الأمل

Coffee_52334 🇪🇬

منذ 11 ساعة

شعور مرتبك

موضوع:

ثانوية عامة غيرت فيك ايه؟

كل اللي أقدر أقوله إني اتحولت 180 درجة ومبقاش يفرقلي حاجة في الدنيا ولا دراسة ولا درجات ولا حتى مهتمة إن يبقى عندي صحاب أنا دخلت أكتر مجال بكرهه في حياتي حرفيًا عشان مفيش قدامي غيره للأسف وتقريبًا خلاص أول سنة خلصت فاضل فيها أيام ولحد إنهاردة مش قادرة أستوعب إني في المكان دا والمفروض أقضي فيه السني

Lemon_57280 🇪🇬 اوقات بيكون الخير في المجال اللي مش حابينه. في ناس كتير حققت حلمها ودخلت الكليات اللي حباها طب وهندسة و اعلام وبعدها عملت كارير شيفت منها. بعد ما قضت سنين فيها. فمش شرط يكون حلمنا هو الانسب لينا

عرض الكل 5 نصيحة

Popcorn_52020 🇪🇬

منذ 22 ساعة

شعور مكتئب

عبّر عن شعورك بشكل مجهول

فيه وجع بيعدي على البني آدم مش بيكسره مرة واحدة… بيكسره حتة حتة، وببطء.
أنا مش مكتئب عشان خطة سفر وقعت. لأ… أنا مكتئب عشان اتعلقت بأمل كنت شايف فيه مخرج من كل حاجة، من الزنقة اللي عايش فيها، من الضغط، من الفراغ، من إحساس إني مش نافع في أي حاجة.
أنا حاسس إني واقف في نص طريق مش ليا. لا قادر أرجع، ولا عارف أتحرك.
حاسس إني متسحب مني كل حاجة مرة واحدة، وكأن الحياة بتقول لي: "أنت كنت بتحلم ليه أصلاً؟"
أنا مش زعلان إن السفر راح… أنا موجوع إني كنت مصدق، كنت مبسوط ساعتها وأنا بجهز، كنت كل يوم بصحى على أمل، حسيت إن في فرصة هتفتحلي، وإن أخيرًا همشي من مكان حسسني طول عمري إني زيادة، إني تقيل، إني مش مكاني.
وبعد كل دا؟
كل حاجة وقفت. فجأة. ومن غير حتى تفسير.
وأمي اللي قالت لي "أجّل"، هي نفسها اللي خدت مني السبب الوحيد اللي خلاني أأجل… وقطعت علاقتها بالناس اللي كنت هسافر من خلالهم، واللي هم أصلاً أهلي.
وأنا وقفت في النص. مش فاهم. مش عارف أتكلم. ولا حتى أزعل بصوت عالي.
كل يوم بيعدي، بحس إني أبعد عن نفسي أكتر.
بقيت بضحك مجاملة. بتكلم مجاملة. وبعيش مجاملة.
جوايا فراغ كبير.
وأكتر حاجة بتوجعني إني حاسس إني بقيت شفاف.
محدش شايفني بجد.
حتى أنا… مش شايف نفسي.
مش فاكر أنا مين، ولا كنت عايز أبقى إيه، ولا حتى ليه!
الناس بتشوف إني بعرف أتكلم، عندي أفكار، أقدر أبدأ مشروع، أفتح سنتر، أساعد غيري…
بس محدش بيسأل نفسيتي عاملة إزاي.
محدش بيشوف إني بقوم من السرير كل يوم بالعافية.
وإن كل خطوة باخدها محتاجة مني قوة مش موجودة أصلاً.
أنا مش عايز تعاطف، ومش مستني حل.
أنا بكتب عشان الوجع بقى زايد عن احتمالي.
أنا فعلاً تايه، ومخنوق، وحاسس إني ماشي في الدنيا بجسم تعبان، وعقل مشوش، وقلب متبهدل.
وأكتر حاجة مرعبة… إني مش شايف نهاية ولا حتى بداية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_56256 🇪🇬

منذ يوم واحد

شعور مكتئب

انا عندي ٣٠ سنة اتجوزت وانفصلت وكان انسان مؤذي لاقصي درجة.. واتخرجت من كلية مبحبهاش ومبشتغلش... ومعنديش اى صحاب نهائي حاسة انى فاشلة وتايهه ف الدنيا دى، كل حاجة بعملها مبتكملش وحاسة اني لوحدي على طول.. فكرة انى اوصل للسن دة ومحققش اى حاجة صعبة اوى..

Coffee_56750 🇪🇬

منذ يوم واحد

شعور مرهق

عبّر عن شعورك بشكل مجهول

اسلام عليكم ورحمة الله 
بسم الله 
حكايتي مش حكاية عادية انا شاب 19 سنه كنت عاوز احب زي اي حد اشوف واجرب احساس دا في يوم جيت ع فيس بوك اتعرفت علي واحده قريبه مني في سنة 2020 حبينا بعض اوي لدرجت بقينا ننزل كل يوم سوا انا بروح ليها وهيه بتجيلي وفضلنا ع كدا لحد ما انا عرفت اخوتها كبار وي امها أكان ليها ٢ بنات اكبر منهاا واحده متجوزه وتانيه لسه متجوزتش فا ختهاا ال متجوزتش دي كانت بتكلم واحد وشخص دا معاها من بدري وعدههاا بجواز مهم اختها دي مش بتحبني فا جت في يوم عملا شات شتايم وسب دين بقي ورتها للختهاا ع اساسا انو انا فا اختها صدقت وعملت بلوك فورا ورجعت بعد٣ شهور زعلانه بتقولي اسفه انهاا مصدقتنيش وسمعت كلام اختها حتي مرجعتش ليا فا انا عشان كنت متعلق بيهاا سمحتهاا ورجعت ليها تاني مره واحده بعدنا بسبب واحد صحبي كان بيفرقنا بس بطريقه يقولي يسطا شوف طرحه يبني بص لبسه ايه فا انا كنت معتبرو اخويا لحد ما انا سبتهاا وهيه سبتني سبنا بعض في 2022 رجعت تاني بعد ٧ شهور بكونت فيك طبعا انا حافظ كلمهاا وحافظ طريقتها فا لما قالت كلمه معينه عرفت انها هيه فا قالتي تعال نرجع قولتها ماشي وجينا رجعنا  يادوب قفلت يومين عشان نت عندي خلص لقيت اكونتهاا اتقفل خالص حتي معرفتش اخد رقمها جديد سعتها اكتئبت جامد بس قولت حمدالله جيت في 2024 ٢ من صحابي  فتحو معايا موضوع عن طريق هزار رخم اوي قالولي رحنا حتي فولانيه وصحبك شافها وقفها وخد رقمها مشي معهاا مصدقتش ف الاول بس لما لقيت صحبي ال كنت بعتبرو اخويا بيحلف وجالي بيت عشان يحكيلي حوار دا زعلت اوي عشان عارف صحبي تالت دا منحرف كمان بتاع افلام إباحية فا خفت عليها اوي في يوم دا قعدت اتحيل عليه غشان يديني رقمها هو مرداش كان بيقولي مش انت مردتش تجيبني معاك لما كنت مرتبط بيهاا وفضل هكذا تاني يوم صراحه منمنتش فضلت قاعد ع فيس جبت اكونتات عيله كلهاا من اول اختها لحد بنات عمامها وي خلتها ودخلت كلمتهم كلهم لحد ما في واحده منهم وصلت رقمي لي اختها ال مش بتحبني دي وكلمتني وتس وقالتي تعال طب نتقابل ونشوف حوار دا يدوب نزلت قبلتهاا لقيتها هيه واختها كان خطيبها موجود مهم خطيبها قالي انت فاكر انك هتقبلها لوحدك ولا ايه كان فاتح صدرو اوي مردتش اعمل مشكله سبتو يزعق شويه لحد ما قالي هاتهم عيال دي لسه هشوف اجيبهم عندي ازاي واعمل ايه لقيتهم بيتصلو بيا بيقولولي احنا ف منطقه ال انت فيهاا جبنا صحابي طبعا صحابي طلعوني عيل اوي قدمهم وكنا بنهزر معهاا ودا شغل عيال فا كانو هيمسكو فيا وانا ال هشيل لليله لوحدي فا طلعت شات بتاع صحبي وريتو لي خطيبها مسك صحبي قعد يضربو ف قلب شارع صاحبي تاني عيط من غير ما حد يعملو حاجه وانا كمان اضربت قالهاا تعرفيه بت حلفت انها متعرفنيش وقعد يسالها كتير قالتو والله معرفو ولا اعرف أشكال دي سعتهاا انا جالي صدمه منها من كلمه وانا جي هنا عشانك اصلا ولي بينا مكنش كدا فا فضلن واقف مصدوم لحد يومنا دا انا مش عارف اعمل اليه كبت جوايا كتير اوي محتاج دكتور نفسي عارف كدا مقصر اوي ع حالتي للدرجه دكتور تغزيه قالي محتاج تغزيه وادويه دكتور مساج الطبيعي قالي انت محتاج جلسات عشان انت حالتك اصلا وحشه 
انا مش بهتم بحاجات دي اكتر من Overthinking ال عندي تعبني جربت اكلم بنات تانيه مافيش بنت تانيه داخله دماغي من جيل دا خالص ولا صغيره ولا كبيره تعبت اوي مش عارف اعمل ايه مش عاوز اكلم حد في موضوع دا عشان ميضيقنيش بكلامو او يقولي حاجه سلبيه اكتر منا سلبي وانطوئي كدا مع اني اجتماعي اوي بس من ساعة ما سبتها وانا حالتي زفت اانا مش عاوز ارجعلهاا بس مش عارف اعمل ايه هتقولي قران والله ما بيعمل حاجه طب صلاه والله ما في فايده فقدت لامل والله عظيم طب هتقولي جلب او سحر برضو مافيش فايده عملت كل حاجه انا داخل دفعة تانيه كليه علوم  هو مستقبلي حلو كمان بشتغل باخد فلوس اكتر من ابويا نفسو قبضي بسم الله مشاء الله معدي 9تلاف ج بس محتاج حل في موضوع دا عشان مش عارف اتصرف ودا لو حليتو انا كدا حليت مشاكلي بنسبه ٨٠% حد يساعدني ويقولي اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_11257 🇪🇬

منذ يومين

شعور محبط

عارف فكره انك بتتعب وتجيب اخرك عشان حاجه معينه وطالع عينك في كل دراسه شغل تعب بتعمل كل الي عليك وفي آخر حاجه دي تروح وتحس ان مبقاش ليها لازمه انك تعمل اييي حاجة او تتعب في اي حاجه عايز مجرد تفضل اعد ساكتت مجرد اعدد تتفرج في صمت

Almond_56393 🇪🇬

منذ يومين

شعور مكتئب

انا مش لاقي سبب اكمل حياتي عشانه ومش شايف الحياة قادرة تغريني ومش حاسس اني قادر اعمل فيها حاجة مع العلم انا عندي ٢٥ سنة وبشوف ناس في ال٦٠ بس عندهم شغف وطاقة اكتر مني بكتير حرفيا بحس اني عجوز ع المعاش قاعد ف اوضته مستني الموت...

Cherry_55420 🇪🇬

منذ 4 أيام

شعور مكتئب

انا من و انا صغيرة مليش اصحاب عايشة في الحياة لوحدي طول عمري حاسة اني منبوذة و ان الناس مش شايفني ولو شافوني بكون تقيلة عليهم يمكن فترة الجامعة و اول فترة الشغل كانت مختلفة و ابتدا يكون ليا اصحاب و يكون عندي امل في الحياة لكن مع الوقت رجعت وحيدة تاني بس دلوقتي مبقاش عندي امل في الحياة كل يوم عايشاه

Grape_55150 🇪🇬 عاملي الناس كويس متعلقيش سعادتك ع حد خليكي مميزة ف شغلك وحياتك >>> هتبطلي تحسي الاحاسيس دي خالص

عرض الكل 2 نصيحة

Apple_54177 🇪🇬

منذ أسبوع واحد

شعور مستنزف

انا من صغري بتعلق بالناس جداً عشان انا ملقيتش حب كفايه في بيتي ودايماً اهلي وبالذات ابي بيحبطني ومش بيشجعني علي اي حاجه انا بعملها سواء جيم او شغل وهو اقنعني واحبطني من قله الشغل ودلوقتي بيقول اني فاشل ومش بسعي مع اني شغال من صغري ومترمط ادامو هو مقتنع انو كده بيشجعني بس هو كسرني ومبقاش عندي امل ف

Popcorn_52020 🇪🇬

منذ أسبوعين

شعور مكتئب

عبّر عن شعورك بشكل مجهول

مشكلة عارف ان ملهاش حل بس معلش استحملوني عايز افضفض من غُلبي وهمي  أنا شاب لسه متخرج، حرفيًا لسه في أول الطريق، ومعنديش مسؤوليات كبيرة زي غيري، لا بيت، لا جواز، لا أولاد...
ومع ذلك، أنا على حافة الانهيار.
الغلاء بقى خانق، والضغط النفسي بقى يومي، وأنا كل اللي بقدر أعمله إني أشتغل وأكفي نفسي بالعافية.
بشتغل بالعافية، وبعيش بالعافية، وكل حاجة بقت بالعافية.
شايف أهلي بيكافحوا بصمت، بيحاولوا يداروا العجز ويدّوا إحساس بالأمان، بس أنا شايف التعب في عيونهم، شايف الضهر المحني من غير كلام، وأنا مش قادر أعمل حاجة.
مش قادر أساعد، ولا حتى قادر أساعد نفسي.
وكلنا، أنا وجيلي، لسه في بداية الرحلة.
فلو دي البداية... يبقى إيه الجاي؟
إيه اللي هيحصل لما يبقى علينا مسؤوليات حقيقية؟
إزاي هنكمل؟
هو إحنا المفروض نعيش كده طول عمرنا؟ نشتغل ونجري ونصرف ونحاول نعيش، وكل ده وإحنا مش طايلين لا راحة ولا طمأنينة ولا حتى أمل واضح؟
بقيت حاسس إن الدنيا كلها بقت بتتقاس بالفلوس، واللي معهوش حتى مش بيحس إنه بني آدم كامل.
وكل كلام عن الرضا والسلام النفسي والحب الحقيقي بقى بيتهيألي... مصطلحات فاضية.
ولا أنا غلطان؟
أنا بجد مش باتكلم عن أزمة مالية بس، أنا باتكلم عن أزمة نفسية، إنسانية، وجودية...
أنا بتكلم عن اكتئاب حقيقي، عن إحساس بالضياع، عن فقدان المعنى.
هو فين الحل؟
فين المخرج؟
فين الطبطبة؟
فين الأمل؟
أنا مش بهزر، ومش ببالغ، أنا محتاج رد...
إيه اللي مفروض نعمله؟ وإزاي نعيش بكرامة في زمن زي ده؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_28547 🇪🇬

منذ أسبوعين

شعور مرتبك

كنت أعتقد في صغري أن الحياة بسيطة كنت أظن أن جميع الأصدقاء أوفياء، وأن البيت الذي كنت أرسمه بالألوان على أوراقي ثمنه رخيص وأن القلب ذو السهم الأحمر هو الحب وأن أكبر الأوجاع هي وخزة إبرة طبية و أن الألم هو الذهاب للمدرسة كنت أعتقد أن أقصى ما يمكنني فقدانه هو أحد أسناني وأن أسوء إنتظار هو انتظار موعد

Tomato_48833 🇴🇲

منذ أسبوعين

شعور متعب

السلام عليكم عندي سؤال هل شي طبيعي ان في فترات احس بشعور اني فقدتت الامل وان حياتي ولا شي فيها صح واني اريد اكون وحدي بنفس الوقت اريد اتكلم مع شخص يفهمني احس بضياع وانا اصلي واغلب الوقت وحدي يعني ما ضريت احد ليش احس حياتي منتهيه؟

Hazelnut_52786 🇪🇬 طبيعي تحس بكده أحيانًا، مش معناه إن حياتك انتهت. الأمل موجود دايمًا. دور على شخص تثق فيه تتكلم معاه، وركز على قوتك اللي جواك. دي مرحلة وهتعدي، وهتطلع منها أقوى.

عرض الكل 2 نصيحة

Mango_21066 🇪🇬

منذ 3 أسابيع

شعور مستنزف

عبّر عن شعورك بشكل مجهول

جوايا لخبطة كتير و تعب بيستنفذنى. حاسس إنى عايش بلا روح (ميت اكلينيكيا) فالغالب مبقتش احس بحاجة لا حلوة ولا وحشه. دايما مجهد معنديش طاقة لأبسط الأشياء، بطلت ارد عالناس (حتى لو chat) و كتير ببعد و ده اكيد مزعل ناس منى … بس حقيقى مش قادر و مؤخرا ضغطى بقى عالى و دايما حاسس بنغزه و بنهج كأنى بأجرى. كتير بتمنى ادخل غيبوبة او حاجة فأفصل من الدنيا ديه جايز ارجع احسن و الاقى ناس البيقدرونى أو ليا معزة عندهم واقفين جنبى احس انى مش لوحدى و ان رحلة الحياة ديه فيها حد بيقدرنى فعلا او حتى وجودى بيفرق معاه. انا اه بغلط كتير و اخرهم انى بسبب ضغط نفسى بطلت ارد عالبنت الكان فى اعجاب بينا و هى مكانتش فاهمة ليه انا اختفيت و حقها طبعا و للاسف بسبب تصرفى ده ضيعتها من إيدى (كان هيبقى فى حاجة حلوة مابينا بس اكيد ده نصيب 😞) جوايا سكاكين بتقطعنى و مستحقر نفسى جداً و مش عارف اسامحنى و بجلد فنفسى كتير بسبب غلطاتى. يمكن ده كان درس ليا بس درس قاسى شويتين. نفسى ارجع احس انى عايش تانى، ان فيا روح، احس بفرح. اى حاجة حلوة تطبطب عليا و تقولى الدنيا هتتحسن و تشاورلى على اى حاجة كويسة فيا. أنا مش عارف ليه كتبت كل ده و بكل تلقائية و لا حتى عارف مستنى ايه لما اكتب هنا 😅 بس جايز علشان مش بعرف احكى لحد 🤷🏻‍♂️ يمكن علشان جايب اخر الدواسة بشوية حلوين 🤷🏻‍♂️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.