هل طبيعي اعيط يومياً عشان محتاجه حضن؟

Question

جماعه أنا عايزه اسأل سؤال مهم اوي بالنسبالي

هل من الطبيعي إني ازعل اوي و اعيط لفترات طويله بسبب إني احتجت لحاجه احتياج شديد بس الحاجه دي مش موجوده؟

زي مثلاً اكون مضايقه أو متعصبه أو زعلانه و اقعد اعيط عشان في الوقت ده بحاج حضن و تكون المشاعر دي كلها هتروح بالحضن ده بس اقعد اعيط عشان مفيش حد يحضني مثلاً هل ده طبيعي اعيط لفترات طويله يوميًا عشان محتاجه حضن؟

Jackfruit_51332 🇺🇸 · Accepted Answer

☹️بكدا دا هيكون اكتئاب جامد ولازم تحاولي تخرجي نفسك منه هوا لو بصيتي حواليكي هتلاقي معظم الحجات الحلوه قليله وبتعدي بسرعه واغلب الوقت بيعدي بالعياط ودا اكتئاب بس انتي هتستغلي وقتك الي هتكوني حاسه فيه بالمشاعر الحزينه دي انك تغيري تفكيرك نحيت الحزن دا وانك تعملي الحجات الي بتحبيها حتا لو مفيش حد يشاركك فيها شاركيها معانا هنا

Jackfruit_51332 🇺🇸 · Answer

هو  طبيعي العياط لموقف ميئوس منه وملوش حل بس لما الموضوع يذيد لازن نعرف ان العياط مش هيحل المشكله ولا هيقلل احتياجنا فا الحل انك متحاوليش تكوني حساسه لانك في اي موقف  يحصل او حتا لو مفيش موقف او فيه سبب هتعيطي فا ع قد ما تقدري حاول تبسطي نفسك ومتخليش حاجه تدايقك واتكملي مع حد بتثقي فيه دا هيديكي احساس بالامان

Sugar_49511 🇪🇬 · Answer

و لو بعيط بقا عشان مفيش اي حاجه من دي موجوده اصلاً؟

Sugar_49511 🇪🇬 · Answer

كان نفسي اعمل اي حاجه بجد واللّٰه وحشتني الحاجات اللي بحبها بس مبقاش عندي شغف ناحيتها و بالنسبه للأكتئاب أنا روحت لدكتور اصلاً و اتشخصت بيه من زمان بس متعالجش بسبب اهمال الأهل + اسفه لو ازعجتك أو تقلت عليك بمشاكلي

Jackfruit_51332 🇺🇸 · Answer

لا عادي والله مفيش تقل ولا حاجه احنا هنا علشان نساعد بعض ونحاول نلاقي حل لكل حاجه بتواجهك وزي ما انتي قولتي الاهل اكيد ليهم دور ان الموضوع دا يزيد عندك فا نحاول ع قد ما نقدر ما نكتمش اي حاجه الي بيحصل وسبب الاكتئاب الكتمان الذياده بيذود الموضوع اكتر لا حاولي وانا هشجعك في الحجات الي بتحبيها وشاريكيها معانا ولو في اي حاجه متتردديش واحكي علطول

Sugar_49511 🇪🇬 · Answer

بحاول احكي كتير بس لما باجي احكي بنسى كل حاجه و لو حاولت افتكر مبفتكرش غير حاجات بسيطه و تافهة أوي و ممكن اجي في وقت تاني و افتكرها كلها فجأه و لو حاولن اتكلم بتتمحي من مخي حرفيًا و معرفش إيه السبب + تسلملي واللّٰه كتر ألف خيرك شكراً

Coffee_51317 🇪🇬 · Answer

الناس بقت فكرة احتياج للمشاعر بتبصلها بشكل غريب مع انو كلنا بنبقا محتاجين لحضن او حد يهون علينا او شخص نفضفض حاجه تعبانه كل ده طبيعي طبيعي تعيطي لان ممكن في الوقت ده دماغك مش لاقيه طريقه تانيه تطلع فيها المشاعر اللي انتي حسا بيها غير بكدا