استبن

Mushroom_51170 🇪🇬

منذ 4 أيام

شعور عاطفي

حاسه بجد ان صحابي كلهم ماطلعوش صحابي وحاسه اني كنت مجرد استبن لو بطلت اسأل محدش سأل ولما بطلت اتكلم مابقاش قي كلام حاسه الموضوع بقى بجد بيستنزفني ومش عارفه اعمل ايه بجد وكمان مش عارفه انا اللي فيا حاجة غلط ولا دول كانوا من الأول مايستهلوش لاني دايماً اللي بتطمن ولو ماعملتش كده ابقى الوحشه بس خلاص بم

Pineapple_35458 🇪🇬

منذ 10 أشهر

شعور ضائع

Coffee_27700 🇪🇬 هي عندها مشكلة وانت قدمت كتير لكن هي مش عايزه ارتباط رسمي. متضيعش وقتك ومجهودك وقلبك اكتر من كده وشوف حد تاني يستاهلك. ربنا يوفقك ويرزقك 🤍

عرض الكل 16 نصيحة

عبّر عن شعورك بشكل مجهول

انا الحمد لله بقيت جاهز اخد خطوة الارتباط في حياتي، وسني 29 سنة ومستقر في شغلي الحمد لله بمعنى اصح مش عندي وقت اضيعه في تسلية او حوارات، المهم من 10 شهور وانا بشتغل شغل ريموت عن بعد دوام جزئي جنب شغلي الاساسي اللي حصل ان في بنت بدأت تتكلم معايا وعرفنا عن بعض حاجات كتير في حياتنا وفعلا بعد شهرين انجذبتلها جدا،
جيت قولتلها اني شايفها اكتر من صديقة واني معجب بيها وحابب اخد خطوة لو اللي بينا دة شيء متبادل وانها لو حابة ده ناخد خطوة رسمية، المهم ردها كان " الحقيقة مش عارفة بنقول ايه في المواقف دي بس الاكيد اننا هنخرج ونتكلم" قعدت بعدها تأجل لمدة ٦ شهور لأسباب مش قوية ابدا وانا مدرك لنقطة ان اللي عايز حاجة بياخد خطوات نحيتها، 
في ال٦ شهور دول كانت معشماني جدا وبتتكلم معايا على شكل بيتنا، شكل حياتنا، حرفيا بيعت شقتي وكنت رايح اشتري في المكان اللي هي حاباه علشانها وهي اللي كانت طالبة دة، قدمتلها كل حاجة كانت محتاجاها، امان, دعم نفسي ومعنوي، اسمعها واسمع مشاكلها واحاول بكل طاقتي احلها بدون زهق، ادورلها على شغل، ادورلها على سكين كير مناسب ليها حرفيا اتعلمت اكتر عن الموضوع دة علشانها، وكانت بتبديلي انها شايفاني فعلا وبتفليرت كمان بطريقة صريحة زي " لون عيني، اني هبقى اب تحفة وزوج مثالي، وفي حاجات كتير جدا،
تبريراتها انها متتكلمش معايا بشكل مباشر في موضوع اني اجي اخد خطوة كانت زي (مش عارفة اخد خطوة، عندي مخاوف، انا خايفة اخسرك )
 انا مدرك ان ده كله رفض بس بالذوق الفكرة ان كل مرة بتقول كلام زي دة انا طبيعي بنسحب وهي بتبقى عايزة تثبتني في نقطة معينة -استبن- فلاقيها بتقولي "انا هزعل لو خدت خطوة مع حد تاني"،
انا ببقى عايز انهي التواصل معاها تماما بس ظروف الشغل بتجبرنا ساعات نتعامل مع بعض، المهم بعدها واجهتها وكلمتها بالعقل جدا اننا مش هينفع نبقى صحاب وان ده في صالحنا احنا الاتنين واتناقشنا وهي مكملتش النقاش وهي ليها طريقة دايما تعملها لما تبقى عايزة تسيب حاجة عايمة ـ مش قادرة اتكلم - المهم بعدها كانت بتنكشني برضه عالواتساب لفترة زي انت تمام فانا دايما برد على قد السؤال مش اكتر، بطلت تواصل لفترة شهر كمان، كان عدى شهرين فكونت تخطيت فعلا الحمد لله، بعدها out of nowhere طلبت مني اتصل بيها كنت فاكر في حاجة في الشغل وكلمتها فعلا وكانت بتتعامل معايا بفكرة انا هونت عليك ؟ طب ما انت مش بتتعامل كدة مع صحابك، ساعتها كان ردي واضح وصريح اني مش هعرف اصاحبها لأن هي بالذات مش هعرف اشوفها صاحبة ودة بيأذيني جدا، قولتلها اننا اتناقشنا قبل كدة وانتي مكملتيش نقاش فلو عندك سؤال قوليه علشان مش هحب اتناقش تاني في الموضوع دة بعد كدة، كالعادة برضه انسحبت من النقاش، والغريب تاني يوم ل
اقيتها بعتالي عامل ايه وكأني مكنتش واضح معاها!
السؤال بقى، هل هنقعد نلف وندور للأبد كدة ؟
هل في امل في اي حاجة مفيدة من نحيتها؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_31970 🇪🇬

مش كويسه وحاسه قلبي بيوجعني من غير سبب

من فتره وانا حاسه ان انا مش كويسه مهما حاولت ابين عكس كده واوهم نفسي اني كويسه واتكلم بإيجابيه بحس ان انا محتاجه حد يطبب عليا وسط كل ده وللأسف مش موجود... احساس وحش لما تبقى عايز تتكلم ومش عارف مش عارفه مالي بس كل اللي انا حساه اني انا في تقل على قلبي كبيير بجد بدون مبالغه حاسه النفس بيطلع بالعافيه حاسه انا قلبي بيوجعني محصلش اي حاجه عشان كل ده بس حاسه انه I'm not okay ادعولي يجماعه فضلا ولكم بالمثل 🤍 وجزاكم الله خيرا 💕 ...عرض المزيد

5 الدعم

18 نصيحة

Marshmallow_70594 🇪🇬

فترة انتكاسة صعبة... عايزه حل بأمانه

فترة انتكاسة صعبه ، لعل و عسى نصيحتكوا تجيب فايده ف فضلاً محدش يستخسر أي نصيحه تيجي فباله تكون جابت نتيجه و لو بسيطه و ساعدت في تخطي الإنتكاسه عشان حقيقي الوضع مش أحسن حاجه و عايزه حل بأمانه و جزاكم الله خيرا . ...عرض المزيد

0 الدعم

17 نصيحة

Strawberry_77062 🇪🇬

مش عارفه أتجاوز علاقة غلط خلصت

انا كنت فى علاقه مع شخص علاقه غلط لمدة 3 سنين وشويه وزعلنا لسبب بسيط بس حسيت أنه مستنى سبب نوقف علاقتنا احنا كنا متفقين من الاول اننا مش حنكمل بس المفروض اننا حتى حنبقى نسأل على بعض دلؤتى احنا خلاص مبنكلمش بعض خالص ومش عند بعض على اى سوشيال ميديا لسرية العلاقه انا حاليا مفتقداه جدا جدا ومش عارفه أتجاوز انا مش عارفه كنت بحبه ولا متعوده عليه مع العلم أن كان بينا مشاعر انا تعبانه جدا من غير وجوده فى حياتى نفسي حتى نرجع نتكلم مش قادرة ادخل اكتبله انا كل شويه ادخل اكتبله كل اللى حاسه بيه كلام كتييير جدا بس بيعته لنفسي يمكن ارتاح بس كل مااقرا الكلام اللى كتبته من الاول بتقطع من العياط والحزن انا حياتى مليانه جدا والمفروض أن مفيهاش فراغ بس ده مش ممانع التفكير فيه على عكس حياته فاضيه جدا على حد علمى انا واحشنى وجوده فى حياتى ومش عارفه أتجاوز 😢 ...عرض المزيد

0 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع