هل ممكن يتحب حد زيي مع اضطراب الشخصية الحدية؟

Question

متشخصة اديلي سنتين بإضراب الشخصية الحدية تكاليف الدكاترة بقت عالية قوي ومن قبل ما تعلي أهلي قطعوا عليا مصاريف الجلسات لانهم شافو اني بتدلع انا بس عايزة اسأل هو انا في حد ممكن يحبني وانا كدا ؟ ايه اقصي حد للعيوب عن الانسان اللي تخليه لسة مقبول وممكن يتحب لان دماغي دايما بتجيب اني عمري ما هتحب وان اللي هياخدني هياخدني في الاول لانه منبهر لاني بعرف ازاي ابهر اللي قدامي في البداية بس هو اكيد هيسيبني ويزهق مني اول ما يعرف عيوبي وشخصيتي الحقيقية دايما بحس اني بمثل بس مش ده المهم المهم عندي ان حد يجاوبلي علي السؤالين دول هل انا ممكن فعلا اتحب ومش جو اه واكيد ومل الناس ينفع تتحب وكلام الافلام والمسلسلات ده ؟ وايه هو اكبر عدد للعيوب اللي ممكن يمتلكها الشخص عشان يفضل في دايرة المقبول واللي لسة عنده القابلية انه يتحب ؟ هل حد عنده تجارب مع الاضراب ده ؟ حد يعرفه ؟ يعرف حد اتحب بالشكل ده ؟ يعرف نصيحة تنفعني فعلا غير نصيحة حبي نفسك دي؟

Avocado_33223 🇪🇬 · Accepted Answer

إحساس إنك خايفة تكوني مش مقبولة بعيوبك وإن مفيش حد ممكن يحبك زي ما إنتي وحش اوى بس الحقيقة إنك مش لوحدك كلنا عندنا عيوب وكلنا جوانا حتة بنخبيها علشان بنفكر إن محدش هيحبها اللي عنده اضطراب مش إنسان ناقص، بالعكس ده إنسان قوي لأنه بيكمل حياته وهو شايل عبء كبير ومش بيبان إنتي مش بتتدلعي إنتي بتحاولي تكملي رغم وجع مش مفهوم للناس وآه في ناس فعلاً تقدر تحب، وتحب بعمق وتحب رغم العيوب وده مش خيال

Potato_63688 🇪🇬 · Answer

انا مش عارف ايه الاضراب الي بتقولي عليه بس هيحث عنه دلوقتى 
العيوب القاتله بالنسبه لاي راجل من وجهه نظري ف الشخصيه الاتي 
انك تبقي انانيه 
عنيده
فيمنيست
كدابه 
بخيله ف المشاعر او متردده في مشاعرك ودا اسوء 
صوتك عالي ( بالنسبالي انا مش عارف الباقي ايه)
غير كدا شكليات

Avocado_33223 🇪🇬 · Answer

بس محتاجه تصبري لحد ما تقابلي حد بيشوفك بعيون حقيقية مش بعدد العيوب اللي عندك
مافيش حاجة اسمها "إيه أقصى حد للعيوب اللي ممكن يتحب بيها الإنسان؟ لأن الحب الحقيقي مش قائمة مواصفات الحب الحقيقي بيختار الروح بيشوف اللي جواكي مش تشخيصك ولا ظروفك
ما تفقديش أملك في نفسك ولا في الحب مشكلتك مش إنك صعبة تتحبي مشكلتك إنك لسه ماقابلتيش اللي يستاهل قلبك

Cherry_62950 🇪🇬 · Answer

الدكتوره مفروض تفهمك حاجه زي دي ان ال borderline او الشخصيه الحديه مش مرض  هو من اسمه اضطراب شخصيه يعني هو اضطراب سلوكي انت شخصيتك محتاجه تشتغلي عليها علشان تقللي من خصائص الشخصيه دي زي تقلب المزاج متتعامليش مع نفسك على انك ناقصه حته ومريضه وتوصمي نفسك بحاجه انت طبيعيه وعادية معندكيش انفصام مثلا دا مرض و عضوي فاهمه؟
عامة انا كمان حديه وفاهمه صعوبه الشخصيه زي خصوصا فالأول لما تكون تقلباتك حاده اوي

Coffee_62965 🇪🇬 · Answer

في دكتور أنا شايف انو مناسب لي حاله دي أسمو دكتور عصام احمد

Chocolate_57909 🇪🇬 · Answer

اولا اه اي حد عنده الاضطراب دا بيتحب عادي جدا لان الاضطراب دا بيخلي كل حاجه عندك مفرطه المشاعر عموما بتببا زياده و دا ممكن يكون وحش في جزء بس حلو جدا جدا في جزء تاني دا بالنسبه لاول سؤال تاني سؤال بصراحه معنديش رقم اقدر اديهولك لان هي مش بتمشي بالورقه و القلم الحوار كله مشاعر انا بالنسبالي بتقبل كل الشخصيات عادي جدا ممكن بس بدايق من الناس اللي فاظه في الكلام او حاجه هو بيبقا حسب الاشخاص اللي حوالك

Broccoli_64144 🇪🇬 · Answer

انتي  عارفه انك مميزه لان اصحاب المرض ده حساسين جدا وديما شعورهم بيكون ضعب الشخص العادي

Banana_62864 🇪🇬 · Answer

اه طبعا تتحبي جدا كمان 
مش مهم كمية العيوب المهم تحسي الحب واللي بيحبك المهم العطاء ف الحب المهم تبقي عارفة ازاي تنبسطي وتبسطي نفسك واللي معاكي 
كلنا مليانين عيوب ومش واخدين بالنا متها 
ممكن ميزة واحدة فيكي تخلي الشخص اللي معاكي اللي بيحبك ما يشوفش كل العيوب اللي انتي شايفاها ف نفسك 
الاهتمام والعطاء 
بس

Waffle_54608 🇪🇬 · Answer

أنا واحد من الناس اللي ممكن احب حد اضطراب الشخصية الحديه عشان أنا بحتاج دايما برضو احس اني مرغوب فيا و مش بحب الانفصال ف العلاقات فأكيد ممكن تلاقي حد يحبك بكل عيوبك و يشوفها ميزه مش عيب

Donut_64147 🇪🇬 · Answer

هو اللي هيحبك هيحب كل حاجه فيكي لاننا بشر وكلنا فينا عيوب انتي مش لوحدك انتي محتاجه ثقه وحب للنفس قوي ومش مهم اي حد ينبهر بيكي كفايه انتي انبهارك بنفسك حبي نفسك بكل ما فيكي

Coconut_64383 🇴🇲 · Answer

بصي في ناس كتير حوالينا عندهم الاضطراب ده وميعرفوش عنه حاجة واتحبوا عادي ... وخليكي صريحة مع اللي قدامك وقولي انا عندي كذا انا متشخصة اكتئاب وقلق يعني اوقات بتوتر من اقل حاجة و كتير ببقى محبطة للي قدامي ف لازم اعرف ده بوضوح للشخص اللي هيكون معايا عشان يبقى عنده استعداد نفسي ل ده ... وهتلاقي طبعا اللي يحبك