ألم قلب

Apple_26468 🇪🇬

منذ 3 أيام

شعور متعب

أصعب احساس ممكن يمر الإنسان فحياته كلها انو يسأل نفسو سوال واحد ليييييه انا قصرت في أي..انك انت تبقي مع حد فعلا قايدلو صوابعك العشره شمع بتعمل كل حاجه كويس بقدر الامكان مش الحاجات التوكسيك وكلنا فينا عيوب ودا طبيعي ..بتحبو من قلبك بجد بتقدرة بتعزو شايلوو علي دماغك مش مقصر معاه في حاجه بتلاقي رد فعل

Coffee_75196 🇪🇬

منذ أسبوع واحد

شعور عاطفي

حاسس اني لسه بحبها رغم كل الي عملته و اهلها عملوه مش عارف ابطل تفكير مع ان احنا خلاص تقريبا لا سبيل للعوده اعمل ايه و معطل حياتي مش عارف بجد تعبت الكلام ده عدى عليه سنتين و للاسف متعلق لسه بيها و هي عايشه حياتها عادي تماما

Mushroom_74773 🇪🇬

منذ أسبوعين

شعور مرهق

Strawberry_74772 🇪🇬 غلطانه قدمتي في راجل متساق انا شوفت قصتك بتكرر بظروف بنت اصغر و كان الرجولة ما عادت موجودة ولا لإحساس 15 الف و ما حس و ما قدر حبك يولع ام الحب قدام التفاهم و المادة ما كل راجل اتقدم له بيطلع وفي انتي استعوضي ربنا و هيجيلك الي هيعوضك عن كل دا لان غالبا ربنا اختبر معدنك و انتي غالبا حد اصيل ما مهتم تردي عليا انا ما عايز اكلمك بس اعرفي انك حد قلبه نضيف بجد و انا عيل أصغر اه بس تجربتك دي شفتها كتير

عرض الكل 4 نصيحة

عبّر عن شعورك بشكل مجهول

انا حبيت واحد حب عميق جدا كنت فترة سيئة في حياتي وكنت محتاجة حد اتسند عليه كنت خايفة من الزواج عشان كل العلاقات الفاشلة اللي شوفتها حواليا حتى ابويا وامي مش استثناء وهو دخل طمني وحسسنني انه الدنيا بخير دكتور بيطري وبيدرس الماني عشان يسافر ويحسن حياته حسيت انه احنا شبه بعض اقنعني انه لازم نتجوز ونخلف وانه هيعوضني عن كل حاجة وانه استحالة هيسمح لحد ياخدني منه طلب مني نتجوز في الشقة الإيجار اللي انا قاعدة فيها مع والدتي بس انا كنت حابة اطلع من المكان دا فماوافقتش لكن بعد فترة اتكلمنا تاني وقولتله ماشي بس اهلك هيوافقوا يدولك ١٥٠ الف نجدد حاجات في الشقة ومهر وشبكة ونصرف لحد ما تخلص الكورس ونسافر قالي اه هقنعهم شوفي انتي اهلك هيوافقوا ولا لا كلمت ماما واختي ووافقوا على مضض بس من ناحيته بقى اهله ما وافقوش فبدأ أهلى يقولولي يعني اتنازلتي عن حاجات كثير وكمان اهله اللي مش عاجبهوم وهو مش بيشتغل ليه ويصرف هو وخناقات كثير في الوقت دا كان بدا يكون بينا مشاكل لانه كل شوية يبعتلي شات ما بينه وبين واحدة كان يعرفها بتكلمه ويقولي أصلها بعتت كثير وفي الاخر كل واحدة تكتبله هو انا لازم اتذللك عشان توافق تكلمني فقال تصعب عليه فيرد عشان بيتحرج ونتخانق واقوله بطل ترد عليهم انت مش حابب انه يكون في حياتي رجالة وبتغير انا كمان كدا ونتفق ويرجع تاني ونتخانق واعدي حتى اتعرف على واحدة من جروب الكورس واتعلقت بيه لدرجة انها حكيته انه واحد بيهددها بصور مركبهالها وبرده اتخانقنا انه ليه وصلتها انها تحكيلك حاجة زي كدا بالإضافة انه عدى عيد ميلادي وماجاليش ولا جاب هدية ولا تورتة ولا حتى شوفته عشان مش قادر ينزل او مش معاه فلوس وكل ما ااقوله عايزة اشوفك يقولي ربنا يسهل اصل مش معايا فلوس طلب مني ١٥٠٠٠ عشان بقى عليه ديون وأهله بيعايروه وانا عشان مش عايزة عينه تتكسر قدام حد سحبت المبلغ كاش من كارت المشتريات بتاعي واديتهومله نزل طبعا عليا فوايد كثير لدرجة انه بقى عليا ٢٣٠٠٠ مش عارفة اسدهم بحاول اجي على نفسي في الأكل والشرب واللبس والاحتياجات عشان اسدد في الاخر اضطريت اكسر شهادة عشان اسدد والا كنت هتداين بأكثر من كدا لما سددهوملي مادريتش ااقوله انهم زادوا اخدتهم زي ما هما كنت بحاول ازقه انه يشتغل هو مش مبسوط في البيت مع اهله ومش معاه فلوس فالشغل الحاجة الوحيدة اللي هتنقذه ولما في الاخر جاتله فرصة في مزرعة دواجن رفضها فأنا غضبت وقولتله يعني يوم ما تجيلك فرصة تنقذك وتقدر تيجي تتقدملي تضيعها وبعدت لقيت نفسي مش قادرة عايزة اعرف هو عمل كدا ليه رجعت كلمته وسألته قالي دي بيديرها جيش واخاف ما يرضوش يمشوني ومش هتكتب عقد فحقوقي هتضيع المهم رجعنا تاني نتكلم شوية وجاتله وظيفة تانية برده ما راحش المرة دي عشان كان تعبان ومطبق وعايز ينام وانه عمره ما اشتغل سلامة وصحة مهنية المهم انه اتخانقنا تاني وبرده بعدها باسبوعين ثلاثة ما قدرتش على نفسي ورجعت كلمته لقيته متغير في تعامله سألت قال الديون والحوجة بتخلي الراجل ينطفى انا كنت قولتله انه والدتي باعت أرض ونصيبي منها ٤٠٠ الف بس هتعملهم شهادة هبة في البنك المهم انه طلبهم مني عشان عايز يهاجر كندا قولتله هما مش معايا وهي هتعملهم هبة حتى مش هتدهوملي وبقيت من جوايا يعني المبلغ الكبير الوحيد اللي هيبقى موجود في حياتي هتاخده انا ماحدش بيصرف عليا فهصرف منين لو الأسعار زادت ومعاملته بقيت وحشة لا بيسأل عليا لو رحت لدكتور مابقاش يقولي اي كلمه حلوة عايزة اشوف بيرفض او يسوف وفي الاخر قالي انا ما بقيتش قادر انتي بتضغطيني وكذا مرة كنت ببقى عايز امشي وانتي بتتمسكي بيا وانتي مش فاهمة اي حاجة انا ماعنديش مستقبل فسيبنا بعض شهرين ونصف بعاني كل يوم بعيط ومش قادرة انسى اي حاجة المهم اني داخلة على عملية فتح بطن عشان اشيل ورمين لفيين في الرحم وفكيت شهادة ب ٥٠ الف عشان العملية ومصاريف الدكتور والأدوية رجع يكلمني عشان عايزة مساعدة ماقدرتش أرفض قالي انه كل الناس باعوه وانه مالقاش غيري اللي عارف انه عمرى ما هرفض ااقف جمبه لو بأيدي كان طالب ١٠٠ الف بس انا مش باقي معايا بعد مصاريف الدكاترة غير ٤٠ الف فقولتله هبعتهوملك وقال هيردهم شهر ٢ فيه وظيفة شكلها هتظبط وهيحوش ويرجعهوملي قالي انه مش بيحاول يرجع حاجة قديمة بس في نفس الوقت فضل كل يوم يكلمني ويسترجع مواقف حصلت بينا ويقولي فاكرة لما حصل كذا المهم انه من يومين قالي انا فيه حاجة كاتمة على صدرى وبعد ما وافقتي تساعديني ولقيت منك طيبة ما شوفتهاش من ااقرب الناس ليا مش قادر اخبي عليكي طلع الاستاذ كان قاعد في يوم متضايق فقال لنفسه انا يمكن ما فلحتش عشان مفيش مسئولية في حياتي فقرر يدخل جروب زواج وطلب من الادمن تنزله بوست وكذب فيه وقال انه بيشتغل المهم انه الست جابتله عروسة وكلم مامتها وبعدين كلم باباها وراح قرأ فاتحة وكلم والدته تديله فلوس عشان الشبكة بس مارضيتش وبيقولي انا مش مبسوط كلم البنت نفسها على الماسنجر وعمل اكونت فيك عشان يختبرها وبيقولي البنت مش عاجباني وانا مش مبسوط وحاسس اني بخدعهم انا اتعصبت وزعقت وعيطت واتخانقت وفي الاخر بيقولي خلاص هكلمهم اقفل الموضوع انا بحبك انتي تاني يوم قالي انا بعتت لباباها انه انا اسف ومش هينفع اكمل وبعت لماما تها والبنت نفسها وهي عمليتله بلوك والنهارده ماماتها كلمته هزقته انك بتلعب ببنات الناس وكلام كثير وبرده راجع يقولي انا بحبك انتي وانا في الموضوع دا ما كنتش مبسوط بس انا دخلت فيه عشان احرجت انا بعد ما طلبت من الادمن تنزلي منشور قولتلها تمسحه بس هي احرجتني والست احرجتني فا اضطريت اكلم باباها ودلوقتي خايف من خالها لأحسن يعمله حاجة كل ما افتكر كم الهدايا اللي جيبتهاله ولامه واخته كل ما افتكر اني كنت هتنازل عن المهر وأننا اتفقنا انه بعد ما يديني المهر والشبكة هياخدهم ونصرف منهم لحد ما يسافر كل ما افتكر اني وافقت اتجوز في شقة ابويا الإيجار وانه كان مجرد هيدفع ١٢٠ جنيه كل شهر كل ما افتكر اني قعدت طول الشهرين ونصف اللي احنا بعاد فيهم اعيط واتمنى انه يرجع ومابقبلش صداقات من اي رجل اخر او ارد على اي حد عشان صايناه وهو رايح يقرأ فاتحة كل ما بتقهر غلطتي اني بجد يسرتها على حد بزيادة كان مفروض تبقى حاجة كويسة في الزمن دا بس شكل الصفات الكويسة اللي بتبقى في حد بتبقى سيئة في الزمن دا 
انا بقيت محبطة وتعيسة اكثر ماكنت ومش عارفة اطلع من كل دا ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_74660 🇪🇬

منذ أسبوعين

شعور مكسور القلب

عبّر عن شعورك بشكل مجهول

نفسي احكي القصة بتاعتي انا وحبيبتي من بدايتها لحد اخرها بس مفيش وقت اقول كل حاجه بس انا حبيتها وهي كمان وحصل بينا تجاوزات كتير بس موصلش للزنا الحمدلله المهم المشاكل ما بينا كترت وانا حسيت انها بتخوني وحسيت انها كان ليها ماضي بسبب الجرأة اللي كانت فيها ... انا ف الاول عمري ما فكرت اني اعمل معاها حاجه خالص بس هي اللي جرتني لكده بعد اول شهر حسيت انها بتلمحلي أنها عايزاني وانا للاسف مشيت معاها لاني كنت عملت كده كتير وكنت فاهم أنها عاوزه ده مني المهم بعد فتره انا كنت خلاص مقرر أنها هتكون فتره ف حياتي وهطيرها المهم اني حبيتها بجد وكنت بفكر ازاي نكون مع بعض بعدها هي حسيتها اتغيرت مش بتهتم بيا وحاجات كتير انا دلوقتي حاسس اني قللت من نفسي ف العلاقه دي وهي العلاقه خلصت خلاص بس انا نفسي اكلمها تاني حاولت بس هي خلاص مش راضيه تكمل بسبب مشكله حصلت ما بينا وقولت حاجه صايقتها يعني انا دلوقتي عاوز اعرف انساها ازاي واتعايش مع الوضع ازاي ... بقيت كل شويه ادخل الاكونت بتاعها علي الفيس والانستا اشوف الفولورز عندها بقوا كام وكده انا متضايق اوي من نفسي وحاسس اني عكيت في حياتي كتير نفسي اتغير اوي وحرفيا دلوقتي انا مش عاوز اي حاجه غير أنها تكون معايه وف نفس الوقت مش هينفع أنها تكون مراتي خلاص انا حتي بكتب دلوقتي مش عارف الناس اللي هتقرأ ده هتقدر تفهم انا حاسس بأيه ولا لا انا حاسس اني متحبتش حاسس اني كنت ناوي الخير وهي لا حاسس انها سابتني متلككه حاسس اني نزلت من قيمه نفسي ما أنها ف الاول هي كانت هتموت وتكلمني مبقتش عارف حاجه وحاسس اني اول مره اكلم واحده ف حياتي مع اني كلمت كتير وكنت وحش اوي 
بس قولت خلاص انا مش هعمل كده تاني لحد ما ظهرت هي ف حياتي وغيرت كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_73649 🇪🇬

منذ 3 أسابيع

شعور مكسور القلب

انا بفكر ف الانتحار كل ثانيه ! اتخطبت ٤ سنين عن حب بس اهلي مكانوش مقتنعين بيه وبما انهم ناس ساديه كانو طول الوقت يطلبو اني انفصل عنه ومشاكلنا انا وهو كترت وانفصلنا فعلاً بس انا مش قادره اتخطي عدت سنه وانا لسه قلبي بيتقطع ورافضه فكره انه خلاص كدا ! انا حوالت ارجع بس هو رفض* ودخلت فاربع علاقات بعدها

Watermelon_63493 🇪🇬 كلنا اتكسرنا نفس الكسرة هى فترة وحشة هتعيشيها هتعيشيها وهتعدى هتعدى وفيه ايام حلوة هاتيجى وايام صعبة تانى دة الطبيعي اجمدى كدة التقيل جاى لسة

عرض الكل 7 نصيحة

Mango_72230 🇪🇬

منذ 4 أسابيع

شعور فخور

موضوع:

هى ايه الخطوات اللى خلتكم اقوى بعد ما كنتوا ضايعيين

اول ما فسخت خطوبتي كنت حرفيا زي المجنونه ثقتي الي رمتها عليه ومكنش يستحقها كسر بقلبي و طلع اسراري وغيره خلاني في 7 ارض و الله مخرجت من المحنه دي غير برحمه من ربنا ربنا قواني وعرفت اخطائي في حين ان اهلي موقفوش جنبي

Avocado_63956 🇪🇬 الحمد لله رب العالمين أكثري من الاستغفار والتسبيح بحمد الله والصلاه على النبي صلى الله عليه وسلم 🌹🌹🌹

عرض الكل 2 نصيحة

Chilli_70262 🇪🇬

منذ شهر واحد

شعور مكسور القلب

دايما عندى نواقص زى انى اكون الرغبه الاولى لاى واحده اعرفها حتى مرتبطت مره ، حسيت بعد مسابتنى انها اصلا مكنتش بتحبنى قبلها مكنتش عاطفى زى دلوقتى ، انا بقالى ٣ سنيين مش عارف انساها ونفسى انساها ، صعبانه عليا نفسى اوى ، شكراااا .

Marshmallow_68139 🇪🇬

منذ شهر واحد

شعور مكسور القلب

انا دخلت هنا علشان اتكلم عن الخذلان الي حصلي مرتين انا انفصلت عن جوزي بعد ما اكتشفت خيانته ليا ومش قادره اسامح مهما عمل احنا لسه صغيرين ودكاتره ومعايا بنتين كان عايش ملك حرفيا واكتشفت انه كده من سنين من قبل الجواز اصلا بعد الانفصال بسنه اتقدملى مطلق ووقت الجد لما لقي اهلى في ضهري وطالبين ليا

Tofu_61260 🇪🇬

منذ شهرين

شعور محبط

شوفت صورته من شويه شكله اتغير كتير اوي رغم إننا اديلنا شهر ونص بس سايبين بعض حسيت إني معرفوش وانا اللي مشيت لما أتأذيت ممكن تقولي اتغلب علي الإحساس دا إزاي حاسه بألم ف قلبي علي غضب بجد مخنوقه نفسي اتعافي ونفضل كول عمري كدا

Mango_51124 🇪🇬 فكر في انك تستاهل الاحسن وانك قدمت واتأذيت 👍🏻

عرض الكل 4 نصيحة

Avocado_56326 🇪🇬

منذ 3 أشهر

شعور مكسور القلب

ازيكم.. انا مكنتش عارفه احكي لمين او اقول اي.. انا متجوزه وكنت بحب حوزي جدا وعمري ماكنت اتخيل ان ممكن اخونه كانت حاجه مستبعده.. عشان اصلا كنت بقول اي ست بتخون دي تستحق تموت.. فجاه بدون مقدمااات لقيت سخص بيحاول يغوي ستات مجوزه ع الفيس فحبيت انصحه لوجهه الله.. معرفش اي حصل... بقيت انا الضحيه.. معرفش

Avocado_56018 🇪🇬 ربنا معاكي ابعدي عن اللي دخل حياتك ده لانه كده كده مش هيتجوزك بعد ماعمل معاكي

عرض الكل 65 نصيحة

Apple_52374 🇪🇬

منذ 5 أشهر

شعور مرهق

انا كنت بحب وحده من 5 سنين تقريبًا فضلت احبها كتير بس بجد مش كانت مدياني وش ف خلاص بدات اني اتخطاها ف من سنه كده كنت شايفها ك زميله بس جت من شهر عرفت من وحده قريبتي انها بتكراش مش هتصدقوا لو قلت اني معرفش اي الفرق بين بتكراش و بتحبني المهم دخلت ليها قلت اني بحبك من فتره و كده و هيا قالت انا كمان ت

Chilli_47471 🇹🇷

منذ 9 أشهر

شعور مكسور القلب

السلام عليكم يا شباب , انا بجد محتاج نصيحة , انا تايه و غرقان قبل خمس سنين تعرفت على بنت من صحاب اختي و البنت دي ادب اخلاق و دين و جمال و دماغ و شخصية و كل حاجة نفسي فيها ببنت موجودة بالبنت دي و كفاية انها محتشمة و حنينة على اختي اوي و كانت عاقلة و دماغها توزن بلد و اللهي كلام مستحيل يكفي البنت

Watermelon_32252 🇹🇷 الحب مش كلام.. الحب افعال و تصرفات ..بتحبها متقلش بحبها وانت مش عامل حاجة عشانها ..

عرض الكل 49 نصيحة

Nutella_40137 🇪🇬

منذ 9 أشهر

شعور مكتئب

انا حاسه ان قلبي بقي زي الصخر 🖤و هي دي مشكلتي طلع من كل دنيتي يقتل فيا حته حته وانا مش حاسه 😔كل لي اذوني ياما خدو حاجات حلوه لحد قربت افضه💔.. بس اكيد الناس دي ولدتش كده ربنا مش بيخلق حد شرير و مؤذي كده🙂 اكيد كلنا بنتخلق طيبين 🙂ولما بنشوفه من الناس بيغيرنا لي اوحش😔لحد لما نصحى من النوم بننسى ا

Pear_42826 🇪🇬 الي فات دا صفحة و اتقفلت يمكن انتي مكنتيش حاسه ان الي حواليكي بيئذوكي بس دلوقتي انتي فهمتي و ادركتي كل حاجه و عرفتي الدنيا ماشية ازاي فا انتي لازم تنسي كل الي فات و تبدئي صفحة جديده و متفكريش ف الي فات و ابدأي بداية جديده مع ربنا حافظي على صلواتك و اذكارك و خليكي فاكرة ان في ناس كتيرة عندها مشاكل اسوء من مشكلتك بكتير فلازم تحمدي و تشكري ربك على كل حال و بس كدا ان شاء تكوني استفدتي❤️

عرض الكل 1 نصيحة

Apple_38959 🇪🇬

منذ 10 أشهر

شعور آسف

Chilli_38997 🇪🇬 لا طبعا متنتحريش متنهيش حياتك عشان ولدتك هي عايزه مصلحتك بس هي شيفه أن هي دي الطريقه الصح بس هي طبعا غلطانه كان لازم تصحبك وتعرف مشكلتك وتساعدك ولو غلطي ننصحك انتي اكيد حد كويس و حياتك مهمه لو مش مهمه بالنسبه لمامتك أو ليكي اكيد مهمه عند حد تاني على الاقل مهمه عندي وانا عايز اتعرف عليكي

عرض الكل 12 نصيحة

عبّر عن شعورك بشكل مجهول

مش عارفه ابدء منين بس انا كرهت نفسي وبفكر ديما في الانتحار عشت حياه صعبه ونا ذودتها صعوبه اولا بابا ديما متغرب امي قاسيه بطريقه كبيره جدا وعصبيه كان بتضربنا علي كل غلطه ضرب يجرح ويموت اختي الكبيره اتعقدت لحد ما ربنا عوضها بزوج كويس انا بقي كانت ديما تعايرني شكلي وحش وأقل من صحابي وغبيه وكلام يجرح اوي بدءت اني ادور علي ناس لاسف اتعرفت علي ولاد الأمر مرحشي لحاجه وحشه ولا كده بس الي هو انتي حلوه وكلام ده كنت بتبسط رغم اني شكلي جميل ودخلت ابلكيشن واعترفت علي ناس لحد ما هي عرفت ضربتني ضرب جامد وقصت شعري لاسف كررت موضوع كتير  كل مره كنت اصدق ان شخص ده بيحبني أو عاوزني وفي نفس الوقت لما ببعد عنهم مبحسش اني زعلانه الي هو عادي عرفت واحد من محافظه غير بتاعتي وبردو لما عرفت وقولتله انها خدت فون بعد ونا كمان بعدت مهم حمدت ربنا اي سترها معايا وانتبهت بدراستي ونا في كليه قمه حبيت واحد منها وهو قالي ووعدني انو كويس هو فعلا محترم كل الي كنت يعرفهم قبل كده نت بس ده شوفته وكده وأهله ناس محترمه ومقدم شرطه انا عاوزه حد يقولي امشي ازاي ولا ابدء منين انا والله كويسه في لبس وشكل وكل حاجه وشخصيتي كويسه هو ده بس الغلط الي بعمله بسبب قله الاهتمام من الاهل وكلام يوجع القلب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_33430 🇪🇬

منذ 10 أشهر

شعور محبط

موضوع:

هل في يوم اتعلقت بحد؟

ايوه اتعلقت.بشخص مسلم لان انا و هو كنا مرتبطين انا حبيته اوي اوي لانه ادني حب حنان اهتمام كان بيحتوني و يطمن عليا مش زي ابويا لا ابويا بيخون امي مش فاضيلي مش بيخرج معايا ولا مع ابنه لا خالص ساعات بحس اني نفسي اغيرو بي طريقه و اه انا لسه متعلقه بالشخص ده و لحد دلوقتي قلبي بيوجعني لما بجيب سرته

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع