الألم

Strawberry_78157 🇪🇬

منذ 6 ساعات

شعور محبط

عدتُ من جديد إلى الإحساس ذاته… ذلك الثقل الذي يسكن القلب ويُطفئ في الروح ما تبقّى من ضوء. عدتُ إلى وحدتي، بعد أن ظننتُ أنّني تجاوزتُها، وسرتُ خطواتٍ طويلة في طريق الشفاء، فإذا بي أجد نفسي في نقطة البداية، حيث الألم ينتظرني كما لو لم أبرحه يومًا. عدتُ إلى كراهيتي لنفسي ولحياتي، إلى ذلك الشعور الذي كن

Nutella_56618 🇪🇬

منذ 19 ساعة

شعور مكسور القلب

عبّر عن شعورك بشكل مجهول

مبقتش بدخل هنا غير كل فين وفين و الحمد لله عديت الفتره الصعبه اللي كانت سبب دخولي هنا و بحاول اتخطى لكن متعافتش و لكن هقولكم عملت ايه 
كنت بمر بمشاكل كبيره دراسيه، اسرية، عاطفية
و كل حاجه كانت سوداااا 
دخلت هنا كل يوم كنت بكتب بوست و يمكن كمان عن نفس الحاجه لحد ما خرجت كل الكبت و الزعل اللي جوايا و كلام الناس و دعمهم اكيد فرق.. و ابتديت اشتغل على نفسي اخدت كورس و عملت لينكدان و حكيت هناك قصتي و المفجاء على الرغم اني لسه بداءه فيه ليقت في تفاعل و كلام إيجابي و من هنا انا ابتديت فعلا اتحسن.. و كل واحد بطريقته بقى شوف ايه اللي هيقدمك خطوه و اعمله و لما تنجح هتنسى اي حاجه مزعلاك و هيكون عندك ثقه في نفسك 
أما بقى الموضوع اللي جايه افضفض عشانه انا ليا قصة كفاح محترمه على رغم صغر سني شويه بس بابا قالي كلمه لحد انهارده مش عارفه اتخطها ولا عارفه اسامحه و هي جمله بسيطه جدا " انتي نجاحك صفر" بسيطه بس وجعتني منه لانه هو الشاهد الوحيد اللي شاف انا تعبت قد ايه و تعبي ده كان عشانه هو .. افتكرت الموقف انهارده وانا بحكي مع تيته و وقعت بلساني و حكيته و انهرت و رعشه في كل جسمي و مش عارفه اتعامل معاه زي الأول كأن في حاجه اتكسرت و بقى تقيل عليا حتى ابصلة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_56734 🇪🇬

منذ يوم واحد

شعور شاعر بالملل

موضوع:

ازاي قدرت تتعافي من علاقه سامه

تقدر تتعافي فعلا لما نظرتك تبقي طبيعيه للشخص الي كنت معاه في العلاقه لما تبدأ تشوف عيوبه بعد ما كنت مش قابل حد يقول عليه كلمه و هتتعافى لما تعرف انت عملت اي و حاولت قد اي بدون جدوي خالص و كمان و لازم تشغل نفسك عشان نفسك إن لم تشغلها ب الحق شغلتك ب الباطل

Coffee_73142 🇪🇬

منذ يومين

شعور محبط

انا للأسف مش قادر أكمل تعبان اوي السنين اللي ضاعت من عمري مش مجرد وقت فات وكل المحاولات الفاشلة وخيبات الأمل مش مجرد تجارب دول عبارة عن سجن كبير محبوس جواه مش عارف أخد اي خطوة براه ولا شغفي بقي زي الأول ولا رغبتي في الحياة بقت زي الاول ولا بقيت مهتم افهم نفسي زي الأول ولا اعرف ازاي وصلت لكدا الحالة

Popcorn_52197 🇪🇬

منذ 3 أيام

شعور ضائع

بالله عليكم ادعولي ربنا يصلح حالى وينور بصيرتى ويبعد عنى الشيطان ويرزقنى من حيث لا احتسب ويعوضنى عن كل شىء وحش حصلى فى حياتى ويرزقنى بشغل كويس لو بجد نفسى اكون كويس وابعد عن اي ذنب بعمله أو بتمنى اكون شخص ناجح فا علشان خاطر امى وابويا نفسى أراضيهم واعوضهم عن كل وحش شافوه زى ما هما دائما مش مخلينى عا

Avocado_54559 🇪🇬 ربنا يصلح حالك وينور بصيرتك ويبعد عنك الشيطان ويرزقك من حيث لا تحتسب ويعوضك عن كل شيء وحش حصلك فى حياتك ويرزقك بشغل كويس 🤲🏼🤲🏼🤲🏼

عرض الكل 3 نصيحة

Tofu_75305 🇪🇬

منذ أسبوع واحد

شعور ضائع

انا ساعات ببقا مرعوبة اخلف و الله ختيفة يجي عليا يوم ابقا ام و معرفش ادي ولادي الحب و الحنية زي ما امي معرفتش و يطلعوا يدوروا عليها برا زي مانا عملت و يحصل فيهم زي ما حصلي انا ساعات بسأل نفسي طب هما خلفوني ليه ؟ الموضوع مؤلم و يارب لو هطلع اولاد مشوهين نفسيا اطلع مبخلفش اهون عليا من اني اطلع نسخ

Grape_77566 🇪🇬

منذ أسبوع واحد

شعور مستنزف

تعالوا نتناقش عن اعمق سر موجود في حياتك 🖤🫣 وتأثيره ايه علي حياتك كلنا بنمر ب مشاعر وظروف بتخلينا نهرب منها بطرق مختلفه ، وكل واحد بيكتشف ده بنفسه واسرارنا هي عالمنا الخاص بتاعنا لوحدنا اللي بنهرب فيه عن الواقع وكل ما هو مؤلم فيه ، وساعتها بنعيش اللي حابينه وبس حابب اتناقش مع حد عاش نفس التجربه د

Marshmallow_69067 🇪🇬

منذ أسبوع واحد

شعور ضائع

عبّر عن شعورك بشكل مجهول

لما تكون محتاج تصدق لكن خوفك بيخليك تهرب من كل حاجة بدايتها تبان حلوة.. بالنسبالى كل شئ لطيف ف البداية هو فخ لوجع كبير.. لما تحاول تصدق ان الحياة فيها كدا وفيها كدا بس انت غالبا بتقابل الجزء المؤذي الى فيها.. كل مرة بتعتقد ان بنيتك النفسيىة بقت قوية ومش هتنجرف ورا اى شئ شكله بيلمع من برا بس من جواك بتكون عايز تجرى ع الشئ دى بنفس الحماسة الى حستها اول مرة وانت شخص لا يملك اى خبرة..انك اتعلمت تبوظ كل حاجة بإيدك ك نوع من انواع الانتصار امام النفس الى هو انا مش ضعيفة انا عرفت اخد قرار .. لكن الحقيقة ان جواك طفل خايف من الاشرار خايف من الاعيبهم وشرهم خايف من كل شئ جميل من برا خايف من كل شئ مش واضح ومبني ع الوهم.. خايف يتعود خايف يتأمل خايف يقرب.. بس فنفس الوقت هو مش عايز يكون وحيد..  طفل كبير كل م بيكبر طفولته بتزيد معاه وشعوره انه محتاج حد كبير يطمنه بتزيد ولكن هو طفل اتعلم يحط لنفسه حدود يحمى بيها نفسه بس الحدود اتحولت لسور عالى وازاز مكسر واسياخ حديد محاوط بيها نفسه.. بيخاف من الوجع والخذلان وبيتوقعهم اول م يبدأ يطمن والحقيقة انه سهل جدا يبوظ اى حاجة ويبعدها عنه هو شاطر ف دا اوى اتعلم دا مع السنين.. كل خبرته الى اخدها انه يهرب ويبعد عشان يحمى نفسه من الوجع محاولش يتعلم ياخد حقه من الدنيا.. محاولش يعاند الدنيا ويقولها هاخد حقي وهصدق انى استاهل اطمن كل مرة كل مرة بيحاول يعمل ظا وبيحاول يطمن بيفوق لانه عارف لو اتطمن هيتنازل عن كل أسلحته ولو طلعله الوحش مي هيعرف يحاربه لانه اتخدع بصورة مزيفة او مش مزيفة بس هو بقا بيتعامل مع كل شئ حلو انه مزيف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_73142 🇪🇬

منذ أسبوعين

شعور متعب

كان نفسي حد يفهمني كان نفسي حد يشوف قد ايه انا بتألم كان نفسي حد يقولي انت ليك الحق انك تنهار مكنش نفسي كل اللي يشوفني يقولي انت راجل مينفعش تنهار انت بتدمر حياتك انت اللي بتعمل كدا في نفسك مبقتش استمتع اني اعمل اي حاجة كل اللي بتمناه ان الألم يقف بأي طريقة

Coffee_56002 🇪🇬

منذ أسبوعين

شعور محبط

‏هم لا يعرفون ما معنى أن تكون شخصا يتجاوز كل شيء وهو صامت، يتجاوز ويتجاوز بكل هدوء حتى يعتقد من يراك أنك لم تتعثر يومًا لا أحد سيعرف إلى أي مدى أنت متعب فـ ظاهرك منظم وتفاصيلك الهادئة لا تشير بمقدار التعب الذي تضمره ولأنك تبتسم كثيرا لن يشعر بك أحد. لن يفهموك

Marshmallow_69067 🇪🇬

منذ 3 أسابيع

شعور مرتبك

بحس ان اكتر فكرة آمنة ع قلب الانسان انه يعيش من غير عشم او تعلق بأى شئ او إنتظار لشئ مش واضح.. يمكن دا مش تفكير صح لكن عشان انت عارف نفسك ببتوجع ثد ايه لو إتخذلت بيبقي نفسك تكون زي الناس الى بتعدى الامور ومش يتفكر فيها ولا تديها اكبر من حجمها ولكن فيه امور بتحصل انت مش فاهم هي حصلت ليه بتكون حلوة جد

Coffee_56002 🇪🇬

منذ 4 أسابيع

شعور محبط

‏الدنيا لما كانت بتيجي عليا كنت بهرب بالنوم مكنتش عايز احس بحاجه مكنتش عايز احس بأذيه كنت بسكن الوجع وكنت فاكر اني كده بقيت كويس لكن بعد فتره اكتشفت ان عمري مكنت كويس وان الوجع ملوش مسكن واني كنت برمي ورايا لحد ما تعبي زاد بدا يبان ع شكلي وعلي جسمي‏ وصلت لمرحله اني بقيت عايز انتقم من نفسي عايز ارتاح

Croissant_52708 🇪🇬

منذ 4 أسابيع

شعور لا مبالٍ

أنا كنت حاسس بغصة وجرح كبير جوايا من اللي حصل… من البنت اللي حطيت عليها كل أحلامي وآمالي، واللي بسببها حاولت أطوّر من نفسي وأشتغل على مستقبلي، لكن طلعت مخطوبة. الصدمة كسرتني من جوه، وجوايا الغضب بيغلي كأنه بركان عايز ينفجر. ساعات كنت بطلع كلام قاسي، وأحيانًا بحس إني عايز ألعنها من كتر القهر. بس لما

عبّر عن شعورك بشكل مجهول

بس لما بهدى وأفكر، أفتكر إن الصح إني أسلّم أمري لربنا، هو اللي شايف وجعي، وهو اللي هيدي حقي من غير ما أوسّخ لساني بكلمة ممكن تأذيني قبل ما توصل لها. حسبي الله ونعم الوكيل… حقي عند ربنا، حقي في إن قلبي يرتاح بعد كل اللي حصل، حقي في إني ألاقي حد يقدر مشاعري ويحترم تعبّي.

اللي ساعدني أكتر إن زميلتي في الشغل كانت جنبي وقت شعوري بالوجع ده. فكرتني إن فيه حاجات ربنا أحسن فيها، وطلعتني من الحالة اللي كنت فيها. شكرتها جامد على وجودها، على كلامها، وعلى حكمتها، على إنها ساندتني من غير ما أحس إني محتاج حد ينقذني.

اللي زاد وجعي إني ضيعت شهور بحاول أكون قدها وأتحسن، وكل ده راح على الفاضي. من النهاردة هسطّح علاقتي بيها كأنها مجرد معرفة عابرة… مفيش اهتمام، مفيش مشاعر، مفيش أي حاجة تخلي قلبي يتأذى تاني. الغضب ده هحوّله لطاقة عشان أكبر، أتعلم، وأثبت لنفسي قبل أي حد إني أستاهل أحسن.

أنا موجوع دلوقتي… لكن واثق إن بكرة ربنا هيعوّضني، وهيوريني بعينه إن كل اللي ضاع هيترد بأحسن منه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_57519 🇪🇬

منذ شهر واحد

شعور مكسور القلب

عبّر عن شعورك بشكل مجهول

الموضوع ده حصل امبارح 
كنت بساعدهم في تنضيف الدور التالت علشان نبدا نشطب الدور لاخويا علشان يجوز فيه 
المهم كنت بشيل رمله وطوب وكده وعبناهم في سوائل وركبنا بكره وحبل من البلكونه علشان ننزلهم وقلنا نجربها فنزلنا كام شواله كده لقيمتها تمام المهم فقلتهم هنزل عشر سوائل بس والباقي بكره علشان تعبت المعلومه انا ووالدتي واختي اللي كنا بنضف 
فانا كنت تحت وهما بيربطوا السوائل من البلكونه وانا ماسك الحبل من تحت وببدا انزل في الشوارع واحده واحده 
نزلت 9 شوايل وفاضل واحده المهم الاخيره دي كانت كبيره اوي فاختي قالت لوالدتي بلاش علشان دي كبيره ومحمد مش هيقدر عليها علشان انا رفيع يعني قلتلها لا اربطيها ملكيش دعوه المهم ربطوها وهما الاتنين شالها وحطوها علي سور البلكونه من تقلها واول مذقوعا من السور كانت تقيله قوي لدرجه انا انا اترفعت عن الأرض بمسافه نص متر او حاجه فلما جيت اسيبها من ايدي الحبل حرفيا من قوه الاحتكاك لما سبته قطعهالي وأقسم بالله الشعور بالظبط زي شعور الحرق وطلعت فوق قعدت حاطط ايدي تحت المياه وانا بقول اه بوجع علشان حرفيا كانت كأنها محروقه والدتي نازله تزعقلي من فوق وتقليل في ايه وايه اللي حصل يعني لكل ده وانت مش بتاع شغل وخلاص متحطش ايدك في حاجه تاني وانا بعيط من الوجع وبقلها طب خلاص اسكتي انا اقسم بالله ايدي نار وهي مفيش فزعقت علشان تسكت ودخلت الاوضه وبكيت لدرجه انا بقيت بشنق من كتر البكا وهي في الصاله بتضحك وتتريق عليا ولا سالت فيا ومكنتش اكل من الصبح ولا فرق معاها وفي الاخر بتقولي لسانك ميجيش على لساني 
اكتر حاجه تعباني ان انا من زمان وانا علاقتي وحشه مع اخواتي وابويا وده مش بسببي ده بسبب انها كانت مدلعاني اوي وكانت بتحصل غير وحرفيا كنت بحبها اوي وبقول مليش غيرها و اي حد يعرفني عارف يعني ايه والدتي بالنسبالي لغايه من فتره اتغيرت جامد وبقيت بتعامل اسوء معامله لدرجه ان انا ببكي وهي بره بتضحك ولا حتى فطرت تديني علاج أو تطمن عليا لما اهدي وأخف وبعدين مثلا متكلمنيش الفكره انا حاليا في حاله صدمه من اللي حصل ومش عايز ادخل في سكه اكتئاب اعمل ايه ومع العلم انا حرفيا مليش حد تاني كده من بعدها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74989 🇪🇬

منذ شهر واحد

شعور لا مبالٍ

موضوع:

ازاي قدرت تتعافي من علاقه سامه

طيب خلينا نقول إن فكره التخطي الكامل مش حقيقه ممكن "تتعايش" او تنسى لفتره مؤقته و اول ما تشم ريحه تقرأ حاجه تسمع اغنيه او تشوف الشخص نفسه هتفتكر كل حاجه كانت بينكو ؛ ف البني ادم بيتعايش مع الهوه في انا عن نفسي خدت وقتي كاملا من الزعل و اني فقدت شخص كنت بحبو و اتصدمت فيه و بعدها بدأت اعيش حياتي تعايش

Coffee_62833 🇪🇬 مفيش تعافي كامل فيه شخص صح بييجي يعوضك علي اختياراتك الغلط

عرض الكل 2 نصيحة

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع