الإلحاد

Pineapple_60236 🇪🇬

منذ أسبوع واحد

شعور وحيد

الحقيقة انا قصتي طويلة جدا جدا وواقف في حتة حساسة ودقيقة جدا.. مش عارف حد هيفهم ولا لا بس يعني انا طالع من بيت متشدد ودرست في الأزهر وخلصت جامعة وبكتب شعر ودرست موسيقى ودرست علوم الطاقة ودرست علم نفس وقعدت أبحث في الأديان والثقافات وقريت لفلاسفة كتير وعلماء نفس من كل مكان تقريبا ومعظم الأزمان.. كل

عبّر عن شعورك بشكل مجهول

الحقيقة انا قصتي طويلة جدا جدا
وواقف في حتة حساسة ودقيقة جدا..
مش عارف حد هيفهم ولا لا بس يعني انا طالع من بيت متشدد ودرست في الأزهر وخلصت جامعة وبكتب شعر ودرست موسيقى ودرست علوم الطاقة ودرست علم نفس وقعدت أبحث في الأديان والثقافات وقريت لفلاسفة كتير وعلماء نفس من كل مكان تقريبا ومعظم الأزمان..

كل دا وانا بحاول ألاقي نفسي وأفهمها وأخرج برا القيود الكتير اللي بتتفرض عليا طول الوقت من كل الناس..
ودخلت في السكة كدا على علوم الما ورائيات بقى والجن والملايكة والنجوم والأبراج والطبائع وعلاقتها بالنفس وطبعا وحدة الوجود وبقيت بعالج ناس من مشاكل عويصة جدا وبتقعد معاهم سنين مش لاقيين لها حلول...
قعدت فترة ملحد وكنت مقتنع ان مفيش جدوى من وجود الإنسان أصلا وإن كل دا عبث أصلا وان احنا عادي عايشين وعادي هنموت وعادي كل حاجة..
وطبعا وصلت لدا بفهم مش بهروب ورديت على كل الأصوات اللي بتحاول تدعي للإيمان وكنت بتناقش مش عشان أفرض وجهة نظري على حد بس عشان محدش يفرض وجهة نظره عليا، يعني انا مش عايز أخلي حد زيي بس مش عايز أكون زي حد...

وبعد شوية وقت وصلت للإيمان وعرفت ربنا وعرفت انه مختلف تماما عن كل حاجة اتقالت وبتتقال..
ومرتاح جدا للفكر البوذي بس مش معتنق الديانة ومرتاح لبعض الأفكار الإسلامية بس برضه مش قادر أصنف نفسي مسلم..
وطبعا بحبة حب المسيحيين لربنا،

وفعلا كل اللي شاغلني هو ربنا وبس..

عم أحمد فؤاد نجم كان بيقول انا ربنا هيحاسبني غيركم..
ودا بجد إحساسي مش بقلد عم نجم..

دلوقتي وانا عندي 30 سنة حاسس بفجوة زمنية كبيرة جدا بيني وبين جيلي، حاسس اني أكبر بكتير.. واني قادر أساعد أي حد محتاج أي حاجة باطنية..
والمشكلة فعلا بقى اني مش حاسس ان حد يقدر يساعدني..

اكتشفت بعد كل الرحلة الطويلة جدا دي ان انا بهرب من الوحدة، وبالفعل انا فيها دلوقتي، مش عايز أتجوز عشان عارف ان مفيش واحدة هتفهمني فعلا، وكمان عشان مش عايز أخلف أصلا في هذا المجتمع المريض..
بس نفسي أعمل علاقة جنسية قبل ما أموت 🤓🤓🤓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_73757 🇪🇬

مش عارفة أسامح نفسي بعد علاقة محرمة وندم

انا عايشه في صراع مع دماغي مبيخلصش مع ان سبب الصراع دا انا اتخلصت منه بس لسه ضميري مانبني ومخنوقه دايما لاني مش هعرف احكي لحد السبب والسبب دا هو اني كنت مرتبطه ب ولد خلاني عملت حجات ضد مبادئي وتربيتي وضد كل حاجه ليها علاقه بيا كان بيخليني ابعتله صور مش كويسه ونفتح كام و لو اتقابلنا بيفضل يلمسني وكتير اوي اقوله حرام ولا وكفايه مكنش بيسمعني بس انا فوقت من كل القرف بتاعه دا بحمد ربنا انه موصلناش لاكتر من كدا ونهيت كل حاجه لانه كان كل مره بيزيد فيها كنت دايما بتطاردني فكرة اني ليه بتعملي نفسك كدا ولما يكون في تجمع عائلي واشوف حب اهلي ليا واحترام الناس الي حواليا ليا ونظره الناس الي انتي ايه الي عملتيه ف نفسك دا طب الناس دي كلها لو عرفت انتي حالتك هتبقي عامله ازاي تخلي حب واحترام كل الناس دا وثقة اهلك فيكي كل دا هيروح ربنا اراد اني ابعد واراد الستر وان محدش يعرف حاجه عن الموضوع دا ادفن بالنسبالي بس دايما بيجي ف بالي اقرف من نفسي واعيط مش عارفه اسامح نفسي ومش عارفه اتكلم مع حد احكيله يهون عليا لاني هخاف لا اخسرها او نظرتها ليا تتغير.....واتعرفت علي حد تاني بيعاملني اكني ملكه بيخاف يلمسني بالغلط حتي بيقولي انا بتقي ربنا فيكي عشان ربنا يكرمنا كل ما يمدح فيا ويقولي انتي مفيش زيك في الوقت الي احنا فيه دا اشوف نفسي قليله اوي تعبت من فكره اني مش عارفه اسامح نفسي كتير بفكر اعرف الشخص التاني دا بس دا ممكن يادي اني اخسره انا حتي عشان خوفي من ربنا اتفقت انا وهو اننا هنبعد عن بعض مع انه كان صعب عليا اوي لحد ما يبقي قادر يجي يتقدم مش عايزه اعمل حاجه تغضب ربنا تاني وعايزه ربنا يكرمني بيه ويبقي عوض ربنا ليا بس مش عارفه اعيش حياتي عادي دماغي لازم بتسحلني ...عرض المزيد

2 الدعم

3 نصيحة

Watermelon_73751 🇪🇬

اتظلمت وخدعت في الإمارات وقصة حب انتهت بخيانة

عارفة ان غلط وندمانه بس اتظلمت كتير سافرت الإمارات عشان اشتغل طبعا مرحبا عليا ظروف زي اي بنت لسة جايا ومش لاقية شغل المهم من سكن لسكن روحت سكن كلام ده طبعا بعدها بشهرين قبل اقامتي متخلص صاحب السكن كان مصري أعجب بيا وكل يوم خروج بس غيره مش طبيعية لدرجه غريبة وقلي هعملك اقامه حره وتشتغلي معايا مسؤلة سكن وفقت واتصل ب اهلي و قال عايز يتقدملي وقفت جمبو لدرجه محدش يتوقعها ربنا يشهد كنت مخلصة اذاي وحبيتة مع ان كان مبتحبش بسبب تصرفاته بس وقفت جمبو مر علية ظروف وحشة وبردو جمبو عمري مطلبت حتي ب رتبي منه عشان عارفة ظروف لحد م قلي نتجوز عرفي لحد مانزل نكتب الكتاب وفضل يلح عليا كان فاضل 3 شهور و يعملي توكيل ل اخوه وانزل اتجوز وفقت بعدها طلعت حامل قولت انزلة يقولي لا فرحان اوي طبعا عرفت ان متجوز وعنده بنتين كان مخبي عليا بس سامحته و برغم ظروف وبقالي سنه ونص بعيد عن اهلي نزلة من غير اي فلوس بس نزله اتجوز وفرحانه حضرت كل حاجه واهلي قالو ل عيلة و كل حاجه تمام كنت فرحانه جدا نزله حامل ف شهر 2 بس قبل مسافر ب إسبوع قلي انا هتنازل كل حاجه لصحبي وننقل ل جورجيا عشان نبدأ من جديد نزلت مصر بابا قالو انزل طيب يوم عشان كتب كتاب وأهلها عايزين كده ساعاتها اصلا انا بسبب حكم ان مسؤلة سكن عنده كان في مشكله مبين بنات وعملت شكوى ووصلت ل محكه والبنت بعدها بشهر عملت شكوه لي هو وبسببك مكنش عارف يطلع من الامرات قبل مانزل مصر اتانزلت عن حقي عشان يتشال من بلاك ليست وانزل وتتجوز ونخلص وافرح اهلي المهم لما بابا قالو للزم تنزل قالة انا ف جورجيا بعمل بششوف بيت وشغل عشان لمل تيجي بنتك كل حاجه تبق بخير قالة بما انك كنت متجوز قبل كده لازم اضمن بنتي جيب لينا شقة هنا ف اسكندريه رفض مع ان كان موافق قالة طيب شقتك ف جنوب سينا اكتبها بأسمها طلع اصلا معندوش شقق هناك صحبه واخته قلتلي المهم بعد نقاشات كتير قولتلو انا اعمل ايييه ف البطني دلوقتي قلي هبعتلك ع جورجيا ونعيش هناك رفض قولتلو ان انتا كذاب وجبان وعمري موثق فيك انا اتبهدلت بسببك كنت سبني ف الامرات اشوف حياتي واشتغل شتمني و بهدلني وعمل بلوك كلمت اخته وحكتلها ووريتها مقدرتش تتكلم وتقولي الله يعينك ف مصيبه دي ودخل هددني وقلي ان مش حامل وكدبي قدام اخته مع ان كلن بيجي معايا دكتور ويشوف نبض بيبي واول منزلت كنت ف 3 وكلن ولد وقولتلو المهم طبعا انا مكسوره نزلت البيبي وقعده بقالي شهرين عياط مش عارفه حتي ارجع الامرات تاني اتكسرت واتظلممت انا بحكي بكل اختصار بس بجد مكسوره ومقهوره اوي ...عرض المزيد

2 الدعم

6 نصيحة

Tomato_67667 🇪🇬

أدعو الله لتيسير الامتحان وطلع منه مجبوره الخاطر

لا إله إلا انت سبحانك انى كنت من الظالمين يا حى يا قيوم برحمتك استغيث اشرح لى صدرى ويسر لى امرى واحلل العقده من لسانى يفقه قولى اللهم لا سهل الا وجعلته سهلا وانت ان شئت تجعل الصعب سهلا يا رب يسر الامتحان عليا واطلع منه مجبوره الخاطر ( ادعولى) ...عرض المزيد

8 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع