هل هتنسى ١٢ سنه من الذكريات والحب؟

Question

هو الوقت اللى بتتكلموا عليه ده قد ايه ؟ بس الموضوع مش وقت ابداً متهيالى الموضوع مرتبط بان يجى حد يكون فعلاً امين عليك كشخص ساعتها متهيالى هتنسى اللى قبله انا حبيت وخطبت واتجوزت وبعد علاقه ١٢ سنه انفصلنا وباقلى ٣ سنين يمكن مفيش مشاعر الحب الاولى بس برضو مفيش نسيان اصل هتنسى ١٢ سنه ما بين مواقف وشوارع واماكن واغانى وغيره ازاى …

Pineapple_63846 🇪🇬 · Answer

ربنا انعم علينا بنعمه النسيان الإنسان بطبعه ناسي بس باختلاف المده بقي فيه الي بينسي بعد سنه و فيه الي بعد اتنين لكن الأهم أنه اكيد هيجي الوقت و تنسي بس انت تكون عايز ده 
يعني مثلا انا متوقع أنك بتفكرني نفسك بيه كل يوم طب ازاي عايزه تنسي ابدائي حياتك من جديد و صلي و ادعلي ربنا (اللهم دبري امري فأنا لا احسن التدبير) خلي الدعاء ده علطول علي لسانك

Coffee_53949 🇪🇬 · Answer

لا انا مبفكرش نفسى بيها خالص ومش عايز اعمل ده لان الاذى اللى اتسسبت فيه كان كبير وعديت بفتره كبيره ما بين الادويه النفسيه ومحاولات الانتحار والحمد لله طلعت على خير بس حضرتك انا راجل ما بين بيتى للشارع لسفرى كل مكان بعدى عليه كان فى ذكرى بلهى نفسى فى الشغل والقعده مع الناس بس برضو لو عدى يوم يومين التالت لازم تيجى سيره او موقف