ألم الطفولة

Marshmallow_69067 🇪🇬

منذ أسبوعين

شعور خجلان

عبّر عن شعورك بشكل مجهول

عندى غصة في حلقي  وقلبي بقالهم سنين كتير 😂😂
عامة انا شخص بيحب يحكى احزانه وهو بيضحك دا من إنفصام والله😂😂😂
 ومن انا طفلة من لحظة ماادركت ان في حياة اصلا كان بابا مهتم بإنه يذاكرلى من ال kg مان مدرستى لغات فبابا كان بيفضل يجمعلى كلمات كتير عشان احفظها ويخليني أحفظ grammar  بغض النظر انا فهماهم ولالا بابا كان عبقري كان عنده ذاكرة تصويرية اى حاجة يشوفها يحفظها ..بس انا مكنتش كدا !! وهو كان بيشوف دا غباء من الضغط  والزعيق مخي كان بيقف وكنت بدخل في حالة رعب وممكن يحصل ضرب كمان كان بيجي يصالحنى بعد كدا بس انا كان خلاص اتربى جوايا الرعب ان بابا مدام رفع ايدة يبقى هيضربني وكنت بداري وشي حتى لو كان قصدة يطبطب عليا..
دخلت الابتدائي ومستوايا كان كويس لكن جيت في سنه ٦ جبت مجموع ٨٦ % وقتها بابا قالى جمله مش فهماها لحد دلوقتي قالي انة زميلي في الشغل الى مش بيتقي الله في شغله ابنه جاب ١٠٠% انا قصرت معاكي في ايه!! 
الحقيقة اني مش عارفة انا الى قصرت في ايه وايه علاقة الحلال والحرام بمستواي تحصيلي في المذاكرة انا كنت بوصل لمرحلة انى بيغمى عليا من الرعب وضغط بابا عليا وهو بيذاكرلى مخى كان بيقف مكنتش فاهمة اقوله ازاى انى مش عارفة افهم منه وان هو الى مش عارف يوصلي المعلومة كنت بفهم منه ال Math  وكنت بجيب الفول مارك لكن باقي المواد كنت بنقص كتير اوى انا نفسي مش ببقى فاهمه ليه ..
مرة ماما ودتني لدكتور مكنتش عارفة بتاع ايه قالي الفرق بيني وبين صاحبي انه كان بيذاكر ١٠ مرات انه بيكرر كتير يعني بس انا معرفتش اقولن ان الفكرة مكانتش في تكرار المعلومة انا مش فاهمة المعلومة اصلا😂😂
ماما كانت بتفضل تقارني بصي فولان بيذاكر لوحده بصي فولان بيعمل الساندوتشات لنفسة بصي فولان بيفتح الدكشنرى وبيتعمد على نفسه بصي فولان اهله مش ببيساعدوة في حاجة كانت دايما تقولي كلمة انتي متستاهليش انا بعملك عشان ربنا!! فطلعت فعلا حاسة اني مستاهلش اي حاجة حتى انى اتحب لان محستش انى اهلي حبوني ..
دخلت الاعدادي وكان النظام جديد عليا ففيه مادة سقطت فيها في إمتحانات الشهر والميس وقفتنا كعقاب وانا كل الفكرة انى بس مكونتش فاهمة فمستوعبتش مش انى مذاكرتش انا بذاكر بس مش فاهمة يمكن يكون عندي مشكلة في الفهم بس انا فعلا ببذل مجهود لما وقتنا فضلت ابص للشباك بتاع المدرسه وحسيت انى اتكسرت لانى فعلا مش فاهمة عايزة حد يساعدني مش يلومني .. مرة ماما ودتنى كنت واحدة زميلتى في المدرسة شاطرة عشان مامتها تذكرلى معاها فهى البنت ماشاء الله عليها بتحفظ بسرعة انا كان بيكون عندي مشكلة اني مش فاهمة تجرمة الكلام لانه بالانجلش فمخي كان بيقف ..

بابا كان بيذاكرلى الانجلش بالعربي فانا طلعت متعودة كدا غصب عنى.. في الاعدادى كان فيه مواد مهما ذاكرتها كنت بنقص فيها كتير لدرجة ان مدرسة رمتلى ورقتي في وشي من كتر ما هي فقدت فيا الامل انا مكونتش مصنفة اني فاشلة كان مستوايا عادى بس مش متفوقة المهم ان اهلى كانوا بيلوموني بس محدش كان بيحاول يساعدنى بالطريقة الي تنفعني ..بابا انا مكنتش بفهم منك طريقتك منفعتش معايا ..
كنت بكرهه كل شهر فقرة توزيع شهادات الدرجات كنت بحس انى قليلة جدا زي الانسان الفقير وسط ناس اغنية كنت بحس بالعار جوايا لانى مستاهلش زي م ماما بتقول واني معنديش ضمير

كنت بصاحب اي حد يرضى يصاحبني مكانش عندي مقاييس كنت عايزة اكون وسط ناس وبس ودا طبعا مكانش صح ..
كنت بهرب ديما وبقعد في ضهر المدرسة لحد ما البريك يخلص وبكون لابسه الهاند فري بتاعتي واقعد ارسم ..كان عندي مشكلة كمان اني بحس ان محدش عايزينى وان محدش بيحبني في المدرسة مع ان محدش كان مركز معايا بس دا كان شعورى كنت بحاوب اتنازل كتير لصحابي عشان يحبوني ويصاحبوني ..
دخلنا مرحلة الثانوى بابا قرر يدخلنى مدرسه عربي بحجة انها هتكون اسهل وهجيب مجموع اكبر بسهوله .. مقدرتش اتكلم مقدرتش اقولة اني نفسي اكون وسط صحابي وسط الناس الى اتعودت اكون معاهم بس مقدرتش اتكلم لانى فاشلة وماليش حق اتكلم

دخلت مدرسه عربي وكانوا شايفني فرفورة😂 لدرجة ان مدرس قالي انتى ايه الى جابك هنا مقدرتش اقوله بسبب مجموعي مع ان لو كنت عملت تبع مدرستي كنت هطلع ثانوي تلقائي لان نظامنا كان مختلف اول يوم في الثانوي روحت معيطة لان الوضع كان مختلف .. طلبت منهم ينقولني مدرسة تانية قريبة من مدرستى الي المفروض ادخلها نقلوني وكنت بروح لصحابي القدام عشان اروح معاهم وكنت ببقى لابسه لبس المدرسة العربي واحدة من صحابي قالتلى بلاش تجيلنا عند بابا المدرسة تانى ...

ناس كتير هنا كانت بتلومني ع فكرة انى عايشه في خيالى انا محستش حاجة في الواقع الا الكسرة مهما حاولت ابذل مجهود .. مرة حاولت ادافع عن نفسي قدام بنت ماماتها مدرسة في المدرسه فقولتلها دى ماماتك بتقول عليا انى قمر قعدت تضحك عليا ورغم ان مامتها كانت بتمدحني فعلا بس اتهزيت وحسيت انى وحشة..

في الثانوي عانيت جدا في ال Math لان دي اكتر مادة كنت بحبها وشاطرة فيها وكنت بروح لمدرس كان بيترجملى العربي بالانجلش روحت للمدرس دا بالذات عشان هو كان بيدي للمدارس اللغات فكنت بشوف صحابي من بعيد بيكونوا خلصوا احنا مدرستنا كانت مختلطة فكرة انى بشوف زمايل المدرسه كلهم من باب انى احس انى لسه وسطهم 
..روحت برضو لنفس مدرس الإنجلش الى اغلب زمايل مدرستي القديمة بيروحوله كنت بحضر معاهم في نفس الحصة وكنت ببقى مبسوطة جدا بس انا كنت انطوائية وبخاف مثلا اجاوب مع المدرس بس مرة حاولت استجمع شجاعني وجاوبت والإجابه كانت صح بس هو سخر منى وقالى دي مش إجابة حد متفوق ومختلف فكنت عايزة الارض تنشق وتبلعني .. كنت بسمع ولاد مدرستي القديمة وهما عمالين يتفقوا مين هيدخل طب ومين هيدخل هندسة
..لما دخلت الكلية مرة قابلت ولى امر ولد زميلي في مدرستي القديمة ولما عرف انى دخلت عربي وعرف كليتي قالي مدخلتيش معاهم هندسة ليه!😂😂

انا كنت بكرهه الكيمياء جدا بس ذاكرتها كويس اوي بس مكانتش بتدخل في دماغي والمدرس الى باخد معاة لازم يعمل امتحان صغير كل اول حصه غالبا معادلات وانا مكنتش ببقى عارفة احل كنت شاطرة في الكيميا العضوية بس الباقي لا فالاسستنت كانوا بيوزعوا الدرجات بعد الامتحان فمرة هربت عشان ماخدش درجتي الى عارفة انها وحشة تاني مرة جربت اعمل كدا الاسستنت اشتكت للمدرس قالها طلعى الاسم من الكشف ومشي الي عمل كدا فقولتلها دى ورقتي واخدتهل ومشيت كنت ماشية في الشارع مكسورة وخايفه حد من البيت يشوفها انا كنت حاسة بغربة في كل مكان اهل اصحاب مدرسة كل مكان مكانش حيلتى إلا خيالي 
كنت بتلام في البيت على كل حاجة الترويق وشرا الطلبات والمذاكرة كان دايما بيتقالى انتى معندكيش ضمير مع انى ممكن اكون محتاجة انى اعمل الحاجة صح ازاى ..
ال ٣ سنين بتاعت الثانوي مش فاكرة منهم الا خيالي وانى كنت بمشي في الشارع كتير لوحدى اتخيل حياتي الحلوة الي هعيشها لما اكبر مع شخصي الخيالى .. 
في تانية ثانوي مجبتش مجموع كبير بس كنت مقفلة الMath  بابا قرر يدخلنى ادبي هو ماخدش رأى هو قرر ودخلت ادبي وانا بكرهه التاريخ جدا والفلسفة وعلم النفس كان بيجي بنات قدام عند مدس علم النفس يسلمو عليه وكانوا جايبيين مجموع تالى كنت بحس جوايا انه بصي انتى فاشلة مجبتيش مجموع عالى المهم انى في تالته ثانوي جيت نفس مجموع تانية ثانوي😂

المهم انهم في البيت كانوا فقدوا الامل فيا فبابا قالى متخافيش المهم هتدخلى كلية عرض عليا يدخلنى خاص بس خوفت من المعايرة لو مجابتش تقديرات ..

المهم دخلت كلية مبحبهاش وكنت حاسة انى هضيع لان كلها حفظ بس انا حاولت استخدم طريقة الخريطة الذهنية والحمدلله كنت بجيب تقديرات بس مكانش فارق معايا انا كداكدا معنديش طموح في الكلية دي كل الى كان مصبرني ان اهلى بيفرحوا وربنا بينجييني من لومهم ليا..
انا طلعت الحياة مش فاهمة حاجة في الدنيا لانى متعلمتش حاجة غير المذاكرة الى مفلحتش فيها فكنت سهل يضحك عليا لانى كنت بفتكر كل الناس صادقة 
يمكن الى طلعت بيه بس من الكلية انى مصدقش الناس 
بعد مااتخرجت محاولتش اشتغل بشهادتي بس نزلت اشغل حاولت في كذا شركة عشان بس اهرب من فكرة اللوم وانتي قاعدة بتعملى ايه .. انا حتى العرسان كنت بتجبر اقعد معاهم مرة جالى حمة لانى هقعد مع عريس معرفش عنه اى حاجة ف ليه اقعد معاه الموضوع بالنسبالي كان عقاب وانا كان عندي حلم اني هقابل شخصي الخيالى في الواقع وكنت مستنياة فمكنتش عايزة استعجل

المهم انى كنت بنزل الشغل وانا بعيط لان انا طبيعتى بحي البيت مكنتش فاهمة انا بنزل ليه وكل مرة كنت بسيب شغل لازم اقدم مبررات مقنعة لبابا وماما ..
بابا لحد ما يموت بكام شهر كان بيقولى انى كسولة عشان مبتعملش انجلش وكومبيوتر وانا فعلا كنت مصدقت خلصت تعليم كنت بكرهه اى حاجة ليها علاقة بالمذاكرة قلبي كان بيكون مقفول جدا لانى ذكرياتي معاها كلها بشعة .. 
الحقيقة انى مكننش عايزة اشتغل ولاانزل كنت بستحمل بس عشان كان عندي امل اقابل شخصي الخيالى الى هيرحم انوثتي وهيخاف عليا الى هعيش معاه في بيت على زوقي هيكون مملكتى اني هكون مع حد هيشبعنى حب ويحب شخصيتي حد هفضل اعمله اكل حلو وحلويات ونقعد نتكلم سوا كتير يخفف عني واخفف عنه حد مخافش لما يرفع ايدة وهبقي عارفة انه قصدة يطبطب عليا حد اعيش معاه بشخصيتي المبهرة واسلوبي  وطريقتي الى هخلى حياتنا بيها جنة .. حد هكون انا انا معاه انا الي معرفتش اعيش بيها ولااعبر عنها انا المدفونه جوا الخوف والتقليل من رأيها وانه المفروض تسمع كلام الكبار انا الي سنين كتير مرت عليها ولسه روحها مدفونة جواها والبنوتة الى انا عارفة انها مبهرة مسجونة جوا جدران بيتنا لان كمان بقى عندها مسؤليات جوا البيت تجاة الكبار لان مفضلش حد غيرها ..انا الى عمرى كبر وانا لسه واقفه هناك عند الطفلة الى عاملة قطتية واقفة تايهه ومستنية حد كان مواعدها انه هياخدها من على الطريق وينقذها بس مجاش او يمكن هو مكانش موجود من الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ أسبوعين

شعور مرهق

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

ديما كنت بقول انى عمرى ما هكون زى اهلى 
كنت شايفاهم جامدين وقلبهم جامد علينا.. مش بنصعب عليهم حتى 
لحد امبارح.... استوعبت ان الموضوع مش جمود لا.. هما قاسيين.. قاسيين بجد والقسوة من الاهل بالذات تقهر 
يمكن دة سببه الضغوط اللى مروا بيها.. بس على الاقل لو مش هيقدروا يفهمونا يسيبونا نعييش 
عمرى ماهعامل ولادى زيهم... هحااول عشانهم... هداوى نفسى بايدى عشانهم.. هعرفهم المعنى الحقيقى للام.. هبينلهم حبى وامومتى.. هديهم وقتى، هركز معاهم، مع عنيهم ودموعهم 
هركز مع كل يوم يرجعوا فيه من المدرسة واحس انهم مطفيين 
انا اتعرضت لتنمر ووحدة وكنت فى بيئة وسط ناس مش شبهى كل دة فى المدرسة واهلى ميعرفوش عنه حاجة... ثقتى بنفسى معدومة 
هزرع جواهم تقدييير كبييير لنفسهم.. 
هكلمهم... هكلمهم كتييير فى كل حاجة..هعودهم يشتكولى منى..مش هخلى العجز اللى انا عشته يتنقلهم.. هحاول افهمهم ويفهمونى ويغيرونى للى يطمنهم منى 
المانع الوحيد لاى حاجة عايزينها هيكون انها تكون حرام.. طول ما هى حلال حتى لو مش على هوايا يعملوها.. بحدود طبعا 
فى المقابل هزرع جوااهم حب ربناا اووى مش واجب وفرض لا حب.. اهلى اتعاملوا مع علاقتى بربنا انه واقع لحد ما بعدت اووى 
هختارلهم اب حنين وانا واثقة ان ربنا مش هيخيبنى فى دى بالذات لانه عليم بيا وعارف انى مش هقدر على دة لوحدى 
مش هتجوز واحد بيسافر.. انا عايزة باباهم يكون ليه دور فى حياتهم مش مجرد بنك 
هختار اب حنين، هختار اب حنين، هختار اب حنين 
 مش هعاملهم انهم تجارب بجرب فيهم ايه ينفع وايه يفشل فى تربيتى ليهم 
هعمل كل حااجة واى حااجة فى سبيل ان يوم ما الدنيا تضيق بيهم يرموا نفسهم فى حضنى ميدوروش على غريب 
هعمل اى حاجة عشان حضنى يبقى امان بجد مش حاجة تخنق او ملهاش تاثير 
هقدر خوفهم، هفهم قلقهم، مش هسمح انهم يضحكوا وجواهم وجع.. كل ضحكة مخنوقة بتقطع فى القلب من جوا 
امى قالتهالى اكتر من مرة ويمكن دة كان بيعطينى امل برغم كل حاجة قالتلى حضنك حنين كلمتها طمنتنى ان يمكن فيا حاجة حلوة مش قادرة اشوفها 
بدعى ربنا من قلبى ان ولادى يشوفونى ام.. بس ام بجد، حضن وطبطبة وحنية... بدعى ربنا ان ولادى ما يشوفوا منى قسوة... وان ميجيش لحظة يقولوا ماما قست قلبها علينا 
بدعى ربنا يصبرنى ويثبتنى ويهدينى ويدلنى لطريق يعوضنى ويجبر خاطرى 
اخر كلمة... ولادكم امانة.. حافظوا عليها🍃🌿❤️‍🩹

Mango_58735 🇪🇬

منذ شهرين

شعور مكسور القلب

موضوع:

ايه اكتر شعور حسيت بيه ولايمكن تنساه أو تنسى الموقف؟

احساس الظلم من اقرب الناس ليا يعني مظنش ان في حد شاف ظلم قدي في دايرتي علي الاقل من اهل دايما وقت ما اشوف حنيه الاهل لعيالهم مش بعرف يعني اخبي حزني علي الي وصلتله معاه مش هقدر انسا يوم ما كانت خالتي وامي بيقولولي في وشي من وانا صغيره انتي مش حلوه زي فلانه فلانه احلا منك فلانه هتتجوز حد كويس وانتي لا

Cherry_46314 🇪🇬 ربنا يطبطب على قلبك❤️‍🩹

عرض الكل 5 نصيحة

Pineapple_56731 🇪🇬

منذ شهرين

شعور مستنزف

مش قادره انسي ضرب بابا ليا لدرجه ان حصلي مشكله في ضهري من وانا في تانيه ابتدائي .. مش قادره انسي شكلي وانا زمايلي بيهدودني في كل حاجه ب بابا علشان عارفين قد ايه هو قاسي عليا .. عندي دلوقتي 18 سنه وهو مات من تقريبا اربع سنين وسامحته فتره بس مش قادره دلوقتي ... مش قادره انسي وانا بعمل حمام علي نفسي وه

Lemon_57051 🇪🇬 حاسس بيكي انتي شجاعة جدا ، انا مريت بنفس الموقف ابويا كان بيركز عليا اكتر من بقية اخواتي و ما كنش بيسيبني اخد راحتي في حاجه و كان بيضربني على حاجات تافهة ضرب مش طبيعي لو عايزة تتكلمي انا موجود

عرض الكل 11 نصيحة

Cookies_54262 🇪🇬

منذ شهرين

شعور متعب

بمناسبه أن العيد داخل والناس بتكون مع اهلها ومبسوطين وكدا ف انا كان نفسي يكون عندي أهل افرح معاهم ف العيد انا اهلي سبب كل مشاكلي وياريت يا جماعه محدش يجرح أو يدخل يقولي يعم دول اهلك ومتقولش كدا انا محتاج الي يساعدني ويفكر معايا وحد يكون فعلا مجرب الي انا بقول عليه دا 💔 ف طفولتي كنت بتعرض لعنف شديد

Coffee_53417 🇪🇬

منذ شهرين

شعور محبط

فى موقف كدا كل ما بفتكرة بقعد اعيط والموضوع مأثر فيا اوى زمان انا كنت بنوتة شقية اوى وفضولية جدا فا المهم كنت انا وبابا وماما واخويا برا فى مطعم وكانت اول مرة فى حياتى اشوف شاشه تاتش ومستغرباها اوى فكنت كل شوية بروحلها والعب فيها فا فى واحد ويتر قالى لا متعمليش كدا كدا ممكن تبوظ المهم مسمعتش الكلام

Mushroom_52318 🇪🇬 طبعا محدش يقدر يقول انه صح ابدا ولكن يمكن كان بيمر بظروف صعبه او حصل حاجه وكان متعصب ساعتها او ايا كان او حتي لو كان ساعتها معندوش خبره كافيه وتفكيره مش سليم اوي كدا يعني بس المهم ان هي متكررتش تاني واتحسن معاكي بعد كدا، يعني انا مثلا ابويا كان زمان حاجه ودلوقتي حاجه تانيه خالص فا انا المفروض اسامحه انا ليا بالي هو فيه دلوقتي لأن كلنا بنغلط المهم ان احنا نتعلم ونغير من نفسنا قدام

عرض الكل 3 نصيحة

Banana_47169 🇪🇬

منذ 8 أشهر

شعور منزعج

Chilli_45738 🇪🇬

منذ 8 أشهر

شعور مكسور القلب

موضوع:

هل تتمني ولادك يعيشو طفولتك وليه؟

اكيد لا والله لأن انا طفولتي كلها عباره عن ضرب واهانه وشتيمه وكل حاجه وحاجه زي الزفت وكنت بعمل كل حاجه لوحدي بخرج لوحدي بقعد لوحدي وبعمل كل حاجه لوحدي ومليش صحاب ولا كان في حد مهتم بيا فا اكيد ل لا ولو اتجوزت مش هخلف او لو خلفت هخلف واحد بس بس انا الفتره دي احسن الحمد لله وعندي صحاب جدعان

Strawberry_46415 🇰🇼 انا زيك والله

عرض الكل 3 نصيحة

Pistachio_71096 🇪🇬

لو حد حابب يتكلم أو نبقى صحاب، أنا موجود

لو حد حابب يتكلم أو يحكي حاجه او نبقى صحاب أنا موجد👈🏼👉🏼 اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا اااااااااااااااااااااااااااااااااااا ...عرض المزيد

0 الدعم

2 نصيحة

Mango_18632 🇮🇹

محتاج تفضفض؟ أنا سامعك

اي حد محتاج يفضفض او يحكي اي حاجه جواه سامعك 🥰 👨‍⚕️ ر ر ر ر ر ر ر ر ر ر ر ر ر ر ر وووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو ...عرض المزيد

0 الدعم

3 نصيحة

Sugar_73684 🇪🇬

تجاربي مع الولاد مسبولي تروما ومنهم لله رجالة

انا متخرجه من ٢٠٢٤ كان وقتها كنت معجبه بواحد في كليه وحرفيا كان فيه تلميحات من كلا طرفين دا اللي كنت فكراه بس وقتها كان فيه واحد تاني دخل كلمني من دفعه بيقولي أنه زميلي شافني في حفله تخرج وانا مكنتش مهتمه فعملتله حظر عشان انا معجبه بحد تاني مهم جه شهر ٩ وانا اعترفت لشخص دا لان خلاص بقا يجيلي خطاب كتير واي مبرري دلوقت اني مستنيه كل دا مهم أنه قالي أنه شايفني شخص مناسب اووي وأنه لو لف دنيا مش هيلاقي شبهي تستحمله كدا وأنه بيحبني كمان بس قالي كلمه كسرتني لحد دلوقت بيقولي عيبك الوحيد انك طفله ، انا تجاهلت كلامه وقولتله بكل ادب يا ابن حلال انا لا ليا في الارتباط ولا شغل دا وانا قولتلك انا معجبه بيك بس انا مش مستنيه منك حاجة مهم يعني عدي موقف وقالي أنه هيسافر وكدا وقولتله ربنا معاك انت شاطر واكيد ربنا هيكرمك قالي مش عارف برضو ظروف وكدا فقولتله محدش بياخد غير نصيبه وموضوع اتساب لحد كدا وهو مبعتش ولا انا عشان خلاص لان موضوع بينلعب علي مكشوف وحرام لو كلمته عدت خمس شهور شخص التاني اللي كان في حفله تخرج دخل كلمني بس من تلجرام كلمته صراحة عشان اشوف هو عاوز اي بس كلام عادي أنا حتي مش فكراه بس كنت بقول لنفسي اي الهبل دا هو انا بكلمه ليه فروحت عملت ليه حظر برضو مهم أن الشخص اللي معجبه بيه بعد ٥ شهور لاقيته خطب موضوع قهرني وزعلني اووي ممكن للان مسببلي تروما بس في وقتها لما شوفته خطب انا عملت ليه حظر لا دخلت قولت ولا تكلمت ولا كأنه في حياتي مهم اخر فترة وكدا والشخص اللي كان في حفله تخرج دا دخل يكلمني من رقم تاني وعملت حظر دخل من رقم تالت خالص مهم أن في الاخر كلمته عشان انا استغربت بجد اي كل الاسرار عشان يكلمني فأنا بالفعل كلمته لاقتيه أنه في جيش وفضله ٥ شهور ويخلص اتكلمت معاه صراحة قولتله انت بتكلمني ليه بجد انا مش من بنات شقط علي فكرة مليش في جو الارتباطات وحوارات دي قالي تب انتي رديتي عليا في الاول ليه قولتله عشان كنت بحسبك اخويا لان نفس الاسم فعشان كدا فتحت مواضيع معا فقالي بعد ما قولت كدا انا بعتبرك اخت وزميله كلمه دي استفزتني يعني الاسرار من سنه دا عشان تكلمني في الاخر عشان انا اخت وزميله ؟ قولتله بجد تعرفني منين قالي مش فاكرة تقريبا من جروب دفعة مع أنه قالي اعرفك من حفله تخرج قالي انا عاوزه اشوفك لو فيه في صورة أو حاجة قولتله مش ببعت صور لحد قالي أنه مش قاصده كدا تب حتي حطيها في بروفايل وهي كدا كدا محميه انا مش شخص وحش وانا وقتها فكرته بجد أنه ممكن يكون عاوز يعرف شكلي بجد وهو مش فاكرني علي كلامه اللي بيقوله وممكن قاصد شخص الغلط المهم انا جبتهاله بشكل مختلف أنا حسابي علي الانستا فيه صوري وهو حساب عام قولتله هات اسم حسابك وانا هبعتلك وبالفعل بعتله قالي اه افتكرت قولتله مبروك مهم قالي انتي ليه زعلانه انتي عاوزه اي وانا اعملهولك انا مش فاهمه حاجة هل شخص دا بيتسلي كمان 😂 انا اصلي بقيت تسليه منهم لله رجاله بجد عملولي تروما بس شكلي هعمل حظر تاني لو حد عنده رأي في حوار عمة يقولي عشان يفدني الواحد تعب نفسيا ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع