مساء الخير يا شباب أتمني تكونوا بخير يارب دي تقريبا تالت مرة هكتب هنا عن الموضوع ده بس انهارده هتكلم عنه بصفة إنه إنجاز بسيط عايز أحتفل و أفرح بيه معاكم مش حاجه بحكي عنها و أنا مكسوف أو حاجه أخجل منها زي قبل كده .. أنا كنت مدمن إباحية و عادة سرية لمدة 10-12 سنة تقريبا و أنا إنهارده وصلت اليوم ال 80 من غير إباحية تماما و من غير عادة سرية ، الموضوع مكنش سهل ولا بسيط خالص بس الحمد الله إنه أعاني و صبرني أوصل للمرحلة دي كنت في البداية ببص ع رقم 90 يوم و أحس إنه حاجة بعيدة جدا و إنهاردة فاضلي رقم بسيط جدا أنا قدرت أعمل قده 8 مرات قبل كده بفضل ربنا ف الحمد الله.. دعواتكم ليا بالثبات و الهداية يا شباب و ربنا يثبت اللي بيحاول منكم انتو كمان و يهدينا جميعا و في النهاية في مقولة جميلاً جدًا كان مصاحباني دايما خلال الطريق ده و لقيتها واقع قدامي فعلًا .. " لو علمت أن لذة قهر الهوى أطيب من نَيلهِ لما غلبك "

7

7