اكتئاب بعد الزواج

Chocolate_71547 🇪🇬

منذ أسبوع واحد

شعور مكسور القلب

انا بقالي سنه و نص متجوزة و كنت فاكرة انه عن حب بس بعد الجواز اتصدمت من الجفا و القسوة و قلة المشاعر و انا لسه في عز شبابي عمري ٢٥سنة وطبيعتي اني بحب الحياة و الحركة و الخروج و الضحك و من ساعة الجواز انا بجد انطفيت و بقيت ف اكتئاب و عياط و انهيارات معظم الوقت و حتي وقت حملي قضيته كله زعل و قهر💔 ..

Apple_57717 🇪🇬

منذ أسبوع واحد

شعور مكسور القلب

دلوقتي اخويا متجوز بنت محترمه وكويسه جدا لكن كان في بنت قبلها بيحبها ونفسه يتجوزها لكن لظروف متقدمش وهي اتجوزت المهم انه مش مبسوط في حياته ومضايق لانه لسه متعلق بيها وكان فاكر لما يتجوز هينساها لكن ده محصلش وبيقول مش بمزاجي وبيحلم بيها علي طول وتظهرله في كل مكان بالرغم انه بيشكر في البنت اللي معاه

Avocado_63640 🇪🇬

منذ أسبوعين

شعور مكسور القلب

موضوع:

إزاي العلاقات السامة بتسرق منك نفسك؟

Ice Cream_61082 🇪🇬 * اطلعي من العلاقة دي: خلاص، كفاية كده. ارمي ورا ظهرك كل اللي حصل، وخلصي من الورطة دي. الطلاق ده حقك، وما تخليش أي حد يوقفك. * ركزي على نفسك: اهتمي بصحتك النفسية، ارجعي لشغلك، واعملي أي حاجة بتحبيها. المهم إنك تلاقي نفسك من جديد. * متخافيش: اللي جاي أحسن بكتير، وربنا هيعوضك عن كل لحظة وجع. بس أنتِ قوي قلبك، ومتخليش التجربة دي تحطمك.

عرض الكل 10 نصيحة

عبّر عن شعورك بشكل مجهول

انا بردوا عندي هاجس كدة اني اكون انا التوكسيك
اتجوزت ولد صالونات، حبيته حب عظيم،كنت حساه طيب،لكن اكتشفت بعدين كوارث،بخيل جدا،بارد جدا عاطفيا،بينقل لاهله كل حاجة وياخد نصايحهم ف ازاي ينشف عليا اكتر،عايرني بالخلفه رغم اننا مكملناش ٣ شهور جواز،رفض تماما يديني ولو ١٠٠ جنيه ف الشهر مصروف،خناق وجعير طول الوقت او تجاهل قاتل بيقتل الروح بالبطيء،كان بيبات برة البيت اغلب الايام بحكم شغله ولما يرجع يقعد ع التابلت او يلوي بوزة او يطلب مني فلوس لاي استغلال كان ، ولما ارفض يمنع العلاقة وينام ف اوضه تانيه،شهر رمضان بطوله نايمه ف اوضه وهو ف اوضه تانيه،يوم العيد قضاه ف بلدهم وسابني وحدي زي الكلب ف البيت،عيطت جامد بانهيار من قسوته عليت قالي طظ فيكي دة كهن حريم اهلي قالولي كدة وانا ورايا شغل واولعي بنكدك،جالي نزيف مرة واحنا سكننا كان بعيد جدا عن اهلي،قالي سلامتك ونزل شغله كاني كلبه ملهاش لزمه،كان جايب حد من صحابه وخبط علي باب البيت،اتاخرت ف فتح الباب كسره،وبعدها امرني اعتذر وادفع فلةس تصليح الباب ووالدهةجه هاني وبهدلني ان انا اللي مفتحتش بسرعه وانا السبب ف كسر الباب،ووالده قالي اقعدي من الشغل وصحتك متهمنيش ولا تفرقلي وجوزي قاعد مفتحش بقه وابوه ضربه كمان ومشي،ف رمضان روحني جعانه بعد العشا ورفض حتي يجيبلي باتيه او ازازه مياه ،زكاه الفطر قالي ادفعيها لنفسك انتي هتستنطعي عليا،اي حاجة تبوظ ف البيت او تحتاج تتركب انا اللي ادفعها تجاهل علي طول الخط،مفيش مكالمه الا فين وفين ولا كلمه حلوة الا فين وفين ولا حتي العلاقه الخاصه كانت الا ثواب وعقاب ،لما ادفع او اجيب هديه او اقفل بقي عن ابسط حقوقي يبقي فيه علاقه غير كدة يبات ف اوضه تانيه،سبت البيت من التعب النفسي رفض ييجي ياخدني من بيت بابا،بابا دخل الرعايه وكان ليه فلةس عند جوزي،اتحايلت عليه يديهالنا عشان ندفعها ف الرعايه رفض،كمان بعد بابا ما خف جاله مسجد عند بيتنا وغلط فيه ووالد جوزي جالنا البيت وغلط فينا،قعدت ٣ شهور جواز و٥ ف بيت اهلي،كنا عاوزينه ييجي لبابا عشان نكلمه انه يوقف تدخلات عيلته علي الاقل،قال مش جاي وانا حالف طلاق،حاولت كتير مفيش الا استبياع وسفاله وغلط ف ابويا وقله ادب،طلبت الطلاق بالمعروف رفض وقالي اخلعي نفسك بالمحكمه،علاقه طفت روحي حرفيا
لكن انا بردوا كنت بعلق كتير علي تصرفاته،كنت عصبيه من بروده،كنت ببخل عليه ماديا زي ما بيبخل عليا،كنت بعيط كتير،اشتكيت مرة لاهله بخله المادي معايا علي اساس يعلموه الاصول طلعوا هما اللي ممليينه وحرضوه عليا اكتر
وف الاخر البيت خرب قبل ما الحق افرح بحاجتي او حتي اعرف اماكنها وروحي انطفت من العلاقه دي واتعقدت من فكره الجواز ومش عارفه حتي اتطلق
ادعولي

Cherry_62862 🇪🇬

منذ شهر واحد

شعور محبط

بصو يجماعه انا لسه منزله البرنامح دا ياريت تنصحوني انا عندي 19 سنه بقالي تلت سنين متجوزه في ارياف اكيد بسبب اهلي اتجوزت واحد مبحبوش وطبعا علشان معاه فلوس بقالي تلت سنين مش عارفه احبو ومش عارفه اتأقلم علي العيشه بتعتهم بسبب امو بتمشي كلامها علي البيت كلو اخواتو وابوه وكلو ولما اتجوزت عرفت انها بخيييي

Nutella_62865 🇪🇬 انتي صغيره علي كل ده يبنتي انتي محتاجه الي يقف جنبك حاوليه تتكلمي معاه منغير خناق وفي وقت يبقي هو حابب يفضفض معاكي اكيد هتحسي بالامان معاه غير كده يبقي في حلول للطلاق

عرض الكل 11 نصيحة

Banana_58206 🇪🇬

منذ شهرين

شعور مكسور القلب

انا متجوز من شهر و حاسس بعدم رضا عن جوازتي و مش عارف الشعور دا جاي منين بالظبط مراتي كنت خاطبها عشان محترمة و عاقلة بس لقيت ان فيه حاجات تانية كتير محتاجها و مش عارف اتناقش معاها او اخليها تغير حاجة فيها و مضايق من عدم نضافتها و حاسس اني اتخدعت دا غير ابخلافات اللي عملتها هي و اهلها قبل الفرح غشان ق

Blueberry_51928 🇪🇬

منذ 7 أشهر

شعور لا مبالٍ

عبّر عن شعورك بشكل مجهول

انا عندي21سنه حالتنا الماديه مش احسن حاجه بس  كانت مستوره معانا الحمد لله بابا معاملة مكنتش احسن حاجه معايا وكنت ساكته وراضيه كان في ضرب واهانه وكنت ساكته برضو رغم الحياه اللي كنت عايشاها دي وكنت راضيه بكل حاجه في ثانويه كنت بنزل اشتغل واصرف على نفسي وعشان اعرف انزل دروس كذا مدرس عرض عليا اني اخد عنده مجاني وانا رفضت تعبت اوي السنه دي وجبت 92في الميه بس مدخلتش كليه عشان المصاريف وحتى لو اشتغلت عمري ما كنت هعرف اجمع مصاريف الكليه مع مصاريف البيت ولنفسي ف رضيت باللي وصلتله وكنت بسعى في حاجات تانيه تفيدني اشتغل بيها المهم حد اتقدملي وبابا وافق وانا مكنتش موافقه لاني كان عندي تروما من العلاقات وفكرة اني ابقى مع واحد اصلا المهم بابا وافق بيه وحدد معاد لقراية الفاتحه وكل دا انا معرفش غير ليلة قرايه الفتحه وهو بيقولي جهزي نفسك بكره قراية فتحتك على فلان انا اتصدمت وطبعا لما رفضت اضربت وقعدت معاه غصب عني منكرش انه شخص كويس ومحترم وحرفيا في كل حاجه اي بنت تتمناها تكون في جوزها بس انا مش قادره فاهمني كل دا من قساوة بابا لما جابلي عقده من الصنف كله دلوقتى إحنا بقالنا خمس شهور متجوزين انا مش قادره اديله اي حاجه هو بيحبني اوي وبيتمنالي الرضى ارضى بجد وانا مش عارفه اعمل ايه ومش فاهمه اي السبب انا كل ما يقرب مني بتقطع من جوايا كل حضن بيحضنهولي بحس انه بيقطع في جسمي احساس وحش اوي 
حاسه اني آله قاعده معاه في البيت اطبخ واروق وتحصل بينا الحاجه الشرعيه وخلاص 
انا مكنتش عايزه حياتي تبقى كده بجد اتخنقت ومش عارفه اتكلم ولا احكي لحد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_72583 🇪🇬

السنادي علمتني الصبر ع الألم وأن كل حاجه صعبه بتخلص

السنادي علمتني كتير جدا علمتني الصبر ع الالم والوجع ايا كان نوعه وانه كل حاجه صعبه بتخلص، عديت باصعب واشد لحظات الالم ولحظات الوحده القاتله الوحده الداخليه اللي ملهاش وصف بس كنت دايما مبستسلمش يجماعه بجد ربنا جميل وكريم وطريق كله مشقه وتعب مفروض نكمل ايا كان الالم اللي جوانا اصبروا ع اقدار الله انا السنادي من كتر الالم كنت بحس اني هموت بجدد بس كنت مكمله وموقفتش كنت بنزل جامعه من تلت يوم وفاه بابا بس عشان احضر محاضرات ومنزلش سمر لاني مكنش قادره اذاكر، واتحملت كل حاجه صعبه ع القلب والنهارده ربنا راضاني بنتيجه والله يعني اكتر مما كنت اتصور ربنا بيعوض بجددد اتفائلوا ربنا يفرحكم فرحتي ♥♥♥♥♥♥♥♥ ...عرض المزيد

0 الدعم

3 نصيحة

Watermelon_60331 🇪🇬

اشتاق لصاحبتي فاطمة من أيام الطفولة

لما كنت صغير كنت بلعب مع بنت وانا صغير كانت سكنه قصاد بيتي بالظبط في الدور الارضي كانت جميلة المعنى الحرفي للفراشة كانت كيوت جدا وعسوله جدا باباها و مامتها انفصلوا وسابو البيت و عزلوا ومن ساعتها وانا ماشوفتهاش تاني بس عمرها ما راحت من خيالي (مكنتش اعرف اني هفضل اکتر ١٥ او ١٦ سنه اشتاقلك يا فاطمه ) ربنا يسعدها مطرح مهي موجودة ويرزقها كل خیر كانت جميلة اوي هو انا ممكن اكون حبيتها انا كنت صغير يجي ٧ او ٨ سنين و دلوقتي انا ٢٣ سنه كانت صاحبتي في ابتدائي كانت جميلة اوي كنت بحب العب معاها حاولت كتير اوصل لأي طريق ليها معرفتش خالص ربنا يكرمها ويرزقها يارب ...عرض المزيد

0 الدعم

1 نصيحة

Tofu_56879 🇪🇬

اختي الصغيره خايفه ابنها القط يموت قبل عيد ميلادها

اختي الصغيره بكرا عيد ميلادها قطها ( ابنها بمعني اصح ) تعبان و حصلتلو مشاكل و هي خايفه يموت مش عرفه اعمل ايه مش عرفه اجيبلها ايه مش عرفه اخليها كويسه ازاي انا بحبها زي ما بحب القط بس ف كل سنه عيد ميلادها بيحصل فيه حاجه وحشه بحاول دايما افرحها ف اليوم حتى الفلوس الي كنت هجيبلها بيها هديه اتصرفت علي القط عايزاها كويسه و اكتر من مره تعيط ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع