أصول التعامل

Hazelnut_37922 🇪🇬

منذ 8 أشهر

شعور محبط

عبّر عن شعورك بشكل مجهول

انا كشاب من النوع اللي لما حد بيدخل قلبي بديله حرفياً كل المشاعر الحلوة اللي بملكها وبحسها تجاهه، عفوي لأقصى حد طالما ارتاحت للشخص واتطمنتله .. وعلى الرغم اني اتعاملت كتير مع الجنس الاخر على مدار سنين حياتي بحكم الشغل او الكورسات او غيره إلا إني عمري مابديت حد وحطيته في مكانة خاصة إلا ولاقيته مش مقدر ده وزي مايكون مستغرب أن معاملتي مختلفة عن الناس اللي كانوا في حياته قبل كده وقد ايه كانوا مسببينله اذى فكان بيتعامل معايا بحذر شديد .. كنت في علاقة ما مع بنت ورحت اتقدمت وموضوعنا كان رسمي وكنا بنحب بعض ورسمنا احلامنا سوا جت في نص الطريق في وقت كنا زعلانين فيه من بعض زعل عادي عاقبتني انها تقولي اصل جالي عريس واتقرأ فاتحتي علشان تشوف رد فعلي وطبعا بما اني حد عزيز النفس ربقدر قيمتي تماماً قررت ابعد عن الانسانة دي تماماً ( علماً ان في طبعاً تفاصيل كتير في النص لا داعي لسردها ) وجت بعدها تعترف انها كانت بتقولي كده عقاباً ليا وماحصلش انها اتقرأ فاتحتها ولا حاجة .. عايز اقول ان الناس بتتعامل بسذاجة ومش بيحافظوا عليا لما بديلهم قلبي وفي النهاية يعلم الله وحده انهم بيجوا لحد عندي ندمانين وده اللي مريح ضميري الحمد لله .. ليه الناس بقت تدخل حياة بعض يأذوا قلوبهم ويمشوا؟ بيزرعوا جواهم نبتة سلبية وبيخلوهم يخافوا يتعاملوا مع الكل وياخدوا عاطل على باطل .. القلب بيدبل واللي بيشيل الهم ده الشخص الكويس اللي بيجي بعد كده .. راعوا مشاعر بعض وخلوا عندكم اصول ومبدأ لأن حقيقي الناس السوية نفسياً قلت جداً الفترة دي للأسف الشديد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_69336 🇪🇬

بقيت بتكسف أدعي ربنا من كتر ما بحس إني مقصر

بقيت بتكسف ادعي ربنا من كتر ما بحس اني مقصر، وربنا كرمني كتير رغم تقصيري، وعمري ما بطلت ادعي بالتوفيق سواء في دراستي او شغلي حياتي بس فعلا مبقتش بعرف انطق على لساني اني ادعي ب اي حاجه وانا مقصر كدا وكل ما اتوب وانتظم في الصلاه مثلا ارجع اقطع، انا مبعملش كبائر يعني بس احساس التقصير دا بقى مسود كل حاجه في وشي لدرجة اني بقيت اتكسف اكلم ربنا حتى واحساس الحزن ملازمني رغم ان اغلب الوقت من غير سبب،، اتمنى تدعولي ربنا يرضى عني ويهديني و يصلح حالي عشان الدنيا خربانه ...عرض المزيد

0 الدعم

4 نصيحة

Watermelon_69418 🇪🇬

كرهت حياتي وبتمنى أموت النهارده

انا كرهت الحياة بتمنى اموت النهارده قبل بكره ابويا وامي دايما ف مشاكل عيشتهم تقرف وبيعملوا من الحبة قبة بالذات معايا انا الله اعلم بقى بيكرهوني دونا عن اخواتي ولا ايه بقول لابويا الصبح يارب اموت قالي ربنا يقصر ف عمرك طالما نفسك ف كده ...عرض المزيد

1 الدعم

1 نصيحة

Ice Cream_70072 🇪🇬

مش عارف أتكلم عن لحظات ضعفي وخوفي من الحكي

مبعرفش اتكلم عن الحظات الي بكون فيها ضعيف بخاف احكي للناس القريبين مني يفتكروني ضعيف او بشتكي . كان دايما عندي ناس كتير اوى بحكيلهم بس كل واحد راح لطريقه بظروف ما.. دلوقتي بعد ما شيلت مسؤليات بقى صعب عليا افضفض واحكي لحد ومعنديش حد احكي معاه بدون ما يصدر منه احكام او يكلمني فى الموضوع دا بعدين ...عرض المزيد

3 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع