أخويا بس مش مقتنعة قصص حقيقية - 1 تجارب، ونصائح، ودعم

Pineapple_14977 🇪🇬

منذ سنة واحدة

شعور Great 🤩

صاحبتى عندها واحد بتقولى دة اخويا وصاحبى بس انا مش مقتنعة بكدة خالص وبقولها مفيش حاجة اسمها كدة وممكن فى اى وقت يجى يقولك انا معجب بيكى مهو انسان فى الاخر كمان بتقولى بيخاف عليا لما نبقا فى الشارع وولاد مثلا يبصولى وكدا فى نفس الوقت الولد دة بيهزر معاها بالايد ويمسك ايديها قال ايه هزار وكدةمش فاهمة

Cherry_12928 🇺🇸 طالما نصحتها كذا مره و عملتى اللى عليكى يبقى ملكيش دعوه بالباقي هى اكيد كبيرة و عارفه مصلحتها فين

عرض الكل 4 نصيحة

تعبان جدا ومش عارف أفكر بعد خيبات العاطفية

مساء الخير فالاول بس حابب اوضح الشريط من اوله بختصار : كان ليا ٣ علاقات فالاول اول واحده استمرت ٧ سنين و فجأه و بدون مقدمات عرفت ان البنت اتجوزت تاني علاقه مطولتش بس البنت سابتني ( بعدها حسيت انه خلاص مش هعرف احب تاني ) ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني بس امبارح حنيت لها اووووي و اتصلت عليها من رقم مش متسجل عندها و ردت عليا فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! طب فكي البلوك خلينا نتكلم ، لا و الله مش هينفع طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! قالتلي رد قاسي جدددا : قالت عشان انت مش شبهي و ياريت متكلمنيش تاني او تحاول توصلي و حتى صحوبيتنا انا مش عايزاها !! انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟ ...عرض المزيد

0 الدعم

2 نصيحة

مش لاقي مكان هادي في العالم الصاخب ده

حد اتبه ع حاجه في العالم دي ديما صاخب طول ما انت ماشي في أي مكان اي منطقه من بيتك لي الشارع في الشغل في المدرسه في أي مكان عام ديما صخب و دوشه اصوات و ازعاج في كل مكان الواحد مش لاقي مكان يعد فيه بهدوء و صمت غير اوضتي بس و حتي الاوضه إذا الشارع تحت زحمه تسمع أصوات العربيات الكلاكسات حد يعرف ازي الواحد يعزل نفسه عن الصخب في هذا العالم الأمر شبه مستحيل و حولت اتقبل الوضع هذا لكن الواحد يحتاج الهدوء اوقات كل حاجه تكون دوشه و انت عايز تعد تسمع صوت الصمت و غير لما تكون بتعمل نشاط بيتطلب هدوء زي القرائه قرائه كتاب أو تفكير في قرار معين حرفيا العالم مكان صاخب ...عرض المزيد

0 الدعم

2 نصيحة

تعبت من كلام الناس "ليه لسه مخطوبش؟"

السلام عليكم ورحمه الله وبركاته انا عندي ٢٤ سنه تعبت من كلام الناس انتي ليه مش بتنخطبي ليه دا انتي حلوه وجميله ليه قاعده لحد دلوقتي تعبت بجد من كلامه دا غير في اي تجمع عائلي الكلام اللي بسمعو يا حرام دا لسه مش اتخطبت وبنت عمتها اللي اصغر منه اتجوزت لحد لم تعبت بجد ودخل في اكتئاب بسببهم وكرهت الجواز وكل حاجه مع العلم ان مقتنعه اي كل حاجه نصيب والله ولسه نصيبي ماجاش نفسي يفهمو كده بجد انا شايفه نفسي لسه صغير اصلا وحابه اعيش حياتي بس هما كرهوني في حياتي بجد ...عرض المزيد

0 الدعم

7 نصيحة