يوميات بوردرلاين | ليه ببعد؟ أنا مش فاهمة… ليه كل مرة أحب حد بجد، ألاقي نفسي فجأة ببعد. عن أقرب شخص ليا، على الرغم من انو متفهم اللى أنا فيه ومعمليش حاجه وأكتر حاجة بتوجع… إني مش أول مرة أعمل كده. خسرت ناس كتير بنفس الطريقة: سكوت، عزلة، فقدان إحساس، وبعدين علاقة تنهار وأنا مش عارفة حتى أشرح ليه. دلوقتي… أنا في علاقة جديدة وبتبوظ زَيّ اللي قبلها، مش لأنه شخص وحش… لكن لأني تايهة. أنا ساكتة، مش بعرف أتكلم، ولا أشرح أنا حاسة بإيه… ومش حتى عارفة أنا ليه كده؟ حاسّة إني بتكسر من غير صوت، وبضيع من غير ما أسيب أثر. وكل اللي جوايا هو سؤال واحد: "هو فيّا حاجة بايظة؟ ولا دي طريقتي في النجاة؟"

2

23