إشارات من ربنا

Chocolate_50514 🇪🇬

منذ 5 أشهر

شعور متعب

عبّر عن شعورك بشكل مجهول

الصراحه مش عارفه اعمل اي مش عارفه اخد الإشارات دي من ربنا و اصدق انها ممكن تحصل أو لا 
الحكايه إن كنت معجبه بحد علي السوشيال ميديا ممكن تقولوا انه مشهور حبتين شخصيه محترمه جدا المهم إن قولت إن دا كلام فاضي وان اعجابك بحد علي السوشيال ميديا حاجه هبله و عبيطه و إن مفيش حاجه هتحصل عدي شهر اتنين تلاته و مازالت هذه المشاعر موجوده و عرفت حاجات كتير عنه بيدج مامته و باباه و عرفت شخصيته شويتين و فجأه امبارح وانا مش بفكر في الموضوع بلاقي مامته قبلت الاد و بقت friend عندي علي الفيس بوك استغربت جدا و كمان قبلها بيومين كان يوم جمعه كان مفروض يروح معرض الكتاب وانا كنت عارفه قبل 3 شهور انه هيروح و متأكده عشان صاحبه عامل كتاب هناك هو مقالش انه هيروح خلال الشهور دي بس جه الجمعه قال انا رايح و انا مفروض كنت مخططه اروح و فجأه طلع عندي مناسبه و زعلت بجد اني مروحتش المعرض عشان كنت عايزه اشوفه فجأه بليل نزل واعتذر انه مرحش المعرض عشان حصل ظروف الصراحه فرحت و اخدتها اشاره من ربنا مش عارفه لي

خلاصه الكلام مش عارفه هل دي اشارات من ربنا ولا مجرد وهم مع اني مش بفكر لان انا سيباها علي ربنا لانه هو الي بيدبر وهو الي لو في نصيب هيتحقق حتي لو مستحيل اعمل اي دلوقتي هخلي عندي امل ولا لا ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_32710 🇪🇬

منذ 6 أشهر

شعور مكسور القلب

عبّر عن شعورك بشكل مجهول

طب دلوقتي انا محتارة اوي في حاجة و مش هعرف اسأل حد ف هنزل هنا و يا ريت اللي عنده اي حل او فكرة يقول 
انا عندي 15 سنة و الحمد لله بكره موضوع الارتباط و اني اكلم ولاد عموما عشان حرام و عارفة انه غلط .. نزلت هنا بسأل عن حاجة و في ولد دخلي برايفت و قعد يقولي حلول او يناقش معايا المشكلة و خلاص المهم لقيته بعدها بيبعت يفتح كلام قولتله مش بكلم ولاد و قفلت الموضوع لقيته بعت مرتين كمان بعدها و باختصار كان كل مرة يبعت بقفل الكلام و حصل كده اربع مرات مثلا لحد ما عرفت انه قدي و كده ف كان بيقولي ذاكرتي ايه و يبعتلي فويسات و هو رايح الدرس و كده 
المهم للأسف من ساعتها مش عارفة اقفل معاه الكلام حاولت اطفشه بكل الطرق بس هو صابر عليا🙂 المهم انا بدأت احس اني بحبه و هو كمان و قعدنا نلمح شوية لحد ما قولنا لبعض و كده و من ساعتها هو كل يوم يحلم بيا و يقولي الحلم كان ايه لحد امبارح حلم انه جه يتقدم و شاف بابا و اخواتي و ماما و في حاجات كتير طلعت صح ( مشافهوش قبل كده ) يعني وصفلي شكل بابا طلع هو بالظبط و بعتله صورة لبابا قالي كده انه هو بس الفرق الوحيد الدقن كانت اطول و طول ماما توقعه صح و اخواتي نفس الكلام 
ف دلوقتي انا كل شوية احس بالذنب لأني عارفة طبعا انه حرام بس انا و هو مش عايزين نسيب بعض و في نفس الوقت بشرب ماء زمزم و ادعي كل شوية و في الصلاة ان ربنا يديني اشارة و كل مرة الإشارة بتبقى إننا نكمل مع بعض 
الفكرة انه طبعا مينفعش ناخد خطوة رسمية دلوقتي خالص بس احنا حبينا بعض بجد ف مش عارفين نعمل ايه و دماغنا هتنفجر 
ف حد يقول رأيه نعمل ايه و هبعتله آراءكم بردو و يا ريت اللي يقول يكون فاهم بيقول ايه و عارف كويس يعني .. شكرًا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع