ولد بيتكلم معايا ومش فاهمة دا إيه؟ 😅

Question

دلوقتي أنا ف سنة خامسة كلية وأنا لحد دلوقتي يعتبر مليش تعامل مع أي ولد خاالص ،  في ولد مكنتش بشوفه بيتكلم مع حد أصلا غير الكام ولد اللي معانا ف السكشن وقليل اوي 
مؤخرًا بدأ يتكلم معايا 🙂 ويهزر في مواقف ويسأل امتحنت ولا لسه وغيره
أنا مش فاهمة دا إيه وبقنع نفسي انه مش حاجة وعادي يعني يمكن بيحاول ي break the ice مع الدفعة ف آخر سنة 😂 بس ملقاش غيري أنا!!

Pineapple_27619 🇰🇪 · Accepted Answer

عشان متتعبيش طول م الراجل مقلش حاجة صريحة متعتبريش تلميحاته اي حاجة عشان الراجل اللي بجد بياخد خطوة و بيبقى عنده سعة لتقبل رأيك لو هو ناضج، فمتشغليش دماغك ع الفاضي خليكي فريش احنا ف رحلة 😂

Tofu_35041 🇪🇬 · Answer

😂 أنا مش منتظرة منه أو من غيره خطوة ولا فكرت فيها أنا كل تفكيري انه اشمعنا لما حد مش بيتكلم مع حد لما يبدأ يتكلم يتكلم معايا أنا اللي أصلا شبه عندي رهاب إجتماعي(مش بحب المصطلحات المكلكعة دي) ومش بحب ابقى ظاهرة ف التجمعات وأغلب الوقت ساكتة مش بكلم حد 
اللي هو باشا انت محتاج حد اجتماعي عشان يساعدك تنتشر وسط الدفعة مش أنا خالص 😂😂😂

Corn_34314 🇪🇬 · Answer

ماهو شكلها كدا هو شافك انتي كمان من غير تعامل فالطيور علي اشكالها تقع 
فوقع عليكي 😂😂😂

Banana_35773 🇪🇬 · Answer

خليكي في الـ ice اللي كنت فيه احسنلك
ومتركزيش معاه

أنا جايلك من بعدين وبقولك (خلي بالك)

Tofu_35041 🇪🇬 · Answer

لأ دا أنت تحكيلي البعدين دا فيه ايه بالظبط بقى🌝

Tofu_35041 🇪🇬 · Answer

I hope it's not true 
عشان أنا بتلكك أصلا 😂😂😂

Corn_34314 🇪🇬 · Answer

ماهو يعني هيكون جاي ليه ماهو حس انه فيكي شبه من بعض فاختارك تقوليش وينزداي 😂😂😂