إهمال عائلي

Strawberry_72365 🇪🇬

منذ يومين

شعور مستنزف

Carrot_67634 🇪🇬 خلوا حد من عيلة مامتك يكون كبير يتكلم معاه ويعرفه ايه اللي يتعمل وايه لأ الأب اللي بيعمل كدا غلط جدًا، واسف جدا مش قصدي اضايقك، غالباً مانعكم من النزول فأي مكان أو تروحوا لحد، عشان ماتشوفوش حياة تانية أو تقولوا ليه مش بيحصلنا زي ما بيحصل لخالتو أو صاحبتي أو أي حد.... يارب يهديه و يحنن قلبه عليكم

عرض الكل 15 نصيحة

عبّر عن شعورك بشكل مجهول

انا بكره بابا جدا بكره كره العمى وحرفيا مش ببقى عايزة اشوف وشه من يوم ما جابنا واحنا حرفيا ولا حاجة بنسباله هو مهتم بالولد بس وانا لا فلوس ولا لبس ولا اكل ولا اي حاجة خالص سايب ماما تشتغل وتصرف علينا ويجي راميلها 2000 جنيه تدير بيها اسرة وماما كل شوية تتزنق وتستلف والحال بقا زبالة بيدخل يتنمر على شعري عشان كيرلي مع اني بعمل ستايلنج وبيبقى شكله حلو ويدخل يتريق على جسمي ومش بيناديني باسمي بيخترع القاب ساخرة يناديني بيها ويقعد يضحك والمفروض اننا خدامين عنده مبيلمسش اي حاجة حتى لو كلنا تعبانين والاكل جاهز ميقومش يسخنه لنفسه لا اقوم انا وفي مره كنت بعيط من الالم وقالي قومي اعملي الاكل وارجعي عيطي وحرفيا حتى لبس العيد مش بيرضى يدفع ولا يدخل فاكهة البيت ولا حاجة خالص ويقول لا مش عايزين ويوم ما ماما تجيب هو اللي بيخلصها حتى لما بجيب حاجات من فلوسي هو بيجي ياخدها مني وحرفيا عايش زي الشيطان في البيت ملهوش لازمة ومانعنا من كل حاجة ولا خروجات ولا هو يسرفنا ولا اي حاجة خالص قاعدين لازقين في بيت ولا اروح كافيه ولا اروح عند صحبتي حتى خالتي جوزها كان مسافر قالت نيجي نقعد يومين رفض وحاجة في قمة القرف حتى الجواز عايز يختار على مزاجه يجوزني في سن اللي على مزاجه وراجل على مزاجه وانا مش عايزة حد شبهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_72742 🇪🇬

منذ 6 أيام

شعور مكتئب

السلام عليكم انا عندي 14 سنه حاليا وللاسف انا عشت حياتي كلها في بيتي بس ولا بطلع ولا اتعرف علي اصحاب والكمبيوتر والتليفون هما الملجأ الوحيد ليا حتي لما كان عندي 7 سنين عرفت عن مرض التوحد واكتشفت ان كل الاعراض فيا بس كطفلة اتجاهلت الموضوع واهلي عرفوا كمان واختي بقيت تعايرني كل شويه اني متوحده وكمان

Apple_73135 🇪🇬 اهدي وصلي وقربي من ربنا وربنا يسترها عليكي يارب

عرض الكل 8 نصيحة

Mango_70809 🇪🇬

منذ أسبوعين

شعور مكسور القلب

موضوع:

تجربة غيرتك 180 درجة

محدش مهتم بيا عمتا من اهلي بصرف علي نفسي في الحاجات للشخصية وكل اللي انا محتاجاه فحاسه اني استرجلت وبقوم بدور مش دورى هما بيصرفو علي دراستي لكن بردو حاسه طول الوقت بالقرفه من ناحية ابويا واخواتي خصوصا انه انا بنت علي ولاد وطول الوقت مفيش بينا تفاهم وبيصنفوني علي اني الابنه العاق مع انهم وقت ما ي

Tofu_71449 🇪🇬 بطلي تبصيلهم بجد عارفه انه صعب وأنهم اهلك وانك هتحسي لو ملقيتيش فيهم السند والحنان والاهتمام هتحسي مش هتلاقيه برا بس صدقيني محدش بيختار اهله خالص ولا حد بيبقا عارف حياته هيبقا فيها ايه ممكن ربنا عمل كل دا وخلاكي تعتمدي علي نفسك من دلوقتي عشان مش هتلاقيهم بعد كدا وانتي مزنوقه ومحتاجه حاجه ضروري جدا وانتي اللي هتعرفي تتصرفي لنفسك وليهم ساعات كتير بس عاوزاكي تتأكدي انك هتبقي شاطره

عرض الكل 8 نصيحة

Grape_41715 🇸🇦

منذ أسبوعين

شعور متعب

عبّر عن شعورك بشكل مجهول

انا ما اقصد بكلامي هذا اي اسائه لامي او اني اقلل منها او اقل ادبي لاكن والله صارلي فتره ما اقدر اشوفها بنفس النظره حاسه أني كارهتها رغم اني عمري ما بينت ولا تكلمت واسلوبي نفسه بس من داخلي مو متقبلتها بعد ما شفتها بتكلم شباب اشكال وانواع ومختلف الاعمار الى بعمرها والى بعمري انا ما كان عندي مشكله ابدا وقررت ما اتدخل لين ما بديت احس انها صارت ترمي كلّ المسؤليه علي انا وصارت هي تتصرف كانها وحده مراهقه مو وحده مخلفه مراهقين ولما اتكلم عنّ المسؤليه انا اقصد انها مشيلتني حمل اخواني الاصغر بالكامل تسافر وتروح وتجي وما تقعد بالبيت وبس نايمه او عالجوال وتكلم وبعيييده عننا ما حسيت بالموضوع الا لما زاد علي التعب ولا عرفت اوزن بين حياتي واخواني وصرت ام بديله لطفل بعمر الاشهر وكبرته واعتنيت فيه لدرجه صار تصرفاته زيي وكلامه حتى اول ماما قالها كانت لي تعلقنا ببعض وكل ما حبني زياده زادت طلعاتها وروحتها ما كان عندي مشكله لين حسيت ان الوضع زاد صار بالرايحه والجايه هو معاي كل امور حياتي اسويها معه بدون استثناء حاولت اشغل نفسي واتعلم هوايات وانتبه لنفسي لاكن كل ما شافتني قاعده بالغرفه لحالي حتى لو اذاكر تجي ترميه عندي وتطلع بدون ولا كلمه سكت سكت وطول ذي الفتره ما تكلمت لين جا يوم وانفجرت بسبب التعب ظهري بدا يوجعني الدوره تتأخر وضغطي مرتفع امراض تجي لكبار السن جت لوحده ما جت العشرين ولما كلمتها بكلل ادب ومناقشه انفجرت علي وقالت محد يطلب منك هو متعلق فيك مالك دخل بطلعاتي وتبدا تقارني بالناس تعبت والله تعبت بفكر انهي حياتي باليوم الف مره لدرجه كرهي لها صار يجي لاخوي الصغير وانا اعرف ان ماله ذنب ومو بيدي والله انا هلكت ولا اعرف وش اسوي الله يخليكم الى يعرف يساعدني لا يبخل علي لاني والله ما استبعد اني ممكن اموت وانا بالحاله ذي وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_57322 🇪🇬

منذ أسبوعين

شعور محبط

مشعرفه أبدأ منين بس انا عندي دادي ايشوز تقريبا مش فاكره اخر مرة حضني امتى او محضنيش اصلا عمرو ما شجعنا على حاجه او كان معانا على حاجه وغير كده عندي اختين اصغر مني وانا 17 سنه فا جابلهم هما كمان دادي ايشوز في كل حاجه لازم يتنكد علينا فيها حتى من 3اسابيع تقريبا كنا في مطروح خارجين بليل فضل يشتمنا ويزع

Marshmallow_68870 🇪🇬

منذ 3 أسابيع

شعور مرهق

موضوع:

أكتر موقف حسسك أنك غير مرغوب؟

يمكن موقف صغير و ممكن كتير يشوفوا إني مكبرة الموضوع، لكن بابا دائما بيفتكر يجيب حاجات حلوة لأخواتي و بينساني...و مش بيهتم لو فكرته مع إني بنته الكبيرة لكن بحس إني مش مرغوب في وجودي.... وجودي بقى بس مرهون بالوقت لحد ما اتجوز محدش في البيت بيسأل عليا أو بيهتم لو تعبت أو عييت أو كنت زعلانة.....كلهم فجأ

Onion_68412 🇪🇬 جربي تبقي حنينه عليهم و اديهم اهتمام

عرض الكل 9 نصيحة

Peanut_67497 🇪🇬

منذ 3 أسابيع

شعور متعب

عبّر عن شعورك بشكل مجهول

ابويا علي طول شايفني مش بعمله حاجه ولا الي لزمه رغم أنه كل متطلباته بعملها و شغال معه في الأرض رغم اني في كليه قمه و بقول عادي مش مشكله و كمان لو تعبت بياخدني معه و من وانا صغير معه في الأرض و كنت بدرس و اشتغل معه و اصحابي كانوا بيلعبوا و يخرجوا و انا كنت ممنوع اطلع و كانت حياتي من من البيت للأرض أو للدروس و التعليم عزلني عن العالم و لم بيتعب بهتم فيه و ييجي في الاخر يقولي انت مش بتعمل حاجه ولا بتسمع الكلام وهو مش رحيم معاي في تعبي يعني كان عندي حمه و انا معرفش بس كنت تعبان و خدني الأرض في الشمس و تعبت اكتر و باليل روحت اكشف قبل ما يديني الفلوس بيقولي انت مش بطيب غير لم تاخد الفلوس تصرفه عند الدكاترة و يوميها الدكتور قالي عندك حمه ولو تاخرت كنت هتدخل العنايه تنحجز فيها و بردوا مش صدق 
و تعبت تاني في فترة و عايز ياخدني الأرض تاتي بس كنت تعبان و قالي هخدك حتا لو بتموت و لو كنت في العانيه ولو هدفنك بردوا و كان عندي 17 سنه انا اجالي انهيار عصبي و بقيت اعيط وواصرخ و اعصابي كلبشت و مش قالي مالك ولا جه جمبي ولا اهتم 
و دلوقتي عندي غضروف كبير و مآثر علي الحبل الشوكي. رايح يقولي الا بيتمنا حاجه بشوفه يعني أنا هتمنا لنفسي التعب و الاذي.! و عايز يظهر أنه بيعمل كل حاجه و ينكر الا انا بعمله معه ياخد الكلمه المناسبه له من الدين و يقولي اسمع و بقوله ما الدين بقولك كل راعي مسؤول عن رعيته 
و بردوا بيكلم كلام مش كويس و في الاخر يقولي الكلمه الطيبه صدقه طيب فين يعم مسمعتش منك كلمه بجد انا بقيت بتشام منه و من قعدته هو اه ابويا و له واجبات بس انا كمان لازم اخد واجباتي دا حتا في أول يوم دراسه مش جبلي شنطه رغم أنه مقدر يجيب مش شوفته في مرة واحده اجي أقوله تعبان يقولي الف سلامه لا دا بقول ما كل الناس تعبانه و يعدلي عندي و عندي يعم انا طفل مينفعش اقول كده بجد في تصرفات كتير و حشه و عنف و ضرب و سب و حاجه استغفر الله العظيم انا بكتب و قلبي في نار بيتحرق و بتالم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_66949 🇪🇬

منذ 3 أسابيع

شعور شاعر بالملل

موضوع:

امتى حسيت إنك كنت محتاج حد يسمعك وملاقيتش؟

بقا عندي 36سنة ولا زلت مش لاقي حد يسمعني مع إني بسمع الكل وعمري مابخلت ع حد بفكر او بمساعدة او بطلب طالما اقدر اعمله حتى لو مش اقدر بتصرف انا وصلت لمرحلة ان اهلي كلهم لما بدأت احاول من تلت سنين كدا احاول اوصلهم اني محتاج حد يسمعني ويشوف مالي ولا كويس ولا تعبان ولا فرحان ولا اي حاجه بياخدوا الموضوع ه

Mango_64751 🇪🇬

منذ شهر واحد

شعور مستنزف

Popcorn_65217 🇸🇦 انا معرفش انتي مواليد كام بس ع ما اظن اننا كلنا كنا كده وان ده العادي

عرض الكل 12 نصيحة

عبّر عن شعورك بشكل مجهول

فيه حاجه ناس كتير منكم ممكن تشوفها تافهه بس بالنسبة ليا حاجه كبيرة اوي مرتبطة بالماضي برضو اي شعور بالخوف و القلق و عدم الأمان و انك دايما مش مناسب و شخصيتك تايهه مش عارف تكون لأنك بتمثل للناس شخصيات تانية لمجرد بس أن مهما حاولت ترضي اللي حواليك متشاف دايما مقصر و وحش وانا صغيرة عمر امي ما جابت ليا لعبة زي الاطفال و عمر مكان ليا صحاب كنت دائما منبوذه من وانا في الحضانه كنت معتمده علي نفسي و شخصية اكبر من سني من اول ما وعية علي الدنيا دي في الوقت اللي في سني بيلعبوا فيه انا كنت شايله مسؤولية نفسي بالرغم من أن ليا أهل كنت اصحي الصبح البس و اسرح شعري و امشي علي الحضانه من غير ما أفطر ولا اخد ساندوتشات اخد كراستي و قلمي وامشي مكونتش متشافه من اي مصروفي كان نص جنيه مكنش يجيب حاجه علي ايامي احنا حالتنا كويسة الحمدلله و كان عندنا احسن اكل و اهلي كانوا تجار البان كنت اشوف البنات لابسين حلو و شعرهم مترتب و معاهم شوكولاته و ساندوتشات وانا قاعده لوحدي محدش كان بيقعد جنبي ولا كانوا بيكلموني كنت اشتري واحده نايتي تكون بجنيه علشان اكل يتبقي عليا نص لو كنت اروح لأمي ساعات تضربني و تقولي متجيبيش حاجه من حد شكك و ساعات مكونتش اقولها و اروح تاني يوم مشتريش و ادي الست النص الجنيه اللي عليا و يوم كده و يوم كده بتهيألي وانا في الوقت ده صنعت ليا في خيالي صديقه لأني بعد لما روحت المدرسة فضلت كتير ادور عليها في كل مكان ملقيتهاش مع أن كل العيال فضلوا معايا في نفس المدرسة كان لما حد يجبلي لعبة امي كانت تشحتها لأي حد عمري ما لعبت بيها ولا فرحت باللعبه لما كنت اعيط كانت تضربني كبرت دلوقتي وعده عمر وانا نفسي في دبدوب بضحك علي نفسي بس بجد أتمني أني احس اني متشافه و أن حد يهتم بيا من اهلي انا معدتش بثق في حد محدش طبطب عليا وانا صغيرة كانوا بيتنمروا عليا و يقولوا قد ايه انا كئيبه و وحشه و العيال في المدرسة كان اخويا بيتنمر عليهم و يخافوا مني ييجوا يضربوني انا و مرة وقعوني في حوض ميه كده موجود في الأرض الزراعية روحت لأمي متبهدله و متعوره وبعيط قامت ضربتني علشان وسخت الهدوم ذكريات هباب بس مش قادرة اتخلص منها لأن كل حاجه بتعيد نفسها و كل ما يحصل ليا موقف دلوقتي افتكر اللي كان مشابه ليه وانا صغيرة😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_58083 🇺🇸

منذ شهرين

شعور ممتن

موضوع:

ثانوية عامة غيرت فيك ايه؟

عبّر عن شعورك بشكل مجهول

اخيرا هقدر اتكلم في الموضوع دا 😭💔
ما علينا المهم، من وانا صغيره وانا معتمده علي نفسي، انا الكبيره ف اخواتي ف كان كل الاهتمام بيروح للي بعدي لدرجة اني حسيت ان الموضوع عادي ومش لازم يهتمو بيا (ملحوظه عندي فاينال كمان كام ساعه وقاعده بحكي في احزاني😭وربي معرف كلمه ف الماده ) نرجع تاني، معرفتش قيمة الاهتمام غير ف ٣ث او من قبلها بشوية كانو صحباتي دايما يحكولي ماما بتعمل معايا كذا وبابا بيعاملني كذا ف طبيعي ابدا ابص لحياتي والتعامل فيها بيكون ازاي، دا بعيدا عن اللي مريت بيه في حياتي عامة، نيجي بقي لموضوع ٣ ، صراحة كنت بادئة صح دروس بحضرها مزاكره بزاكرها ، مفيش مواد متراكمه مش بسيب فرض، علاقتي بربنا كويسه، مفيش علاقات محرمه و و و و.... الخ بقي. 
طبعا كنت متوقعه معامله تانيه من اهلي، ويكون في اهتمام بقي، لكن لا مفيش اي دعم معنوي نهائي ارجع من الدروس تعبانه وهلكانه مفيش عملتي اي حصل حاجه انهارده، في حاجه مضيقاكي، دا لدرجة ان ساعات كنت برجع هموت من الجوع وملاقيش ماما عملالي اكل، وفي نفس الوقت اخويا اللي بعدي ييجي من برا تكون مجهزاله الاكل والشاي وكل حاجه، كل تصرف نتج منهم كان بيأثر فيا جامد وكان بيشكل حاجه جديده في نفسيتي، لدرجة اني بدات ادور علي الاهتمام من مدرسيني، الحمد لله كنت متميزه دايما ومتفوقه، ومدرسيني كلهم عارفيني ودي كانت اكتر حاجه مشجعاني او بتخلي عندي ثقه بنفسي، ف وصلت لمرحلة اني بزاكر علشان المستر يقول عليا كذا لا ويشكر فيا ويتباها بيا قدام السنتر كله، ولو دا محصلش او اتباها او شكر ف حد تاني كنت بزعل جدا ونفسيتي بتتأثر اوي (السبب اللي ضيعني ف ثانويه اخيرا اعترفت بيه) جيت لحد نص السنه كدا قبل نهاية الترم الاول كنت ضايعه فيزيا حرفيا ضايعه واكتر ماده كنت بهتم بيها وازاكرها احياء في الوقت دا كنت انا وكذا حد من صحباتي المهم بدانا نغير السنتر والمستر اللي كنا بنحضر عندهم البيست فريند راحت عند اتنين مختلفين واتنين تانيين من صحباتي راحو عند مدرس تاني والكل اتفرق عند مدرس شكل وانا اختارت اني اخد اونلاين، الحمد لله الموضوع كان ماشي معايا فل وقدرت الم جزء كبير من اللي كان ضايع مني لدرجة كان المستر في الفصل الرابع وانا كنت لميت الاول والتاني ونص التالت وكمان يومين ولا حاجه هكون وصلت للرابع حرفيا مكونتش بنام، بس جينا بعدها اتجمعنا في سنتر تاني البيست سالتني عامله اي ف الفيزيا قولتلها كل اللي حصل بقي قالتلي بقي انا باخد درسين ومش عارفه المها وانتي بتاخدي اونلاين ولمتيها والحمد لله من بعدها وعينك متشوف الا النور فضلت اسبوع مفتحش فيزيا والمستر كان وصل للسادس وانا خلاص حرفيا ضعت حتي اللي لميته اتنسي اختارت اني انزل سنتر تاني بقي ونزلت وفضل الحال كما هو عليه ودخلت امتحان فيزيا ثانويه عامه بفصل اول وتاني وجزء بسيط من الحديثه 😂 تخيلو فيزيا ثانوية عامة انا قادره بالله بس الحمد لله عديت فيها وكنت خايفه لاشيلها بصراحه بس الحمد لله. 
هحكيلكم موقف تاني برضو عن اللي كانت البيست دي، كان علينا ف يوم شامل احياء المهم كان في باب الهرمونات مش مظبوط معايا اوي وفي الامتحان في سؤالين وقفو معايا من الباب دا ف راجعتهم معاها طلع واحد صح والتاني عدلته منها وقت النتيجه بقي انا جبت اعلي منها قالتلي بنفس النص كدا -يعني انا اغششك وتجيبي اعلي مني؟- اليوم دا كان الفيصل بيني وبينها وقررت اني اقطع معاها مع ان كان في مواقف زباله كتير قبلها بس كنت بعدي علشان بجد كنت بحبها اكتر من نفسي وبعتبرها زي اختي بالظبط، بس في المقابل عي كانت معتبراني عادي اه قريبه بس مش اللي هو انتي ، كدا يعني . 
ندخل بقي للترم التاني بدات اراكم كتير ومبقتش اروح سنتر الانجلش والدنيا كلها باظت معايا حتي الاحياء اللي كنت محافظه عليها من اول السنه جيت عند ال DNA, RNA وراكمت والدنيا باظت علي الاخر  ، جيت بقي علي اخر ٣ شهور قعدت من معظم الدروس او كلها وتابعت اونلاين، العربي كان ضايع من اول السنه الحمد لله لميته كويس اوي ف ال ٣ شهور دول وجبت فيه ٧٢ من ٨٠ والكيميا نفس النظام بالله كنت بقول هشيل كيميا طول السنه بس اخر ٣ شهور لميتها و جبت فيها ٥١ ازاي انا مش عارفه بس كرم  ربنا والله ، والمواد الباقيه بقيت بمشي الدنيا كدا والموضوع عدي بكل اللي مريت بيه في السنه دي واللي محدش يعرفه او حس بيه غيري واللي ربنا شاهد عليه واني جيت علي اخر شهر قولت مش عاوزه اجيب حاجه بس اخلص منها بالله نفس اللفظ كدا، نيجي بقي ليوم النتيجه بالله يوم يضحك 😂 كان يوم فرح بنت عمو كنا ف القاعه وانا عامة قاعده قلقانه عارفه ان النتيجه هتظهر ومكانش معايا داتا والله 😂 بفتح الداتا بالصدفه لقيت في نت والاقي واحده من صحباتي بعتتلي النتيجه والحمد لله مكانتش حلوه بس حمدت ربنا طبعا ورضيت، بابا لما عرف قال يلا نروح وكانو زي اللي ميتلهم ميت، هقول دلوقت اكتر حاجه جرحاني في حياتي ومش ممكن اتخطاها ابدا، لما روحنا احنا طلعنا وبابا كان بيركن العربيه كنت قعدت وهديت وبدات اشوف الدنيا طلع مسالنيش عن نتيجتي لا سالني عن نتيجة واحدة صحبتي (صحبتي دي كانت البيست بتاعتي في اعدادي و١,٢ كنت برتب اعلي منها جت هي ف ٣ طلعت الاولي ع المدرسه وانا مرتبتش،ف من يومها وبابا مش شايف غيرها) المهم كان مجموعي اعلي منها ف متكلمش وقال يلا نامي، حكمة ربنا لو بجد كانت جابت هي اعلي مني كانت هتبقي حياتي جحيم اكتر ما هي اصلا، معاملتهم ليا بقت وحشه اوي بقيت بحسهم بيكرهوني،ماما طول السنه كانت بتفضل تقولي لو مجيبتيش مجموع هعمل واخلي واسوي فيكي،حتي وقت الدراسه كانت ساعات بتخليني اساعدها كانت رافضه بتاتا اني معملش حاجه واجي مثلا اخد بريك او افصل وامسم الفون تزعقلي وتقولي بدل ما بتلعبي قومي ساعديني،وبابا يقولها هي اصلا مكانتش بتزاكر (اللي هو يجماعه انتو متعرفوش حاجه عني غير اني بنتكم،المواد بتاعتي مكانوش يعرفوها السناتر المدرسين مواعيد دروسي كل دا بالله مكامو يعرفو حاجه عنه،حتي الدعم مفيش غير الدعم المادي ) اهلي قصرو؟! اه قصرو من وجهة نظرهم هم صح ومقصروش في حاجه بس هم ميعرفوش غير الجانب المادي،انا حاليا كارهه حياتي بسببهم وبسبب تفكيرهم وعاداتهم وتقاليدهم (مش عاوزه ادخل في الجانب دا دلوقت خلينا نرجع للي حصل بعد النتيجه)مش هنكر اني كنت زعلانه بس حق ربنا منزلتش دمعه واحده لاني نفسيا كنت زعلانه لكن عقلي كان رافض يصدق دا وكان دايما بيبينلي اني تمام، لغاية ما النفسيه بينت الحقيقه وشي باظ وشعري باظ وجسمي باظ كل حاجه اتدهورت ، جه معاد الرغبات، انا الحمد لله طموحي مكانش طب بس كنت عاوزه علشان بابا واهلي وكدا، كنت حابة ادارة الاعمال من زمان اوي ودايما كان نفسي اني اكون بيزنيس وومان وكل اللي يعرفوني عارفين كدا الا اهلي سبحان الله،حتي لما جيت علشان اختار الكليه ماما قالتلي انسي الخاص مع ان نقدر عليه عادي، حرفيا اصحابي كلهم دخلو طب خاص اللي دخل صيدله واللي دخل اسنان واالي دخل بشري واللي دخل علوم صحيه و و و،بس باين كدا اني ف نظرهم مستحقش بس الحمد لله دخلت تجاره ولقيت قسم جديد فيها متخصص محاسبه وادارة اعمال بس ف دخلته مع انه مكانش في خطتي بس طبعا ترتيب ربنا (هبقي اتكلم عن الكليه بعدين ) 
الخلاصه اللي عاوزه اقولها، ان ثانويه عامة بالنسبالي كانت مدرسة الحياه عرفت نفسي كويس اوي وبنيت شخصيه كويسه اوي ومبقيتش اشوف غير نفسي اتأذيت اه اتأذيت بس نتيجة الأذي حاجه حلوه ف في النهاية حابه اقول الحمد لله ❤

Mango_57383 🇪🇬

منذ شهرين

شعور منزعج

موضوع:

حد عاني من اهله قبل كده؟

انا م بكره اهلي وم بحبهم برده مكنوش ونعم الاهل بعني وعارفه اني برده مقصره ف حاجات كتير بس هم اللي مدونيش الحب والحنان الكافين اهملوني كتير و ودايما بيتريقوا علي شكلي وشخصيتي لحد ماخلوني ضعيفه الشخصيه معنديش ثقه ف نفسي ولا ف حد عانيت كتير اوي بسببهم وللاسف لسه بعاني ماديا ومعنويا

Potato_57807 🇪🇬

منذ شهرين

شعور عاطفي

موضوع:

قادر تكمل حياتك بعد وفاة شخص قريب منك

ممكن كلامي يبان غريب شوية لكنه حقيقي لما ماما ماتت الله يرحمها أنا كنت منهارة من كتر العياط ومكنتش قادرة أستوعب إنها خلاص راحت مني بس الحالة دي مش دامت معايا كتير وأنا وقتها كنت لسه عندي ١١ سنة بس مدخلتش في اكتئاب ولا حزن ولا كنت بفتكرها غير كل فين وفين مكنش بييجي علي بالي حتي أروح أزورها حاسه إن غي

Mango_57823 🇪🇬 هى دلوقتي عند ربنا ادعلها وسامحيها لو زعلانه منها وانتى هترتاحى وربنا هيعوضك

عرض الكل 2 نصيحة

Sugar_49511 🇪🇬

منذ 8 أشهر

شعور وحيد

أنا بجد حاسس بشعور مقرف أوي و مش عارف اتصرف محدش واخد باله من وجودي ولا اصحابي ولا اهلي و اهلي مركزين على اخواتي و أنا عندي مشاكل في المدرسه و الدراسه و نفسي اشاركها مع اهلي عشان يساعدوني بس اول ما بقعد معاهم بلاقيهم بيتكلموا عن اخواتي و مش عارفين يساعدوهم إزاي طب أنا بردو عايز حد يساعدني أنا مبقتش

Carrot_47651 🇯🇴 اعتقد انك الأكبر بين خوانك و لسا عمرك صغير ولكن الأهل يعاملوك انك الأكبر علما انت/ي مش جاهز الحكي هاد مبدأيا الله يقويهم و يهديهم لانه واضح انهم مش متأكدين من قراراتهم ثانيا بس بدك نصائح بالحياه أو مشاكل بتقدر تحكي معي اساعدك ٣- شوف أن الله لا يحمل نفسا إلا وسعها الموضوع مش غلطك والحق مش عليك مع هيك هي مسؤوليتك في مسؤوليات بالحياه بنوخدها غصبا عنا سواء بدنا او لا و انت للاسف اخدت مسووليه

عرض الكل 12 نصيحة

Popcorn_43996 🇩🇿

منذ 9 أشهر

شعور منزعج

أنا منذ فترت طويلة أحس أنني مهمشة من قبل كل من حولي أصدقائي و أهلي لدرجة أن في عائلتي تحدث مواقف و أمور مهمة و لا أحد يخبرني عنها و أصدقائي و هم يتحدثون عندما أرؤد مشاركتهم لا أحد يسمعني أو يلاحض حتى أنني أتكلم و هذا يحدث عند التجمعات العائلية أيضا فصر إنطوائية و أكره التجمعات أحس أنني غير مرئة و ل

Waffle_37160 🇪🇬

منذ 9 أشهر

شعور مكتئب

من و أنا صغيره و انا عايشه في بيت كله خناق و مفيش اي تعبير عن الحب دايما حسه بالخوف و عدم الأمان بسبب ابويا الي كان دايما بيحسيسني اني تقيله أنا و امي و بيفضل اي حد عليا كمان كنت بتعرض للعنف كتير على اتفه الأسباب زي ما تقوله كده بيطفي غله فيا في مره كنت صغيره (مكنتش بلغت ) هو كان متضايق من حاجه جالي

Mango_32662 🇳🇬 اشتغلي و اعتمدي على نفسك و سيبي البيت

عرض الكل 8 نصيحة

Lemon_73956 🇪🇬

عش مع نفسك في صفح وتسامح واغسل قلبك من عتاب الأمس

عِشْ مع نفسك في صفحٍ وتسامح، واغسل قلبك من عتاب الأمس وثِقلِه. وأسلِم أمرك لله، فالمستقبل غيبٌ لا يُمسك زمامه إلا هو. أما الحاضر، فهو هديّة بين يديك، إن وجدت فيه سبيلًا لإصلاح أو تغيير فامضِ إليه، وإن ضاق عليك الأمر، فاطمئن؛ فما كتبه الله لك لن يحمله عنك سواك. فربّ الخير لا يُرسل إلى قلبك إلا ما فيه خير، ولو بدا لك في ثوبٍ اخر ...عرض المزيد

2 الدعم

1 نصيحة

Sugar_65738 🇪🇬

ازاي أخلي الشخص العنيد يكلمني بعد ما بلّكتوه؟

ازاي تخلي حد عنيد بعد ما بلكته في كل حته ورفعت البلوكات، يكلمك تاني!؟ هو حاول يكلمني في ساعتها واتصل وانا ما ردتش الحل تمسح رقمه وتختفي تماماً؟ هيتكلم هبيبيد اكتر ما تمسحش رقمه ويفضل يتابع في صمت وهيتكلم، ملحوظه عدا 3 اسابيع ورافعه البلوكات من اسبوع🫣 ملحوظه تاني بسأل فضول؟ طيب هو ما اتكلمش مستني انا اللي اكلمه؟ قفشاه بيتكلم في الفون في اوقات متأخره وما زال. هيرجعلي يكمل كدبه ولا ايه؟ ما ادتلوش فرصه يرد علي رسالتي عاوزه اتفرج عليه وهو بيحور تاني هيقول ايه المره دي! هو نرجسي اصلاً وبلاير وعلاقاته كتير وكداب وفرحان بلمة النسوان خواليه وياريتهم عدلين كلهم اندر ايدچ. بعد ما كنت بيست فريند مقربه جه في مره طلب مني اجبله واحده صاحبته كافيه بطريقه غير مباشره عشان كانت هي كمان مبلكاه في كل حته من غير سبب بيقول وكان عاوزني اقولها شغل وانتر ڤيو عشان تقابلني ويجي هو يشوفها ويسألها عملتي بلوك ليه ورفضت من ساعتها ما جناش يوم قدام وحاسه انها كانت الاكس ورجعلها الكلام ده من شهور... طب ليه ماصارحنيش وبيحور وبيقولي بكلم ثصاحبي بليل وبطلب اصناف ادويه وحوارات الساعه ٢ بليل و٣ و٤... طب لو هو صادق بيحول الفون ليه قبل ما يتكلم! ...عرض المزيد

1 الدعم

3 نصيحة

Cherry_52035 🇪🇬

تعبت قد إيه ومفيش نتيجة... بتعملوا إيه؟

بتعملوا اي لما تفضل تتعب على حاجه محصلتش عليه اكيد خير بس لاما اشوف انا تعبت قد اي عشان اعمل دا و قد اي ضغط علي نفسي و اتحملت و وقت و قومت و وقعت و في الاخر مفيش حاجه اوصلها كأنك معملتش حاجه انا عارفه ان دا خير ليا لان ربنا مش بيعمل غير الخير لينا بس الفكره ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع