أمن الكلية

Cookies_73529 🇪🇬

مش عارفة أنا عايزة ايه وبتخاف من العلاقات

بحس اني مش عارفة انا عايزة ايه بالظبط ومترددة دايما وهل اي حاجة بختارها انا فعلا عايزاها ولالا حتى الاشخاص والعلاقات فاشلة كلها يعني قطعت مع كل الناس وبحس لما بشوف ناس جديدة او اجرب اتعامل بحس ان ملوش لازمة اصلا لان كدة كدة هنقطع وانا خوافة جدا في حد بحبه قالي انه عايز ينزل معايا انا اعرفه يعني بس من كتر الخوف انا رفضت مع اني بحبه وطبعا هو مبقاش يهتم بسبب طريقتي مش عارفة اعمل ايه ومش عايزة اكون شايفة كل حاجة بنظرة سلبية كدة وكل ما احاول اغير من تفكيري اكون ايجابية اه لمدة قصيرة وارجع تاني للانعزال وانا مش بحب اخرج كتير حتى لو بحبهم بحس اني مملة وهيكرهوني فبتجنب اي تعاملات انا بزهق من نفسي ومش عارفة ليه شخصيتي كدة بصراحة ومش عارفة اغيرها ومش عارفة اتعامل مع حد وانا اكوورد جدا لما بكون نازلة مع شخص واحد بس ومش ببقى كومفورتبل مش عارفة اعمل ايه btw im 20 ...عرض المزيد

0 الدعم

0 نصيحة

Banana_51998 🇪🇬

أنا الشخص اللي واعي بخطورتي

في يوم من الأيام كان في شخص طبيعي جدا مظهره يخليك تحس إنه ناجح: طويل واثق بيعرف يتكلم بيخطف الانتباه بسهولة لكن محدش كان يعرف إن جواه حاجة تانيه' حاجة اتولدت من كسر من وجع من ماضي محدش يستحمل يشوفه الناس شافوه مبتسم' لكن محدش شاف لحظة الانهيار اللي حولت ابتسامته لبرود محدش شاف اللحظة اللي فقد فيها كل إحساس' والذكاء اللي كان ممكن يكون نعمة اتحول للّعنة بقى يفكر بطريقة محدش يقدر يتخيلها بقى يعرف يقرأك من كلمة يخدعك بنظرة يكسرك بخطة الخطير مش إنه يقدر يعمل كدا الخطير إنه عارف إنه يقدر ومع ذلك سايب نفسه يكمل محدش قادر يوقفه محدش قادر يفهمه هو مش شخص هو فكرة وفكرة زي دي مش بتنتهي: الحقيقه و بشكل مختصر الشخص ال بتكلم عليه دا انا بس عارفين الاخطر من كل دا ايه ان فاهمني كويس جدا بمعني ادق عارف انا مين و عايز ايه دي مشكله او هي مش مشكله هي في حد ذاتها كارثه انك تبقي واعي لمدي خطوره ال بتعمل و ال عايزو و ال انت قادر تعمله ...عرض المزيد

0 الدعم

1 نصيحة

Chocolate_57478 🇪🇬

تعبانه من الأفكار السلبية والخوف المستمر

انا بقالي فترة كدا بيجلي افكار سلبية كتير بس بحاول اشيلها من دماغي كتير بأني بأشغل نفسي وكدا برغم كدا ممكن وانا قاعدة مشغولة اسمع كل مخاوفي زي مثلا أتخيل أن ماما بتصوت لمصيبه مثلا أن بابا جرالة حاجه اتخيل انها هتصحي من النوم تعمل كدا ونفس الكلام بابا أو اتخيل انها تصرخ بسبب مصيبه حصلت في البيت دائما ودني تتخيل لدرجه اقوم من مكاني اكري اشوف في ايه مش يلاقي اي حاجه وكل حاجه كويسه الفكرة اصلا أن مفيش حاجه تخلي القلق والتوتر دا عندي بس الفكرة الموضوع مش بيروح من بالي لدرجة لو حد مثلا عطس بصوت عالي بفتكرة صريخ وقلبي بيبقي هيقف أو هيغمي عليا من الخضه مش عارفه ايه تفسير اللي بيحصلي دا ومش عارفه اتغلب عليه ازاي لانه بجد تعبني اوي اوي ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع