Broccoli_19789 🇪🇬
9 months ago
.
Feeling Fed Up
وقت الخطر وقت الخطر 😈 امبارح كنت فى وقت خطر وكنت خايفه اقع أوووى كان فى أسباب كتير تخلينى ازل امبارح منها ضغط معين بمر به وكمان كنت مرهقه وزهقانه أوى وزعلانة وعايزة اقلب ف التليفون لحد مانام وغالبا مكنتش هسلم 🤕 فتحت العداد ولقيت أيام كتييرة اللهم بارك نظيفة وعدد عمرى فى حياتى ما وصلتله 🤩💃 خفت اقع وابوظ الدنيا ودخلت ع جروب التعافى وقلت انى فى وقت خطر والبنات ربنا يباركلهم نصحونى وردو عليا وانا ما صدقت واحده تقولى اشربى اشرب، اتحركى اتحرك، اعملى تمارين تنفس حاضر.. لحد ما نمت الحمد لله. الحمد لله ربنا انقذنى والله، الحمدلله انى موقعتش، الحمد لله إن ربنا هو الله، والحمد لله على وجود واعى وعلى التعافى، الحمد لله احنا فى نعمه 🙈❤️ 📢المهم ايييه بقا انى اتفجائت انى عندى وعي وبقيت بتعامل بطريقه مختلفه مع الإدمان 🙈 الأول كنت يقع بسررعه جداً ومبكملش دقيقتين فى وقت الخطر وطبعاً من غير ما آخد بالى انى فى وقت خطر أساساً، أو فيه أسباب أو إنذارات 😄 نظرتى دلوقت بدأت تختلف، بقيت بآخد بالي قبل ما يبقى فيه وقت خطر أصلاً انى اشرب مياه كافيه واعمل رياضه واسمع عن التعافى واهتم بالجوانب الأخرى. بقيت باخد بالى قبل ما اقع انى مثلا بقيت مع التليفون لوحدى او انى بقلب ع الفيسبوك بدون سبب او فيه ضغط أو حزن فبلحق نفسى واتعامل مع الاسباب دى أحسن ما اتعامل مع الرغبه أو انى اقاومها. ساعات لما ببقى في وقت فراغ أو زهقانه اوى ادخل جروب التعافى اشوف واحده محتاجه دعم او مساعده واعملها ده عشان انا محتاجاه، لما بلاقيها بتفرح مثلاً أو تدعيلى دعوة حلوة بفرح أوى ❤️❤️ ودايما بقول يارب انا هحاول اجبر بخاطر عبدك عشان تجبر بخاطري، يارب هحاول افرح عبدك عشان تفرحنى. وطبعا نظرتى اختلفت وبقا عندى وعى أولاً بفضل ربنا ومنه وكرمه عليا. وثانياً بفضل د.محمد عبد الجواد وفريق واعى وطبعا دروس التعافى لها دور كبير جداً، ما انت لازم تفهم وتتعلم عن الشيء عشان تعرف تواجهه صح، ربنا ينفعنا بالعلم ده يارب يارب مش نسمع وخلاص! ربنا يثبتنا ويعافينا ياارب ويعفو عننا جميعا يااارب ❤️❤️ #بشريات_بطلات_واعي
7
0
