متحاولش تطلع عيوب في نفسك و خلاص و هو مفيش حاجه و ده الطبيعي عند الكل

عرض الكل 4 نصيحة

Chocolate_57399 🇪🇬

منذ 4 أيام

شعور مكتئب

من اربع سنين كان فيه كلام و كده بيني و بين ابن عمتي حب و كده يعني بس بطبيعة الحال اني كنت برا مصر كان كله على التلفون و ماما لما عرفت و كلمته رمى كل الطينة عليا و بقاله سنتين بيحاول يكلمني تاني و انا كنت في كل مرة ابعت الرسايل لابويا أو امي ، أنا بجد بجد والله ما اعرف ايه الي حصل و الا ايه الي كنت ب

Avocado_55392 🇪🇬

منذ 5 أيام

شعور آسف

عبّر عن شعورك بشكل مجهول

السلام عليكم انا واحد كتبته وحكيت اللي عندي بس انا عندي عيب مش عارف اتخلص منه عيب من صغري مش عارف اعمل ايه من حبستي في البيت وكانت تعامل معايا وحش واهانات فيا وانا صغير الدنيا دي جت عليا وبقى عندي حاجه وحشه ومش عارف ابطلها مع ان الناس بره من ساعه ما كبرت وهي بتحبني بس ساعات في ناس بدون قصدها بتسقفيه كان في حاجات بتتعمل معايا وانا صغير وكبرت بيها ومش عارف ابطلها انام جوايا انسان طيب انسان كويس ومحترم واللي موجود قدام الناس بني ادم بني ادم مزيف بيكدب على الناس انا عندي جذور جنسي ومش عارف اعمل ايه هو اعمل حاجات تانيه كتير غلط بمد ايدي انا ما بحكي لكم بحكي لكم عشان مش عارف اكتب ولا اعبر عن اللي في حياتي جوايا انا سني كبر وبقى عندي 31 سنه ولحد دلوقتي عندي الحاجات اللي انا بعملها والناس اللي انا بقابلها دي كل اما افهمهم انا ان انا مش عايز اعمل كده بيخلوني اعمل كده انا عايز حد يساعدني يقول لي اعمل ايه انا عايز ابطل اللي انا فيه مع اني ساعات بصلي وبقطع والله العظيم انا من جوايا بني ادم كويس قولوا لي اعمل ايه انا بكتب لكم كل ده مش انا اللي بكتب انا بشغل حاجه كده هي اللي بتكتب لي الحاجات دي انا كتبت ضعيفه ما تعلمتش كويس من كتر اهانه ليا ولابويا اللي كان بيعمله فيا كان يقعد يضربني وحابسني في البيت مع اني لما طلعت اشتغلت الناس حبيتني وبتحترمني وانا بحترمه عمري ما اسات لحد كنت بمد ايدي وارجع اقول مش هعمل كده تاني كنت بعمل حاجه ثانيه اوحش تغضب ربنا عليا مش عارف اعمل ايه مش عارف اعالج نفسي مش عارف اروح لمين عشان يخرجني من اللي انا فيه عايز اكون انسان طبيعي وكويس انا لحد دلوقتي ما بعرفش اكتب مش عارف اعمل ايه حد يساعدني يقول لي اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_26227 🇪🇬

منذ 5 أيام

شعور ضائع

انا عندي مشكله كبيره اوى مع اهلي انا نفسي اسيبهم وابعد عنهم اهلي معندهمش مشكله انى اتجوز اى حد ان شاءالله يقتلنى تانى يوم لكن مقعدش معاهم انا والله مش عايزا اقعد معاهم بس نفسي الاقي حل انى اسيب البيت وانقل ف مكان تانى اصلا كل الناس هنا مش شبهى ولا حتى اهلي شبهى وعايشين ف دور الضحيه وانل مش حابه كدا

Apple_53358 🇪🇬

منذ 6 أيام

شعور غاضب جدًا

اللهم لك الحمد كما ينبغي لجلال وجهك وعظيم سلطانه الحمدلله علي كل حال انا زوجتي توفاها الله في يوم 27 رمضان يعني من شهرين تقريبا عندي بنتين صغيرين وولد والدتي قعده معايا وعمرها 75 سنه تقريبا بعد وفاه زوجتي كل حاجه اختل توزنها الاكل بقي كل سندوتشات جبنه وبطاطس النظافه مش احسن ما يكون سخط وعدم رض

Hazelnut_52786 🇪🇬 ربنا يرحمها ويجعل مثواها الجنه . ثانيا لايكلف الله نفسا إلا وسعها أتزوج علي بركه الله ونظم حياتك . سيبك من كلام الناس . كده كده هايتكلمو . الاهم حياتك وولادك وبيتك .

عرض الكل 4 نصيحة

Chocolate_56147 🇪🇬

منذ أسبوع واحد

شعور محبط

انا بتعرض للعنف الاسري وانا عندي حرمان عاطفي من اهلي ومش عايزه اسيب البيت عشان انا بنت اعمل ايه

Banana_56085 🇪🇬 اهم نصيحه اقدر اقدمهالك هي انك اوعي تضعفي و تقربي من شاب بسبب الحرمان العاطفي ده او تسلمي نفسك ارجوكي و حافظي علي نفسك

عرض الكل 24 نصيحة

Marshmallow_56012 🇪🇬

منذ أسبوع واحد

شعور محبط

انا عندي مشكلة هي اني كاره جو البيت ونفسي اهرب واعيش بعيد مع اني بحب اهلي بس الجو عموما توكسيك ومبقتش استحمل بجد🥺 كل حاجه حوليا بتقتلني 💔

Coffee_56100 🇪🇬 اقولك حاجه ربنا يريحك قلبك ويطيب خاطرك ويسعدك دايما 🤲🏻✨

عرض الكل 10 نصيحة

Tofu_30389 🇪🇬

منذ أسبوع واحد

شعور متعب

فات تلت ايام بس من الإجازة وحتى النهار ده تاني يوم العيد ونكد قايم في البيت وساحبين التيلفون ومعاملة مش كويسة بجد مش قادرة اتفاهم معاهم ومتضايقة اوي وبدأ بقى شغل قومي اشتغلي ونضفي واطبخي مع امك وبجد الموضوع بقى يخنق اوي أنا أصلًا طالعة من فترة الامتحانات فيا الي مكفيني ومخنوقة على الاخر وهما كانوا ش

Almond_55898 🇪🇬

منذ أسبوع واحد

شعور محبط

حاسه الفتره دي انا ما بقيتش قادره اخد نفسي من كتر الضغط اللي ف البيت وازاي مثلا بابا اتغير للاوحش مابقيناش نهمه ولا بقا بيفكر فينا وازاي اانا واخواتي بقينا ف العشرينات ومش متامنين ف الدنيا وحرفيا احنا لو حصل اي حاجه ف ثانيه هنكون ف الشارع وهو ازاي بقة شخص سلبي كده ومعندوش مسؤوليه ولا عنده استعداد ي

Carrot_55533 🇪🇬 الأول الحمدلله إن الشخص مستوعب إن في مشكله فعلا و الحمدلله إن في وعي بدل ما نكون أشخاص ضعاف فنتأثر من إللي بنشوفه بشكل وحش فنطلع ده علي الناس إللي في حياتنا زي ما حصل معانا ... لا الحمدلله ربنا حافظنا و قادرين نبقي حنينين مع الناس و سويين في معاملاتنا مع الناس في حياتنا

عرض الكل 26 نصيحة

Croissant_55435 🇪🇬

منذ أسبوع واحد

شعور مكسور القلب

انا هتجوز حد مبحبهوش نهائي عشان اطلع من بيت أهلي لأني بجد تعبت نفسيا و للأسف عندي ثنائي القطب و مش عارفة أفكر عدل حتي و خليفة أظلم الراحل معايا هوه بيحبني بس انا وصلت لمرحلة إني مش عارفة أحب نفسي عشان احبو هوه بجد محتاجة مساعدة انا بغرق بجد

French Fries_26228 🇪🇬 حاولي تكلميه وصارحيه ممكن هو يكون السبب أنك تبقي احسن ويساعدك ويكون احن عليكي من نفسك

عرض الكل 6 نصيحة

Chilli_55034 🇪🇬

منذ أسبوع واحد

شعور ضاق ذرعًا

انا مبقتش عارف انا غلطان ولا صح ابعد عن البيت ولا اقرب تعبت كتير ببعد بالشهر وارجع البيت ولا اي اشتياق الا ساعات بسيطة ويروح كل حاجة مع اول حوار بسيط تعلي صوتها وتستفزني وتقلب الحال على وتكمل بقية الايام نكد اناوحيد مع ان حوالي ناس كتير قريبين مبيحسوش باللي بيا بجد 😟

Avocado_53930 🇪🇬 هقترح عليك اقتراح يقلل الفجوه اللى حصلت بينكم بسبب التراكمات واكيد قله الثقه اللي يتأدى لخناق لو بسيط ممكن تقعد تتكلم معاها وتقولها بصراحه ايه اللى بيضايقك وليه لازم تحاولوا انتم الاتنين توصلوا لحاجه ترضيكم دور الراجل في الاساس احتواء عشان صوت الطفله الزنان جواها يهدى وتبطل تتخانق علي مافيش ولازم هى كمان تستوعب ان اللى هى بتعمله غلط ومش قوه هي محتاجه تبقى مسئوله اكتر وواعيه واهدى للى بتعمله

عرض الكل 2 نصيحة

Potato_54629 🇪🇬

منذ أسبوعين

شعور متعب

Strawberry_25620 🇪🇬 "وان جاهداك على ان تشرك بي ما ليس لك به علم فصاحبهما في الدنيا معروفا " واجب عليك تبرهم .. وانت زي ما بتقول حاولت معاها وعملت اللي عليك ، هيا رافضه وانت حاسس انك مبقتش تحبها ، هيا امك في الاول والاخر بس لا تحبها ولا تكرهها ، واعمل الي عليك وربنا يهديها

عرض الكل 13 نصيحة

عبّر عن شعورك بشكل مجهول

صباح الخير 
ديه قصتي…
انا شخص اتوجد في الدنيا ديه و لقيت ماما و بابا دايما في خناقات و قواضي و كده هما انفصلوا كتير و امي اول ست في مصر تقريبا تخلع ابويا مرتين و خليتوا يكتب البيت كله باسمها و بهدلتوا علي الآخر هو بردو مكنش الملاك الطاهر كان بيخونها و اتقفش كذا مرة و بعدين راح اتجوز خطيبته الاولنيه قبل ماماتي بفضيحة كده و امي اتجوزت بردو بتاع ٥ مرات و بسم الله ما شالله كلهم فشلوا المشكلة مش في كل ده المشكلة ان هما دايما كانوا بيلعبوا بيا انا و اختي و امي تطردنا من البيت عشان تغيظ ابويا و كمية شتيمة و ضرب لما كنا بنقعد عندها ف هي طردنا من البيت و قعدنا لوحدينا و بقالنا سنة امنا مش عاوزة تشوفنا ولا تكلمنا مع ان هي اللي طردنا اصلا و ابويا مع مراته الجديدة بس بصراحة بيهتم بينا المهم انا بقيت حاسس ان انا مش بحب امي و مضايق اوي من الاحساس ده عشان ده امي بس هي والله عملت فيا كتير اوي في حجات انا محكتهاش فهل ده طبيعي؟! و المفروض اعمل ايه انا حاولت اروحلها مذا مرة و اكلمها و هي رافضة و انا مش عارف اعمل ايه؟ هي كانت مرة عاوزة تسمامني انا و اختي عشان بابا اتأخر في فلوس ولا حاجة كده بس احنا عارفين انها مريضة نفسيا بس هي مش عاوزة تقتنع بكده اعمل ايه و هي رافضة نرجع البيت؟!! 
اسف طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_52580 🇪🇬

منذ أسبوعين

شعور محبط

عبّر عن شعورك بشكل مجهول

هفضفض و لو حد عنده حل او نصيحه يقول 
أنا من ساعت لما الاجازة بدأت و انا معملتش اي حاجة ولا مفيده ولا فيها لعب 
متحركتش من البيت ولا خرجت يوم واحد قاعد في البيت مبعملش حاجة
علشان معنديش صحاب خالص و محدش بيكلمني هما عمالين بيخرجوا و يتصورا و ينزلوا ستوريهات و انا بتفرج عليهم من البيت 
معملتش اي حاجة عمال ماسك الموبايل العب شوية و اطلع اتفرج على التلفزيون شوية و اخش انام و اصحى و هكذا 
معنديش طاقه تخليني ابدأ في اي حاجة جديدة 
حتى نافي حد بعتلي قالك عامل اية فاضي ننزل 
علشان كده كده هما شله مع بعضهم و كل ٥ ٦ عاملين شله 
و انا حرفيا لو في تجمع جماعي و خروجه و كله هينزل 
مبروحش علشان مبحبش الاعداد الكبيرة و علشان عارف أن هفض قاعد لوحدي و كله هيكون بيتكلم و انا هعمل نفسي ورايا حاجة و اعمل نفسي بتكلم في التلفون و امشي في صمت 
انا بقيت مباخدش الخطوة في اني اروح التجمعات دي علشان جربت كتير و كل مرة بعمل كدا و بروح مضايق
فقولت لا وعلى اية بلاها احسن 
و الاوحش بقا أن محدش بياخد باله اني مشيت 
محدش بيهتم خالص 
يعني كانوا في مرة هيتحركوا يروحوا حته أنا اتخنقت علشان مفيش حد اتكلم معاه و قومت اخدت بعضي و مشيت و محدش حس و بعدها بنص ساعه كلموني بيقولولي فينك قولتلهم معلش عندي حاجة و كنت لازم امشي بسرعه و انا مكنش عندي اي حاجة 
بس بيبدأوا يحسوا اني مش موجود في نص ساعه 
انا بس كنت عايز اتكلم و خلاص و انا عارف هتفضلوا تقولولي خليك مكتفي بنفسك و ابسط و خرج نفسك و متستناش حاجة من حد 
انا بعمل كدا على قد مقدر بس اكيد احيانا بضايق عادي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع