هل قلبي أسود عشان مش قادرة اتخطى الجرح؟

Question

هو ايه اللي يخلي حد يقولي اني قلبي اسود عشان فاكرة حاجات عملها من زمان و مضيقاني لحد دلوقتي انا اه سامحته وبتعامل معاه عادي جدا مفيش حاجة بس الحاجات دي جرحتني اوي ووجعتني فغصب عني فاكرة الحاجات دي ومش قادرة اتخطي الوجع ده هل هو فعلا عنده حق اني قلبي اسود؟؟

Hazelnut_52786 🇪🇬 · Accepted Answer

ثق بنفسك اكتر من كده . مافيش حاجه اسمها قلب اسود . واللي يزعلك سيبو مش تناهز معاه ولو حسيت ان العتاب مش جايب نتيجه معاه . لا تلتفت الي اي شئ

Blueberry_52260 🇪🇬 · Answer

لا خالص ، انا بستغرب اوي كلمه " انت/ي قلبك اسود " دي يعني اصل احنا عمرنا ما بننسى اي حاجه دايقتنا بس بنسامح بس مش بننسى عشان مينفعش ننسى اصلاً ، و دي ملهاش علاقه ان انتي كده قلبك اسود

Biscuit_28797 🇪🇬 · Answer

بتتقالي كتير بس سيبك اصل اللي بيزعل مبينساش و اللي قال كده اكيد فاكر لغيره و كده بس انتي متصارحيش حد باللي ف قلبك و لو مش قادرة تتعاملي معاه و فكراله وحش ابعدي احسن اصل العتاب مش بيودي ولا بيجيب ولا اي حد بيتعاتب او بيقبل العتاب انما لو هتكملي ف الاحسن تنسيله و تسامحيه و مشي الدنيا يعني

Durian_52455 🇪🇬 · Answer

بلاش تخلى واحد ملوش لازمة يهز ثقتك فى نفسك لمجرد انه قريب منك..
انتى تستاهلى تسمعى كلام حلو واحسن من ده بكتير،
متسمحيش لحد انه يكلمك بأسلوب مش كويس،
لإن إنتى عارفة نفسك كويس ومش محتاجة حد يقول وجهة نظره عنك من نفسه،
كفاية بس إن ضميرك صاحى ومش بيجيلك نوم وانتى مضايقة حد 🤍
ربنا يجعل قلبك نقى وأبيض بفِطرته السليمة 🤍