الأطفال

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_85300 🇩🇿

منذ أسبوع واحد

شعور مهتم

Chocolate_80048 🇩🇿 الحل هو اجتماع اولياء التلاميذ و سحب ابنائهم من المؤسسة اما ان تخرج المعلمة او لن يكون قسم سنة اولى قد يضيع عام للطفل لكن لن تضيع حياته

عرض الكل 6 نصيحة

عبّر عن شعورك بشكل مجهول

يوم الأربعاء الفائت كان دخول ابنتي السنة الاولى ابتدائي وتفاجأت بأن ابنتي قالت لي أن معلمتها قامت بصْـ / ـر... التلاميذ بعصى(حطب) على رؤوسهم  وقامت بصْر/...بها  هي ايضا بالعصى على رأسها في اول اسبوع لها دراسة بحث عنها لأتكلم معها فوجدتها لا تستقبل الأولياء فذهبت الى المدير وقال لي أن قانون الجزائري يمنع الصْر/...  خاصة الصْر/... ب  المبرح وعلى الرأس كما قال لي أن العديد من الأولياء على مر السنوات قامو يالإشتكاء عليها وهو بنفسه قدم تقرير لكن التقارير حسب ماقيل لي أنها تمزق قبل وصولها للمعني بإتخاد إجراءات ضد هذا التصرف الذي يمس القطاع التربوي  يعني أن الأستاذة التي تقوم بتعـ / ـن... التلاميذ لديها معريفة في مديرية التربية لذلك تلك الشكاوي لم تأتي بنتيجة. وعند سماعها بأني ذهبت الى المدير قامت بتجليس إبنتي وحدها في آخر القسم واستبعادها من القسم وبعثث لي ورقة بأن إبنتي لا تتجاوب مع الأستاذة ولا تحفظ دروسها  مع العلم الرسالة جاءت بعد يومين من الدخول المدرسي بيداغوجيا لايمكن تقييم اي طفل خلال يومين او حتى اسبوع وهذا عنـ ـ ف نفسي تقوم به أيضا. ماهي الاجراءات القانونية في حق هذه الاستاذة التي تحقد على الطفل وتقوم بتعـ  / ـني.... الاطفال في سن خمس و ست سنوات آمل أن تجيبو على استفساري
وأخيرا لا أقصد الإساءة للأساتذة  بل لتصرف هذه الأستاذة التي تظلم البراءة في عمر يجب أن تكون لهم مربية وأستاذة يتذكرونها بالخير وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_83539 🇩🇿

منذ أسبوعين

شعور وحيد

عبّر عن شعورك بشكل مجهول

أنا ولدت يتيم بدون أم و أب حي وكأنه وهم في حياتي ولا مره سأل عني أنا الآن عمرري ثمنيه وعشرون بدون عائله أني اعاني كثيرا مفسيتي تعبت ماحد عندي في عمري ماحسيت بحنان الأم ولا اعرف ماهو شعور الحنان انني أعاني من حرمان العاطفه منذ طفولتي تربية عند أهل أبي الذي رماني عندهم وهناك عانيت من كلامهم الجارح وضرب عمي لي بصفعات على الوجه وعقد عمتي التي كانت تنعتني بكلام جارح يهين الانسان حتى ضعفت في دراستي واصبحت الأخير في المدرسه لكن استمرية حتى مرحلة الثالثه متوسط بعدها قال لي عمي توقف عن الدراسه واشتغل في المقهى وقال لي بأنه درس وانهى دراسته ولم يجد شغل 
فقتنعت بكلامه ولم اكن اعرف ان السجن الذي كنت فيه قد اصبح اضيق لأني وافقت على كلامه
اصبعت مثل العبد شغل من الظهيره إلى الليل لمدة سنتين ونصف كان يعطيني كل أسبوع نصف دولار ويقول لي أنا أجمع  لك مالك كنت اعاني ليس عندي دراهم وفقط اشتغل كنت احزن ولا اعرف ماذا افعل وكان هناك شغال ثاني يسألني هل يعطيك عمك الفلوس كنت اقول نعم يعطيني وأنا اصرفهم كلهم كنت اكذب على نفسي ماذا افعل كل شيء يلومني 
كنت في عمر 14 سنه وكان هناك طفل في نفس سن تبعي حدث بيننا تلاحم كلام فقمت بضربه بعد دقاىئق أتى بخاله وقام بصفعي وخنقي ورآه الجار الذي امامنا وقال لي مرة لما ذهبت إلى دكانه لماذا لم تخبر عمك سكندر قلت له سوف اخبره وكانت عيني احمرت 
كيف اخبر عمي الذي يضربني لا. احس بالأمان معه تعبت لم استطع التكمله 
😞😞

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_71804 🇪🇬

منذ أسبوعين

شعور ضائع

حاليا انا ف النادي ماما راحت تجيب قهوه وفضلت لوحدي بقلب ف الفون بيص جنبي لقيت بنوته نونو بتقرب مني عندها مشكله في عينها وشعرها مش الطف حاجه انا بحب الاطفال اوي... بسطلها واستغربت مش من شكلها لا من الموقف لان ف النادي هنا متعوده علي قد جمالو ورقيو الا انو مفهوش روح ومحدش بيبص لحد حتي ف بقولها بسبس اس

Watermelon_81568 🇪🇬

منذ أسبوعين

شعور محبط

موضوع:

قرارات من الأهل كانت سبب في تغير حياتك

أهلي مش سيئين بس متعلموش زمان ازاي يحسو بمشاعر ودا عمل فجوه اهلي بيحاسبوني علي أشياء معملتهاش عشان ما افكرش أعملها أهلي بيعتبرو ابنهم صغير مهما كبر و بيتعاملو معاه علي الاساس دا أهلي قفلو عليا ممنوع اخرج دا خلانى انطوائي ومش عارف أتعامل مع العالم الخارجي وبعد كدا يلوموني اني مش عارف اتعامل مع الأشخا

Marshmallow_80801 🇩🇿 احنا بنتحاسب على وعينا ،حتى هم بيتحاسبو على درجة الوعي ،و انا اهلي نفس المشكل ، كرهتهم صراحة

عرض الكل 2 نصيحة

Peanut_79620 🇪🇬

منذ 3 أسابيع

شعور مكتئب

يا جماعه انا بفكر دايما اني لما اتجوز مش حابب الخلفة بحس ان مسؤليتها صعبة اوي وممكن يحصل احداث كتيرة فالولاد يطلعو مختلفين او ياخدو مسارات وحشة في حياتهم حتي بعد التربية و المتابعة ... ويمكن ده عشان انا عيلتي الي حد ما بيحصل فيها مشاكل كتير و كدا بس هل في بنات كمان بتشوف ده عادي ؟؟ ولا المعظم بيبقي

Strawberry_11964 🇪🇬

منذ شهر واحد

شعور لا مبالٍ

نفسي الناس تفهم إن البنت بتسعى وتتعلم بس عشان تعلي من مكانتها الإجتماعية وتحقق حلمها .. لكن ك شغل هي مش ملزمة بيه نهائي ولو هيقصر في وظيفتها الأساسية كونها " أم حنونة وزوجة صالحة " يبقى مش مهم الشغل ، الفلوس مش بتربي ولا بتطلع أطفال أسوياء .. كون المجتمع رسخ في عقل كل بنت إنها لازم تعمل Career عشا

Grape_69160 🇪🇬

منذ شهر واحد

شعور محبط

فيه حاجه غريبه ان في بنت اقل من 15 مش حاسه بلتقدير والحب من الناس اللي حواليها ياريت الاب والام ديما يبقي support لعيالهم عشان لما يكبروا يبقي معندهمش مشكله انهم يشيلو مسؤليه انه فعلا ميفقدتش الثقه في نفسه وفي الناس اللي حواليه نعلمه فعلا ازاي يعتمد علي نفسه ويقدر يعمل اي حاجه هو حاببها ونفضل ندعمه

Sugar_49832 🇪🇬

منذ شهر واحد

شعور عاطفي

Carrot_55533 🇪🇬 الموضوع للأسف بيأثر و بيعلم فينا و ده واضح من تذكرك للمواقف و إنها مش بتتنسى ... بس تجاوزي و اقتنعي إنها مش عندها وعي كافي يمكن و إنها نتيجة بيئه كان مؤذية اكتر بكتير من اللي بتعمله معاكي سامحي و متجاوزي و ده اختبار ربنا ليكي عادي ... و الاهم اننا ك جيل جديد وعيين للجزئيه دي عن أهالينا و بإذن الله الموضوع ده ينقطع عندنا و منتقلش لاولادنا

عرض الكل 8 نصيحة

عبّر عن شعورك بشكل مجهول

اكبر اضطراب كان ومازال فى حياتى كان بسبب امى 
امى هى اللى قالتلى انى طيبة ...وهى اللى قالتلى انا اجيبك تحت رجلى لو معجبتنيش 
امى قالتلى انى حلوة ...وهى بردو اللى علقت على وزنى لما زاد شوية ولما ظهرلى حبوب فى فترة 
امى قالتلى انى حضنى حلو لما نامت جنبى .....وهى بردو اللى قالتلى عنك ما ارتحتى المهم انا اكون مرتاحة 
امى جابتلى هدوم غالية ....وبردو هى اللى فى نفس اليوم كانت بتقولى انى مش بقدر اللى هى بتعمله ولا انها بتحرم نفسها عشانى وان مفيش حد بيلبس زيى ولا ام بتعمل اللى هى بتعمله عشانى
امى هى اللى اخدتنى للدكتور لما حسيت انى ممكن يكون عندى ورم برغم انه كان مجرد شك ...وهى بردو اللى شافتنى بنهار قدامها مفكرتش تطبطب عليا 
امى هى اللى دعت علياا لما عصبتها ...وهى اللى دعتلى لما عملت حاجة بسطتها 
امى هى اللى زعقتلى لما حست انى بفرض نفسى على حد برغم انى كنت طفلة وقالتلى خلى عندك كرامة ... وهى بردو اللى نزلت بالقلم على وشى لما اتعصبت 
امى هى اللى كانت بتبعد ابى عنى لو زعقلى او دايقنى ...وهى بردو اللى ضربها ليا والخرطوم علموا على جسمى ايام 
امى هى اللى قالتلى وزعقتلى عشان مش بقعد معاهم ومبقتش اخرج من اوضتى كتير ... وهى بردو اللى صدتنى الف مرة لما كنت ارجع من المدرسة عايزة احكيلها اليوم كله وتقولى مش وقته ولما تفضى تندهلى عشان اتكلم بس بيكون الحماس واللهقة دول خلصوا خلاص
امى هى اللى مش بيعدى نص ساعة غير وهى بتصرخ فى وشنا مليون مرة ...وهى بردو اللى اعترضت لما نبرة صوتى بدات تعلى غصب عنى    
امى فضلت تقولى الف مرة ابطل اسمع اغانى وانتظم فى الصلاة ....بس لما طلبت منها انى البس شرعى رفضت وقعدت تعددلى فى ذنوبى 
امى ضحت لما اتطلقت ورجعت عشانى ..بس كسرتنى كتييير
امى هى اللى قعدت تشتكيلى من ابى ومن جموده او قسوته عليها ...وهى بردو اللى كانت بتطالبنى انى اكون بحبه فى وقت صورته فى عينى كانت مشوهه فعلا  
امى هى اللى لما قعدت معاها وبعتلها فيديوهات لشيوخ واحاديث بتحرم الضرب والاهانة لولادها ردت وقالتلى وربنا امرك تطيعى امك حتى لو كافرة .
انا والله ما بكره امى ومسامحاها عاادى ..بس مش قاادرة احبها ،مش قاادرة اخاف عليها 
مسامحاها لانى مش ملاك واكيد قصرت فى حقها كتير ومسامحاها لانى عمرى ما اتمنى اقف معاها قدام ربنا ويكون ليا حق عندهاا .
متصعبوش البرر على ولادكم ياا جماعة ...راعوا انكم بتتعاملوا مع بشر زيكم وعندهم قلب وكرامة واحساس ، مش هتضرب وتشتم وتهين وتطلع رااهب ما هو بيتعلم منك ،ولا تنتظر منه انه يسكت ويسمع وخلاص ما هو مش صخر .
راعوا ان ولادكم عندهم ضغوط زيكم واكتر بس بالنسبة لسنهم وانتو متعرفوش عنها حاجة ، راعوا انهم كمان فى اوقات بيتعصبوا ويحسوا انكم بتستفزوهم بالرفض او بالعقاب 
راعوا انهم بيخافوا ويحتاجوا يتطمنوا ،
كلكم راعٍ وكلكم مسؤول 
ربنا يهدينى واياكم ويقدرنا نكون خير آباء وامهات لولادنا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ شهر واحد

شعور مستنزف

عبّر عن شعورك بشكل مجهول

السلام عليكم 
صباح الخير .... مش هتكلم عن معاملة اهلى ليا او لاخواتى المرة دى بس حقيقى كل حاجة عملوها معايا مش عايزة اعيدها مع ولادى فى يوم وبدعى ربنا انه يقدرني على دة.. لان الانسان ابن بيئته .. وانا اتربيت في بيئة لا تفقه شيء عن الاحتياج المعنوى والنفسى ولا شايفين ان ليه اهمية اساسا 
ديما عندى نية انى اول ما اقدر اشيل مسؤولية نفسى هتواصل مع دكتور و احاول اعالج ای اثر للبيئة دى جوايا
معنديش مانع طول فترة طفولة ومراهقة ولادى ان كل خطوة تكون باستشارة اخصائي نفسي للطفل
مش هقصر ابداا فى انى اظهر حبى وامومتي ليهم
هركز معاهم، مع زعلهم مع الكلام اللى ورا الكلام والكلام اللى مش بيتقال هعلمهم حدودهم کویس وازای محدش یکسرها مهما كانت درجة قربه حتى لو الحد دة انا... رااحة ولادي فوق اي حاجة في الدنيا، مش هجبرهم على حاجة طول ما هي مش حرام ولا هتضرهم او تضر حد...عايزاهم يحسوا اننا بيئة الراحة والامان بالنسبالهم 
عمري ما هجبرهم على مكان مش مرتاحين فيه.. ولا ناس مش بيرتاحوا لتعاملهم.... راحة ولادى رقم وااحد طول ما الحاجة اللى عايزينها دي في ايدي اني اعملها ..... لو فضلنا نقول على كل حاجة لا عشان تريح راسنا وخلاص معدش هيفرق معاهم الحدود وهيكسروها اكيد غصب عنهم .
هعلمهم يطوروا من نفسهم وشخصيتهم ويحبوها، هقوى ثقتهم في نفسهم عشان مفيش حاجة في الدنيا تهزهم
اى حاجة فيها جهاد بالءات دينى هشجعهم عليها بس مش بحاجات مادية.. عشان يتعودوا ان الهدف تقوية الرابط بينهم وبين ربنا في قلوبهم مش حاجة تانية .
هحاول يكون التشجيع بان كلنا نساعد بعد وهعودهم لما حد يكسل عن طاعة الثاني يشجعه عشان الهدف الاول اننا نمسك ايد بعض للجنة ، هحبب بنتي في الزي الشرعي من صغرها ومش هكتمها في البيت وهعلمها تهتم بنفسها وانوثتها صح.
هعود ولادى يحبوا بعض ويهتموا ببعض لعل ربنا يجعل فيهم خير اخوة وسند .
عمرى ما هضرب ولا هعلى صوتى هعاقب ايوة بس هعاقب بحب وقبل ای عقاب لازم يعرفوا هما بيتعاقبوا ليه وافهمهم ان العقاب دة عمره ما يقل من حبى ليهم ابدا
في وسط كل عقاب هقف جنبهم لحد ما يعدوه العقاب تقویم مش تفريغ غضب ....انا مش بنتقم من ولادى 
عمری ما هعاقبهم باني اخد منهم حاجة انا او باباهم جبناها كهدية او ليها ذكرى حلوة في قلوبهم... الذكرى الحلوة هتفضل حلوة
قواعد البيت هتكون واضحة ومكتوبة واى حاجة جديدة زي التاب او التليفون هيكون ليها حدود في استعمالها ووقتها وعقاب واضح لو الحدود دی اتكسرت....
عشان يكون هو اللى بيختار الفعل وهو عارف رد الفعل عليه
مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب .... وكلمتين يبقى ليها تقديرها منهم .
مش كل يوم وكل ساعة هفكرهم انا قد ايه بضحى واحرم نفسى عشانهم ... التضحية لما نذكرها بتدخل عقولهم وقلوبهم من باب ذل ومعايرة مش حب ابدااا....
 اي لحظة توتر او ضغط في البيت هحضنهم واطمنهم انها هتعدى.. مش هتجاهل خوفهم وقلقهم اللى هيتحفر في عقولهم لو ملحقتوش واحتويته صح.
عمري ما هكلمهم عن تقصير باباهم فى اى واجب من واجباته ولا غلطه في حقى انا كامهم.. حتى لو اضطريت اني اصلح وراه.....
لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه.....
هعود باباهم يحضنهم كل ما يدخل البيت عشان يتعودوا ان وجوده ليه تاثير مش زی عدمه....
اخر حاجة للامانة مش عارفة هعملها ازااى ...انى اساعدهم يكونوا صحبة صالحة ليهم تعينهم على الدنيا وتكون الضمير الحى ليهم فى الوقت اللى مقدرش اتواجظ فده انا او باباهم...
وحاجات تااانية كتيير اوووى لاازم اغيرها 
انااا فاهمة كويس اووى ان كل دة مش سهل وان الواحد غصب عنه بيبقى نسخة من اهله انا عارفة ان الطريق طويييل ومستعدة اوااجهه من بدااية اللحظة اللى هختار فيها اب لولادى لحد اللحظة اللى اعلمهم واساعدهم يختاروا فيها شريك لحياتهم ....حتى لو اضطريت انى مشتغلش او انى اتابع دكتور انا هعمل كدة ....مش عايزة حد يقولى كل دة كلام ارجوكم ..دة الامل الوحيد اللى متشعلقة فيه عشان يبقى فيه هدف ولا صغير لحياتى ....عايزة بس ولادى يحبونى بجد ،نزرتهم لياا متكنش نظرتى لامى حتى لو فى اوقات بسيطة .
مش عارفة انااا كتبت كل دة ازااى بس لو حد وصل هنا اتمتى يدعيلى بس والله .  
ادعولي ربنا يقدرني واكون انا البداية اللى توقف دايرة الاذي دى  في تربية بتتورث بدون وعي ولا تفاهم
وربنا يهدينا ويقدرنا ويهدى امهاتنا واباءنا جميعا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ شهر واحد

شعور متعب

عبّر عن شعورك بشكل مجهول

السلام عليكم 
صباح الخير 🌿
فضفضة سريعة ولو حد حاابب يقرا او يشاركنى رايه وينصحنى النقاش مفتوح
من فترة كنت بتكلم مع خالتو وحكتلى ان فى بداية جواز امى وابى كان فى مشاكل فى الخلفة والمشاكل دى استمرت سنة وان خلال السنة دى امى مكنتش بتبطل عياط عشان خاايفة متخلفش 
وعدت السنة وربنا بعتلهم بدل الطفل ..تلاتة، كنت انا اولهم 
امى ضحت عشانا كتيير ...لما رجعت بعد ما ابى طلقها عشانى ...ولما وقفت قدام اهل ابى عشان تعليمى ..لما حاولت تخلينى البس احسن من اللى حواليا ، يمكن كان دة واجبها ..مش عارفة بصراحة ،مقدرش اقول انه واجبها بصراحة هى كان ممكن تتجوز تانى عادى وكان هيبقى عندى جوز ام 
لما بشوف طريقة امى دلوقتى معانا بزعل اوووى ،يمكن فى ظروف تانية كانت هتبقى حنينة اووى علينا ، بس الظروف اللى ربنا كتبها علينا قست قلبها بزيادة شويتين ،حتى تفكيرخا بقا كله ازااى ارتاح دلوقتى وبس بغض النظر عن اى حاجة تانية ،حواليها اطفال ولادها طبيعى جرى ولعب واول ما تزهق تزعق وتضرب ،
غصب عنى مع كل حاجة عملتها انا مقدرتش احبها الحب الطبيعى من بنت لامها او انى اتعلق بيها زيها زى اى حد ،يمكن انا عمرى ما حبيت حد اصلا لا قريب ولا بعيد ..ما علينا 
واحد من الحاجات اللى اتمنيتها فعلا كان ان اهتمام امى يكون على اللى جوانا اكتر من اللى الناس شايفاه ،امى عملت على نفسها ضغط رهيب عشان تخلينا مميزين من برا وللاسف من جواا كنا فاضيين خاالص ،الضغط دة اللى نتج عنه عصبيه وضرب وزعيق وخناق كل يوم وكل ساعة ...انااا مش بكرهها ولا عمرى هكرهها لكن بردو انا مش عارفة احس انها امى 
حرفيا عدد المرات اللى حضنتنى فيها لا يذكر قدام عدد المرات اللى انهارت فيهاا وعيط قدامها وطنشت ،
بالنسبالها طول ما سبب العياط دة مش كافى فى نظرها فهو ملوش لازمة ويتطنش عادى 
كل قلم منها نزل على وشى لسبب تافه لمجرد انها مخنوقة او ان مش عاجبها كلامى انا مش قاادرة انساه 
من كام سنة هى بطلت تضربنى بس فى المقابل اخواتى بيتعجنوا منها حرفيا 
انا مش عارفة اعمل اييه جربت معاها كل حااجة والله ومفيش فاايدة واخواتى بقوا عصبيين وصوتهم عالى وغصب عنهم بيعلوا صوتهم عليها ويتضربوا تانى 
ومش قابلين منى اى محاولة اصلاح فى مقابل اللى هى بتعمله 
امى عودتنا ان حياتنا كلها بين ايديها فبالتالى كانت تضربنا ومش من حقنا نزعل او ناخد جنب كدة كدة مش هنعرف نعمل حاجة غير لما تسالها ،ودة وصلها اننا بننسى وبنعدى ....
مش ننسى لما عيط وانا صغيرة اووى  عشان كنت عايزة اروح لتيتة ام ابى وتيتة كلمتها وقالتلها انى مروحش عشان هى تعبانة بس انا مكنتش اعرف يومها ضربتنى وقالتلى خلى عندك كرامة 
مفهوم بالنسبالى كانت بتعدمه فى كل مرة تعطى نفسها لحق انها تضرب وتهين عشانها امى 
كلمتين من قلبى لو فى اب او ام شافوهم ..لما تخلفوا خليكم عارفين ان ربنا رزقكم امانة تحافظوا عليها وتصونوها متكسروهاش ...كل ماا تلاقوا نفسكم مخنوقين وهتطلعوا زعلكم وضغطكم فى ولادكم افتكروا شعوركم وانتو بتتضربوا من اهلكم واحساسكم وقتها 
التربية محتاجة صبر وتوجيه وحب وامان  
دورك تنصح وتوعى النتيجة دى عند ربنا وبس ..والتربية عمرها ما كانت بالضرب ولا مكانش ربنا حرمه 
ابنك مش شرط خاالص يكون النموذج اللى انت رسمته ليه 
المهم تشوف فيه نموذج لما تقف قدام ربنا يوم القيامة وقدام الرسول تفتخر بيه وتكون راضى عنه 
اسفة انى طولت كل دة ربنا يهدينى واياكم يارب ويهديلنا اباءنا امهاتنا جميهاا دمتم فى خير وعلى خير اللهم امين 🌿🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_76530 🇪🇬

منذ شهر واحد

شعور مكسور القلب

عايزه حل انا حصل معايا موقف صعب اوي من اهلي وبذات مامتي لاني كنت بتعرض للضرب كل يوم علي حجات تفهه من سن 5 سنين لحد سن 12سنه كل يوم ضرب وبعدي لدرجه وصلت ان بقيت بسكت ومش بصوت عشان الجران بقو يسمعو صوتي كل يوم لكد ما جت في مره وعيرتني بنظري وقالت اي عاميه عششان اظا زتقت في اخويا وبصيت لبابا واختي الك

Ice Cream_29052 🇪🇬 مش قادره اقلك زي ما بيقولوا ان اهلك بيحبوكي مش كل اهل اهل ولا كل ام ام ولا كل اب اب ...مش معناه انهم بيكرهوكي كذلك بس اكيد انتي فرد من اسرتهم ف متعودين ع وجودك ميقدروش يفقدوكي ك نوع من انواع ان دي قوانين ك اسره...طيب تتعاملي معاهم ازاي ما كده كده هتبريهم ع الاقل تسمعي كلامهم كل اللي يضايقك تجاهليه اسعي لسعادتك و كوني انانيه بس متدافعيش عن نفسك الا لو حاجه كبيره هم مش هيسمعوكي و اسفه اني بقول ده كد

عرض الكل 12 نصيحة

Sugar_49832 🇪🇬

منذ شهر واحد

شعور متعب

عبّر عن شعورك بشكل مجهول

من فترة كنت نزلت بوست بسبب ان امى ضربت اخويا الصغير عشان قال لفظ مش كويس 
ضرب بايد مقشة كسرتها عليه غير الكلام اللى كانت بتقوله ليييه اللى ميطلعش من ام اصلاا
وقتها كنت اتكلمت مع امى كلااام كتيير مضمونه ان الضرب نش هيجيب نتيجة وانه لازم يفهم غلطه لانه لو بطل يتكلم كدة فى البيت هيقول برا ..ولو الدافع بتاعه دلوقتى الخوف هيكبر ومش هيخاف وهتبكل تقدر حتى تتفاهم معاه ،اخر حاجه قالتها  المهم مسمعش اللفظ دة فى بيتى واخرجى روحى اوضتك معدش هتكلم وسكت انا مش فى ايدى حاجه 
 مع العلم ان اخويا دة عنده ١١ سنة وهو بيشتغل فى الاجازة 
النهاردة بقا اخويا الوسطانى راح المكان اللى بيشتغل فيه واتكلم مع حد من اللى بيشتغلوا وساله عليه وقاله انه بيقول كلمة مش كويسة 
اخوياا اخد الكلام كله ورماه عند امى وشيطها على اخويا الصغير تانى 
رجع من الدرس نزلت عليه ضرب تااانى بالخرطوم وكلااام اتمنى انه فى يوم ينساااه ومحدش قاادر يحوشه منها
دخلت اكلمها ...قولتلها المرة اللى فااتت انتى بلسانك قولتى المهم ميقولش الكلام دة فى البيت واهو حصل ،قولتلك انه المفروض يفهم مش يخاف وطنشتى جاية تضربيه لييه دلوقتى 
قالتلى مفيش منه الكلام دة انا ابنى ميشتمش ومش هتكلم معاكي وروحى اوضتك 
دمى محروق وقلبى واجعنى كل ما تعطل معاها بتنزل فيهم ضرب عملت عداوة بين الاخين وكل واحد فيهم بيدور على غلطة للتانى ومقتنعة انهم هينسوا ويصفوا لبعض 
شايفة انهاا لماا تخوفهم وتزرع جواهم الرعب دلوقتى لما يكبروا هيخافوا يغلطوا ووالله ما بقى يفرق معاهم حتى الضرب 
مفيش كلام ناافع واسلوبها صعب والبيت كل يوم والتانى حريقة 
لو نسوا ضربها ودة مش هيحصل عمرهم ما هينسوا كلامها ،كلامها يقهر وبيكسر ليييييه ،لو نص مجهودها فى الزعيق والضرب دة اخدته انعا تفهمهم والله ما هيبقى احسن منهم 
هتستسهل على قفاهم وتطلعهم مرضى خلفت لييه 
انا يأست من نفسى ومبقتش فاهماها وبحمد ربنا انى فاهمة وقادرة اتجاوز افعالها حتى لو مش بنسى 
الولدين دول هيعاملوا ولادهم ازااى بعد كدة ..هتخليهم نسخة منها والله جيل مدمر لييه كدة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهر واحد

شعور ضاق ذرعًا

عبّر عن شعورك بشكل مجهول

حد عنده فكرة أيه مبرر بعض الناس للكذب؟؟
انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا..  أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة  إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل،  بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام  ولكن لازم في التربية يكون فيه قدر  من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_68563 🇪🇬

منذ شهرين

شعور وحيد

لية مبقتش بحب اسمع صوت خالص وعاوز اعيش الـ24 ساعة في هدوء؟ خُلقي بقي ضيق جداً بخصوص موضوع الدوشة خصوصاً اني ساكن في شارع ضيق شوية وفيه اطفال كتير بتلعب في الشارع بقيت اطلع ازعق فيهم كل يوم مرتين تلاتة ؟ حاسس اني عاوز اعيش في منطقة معزولة مفيهاش صوت والسكان متعرفش بعض واعيش في هدوء بس حرفياً انا بس

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع