من كتر الوجع على خروج حد من حياتي و اني قعدت فترة قلبي تقيل بالمعنى الحرفي ووجع وهروب ونوم كتيير صحيت في يوم لقيت نفسي ناسية حتى شكله بجد مش عارفة افتكر تفاصيل وشه مع ان كنا متجوزين عشنا مع بعض سنتين و شوية .. لو جت سيرته ومتجاهلتش و ركزت و افتكرت اي حاجة بجد من الفترة دي او اقدر اجمع شكل وشه تاني بلاقيني انهرت من العياط و احس بمرارة كل خسايري قدام عيني اني خسرت البيت و الزواج و الخلفة بعد مجهود جبار للحفاظ عليهم و بعد صبر و وقفتي معاه و الحقن المجهري اللي اضطريت ادخله عشان بس احافظ عليه و ع البيت برغم اني مكنش ليا علاج ولا عمليات لاني الحمدلله كويسة .. كل الخساير دي بتتجمع قدام عيني مبلاقيش حل غير اني اتوه نفسي باي حاجة مش بقدر اواجه وجع القلب دا خالص بعدها بشوية بتشغل وبلاقيني رجعت للنسيان الغير منطقي دا و مش فاكرة حرفيا حاجة و مش عارفة افتكر وشه ولا شكل البيت اوي كل حاجة في ذاكرتي بتبقى ضبابية عن الفترة دي هل دا بقى عادي و مجرد حيلة دفاعية من وجعي ولا دا غلط و هيعملي مشاكل .. والفضفضة و الكتابة تقال اوي عليا دلوقتي و مش قادرة عليهم ولا حتى بقدر اتكلم مع نفسي ان فعلا دا حصل و ان الطلاق تم فعلا برغم اني مغلتطش في حاجة وهو مكنش شخص وحش بس قدر بقى خير الحمدلله

0

10