استشارة طبية اونلاين

Marshmallow_25685 🇪🇬

منذ 10 أشهر

شعور مرهق

عبّر عن شعورك بشكل مجهول

محتاجة حد يدلني او يقولي الخطوة دي صح ولا لا يعني نفسي بتقولي انه صح وعادي ...
كنت اتكلمت قبل كده عن مرضي وان لحد دلوقتي موصلتش لتشخيص رغم اني جربت دكاترة كتير بس حالتي كل مدى بتسوء ومش عارفة اعمل اي حاجة ف حياتي والموضوع أثر عليا نفسيا والحمدلله راضية كل مرة حد من اهلي بيبقى معايا يإما الاتنين وكل الدكاترة بيقولوا ان الحالة متعملش كل التعب ده وانا بقيت بتعب من كلامهم اوي حتى اهلى صعبانين عليا وجه وقت حسيت ان هما تعبوا حتى مرة شدينا ف الكلام عشان كده واتقالي كلام صعب اوي بس انا بحاول انسى وبقول لنفسي ده من خوفهم وحبهم ليا لان اكيد هما تعبانين عشاني بردو 
المهم انا جالي فرصة اني استشير دكتور اونلاين وابعتله الاشعة بتاعتي وهو كويس لانه قريب صاحبتي وكان عايز يساعدني ف اعمل كده ولا بلاش عشان ميحسوش اني مش مقدراهم مثلا ؟ خصوصا ان كان حصل بيننا خناقة عشان انا قولت اني تعبت وبعد كده هعمل اللي ف دماغي بس كان ساعتها قصدي عامة اروح لاي دكتور بسبب كلامهم اني حسيت اني مذنبة بس هما زعلوا عشان افتكروا اني مش بقدرهم كده وانهم مش كفاية وده مكنش قصدي والموضوع ده بقاله شهور وعدى وروحت معاهم لدكتور تاني ومفيش حل 
ف انا دلوقتي حاسة الدكتور ده ممكن يفيدني حتى اتوجه لدكتور تخصص ايه يعني هو تخصصه علاج ألم وانا مجربتش دكتور التخصص ده قبل كده طول الوقت كنت بروح مخ وأعصاب وعمود فقري او علاج طبيعي ف ممكن تخصصه يساعدني اصلا لانه مرتبط بحالتي وانا عايزة اخد الخطوة دي عشان انا فعلا تعبانة وحياتي واقفة وحاسة ان هو هيساعدني حتى احط رجلي ع اول الطريق زي ما بيقولوا ومش ف نيتي اي حاجة ناحية اهلي بالعكس خايفة انهم يزعلوا مع ان الموضوع عادي بس عشان هما كانوا معايا ف كل خطوة ف تعبي ...
المفروض اعمل ايه ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_65835 🇪🇬

يوم جديد من المشاكل والتحديات.. كيف أحصل على السلام النفسي؟

صباح الخير يوم جديد في الدنيا يقل من عمري بدون اي استفادة أو اكتساب مهارات أو معرفة معلومه او ايجاد الصديق المناسب والبعد عن الوحده وإيجاد والونس والسند في الحياه احسن حاجه هنا اني اكتب براحتي يوم جديد من المشاكل والتحديات والبحث عن الاستقرار والسلام النفسي الداخلي كيف احصل علي السلام نفسي وانا مشتت تالف من داخلي في دوامة من العادات السلبية و جو سلبي بحاول ابحث عن حياة اكون ولقيت نفسي وعرفة بحب ايه وبكره ايه تعبت من القاعده في غرفتي لفترات طويلة الوقت بيعدي وانا كل مره بخسر حاجه حلوه من داخلي مستني اللحظة اللي ابدا فيه بدون ضعف عزيمه و اراده لو اتكلمت مفيش حاجه هتغيير ولا حاجه هنصلح بس بحاول إفراغ جزء من اللي حاسس بيه مش عارف انا مين ومش عارف احدد هدفي ...عرض المزيد

1 الدعم

2 نصيحة

Apple_72790 🇪🇬

خايف الوقت يضيع مني وأنا واقف أتفرج

خايف تمر السنين وأنا في نفس المكان، وعند نفس النقطة، لا حققت أمنياتي ولا عشت الحياة اللي أنا عايزها، خايف مفيش حاجة تتغير مع مرور الوقت إلا عمري. خايف أكون عايش لمجرد إني بتنفس، لا سبت أثر ولا لقيت معنى، وكل اللي حواليا ما حسوش بيا. خايف من الوحدة حتى وأنا وسط الناس، ومن الصمت اللي بيقتلني كل يوم من غير ما أتكلم. خايف أصحى في يوم وأبص لورا ألاقي حياتي كلها كانت فراغ، وإن اللحظات اللي استنيت فيها الفرح ضاعت، ومجتش. خايف أكون ضيعت وقتي في الانتظار، واللي بستناه مش جاي أصلاً. وأكتر حاجة بتكسرني إني حاسس إن عمري بيتسرق مني، وأنا واقف أتفرج عليه وهو بيضيع... من غير ما أقدر أعيشه. ...عرض المزيد

0 الدعم

0 نصيحة

Cheese_73577 🇪🇬

المرض النفسي عيب؟ تجربتي مع العار والخسارة

هل المرض النفسي عيب وعار؟ هل انك تبقي بتعمل تصرفات معينة وإنت لحد 3 شهور مكنتش تعرف ان عندك مشكله او ع الاقل معندكش وعي حتي ان ده نوع من الامراض النفسية يخليك معيوب او فيك حاجه وحشه انا الفكرة كلها دلوقتي مبقتش عارف اقول ايه ولا اعمل ايه بدأت افهم كل حاجه وافهم تصرفاتي واعرف كل ده. كان ليه وبدأت فعلا اتعلم واتعالج ومهتم جدا بالموضوع لكن المشكلة اني خسرت حاجات كتير وخسرت البنت اللي حبيتها وخطبتها وعملت عشانها اللي محدش بيعمله في الزمن ده بس كنت بعمل ده بحب مش بقول انه فضل او حاجه لكني للأسف ف كل مرة بتساب وف كل مرة بيتقالي انت الوحش ومحدش هيعيش معاك حتي من اهلي نفسهم من طفولتي وانا بلاقي الكلام ده غير الإهانات والتنمر والاعتداءات باشكال كتير ازاي يا جماعة الواحد ما يحسش بالعار ولا ان. مرضه ده هو السبب فيه ...عرض المزيد

2 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع