إصلاح العلاقات

Apple_28479 🇪🇬

منذ شهرين

شعور منزعج

فيه حد قريب مني انا زعلان منه اوي الشهص دا هو بنت خالتي هي شتمتن علشان كنا بنعمل مقلب في صاحبتها وانا مكنتش راضي أشارك ومن وقتها حاسس ان علاقتنا بقت غريبة اوي اللى هو مش دي البنت اللى كنت بسمع معاها كرتون وانا صغير وكنا بنلعب مع بعض انا اكبر منها بسنه وسالتها من 6 ايام وقلتلها هو انا تقيل عليكي تقوم

Lemon_45585 🇪🇬

منذ 4 أشهر

شعور متعب

عندي بنوته جوزي خاني كلم واحده و الموضوع تطاول شوية بس موصلش للخيانه سرير و احنا دي رابع سنه جواز واخدين بعض عن حب من 12 سنه يعتبر انا اول حب. في حياته و هو كمان هو اللي جه حكالي انا كل الموضوع كان شكوك بس لغاية ما سفرنا عمرة لأول مرة سوا وحكالي هناك كل حاجه عشان هو مش ناوي يعمل اي حاجه تاني غل

Mango_42428 🇪🇬

منذ 6 أشهر

شعور محبط

عبّر عن شعورك بشكل مجهول

انا كنت بحب واحد 3سنين و اتخطبنا ف خطيبي كان عندو مشكله ف الشغل بعد الخطوبه ف بابا كلمو قالو تعاله اشتغل معايا قالو ي عمي انا كهربائيّ مشتغلتش ف النجاره قبل كدا قالو تعاله وانا هعلمك ف هو راح ل بابا عشان يشتغل معاه قرايب بابا كانو عاوزين يفركشو الخطوبه عشان عاوزني ل واحد من عندهم ف خطيبي اول ما راح قعدو يقولو ان شكلو ابيض وان هو طري وان هو مش وش شغل ف لما خطيبي طلع مع بابا تعب ف الشغل لان هو كان تعبان قبل ما يروح ل بابا اشتغل 3ايام و هو تعبان ف قرايب بابا وسوسو ل بابا انو مينفعش وانو مش هيعرف يصرف عليا وانو صغير و بابا سمع كلامهم وكلم ابو خطيبي و كان هيفركش الخطوبه ابو خطيبي قالو اديلو فرصه قالو تمام هديلو شهر للعلم خطيبي و بابا ف السعودية بس خطيبي كان في مكه و بابا ف الدمام وبابا قال هديلو شهر مهله بس مش اشوف وشو فيه خطيبي عشان بيحبني سكت و مقالش حاجه قعد يحاول يتعرف ع ناس عشان يطلع يشتغل معاهم معرفش ف صحابو كلموه وقالو ليه احنا قريبين منك تعاله اشتغل معانا ف هو راح ليهم بس مكنش قال ل بابا انو ماشي ف الي كانو ف السكن مع خطيبي زودو كلام ل بابا ف بابا اتعصب اكتر وكلم حمايا وزعق فيه ف الفون و قالو كل شيء قسمه ونصيب و حاليا خطيبي شغال و معاه فلوس و بابا الدنيا جت عليه عشان ماما كانت قالت ليه ربنا هينتقم منك لو ظالم الولد و انا و الي كان خطيبي بنحب بعض بس ابو خطيبي مش راضي يكلم بابا عشان بابا اصغر منو وزعق فيه بس بابا عندو صمام مقفول ف القلب ف لما بيكون مدايق بيزعق تلقائي ف انا عاوزه حل نقنع بيه اهلي و اهلو انهم يتقدمو تاني و نرجع لبعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_32483 🇪🇬

منذ 7 أشهر

شعور محبط

نفسي ارحع لخطيبي السابق و مش عارفة اعمل ايه و عايزة طريقة منك تخلوه يرجعلى مع العلم اني جرحته و زعل مني و اعتذرتله و انا ندمانة خالص و عايزة يرجل بأي طريقة ذكية

French Fries_34333 🇪🇬

منذ 7 أشهر

شعور ضاق ذرعًا

Marshmallow_34335 🇪🇬 انا شايفه ان العلاقة دي مش نافعة هي لو كانت بتحبك او معجبة بيك زي ما بتقول لا كانت هتتجاهلك ولا كانت هترتبط بحد تاني وانت في حياتها ولا كانت هتعملك بلوكات + ان اهلها مش حابين اهلك وده هيعمل مشاكل قدام ف رأيي شوف حياتك وركز في دراستك بعيد عنها وربنا يوفقك في حياتك

عرض الكل 13 نصيحة

عبّر عن شعورك بشكل مجهول

مكنتش حابب اوصل لمرحلة اني اتكلم عن مشكلتي ف ابلكيشن زى ده اولا انا واحد ٢٠ سنه بيحب بنت خاله و خالته ف نفس الوقت اللي عندها ١٨ سنه 
عارف انك استغربت من ان امها خالتي بس هي بنت خاله امي عامة 
الموضوع وما فيه ان خالي اتجوز بنت خالته دي عن حب وهو في ٢٢سنه وبعد سنه من الجواز حصلت مشاكل بين اهله واهلها وحصل طلاق و من ساعتها مشوفناش ولا نعرف حاجه عن بنت خالة امي ولا اهلها بعد مرور حوالي ١٣ سنه حصلت حاله وفاة جمعت العيلتين وخالي قالي اتكلم مع بنته انها تقرب مننا ومن ابوها وكده لانها بنت وحيدة وملهاش اخوات واحنا نكون ضهرها وكده المهم اني اتكلمت معاها ومع مرور الوقت بقينا بنقرب لبعض وانا من قبل ما خالي يقولي اكلمها وانا مراقبها من بعيد علي السوشيال ميديا وكنت حاببها من غير اسباب بصراحه والمشكله اني فاكر طشاش اني كنت بشيلها وانا عندي سنتين ولينا صور مع بعض واحنا اطفال وفعلا من قبل ما اكلمها وانا بحب فيها مع نفسي ولما اتكلمنا وحصلت زيارات للعيله عندنا كنت بشوفها بحبها اكتر مع مرور 3 سنين كنا مقربين جدا لبعض وبتقولي انا مكانش عندي حد اكلمه وانزل معاه واكلمه كتير زيك وانك اخ كبير ليا وضهري وكده ومش في بالها حاجه بس ف النفس الوقت باين منها اعجابها ليا وغيرتها عليا من زميلاتي و اسرارنا سوا ومتفقين منخبيش عن بعض حاجه المهم من سنه اكتشفت انها مرتبطة بواحد معاها في المدرسه في علاقه بقالها سنه ولما واجهتها زعلت اني عرفت واني مليش دعوه اخدت جنب فترة لحدما جت اعتذرت وانا عارفه اني خبيت عليك واني غلطانه بس محتجالك في حياتي انا مليش غيرك اكلمه وبكون ضهر ليا وقت الحاجه وانك غالي عليا وكده بعد مناقشات اتفقت معايا انها تبعد عنه لان دي خطوه غلط وهكذا لحد ما وصلنا للوقت الحالي من قصه شهر عرفت انها كانت علي علاقه بيه و لسه سايبها علشان واحدة تانيه وانها اتجرحت وكده وصحبتها كلمتني قالتلي كلمها ادعمها نفسيا وكده لما واجهتها قالتلي انا عارفه اني غلطت وخبيت عليك تاني واني لو سمعت كلامك مكانش جرحني بس انا تعبانه نفسيا وهكذا والولد كان جارحها بشكل غلط وعامل مشكلة المهم انا بصراحه زعلت عليها جامد وكنت عايز اجرح الولد ( تصرف طفولي بس مشاعري كانت سايقاني) المهم بحكم ظروف شغلي كان ليا صحابي يعرفوا الولد ده وصحابه سالت عليه وعرفت عنه معلومات بس معملتش حاجه بعد فتره كام يوم اكتشفت ان كان قاعد معانا واحد صاحب الولد جدا وكان عارف اني اقرب للاكس بتاعته راح حكي للولد كد حاجه واني سالت عليه وكده بعدها بكام يوم اتصلت بيا بنت خالتي قالتلي ماما عايزه تقولك حاجه وكلمت مامتها قالتلي انت و هي اخوات ومفيش حاجه غير كده ومليش دعوه انك نزلت قعدت مع صحاب الولد ده وان الولد عمل مشاكل بسبب انك سالت عليه واتكلمت عليه وبتقول اني جيبت سيرتها مع صحابي رغم انها كده بتعيب في رجولتي لما اجيب سيرة عرضي مع صحابي المهم قالتلي متكلمهاش تاني لو بتعزها وابعد عنها لحد ما تخلص ثانويه عامه علي الاقل قولتلها انا معرفش ايه حصل بس انتي لو حكيتي ايه حصل هفهمك الوضع انا اكيد مش هتكلم عن بنت خالتي مع صحابي انا مش خروف بس حاضر اللي يريح حضرتك ويريح بنت خالي وانتي مامتها وعارفه مصلحتها اكتر مني اكيد ومش هناقشك بس انتي لوحدك هتعرفي ان لو فيه مشكلة حصلت بتقولي انها بسببي لوحدك هتعرفي اني مليش ذنب واني من ساعة ما كلمت بنت حضرتك انا شايلها علي كفوف الراحة ومن بعد المكالمه لقيت البنت عملتلي بلوك من كل حاجه حرفيا وانا محاولتش اتواصل معاها من بعدها احتراما لرغبتها بس انا اتدمرت بجد بعدها حصل وجت زياره للعيله عندنا لقيتها واخده مني جنب ومش بتتعامل ولا بتتكلم معايا نهائيا ولا كانى موجود محاولتش احتك بيها ولا انكشها ولا اتكلم ف اي حاجه بس كنت قاعد هعيط من تجاهلها ليا وحاليا بقالنا شهر او اتنين معرفش عنها حاجه ارجو الافاده اعمل ايه لانى بجد بحبها ومش عايز اعترفلها غير لما اكون جاهز انى اخطبها مش اكتر فا بس انا بحب البنت دي واهلها مش بيحبوا اهلي وبيلمحولي اننا مجرد اخوات وبس وبجد يجماعه معايا اول بريسلت عملتهالي من اربع سنين وبجد مش هعرف اعيش من غيرها ياريت حد يقولي اتصرف ازاى واعمل ايه عايز اصلح الوضع بينى وبينها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_21665 🇪🇬

منذ 9 أشهر

شعور محبط

انا مع واحد بقالي سنتين ونص بيحبني وبيتمنالي الرضا ارضي حرفيا بس كنت كل مشكلة او اغلب المشاكل بقوله هبعد وببعد فعلا وهو بيرجعني او انا اللي برجع لحد م قولتله هبعد ورجعت بعدها وهو قالي هتبعدي تاني مش هتلاقيني واتغير معايا ف كل حاجه حرفيا من حب اهتمام كل حاجه اللي هو كل حاجه قلت خالص عن الاول وانا ندم

Coffee_10511 🇪🇬

منذ سنة واحدة

شعور Not great 😕

عبّر عن شعورك بشكل مجهول

السلام عليكم كان عندي واحدة صحبتي قعدنا صحاب ٣ سنين و فرقت بينا الايام و رجعنا تاني بعد كدا هي كانت مديقة ان اهلي مش بيحبوها اوي بس انا كنت بحبها جدا و عمر كلامهم او رأيهم ف حد اثر فيا حتي لو طلع رأيهم صح بردو لازم اجرب و اجيب اخري مع اللي قدامي للاخر 
المهم البنتي دي مرة واحدة قلبت عليا و علي اهلي و بتقولي جوزها سمع مكالمة بيني و بينها و ادايق جدا و كانت مشكلة و خيرها بيني و بينه و هي بتقول معندهاش صحبة غيري و انا ممكن اصدقها ف حاجة زي دي لانها انطوئيه و انا اللي اتكلمت معاها اول مرة و اتصاحبنا و انا حسيت وسط كلامها انها مدايقة مني علشان انا و لله الحمد ف كليه احسن و دا و الله اعلم اللي حسيته من كلامها لانها قالت حاجات و افترضت ان اهلي مدايقين منها علشان انا ف كليه احسن و الله الكلمة دي ما طلعت منهم و فضلت تألف حاجات متقالتش و هي اصلا اللي سألتني عن رأي اهلي فيها حاولت اجمل الكلام علي قد ما قدر علشان بردو مكدبش و هي مش مقدرة اني معاها و مسبتهاش و كمان بتستقل ب دا و الله رغم كل دا مش بتغيب عن بالي و الموضوع عدا عليه سنتين او ثلاثه كمان و نفسي ترجع نتكلم و يجي الكلام منها لان انا موقفي صعب يخليني انا اللي ابدء و انا مستعدة انسي كل اللي اتقال و كل اللي حصل ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع