الأوضاع الحالية

Watermelon_14365 🇵🇸 مهما كان الوضع سيء وبيخوّف بنبطلش تفاؤل، وكلنا ثقة في الله إنه مش حيكتبلنا غير كل خير. لكن واللهِ تعزّ علينا بيوتنا، ذكرياتنا، ملابسي المفضلة، سريري، غرفتي، الحمام النظيف، الوسع، أشيائي المفضلة كلها.. قاعدين بنجهز حالنا نطلع، بس على وين؟ هو ضل مكان؟ لو في مكان شو حيوسع؟ كيف بدي أحمل معي كل أشيائي المفضلة على خيمة أصغر من حمام الضيوف؟ ربنا يقدملنا الخير ويبعد عنا الشر وما يكتب علينا شر النزوح.