أب عاطل

Biscuit_52366 🇺🇸

منذ شهرين

شعور غير مكتمل

عبّر عن شعورك بشكل مجهول

تخيل تبقى ف بيت ابوك راجل عجوز معدي ال70 سنة معندوش شغل ولا فاتح محل حتى وطول الوقت قاعد ماسك تلفونه وامك تكون قاعدة طول اليوم جمب ابوك تأكله وتشربه ولا كأنه عيل صغير واخوك الكبير ف 2 كلية غلبان وعلى نياته ف كل حاجة وشغال ف مكتبة بالف ونص ف الشهر وتبقى انت التاني وعندك اخين اصغر منك اخ واخت ... اخوك الصغير دا ف 3 اعدادي يبقى شمام وبتاع سجاير وصايع طول اليوم برا البيت ويرجع وش الفجر ومبيشتغلش ومخليك دايما ماشي ف الشارع مشبوه ... واختك صغيرة لسه ف 3 ابتدائي قاعدة دايما قدام التلفون ماهو مفيش حد ف البيت تقعد معاه هتقعد مع مين
وسط دا كله تبقى انت ف ثانوية عامة ومحتاجين منك مجموع.....
الانا حكيته دا مش مجرد قصة ولا تأليف بستدرج بيه تعاطفك معايا للاسف دي حياتي ودا الواقع بتاعي
انا بكتب الكلام دا مش عشان تدخل تقولي معلش والف سلامة ع المشاكل والخ الخ.......
 انا بكتب الكلام دا عشان حرفيا معنديش حل غير اني اصيح.. اصيح واقول اي حاجة جوايا يمكن حاجة تتسمع ويمكن حاجة تتغير قسما بالله الواحد شوية وخلاص دماغه هتنفجر من القرف والمذلة اللي بيشوفها اذا كان من اهله او من الناس الغريبة 
متخيل ان دي قصة واحد ف ثانوية عامة وفي اوسخ وقت ف السنة وقت الامتحانات..... ياخي قسما بالله كنت اتمنى اتولد ف عيلة تانية فيها اب وام واخوات احسن من كدا
عمتا الكلام مهما اتقال لا بيقدم ولا بيأخر اهم حاجة انت لو قريت الكلام لحد هنا فا احمد ربنا يبني ع ابوك اللي بيشتغل عشانك دا واحمد ربنا ع امك اللي بتحبكو  انت واخواتك بجد 
احمد ربنا يبني ع كل حاجة ومتبقاش زيي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_38437 🇯🇴

حياتي بين الأربع حيطان وانتظار شخص معين

مرحبا يوم عادي زي اي يوم روتيني صحيت بدري تعبان لاني كنت سهران مبارح كالعادة رحت ع الشغل اللي بوخذ يومي كله من ٨ لل٧ قضيت يومي بالشغل زيه زي اي يوم بعمل اللي علي بدون رغبة لكن لازم اعمله روحت تحممت اكلت و برجع بين الأربع حيطان بالعتمة اللي صحيح ممكن تبين متعبة لكنها مريحة جدا بسمع الاغاني اللي بحبها مخي شغال مش راضي يوقف ما في شخص معين اقضي معاه الوقت بدل الاغاني و الأربع حيطان لكن ممكن تيجي اللحظة اللي ترجع فيها الحياة الها طعم لما يجي شخص معين يقدر يتقبلني بالاشياء اللي بعملها زي ما انا نكون مرتاحين مع بعض لكن لوقتها مافي الا الأربع حيطان قاعد معهم اسف ع الإطالة ...عرض المزيد

0 الدعم

0 نصيحة

Pineapple_51151 🇪🇬

محتاج ترشيحات هدية لبيبي ولد جديد

مساء الخير كنت محتاجه ترشيحات عندنا بيبي جديد ف العيله وكنت عايز اجيب هديه ليه ومش عارف اجيب ايه ممكن حد يقترح عليا حاجه لاني مش عارف هو انا كدا كدا هديهم فلوس بس كنت محتاج حاجه كمان بس مش عارف اجيب ايه لو كان بنت كنت جبت حلق دهب انما البيبي ولد ...عرض المزيد

0 الدعم

3 نصيحة

Mango_73486 🇪🇬

منفصلة وحاسة بفراغ كبير وعاوزه اهرب من البيت

السلام عليكم ورحمه الله وبركاته انا منفصلة من خمس سنوات ومعايا اولادى ولد وبنت تؤام فى تانيه ثانوي بس انا حاسه بفراغ كبير جدا فى حياتى وعاوزه اهرب من البيت اكبر وقت ممكن مع انى موظفه بس أهملت فى موضوع الاكل وتنظيف الشقه على الماشى ويكون لسه داخله البيت فى عز الحر وعاوزه أخرج تانى مع أن عيالى الحمد لله مؤدبين وغلابه خالص بس كل واحد منهم قاعد على الموبيل بتاعه ولو اتكلمنا شويه صغيرين وخلاص وانا بدأت اخد علاج نفسي علشان انام واعرف اقعد فى البيت شويه بس المشكلة أما بخده بيتعبنى جدا وبيخلينى مش عارفه والله اروح الشغل اعمل ايه ...عرض المزيد

0 الدعم

9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع