البحث عن شريك مثالي

Strawberry_60625 🇪🇬

منذ شهر واحد

شعور شاعر بالملل

عبّر عن شعورك بشكل مجهول

انا مش عارفه انا غلط ومعقده ولا عندي حق انا الفتره دي بيتقدمو عرسان وجو جواز الصلونات دا وانا معنديش اعترض عليه لاني نبأمنش بالحب الا قبل الجواز بس انا عندي تلات شروط لو مش موجودين مبوفقش اقعد ولو قعدت واكتشفتهم مبوفقش واهلي شيفين اني بعقدها وبرفض علي الفاض برغم اني لسه صغيره بس هما شايفين ان دي فرص بضيعها وانا مش شايفه كدا انا بالنسبالي لو التلا شروكط او حاجات دي مش موجوده يبقا انا مش هقدر  ادي فرصه اول حاجه انو يكون مقرب من ربنا اكتر مني مش هقول ملتزم بس علي الاقل يكون ملتزم في الصلاه وبيحفظ قران  انا الحمد لله بحاول دايما اقرب من ربنا اكتر واكتر واحب ان شريك حياتي يكون معايا وهو الا يساعدني ويعلمني او حتي نتعلم مع بعض مش حد يقولي والله مش دايما بس بحاول تاني حاجه انو يكون بار بأهلو وقريب منهم اصلي الا مش هيبقا علي اهلو ويتقي ربنا فيهم هيعمل فيا انا اي يعني مثلا واحد بيمد ايدو علي اختو واهي اختو الا من لحمو ودمو انا بقا هيعمل فيا اي وانا دايما اقول اني عايزه حد يكون هادي معايا ولا مش بار بأهلو اكيدمع الوقت مش يبقا كويس مع اهلي وانا زي ما عوزاه زوج عوزاه ابن لابويا وامي تالت حاجه انو يكون بيتقي  ربنا في حياتو عموما بقا ودي تحتها بندو كتير يعني الشتايم تصرفاتو مع الا حوليه والاحاجات الابينزلها بيبان منها دا ايد مش دايما بس معظم الوقت بيان انا لحد امبارح كنت متأكد من الا بعملو بس هما بداؤ يقولولي اني انا الاخايفه من الجواز وبتكلكك وبدؤ يقولوا بينهم مع بعض وعلي اساس انا مش سمعاهم  اني ممكن اكون معقده وبدور  لحد ما الاقي حاجه اقول عليها لاءهو اكيد انا مش معقده بس مش عارفه هل انا فعلا مزودها علي فكرا انا زي اي بنت بتمنا الاقي الرجل الا اكمل معاه واحبه وكل الكلام دا بس مهو بردو دا مش سهل وانا حسه ان في الزمن دا مش هلاقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

قلبي حزين على أختي بقت تتجوز واحد نرجسي

هلا يا جماعه عزال أختي النهارده،طبعًا أنا مش فرحانه علشان هي هتتجوز واحد نرجسي،نرجسي بجد مش كلام ،حاولت أنصحها كتير لكن مفيش فايده خلاص قررت أستسلم،وهو شخص مريض نفسي أصلًا بيتخانق على حاجات متستحقش خناقه خالص بجد حاجات أصلا مينفعش يحصل فيها خناقه خالص بجد،لسه متخانق معايا أنا وأختي الصغيره علشان رن علينا واحنا تليفونا كان صامت وكنا بنعمل شوية حاجات وقالنا متكلمونيش تاني ولو كلمتوني مش هرد عليكوا ورن على ماما قالها عيال مقدرونيش ومردوش عليا وقفل ف وشها السكه ولما أختي واجهته قالها تليفوني باظ وفصل،رغم إنه لو افترضنا تليفونه باظ وفصل كان المفروض رجع رن على ماما وقالها معلش التليفون باظ و فصل لكن معملش كده،حاولت أنصحها كتير تسيبه لأنه هيتعبها ف حياتها كتير وقبل كده كنت يتناقش معاه قالي ايه المشكله لو ضربت مراتي وهي لو كويسه هتكون ساكته وأنا لما أهدى هصالحها،وفكره كله ذكوري ومقرف وقبل كده قالي أختك واخداني وعارفه إني بكلم بنات وأنا كده ومش هتغير،رغم إني اتكلمت كتير وتعبت م الكلام بس مفيش فايده من نصائحي ليها،أنا كنت مخطوبه لشخص نرجسي قبل كده وفركشت وعارفه صفات النرجسي كلها وتصرفاته وخطيبها كله نرجسيه قلبي حزين لكن ما باليد حيله نصحت كتير أووي هي مطلقه ودي تاني جوازه ليها وأنا خايفه عليها علشان هي اتطلقت بسبب إن اللي كان جوزها ده كان بيضربها ومره ضربها وكان هيموتها ف اتطلقت منه واللي هتتجوزه معندوش مشكله مع الضرب ومره قالها أنتِ فاكره لو تعبانه هسيبك ترتاحي لا ده أنتِ هتقومي تعملي كل شغل البيت أنا معنديش حد يقولي تعبانه والدلع ده وتقريبًا كده هيستعبدها،يقولها الصحيان بميعاد والنوم بميعاد ولما تنامي تقفلي الواي فاي ف تليفونك وحاجات كده غريبه،مش عارفه ليه قابله على نفسها ده هي بتحبه ومتعلقه بيه وشايفه علشان هي متطلقه ف اللي هو بقه محدش هيتجوزها لو سابته،رغم إن اللي بتعمله غلط وهتعيش طول حياتها تعاني مع شخص نرجسي وف مره قالنا بهزار لما أتجوزها مش هخليها تشوف وشكوا قلبي حزين عليها كنت عايزاها تاخد حد يحبها ويقدرها لكن ده معندوش أي تقدير مره من بجاحته كلم بنت قدامنا وشغل الاسبيكر وهي بتدلعه وتقوله ازاي يا بودي واتخانقت معاه وبعدها اتصالحت وعدتله الموقف ويامه مواقف كتير زي كده وأسود هاين عليا محضرش فرحها وبجد مش عايزه أحضر الفرح ده بالنسبه ليا جنازه مش فرح ...عرض المزيد

0 الدعم

10 نصيحة

Chocolate_73258 🇪🇬

محتاجه لايف كوتش ناضج يفهم مشكلتي

بحس إن كل إللي موجودين هنا أو مش كلهم معظمهم أعمارهم لا تتعدى الحاجة وعشرين وكمان. بحس كلامهم تقليدي وعادى يعني أنا لو قادرة أشجع نفسي وقادره اعمل واعمل هستني من حد يقولي حاولي تعملي كذا اكيد لا بس كنت محتاجه عالاقل لايف كوتش أو حد ناضج شويه عنده حلول منطقيه فعلا ومتشكره جدا لاي حد حاول يساعد ولو بكلمه ...عرض المزيد

1 الدعم

15 نصيحة

French Fries_73243 🇪🇬

يارب ارزقني وافتح لي الأبواب المغلقه

ممكن تدعوا ليا بالسعاده وراحة البال والرضا والتوفيق ف حياتى.. كل باب بدخله وبسعى فيه بلاقيه قفل بطريقة ما والاقى أتى برجع لنقطة الصفر تانى فحقيقي بحزن ونفسيتى ببتأثر لدا.. انا دايما بتمنى للناس الخير واما بشوف حاجه عند حد ونفسي فيها بقول ماشاء الله ربنا يبارك وبيبنى وبين نفسي بقول يارب وانا يارب ارزقنى بكذا.. مش عارفه كلامى مرتب ولا ايه بس اهو شوية كلام احسن ما اكلت الشعور دا جوايا.. ربنا كريم ...عرض المزيد

0 الدعم

10 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع